\"بدايتي\"

هناك وقت ياتي علي المرء يظن انه لاشئ ليس له دور في الحياه وحيد في دنيا فانيه دنيا يوجد بها اشخاص لا يهمهم غير انفسهم يهمهم فقط التمتع بالحياه دون رقيب ولا حسيب لا يسمعون النصيحه ان هناك الله هو الرقيب عليهم ولكن كل هذا لا جدوي منه

      نبدا بالصلاه علي سيدنا محمد

وبذكر الله "الا بذكر الله تطمئن القلوب "

____________

اهلا انا اسمي "وتين" عندي 23 سنه في اخر سنه ف جامعه فنون جميله هي مكانتش حلمي زي ما حاجات كتير كنت بتماناها ومتحققتش كنت بحلم اني ابقي دكتوره مش مهم اي التخصص المهم اني اشيل عن الناس تعبهم بس انا الحمدلله ناجحه دلوقتي في الجامعه بس لسه بحلم بدا كل يوم

في صباح يوم جديد روتيني مثل البقيه استيقظت "وتين" علي صوت مزعج كانت قد تعودت عليه بالفعل صوت الضحك والصخب والاغاني التي لا تنقطع ابدا تعيش "وتين" مع والدتها واختها وخالها وزوجه خالها يجلسون ببيت او يشبه البيت يوجد به غرفتين والمطبخ والحمام فقط لكنها كانت تجبر نفسها علي التكيف في هذا الوضع التي تتمني ان تنام وتستيقظ في مكان اخر غير هذا لم يعجبها عمل والدتها في الرقص نعم الرقص وكان يعمل معها اخاها وزوجته ومعهم ابنتها الاخري ايضا تأففت "وتين" وقامت توضأت وصلت فرضها حتي تذهب للجامعه

"سلوي":بت يا وتين تعالي اقعدي فرفشي معانا شويه بدل ما انتي عامله فيها شيخه كده واقلعي البتاع اللي متكتفه بيه دا

"وتين"بصدمه:ماما قولتلك كذا مره اني مش بحب كده ومش بحب الطريقه دي وقولتلك قبل كده كتير دا خماري اللي هينفعني لما ادخل القبر ولما اقف قدام ربنا ولو سمحتي ياماما بلاش كلام ف الموضوع دا تاني

"عادل":امك عندها حق يابت انتي اللي مبوظه شكلنا ف الحاره مفيش غير وتين الشيخه بتاعتنا خليكي زي اختك كده عايشه حياتها لبس وخروج وفسح وميكب ومدلعه نفسها

"وتين":خالو لوسمحت متبقاش عليا انت كمان وانت كمان هتتحاسب علي دا "كلكم راع وكلكم مسؤل عن رعيته "يعني اللي انت فرحان بيها دي بتشيل ذنب كل اللي هي بتعمله وانا كتير نصحتها انها تلتزم بس ازاي وانتو بتشجعوها علي كده انا همشي احسن عشان الخناقه بتاعت كل يوم متكبرش اكتر من كده

ذهبت "وتين"ولا تعرف ماذا ستقابل

______________

"اسلام":انا زهقت يا علي قاعد ف البيت مش بخرج ولا بشتغل ولا اي حاجه عايز احس اني عايش مش محبوس ف قفص مش عارف اخرج منه انا عارف اني مش زي الكل عارف اني مختلف ايوه مختلف في حاجات كتير طريقتي لبسي كلامي وتصرفاتي كمان وممكن دا اللي بيخليهم ميقربوش مني بس انا من حقي اني اعيش زي اي حد صح

"علي":يا اسلام انا عارف احساسك كويس ومقدره بس انت مش فاكر اخر مره اي اللي حصل انا عارف ان الغلط مش عليك بس هو بردو مكانش يعرف حالتك انت جاتلك النوبه دي وطولت اوي غير كل مره لما لمسك بس

"اسلام":انا عارف دا بس هو كان بيضايق بنت وانا مقدرتش اشوف كده البنت صعبت عليا وهو شخص غريب اوي ومستفز بص انا مش عايز افتكر الشخص دا ويالا بينا عشان عايز اخرج دلوقتي

ذهب "اسلام" وعلي لوجهتهم ولا نعرف ماذا سيحدث لهم

قد نكون مختلفين لكن هناك شئ يجمعنا لا نعرف ماهو لكن الذي اعرفه ان هذا الاختلاف سيكون الدواء لنا

_____________

دي اول روايه ليا اكتبها يعني وانا لسه ف الاول ف ممكن يكون السرد مش احسن حاجه بس اتمني ان قصتها تعجبكم

#قلب_متوحد