الفصل السابع عشر من الجزء الثاني

بسم الله الرحمن الرحيم"

                 ________________

ريهانا: ماشي ومتجبيش سيره عشان ليث قالي مجبش سيره لحد

جاسيكا:ماشي

وطلعت من المكتب

                    _________________

تاني يوم في فرع شركة العمري جروب

_______________________

دخلت تالين المكتب بتاع يامن

تالين بهدوء: يامن بيه الورق ده محتاج يتمضي

يامن: حطي هنا وانا همضي

تالين: حاضر

يامن: تالين انتي زعلانه منى

تالين: انت شايف ان الي عملتو عادي

يامن: انا مش فاهم فيها اي لما الفرح يكون الشهر الجاي الفيلا جهزت وجبنا كل حاجه فيها

تالين: بس علي الاقل كنت قولتلي قبل ما تحدت مع بابا

يامن: خلاص بقا متزعليش وياستي هعزمك علي الغدا انهارده اي رائيك

تالين بابتسامه: ماشي

وسابتو وطلعت

                  ____________________

في فرنسا

________

سيليا كانت رايحه نحيت اوضتها في الفندق حست بدوغه واغم عليها كان في بنت في الممر شافتها وطلبت الاسعاف

بعد مرور نص ساعه

سيليا بدوخه: انا فين

البنت وهي بتكلمها عربي: متخفيش انتي في اوضتي اغم عليكي في الممر وكلمت اسعاف الفندق وقالو عندك هبوط ومعرفتش فين الاوضه بتاعتك فجبتك عندي

سيليا وهي بتقوم: شكرا بجد

البنت: طب خليكي قاعده شويه

سيليا: معلش مرا تانيه

البنت: طب انا معرفتش اسمك

سيليا بهدوء: اسمي سيليا

البنت: وانا جوري

سيليا بتذكر انها مش في مصر: اده انتي بتتكلمي عربي

جوري: ايوه كنت عايشه هناك واول ما فوقتي اتكلمتي عربي عشان كده عرفت انك مصريه

سيليا: شكرا مرا تانيه

جوري: العفو

ومدت ايدها بشنطه سيليا اخدتها سيليا ومشت من عند جوري

                      _________________

في مصر

________

جاسيكا وريهانا كانو عند ناديه

ناديه بقلق: محدش رن علي سيليا

جاسيكا: برن من بدري مبتردش

ريهانا بقلق: وانا كمان برن مبتردش خايفه يكون حصلها حاجه

مراد: يمكن في الشغل ولا حاجه

ريهانا: هرن تاني

رنت ريهانا وكانت سيليا لسه دخله الاوضه

سيليا بارهاق باين ردت

ريهانا بقلق: اي يا سيليا كل ده عشان تردي

جاسيكا وهي بتقرب عشان هما كانو بيكلموها فيدو

جاسيكا: اي يا بنتي رنينا كتير عليكي

سيليا وهي بتحط التليفون قدامها وبتسند ضهرها علي الكنبه: تعبت شويه عشان كده معرفتش ارد

ناديه بقلق: مالك يا حبيبتي

سيليا وهي بتبتسم: انا كويسه انتي عامله اي يا نانا

ناديه بدموع: هكون كويسه لما ترجعي خلصي الشغل ده وارجعي بدل ما انتي قاعده لوحدك

سيليا: حاضر يا تاتا

ريهانا: هقطع لحظتكم الحلوه وهاخد جاسيكا وسيليا وهنطلع الجنينه

ناديه: ماشي انا خلاص اطمنت عليها

طلعت ريهانا وجاسيكا الجنينه كان فيها كنبه وتربيزه الكنبه ضهرها للبوابه بتاعت الفيلا

ريهانا حطت التليفون علي الطربيزه وقعدت هي وجاسيكا علي الكنبه

ريهانا بقلق: مالك

سيليا بهدوء: قولتلك تعبت شويه

جاسيكا: انتي كدبتي علي تاتا وهي صدقتك احنا بقا مش مصدقينك

سيليا بتنهيده: كنت ماشيه في ممرات الفندق دخت واغم عليا

ريهانا بشهقه: اي انتي كويسه

جاسيكا بقلق: حصلك حاجه

سيليا بهدوء: لا في بنت هنا شافتني وطلبت لاسعاف بتاع الفندق واختدني اوضتها لحد ما فوقت

ريهانا: البنت كويسه يعني

سيليا: طلعت من مصر لاني لما فوقت اتكلمت مصري نسيت اني في فرنسا

جاسيكا بقلق: طب خلي بالك على نفسك مش هتنزلي بقا يا سيليا

سيليا لسه هترد شافت عربيه ليث

سيليا بهدوء: ليث جه

ريهانا بصت لقت عربيتو لفت بصتلها: ايوه عاوزه تكلمي

سيليا بهدوء: ماشي

ريهانا نادت علي ليث ويامن كان معاه

ليث جه واخد التليفون: سيليا حبيبتي عامله ايه

سيليا بابتسامة: الحمدلله انت عامل ايه

ليث: الحمدلله

يامن اخد التليفون من ليث

يامن بابتسامة: عامله ايه يا سلي

سيليا بهدوء: الحمدلله انت عامل ايه

يامن بضحك: انا الحمدلله اي مش هتنزلي مصر عجبتك فرنسا

سيليا بابتسامة: يعني ممكن انزل قريب

يامن: طب الحقي انزلي قبل ما الشهر الجديد يجي

سيليا بقلق: لي في حاجه

يامن بابتسامة: فرحي الشهر الجاي انا كنت عاملها مفاجأة ليهم بس انا مبعرفش اخبي حاجه عنك

الجمله وقعت علي سيليا زي السيف فضلت بصالو وسكته

وريهانا وجاسيكا بصو لبعض بصدمه عشان مكنوش هيقوللها

سيليا بابتسامة مصطنعه: الف مبروك

يامن بابتسامة: عاوزك تنزلي عشان المرادي عاوز الفستان والبدله من تصاميمك

سيليا وهي بتحاول متعيطش: اكيد طبعا، يامن معلش هقفل عشان لسه راجعه من الشغل

وقفلت سيليا مستنتش ردو يامن استغرب وبص لريهانا وقال: هي سيليا كويسه

ريهانا بعصبيه: لا البنت كان مغم عليها ولسه فيقه

ليث بصدمه: اي امتا ومن اي

جاسيكا بهدوء: حصلها هبوط وفي بنت شافتها وطلبتلها الاسعاف بتاعت الفندق

يامن بقلق: انا مكنتش اعرف والله

ريهانا بهدوء: محدش يعرف غيرنا تمام

وسابتهم ودخلت هي وجاسيك

ليث ليامن: اطلع غير وروح عشان تتعشا مع خطبتك زمنها مستنياك

وسابو ودخل

                  ____________________

في المطعم

________

دخل يامن وتالين

الجرسون: اتفضل يا يامن بيه التربيزه الي حضرتك حجزتها من هنا

قعد يامن وتالين وطلبو اكل

يامن بابتسامة: اتمنا تكوني سامحتيني

تالين بهدوء: المكان تحفه وكل حاجه حلوه هنا بجد

يامن بابتسامة: يعني سامحتيني

تالين بابتسامة: ايوه

بصتلو وقالت بتوتر: يامن كنت عاوزه اقولك حاجه

بصلها يامن بتركيز

تالين بتوتر:.........

                  ____________________

بقلمي "Haneen hany "

«غدر الاحباء»

الفصل السابع عشر من الجزء الثاني