البارت الرابع 🦅

حوراء المحمداوي ...

بقلمي « مهمة سرية »

°°°°°°°°°°°°°°°°°°°°°°

°

﷽

°

حنين: احس الدنيا كلها توقفت ماكو غير كلام حسام اليتردد براسي …« مهمتج بأزقة الموت لمدة سنة »

درت وجهي على الطريق امنع تكرار الصوت براسي فتحت الجامة اتابع الطريقة بدون وعي تنزل عيني على الساعة تعد مرور …ثانية … دقيقة … ثنين … حركة مرور تسير بطئ غمضت عيوني وزفرت بملل بدأت طاقتي على الصبر تنفذ مديت راسي من الجامة اشوف طول الازدحام الموقف السير … تزمير السيارات … بعد المسافة على مفترق الطريق … غضب الركاب على سوء تنظيم السير  … تعالي اصوات البائعين

خليت الفون بالجنطة وندهت الكدامي :

لو سمحت اريد انزل

:راح ايفض الازدحام صبري

حنين: لا تأخرت

:براحتج خوية

حنين:فتح الباب ونزل خليت الجنطة على كتفي ولبست النظارة نزلت ورا تشكرته … كملت الشارع مشي بعدت مسافة بدون ما احس على الطريق كأن العالم خالي من البشر … توقفت بنهاية الشارع تمر السيارات بحرية اشرت لتكسي وصلني للبيت انطيتة الكروة ودخلت لبيتنا توجهت للاستقبال دفعت الباب بقوة فزز كل الموجودين …

ثائر : شبيج صاير شي

الاب : شبيج بوية

حنين:تجاهلت تسأؤولات الكل وجهت نظراتي الابوي: تكدر تفهمني شنوو نووع الشغل الدخلتني بي

الاب : اي بنتي ابو يقين كال مفتشات

حنين: بغضب

اكو وااحد يسجل بنته بشغله ميعررفهاا وميتأكد منهاا بنفسة ولاا تكلييي ابووو يقيين منوو هوو حتى تمشيي بكلامة وتذبنيي بهلل جحييم

مثنى : ولججج وكعتي كلبي شصاير احجي

الاب: شبيج بابا شصاير ياجحيم

حنين:مهمتي اكون شريكة وي النقيب لمدة سنة كاملة انطهر دنس الازقة الماكو رجال يكدر يأمن على روحه بداخلها كلولي شلوون اني ادخلهاا واحمي نفسي منهم

الصدمة اعتلت ملامحهم من بعد صمت ثواني انفجرو بوجهي …

مثنى:كلتلكم من البداية ممرتاح للشغلة لتسجلوهاا بس الظاهر مالي كلمة هنا ، بنييه تروح هيج مهاام ويننن صايرة يا ناس ولكم زلم مشوربة تخاف تدخلهاا 

الاب: بنتر

لتصعب الموضوع اكثر من هيج انروح  نلغي العقد وخلاص

مثنى :لجج حسبي احساابج من اليووم ماااكو روحة فهمتيي لو لااا سواا قبلوو فسخ العقد او لااا

حنين:شكوو تصيح عليه حالي حاالكم انصدمت بالمهمة ومستحيل اتقبلها شنو مرايده نفسي حتى اروح

مثنى: لعدد شكوو رحتي من البداايه اذا مرايدتهااا

حنين: لا تذب غلطكم عليهه شنوو اني الكلتلكم على الشغل لووو اااني القننعتكم بيي موو جاان الحجيي كداامكم كال باجر اسسجل حنين ليش ما اصرريتوو على رفضكم ليش ما رحتو تاكدتو منه لو مااا صدكتوو لكيتوو شيي تلوموني عليه ماكو غير حنين تفرغون غصبكم عليها

مثنى :انطيتج مجااال وصرتي تتمادين

حنين: نطيتني مجال لشنو !!!

مثنى :لا تعليين صوتج بوجهي لتخليني امد ايدي عليج

حنين:هذا الكادرين عليه اليضوج ايذب ضوجته بحنين اليغلط ايذب غلطتة بحننين اليتورط ايخلي السبب بحنين مااكو بالدنيا احد غير حنين تتعاقب وتتحمل غضبكم

مثنى: حنييين

حسن: عايفين المشكلة الرئيسية وجاي تتعاركون على شي منتهي

مثنى: مااكوو شيي منتهي وخلوهاا ابالكم مجرد دخولها لذيج المنطقة نخسر شرفنا تدرون كل الزين محد يدخل ذيج المنطقة ويطلع سالم ساعتهاا ويين نوديي اوجوهنا من الناااس

حنين: بصدمة

يعني الهامك شرررفك وسمعتك ماا همك اختك اذا طلعت عايشة لووو ميته ولا همك شنوو االمهام الرايحتلهاا ولا العيشة الراح تعيشهاا بهل سنة ولاا الاشكاال الرااح توااجهة !!!

مثنى: مااكو اهم من الشرف مستعد اكتلج بيدي ولا اسمع كلام الناس

حنين:لك انت هم حاسب نفسك اخ ، بددل متساندني وطمني اطلع من المصيبة الوكعتوني بيهاا جااي تهدد بقتلي

صار ابوي بينا دفع مثنى بغضب

الاب: واااكف بنصكم محد عملي احتررااام وسكتت

حنين: ما اتشووف كلامة وياايي

مثنى :عسى ما اكسسر رااسج ماااتفكين حلكجج فووك المصييبة الجبتيهاا النااا اطولين اللسانج

حنين:يااا مصييية هاااي الجبتهااا انتت واعيي لكلاامك

ثائر: كاافي مثنى تراا مصختهااا

منثى : لاا تدخل

حسن :لا احترمتوني ولا حترمتوو ابوكم البنصكم

مثنى :وجهه كلامك لهااي مو اليي

الاب: ما اسمع صوتتكم ابدد لاا قسسما بالله اطرردكم من البيت لك احناا ويين حاايرين وانتتم وين تحجوون

حسن :خل نروح للمركز نشوف القضية شنو عسى وان نلكى حل ننهي كلشي قبل لا يتعقد الموضوع

الاب: اغير ملابسي واجي اليريد يجي يفضنا بسرعة

حنين:غيرو ملابسهم وطلعنا للمركز ، اخذت الطريق كله صافنه شنو الراح ايصير اذا رفض يفسخ العقد وشلون اداوم وي شخص مطايق وجودي وياا !؟ بالوقت الازم احتمي بشخص بالازقة صار لازم الكه شخص احتمي بي من النقيب

طبكت السيارة يم المقر الاداوم بي شوفتهم الباج ودخلنا متوجهين الغرفة المسؤول قبل لا نوصل صار حسام بوجهي … سيادة النقيب

حسام : نعم

حنين : الدي و اخواني اجو يردون يلتقون بالمسؤول

حسام :تمام تفضلو وياي

حنين :التفت عليه بنظرة يمكن لو ما اهلي وياي جان دفني بمكاني تجاهلتة وكملنا طريقنا لحد ما وصلنا

حسام: تفضلو هذا مكتب المسؤول

حنين: اذ امكن تدخل ويانا

حسام: تمام

حنين: اديت التحية وقدمت اهلي اوضح سبب قدومهم اله بدا الموضوع بهدوء ثواني وتعالت اصوات نقاشاتهم بين فسخ العقد ورفضة

الاب: بنتي مستحيل تدخل بهيج مهمة اريد تلغي العقد

- بنتك قدمت بأرادتها وتوقيعك موجود مو من حقها تنسحب قبل سنة من العمل

- الاب: افهممم بنتي مستحيل اخليهااا تشتتغل هنااا قبلتوا او لاا

- تمام بهيج حالة بنتك تنحبس لمخالفتها العقد وحسب القانون تعتبر سبب بأيقاف مهمة خطرة يعني لو تنحبس لو تدفع غرامة قدرها *** مليون

الاب:المبلغ تعجيزي والحبس مستحيل كلنااا نعرف السجون العراقية شنوو شلوون اترك بنتي بيدهم

- لعد اترك الموضوع ولتعطلنا عن عملنا وهي راح تكون شريكة مع  النقيب حسام ميصيرلها شي

حنين: تجولت نظراتي بين المسؤول المصر على اكمال المهمة وبين ابوي الذل نفسة وشيباتة حتى ايخلصني منه بدون ميوكعني بين جحيم الحبس و الازقة …

اتجهت نظراتي لحسام المكتف ادي او واكف على جنب يتفرج على المشاحنات الصارت بين اهلي والمسؤول…التفت عليه قابلتة بنظرة عتب اتمنيت اصرخ بوجهه واطلعة من صمتة ليش ساكت مو انت الاقترحت عليه انسحب ؟ مو انت الخلصت اشهر ادور على زلة تبعدني بيها عنك؟  هاي اني اليوم جايتك اريد ابتعد سمعني صوتك كول ما اريد حنين كول حنين فاشلة ماتنفعني فزيت على صوت المسؤول الغاضب ضرب المكتب واشرلهم على الباب

-انتهى الكلام حنين تستمر بعملها لمدة سنة غير هل كلام تلكاها منورة الحبس واليوكف بوجهنا ينحبس وياها

حنين: طلعنا من المكتب بخيبة امل رغم رفض مثنى بقائي هنا بس خفت ايحبسوهم بسببي طلبت منه يرجع للبيت اكمل تدريبي وارجع بالخط

مثنى:النا كلام ثاني بالبيت

حنين: بقت نظراتي تتفحص خطواتهم الخرجت من البناية ، مسحت وجهي وتنهدت بحيرة

حسام :كتلج انسحبي مقبلتي

حنين :رفعت صبعي بتحذير

انت اااخر شخص اسمع صوتة

دفع صبعي الموجهته عليه وتابع كلامة ابرود

حسام: نصحتج وما فاد

: يا نصيحة لك لييشش مكتلي هاي المهمة هيييج ليش محاولتتت تمنعنيي وتوضحليي حقيقتهاا شنو ! وحتى هسه مكلفتتت نفسكك تدخل وترفض وجودي كنتت تكدر تستغل الفرصة وتكول حنين مو مناسبة الهاي المهمة اريد بديل عنها

-حاولت بس انتِ غبيه

:غبيه؟ اني موغبيه لان أمر وصل متعرفون مهامكم اله بعد اربع اشهر يعني من تجي حضرتك بس بدل متكلي مهمتج هييج سكتت وحاربتني على رتبتي و جنسي دامني بنت هل شي معجبك

- موو شغليي

:لعددد شنو شغلك ! تهيينيي تعذبني تستحقرني هذا شغلك سياادة النقييب موو ؟ شينقص منك لو حاجيلي هاي مهتمتج

تبدلت ملامح البرود لغضب قرب عليه وتابع كلامة

-مجاي هنا حتى اكلج شنو سبب وجودج هل شي لازم تعرفي قبل لتقدمين

: جمعت خصلات شعري وضغطت راسي بضياع

بسببكم خربت حياتي

-واني شعلي

: جنت تكدر تكلي مهمتج كذا وكذا بهل حاله اظل افشل بالاختبار وفسخ عقدي يصير بكل سهوله بس انت كل همك اني بنتتت متدرربة هذاا الهامك وبس ، شتخسرر لوو اجيتني مثل البشرر وحجينا بهدوء وتكلي مهمتج بهيج منطقة شلون راح تجين بيهاا ساعتها كان انسحبتت بسس انت شسسوويت ؟حوولت التدريب لمنافسة وتحدي شلوون تخليي حنيين تندم لان دخلت شريكة وياااك وشلوون تخليها تنسحب حتى تنتصر عليها همك ادمرني وبس

- سمعيي كلامج هذا كله بدون فايدة لان فات الوقت عليه من زمان وخلي ابالج اي محاولة للتهرب تضرين نفسج و اهلج لا تجين بعدين وتكولين ما كتلي

ويلا مظل وقت لازم نكمل تدريب حتى نجهز للبدء بأخر خطواتنا

: بتوعد

صدكني راح اندمكم كلكم

-الضاهر الصدمة اثرت على عقلج روحي للبيت وباجر تعاي نكمل ولتنسين اي حركة غبيه ماريد تذكري حياة اهلج بيدج

:بشك

ليش احس هاي لعبة منكم غيرتو المهمة؟

-غير تستقر ليش منو انتِ حتى نتأمر عليج

:لان مستحيل تلكون بنت تتقبل هيج مهام

- شنو الخلاج تجين للتدريب وليش ما تأكدتي قبل التسجيل

:تأكدت من يقين انو شغلنا مفتشات اكدتلي على هل شي اكثر من مرة  لهل سبب ما اجيت استفسرت كبل سجلت واثقة منها

قرب عليه وهمس بستهزاء

- وليش واثقة من يقين يمكن تدري بنوع المهام وخدعتج

: اقرب صديقة الي ليش ما اثق بيها اما تفكيرك المريض لا يدخل بيني وبينها

-واذا كتلج يقين

:قبل ليكمل كلامة اتصلت عليه مرت حسن استغربت من اتصالهاا كبل رديت عليها :ها سمر خير

سمر:لجج اابوج متخربط واخذوو للمستشفى روحيله بسرعة

حنين: شنوو بيا مستشفى

سمر: راح ياخذو للـ ***

حنين:سديت الخط وطلعت ركض بدون ما اسمع شيريد ايكول رحت على مستشفى الموجود بيها بابا لكيتهم كلهم منتظرين بالممر ركضت على امي بخوف ... شبي بابا ليش تخربط

الام: بتنهيدة

يمه اخوانج متعاركين وياا ماتحمل لومهم وعتبهم صعد عندة السكر

حنين: وهسه شلونه

الام: الحمدلله صار زين شوي ونطلع

حنين: معرفت شكول مالوم اخواني لان الموقف الاني بي مو سهل وكان لازم يتأكد قبل ليسجلني بس شنو فايدة العتب مراح ايغير شيء

سجلنا خروج ورجعنا للبيت حايرين شلون نخلص من المصيبة الوكعت بيها والشروط تعجيزية … من بعد نقاش مطول قررو ابقى بالمهمة بس اخواني متحملو وطلعوو معجبهم القرار: تضحون بيه بهل سهولة؟

الاب:بويه تعرفين الشروط منكدر عليهن ولا نكدر نخليج تنحبسين

حنين: صعب انحبس بس سهل اروح لذيج المنطقة؟

الاب: بعجز

عذريني بويه ماكدر اسويلج شي وابو يقين نفس وضعي ورطناجن بهل مهمة ماحسبنا احساب هل يوم

حنين: عفتهم و صعدت الغرفتي كل تفكيري شلون وصلت الهل مرحلة و شلون عبرت عليه وماعرفت انو هيج كم من التدريبات مستحيل تكون مجرد تدريبات للتفتيش ! زين ليش يقين كالت تفتيش معقولة خربطنا بالموقع لو شنو !؟ وشنو نوع مهمتها

الف سؤال ايدور ابالي وماكو غير يقين تجاوبني عليهن لازم التقي بيها وتحجيلي كلشي ، مسكت راسي بتعب  احس عقلي حينفجر من التفكر غمضت عيوني مستسلمة لهروبي  ...

كعدت الصبح صليت وبقيت كاعدة على السجادة ماعندي غير ربي ايطلعني من ضيقي والكه طريقة اخلص بيها من المهمة

انتظرت شوي واجاني الخط ابو الخط كلش محترم بس سوالفهم المضروبين بوري متخلص وينكد علينا بأغاني الحزن ايحسسني بشعور الارملة و الخاينة والمضروبه بوري ... اول موصلت صار  وائل بوجهي :

وائل: صباح الورد

حنين: اتجاهلتة وطلعت كبل حسيت بي اجه وراي

وائل: مو احجي وياج ليش متردين؟

حنين: حضرتك تعرفني؟

وائل:رغم معرفة مو قوية بس انقويهة ماعدنا شي

حنين:ختم كلامة بغمزة زادت غضبي وكرهي اله

حافظ على عينك لان مرة لخ افكسها الك

كلت هيج ورحت لقاعة يقين افهم منهاا الوضع لان ما اجت ويانا بالخط … صباحوو بذاتة

يقين: صباح الحب شلونج

حنين : موزينه ابدد

يقين: ليش شبيج

حنين: حجيتلها الصار كله بس مضهر عليها علامة الصدمة بالعكس كأنها تدري

يقين: هـ ها اي انيهم هيج مهمتي

حنين: حسيته تتهرب مني حتى متباوع بوجهي استغربت من فعلها وقبل لا اسئل كالت :

يقين:  بلش تدريبي ماريد اتأخر

حنين: عافتني بشكي وتساؤلاتي وراحت ركض بقيت اباوع عليه تركض وتتلفت بتوتر تغاضيت عنها ورجعت للتدريب

رحت لمكان تدريبي لكيت حسام لسه مجاي تعودت عليه يتأخر  بس اني اذا اتأخر ثواني تقوم القيامة ، شمرت الجنطة وظليت افتر وحدي بالمكان اقل الساعة واجه

حسام: يلا على التدريب

حنين: صباح النور سيادتك

حسام :مصبحت عليج حتى تردين !

حنين: اعرف الاصول لهل سبب حبيت اذكرك السلام يسبق الكلام

حسام: بعدم اهتمام

يلا اذا كملت محاضرتج نبلش

اليوم تدريبنا عبارة عن تدريبات جسدية وطرق الدفاع والهجوم وصد الضربات في حال تعرضنا للهجوم وكان السلاح بعيد عنا نستخدمهن والاكثر في حال الخطف

حنين: شكد نسبه احتمال تعرضنا للخطف؟

حسام: 99%

حنين: بقت على 1%

حسام: حتى متخافين نقصت 1% والا هيج نوع من المهام بيها نسبه عليا من الخطف و القتل

حنين: السبب !؟

وكف مقابيلي وتابع بنبرة جادة

حسام:المنطقة عبارة عن خلايا كل خلية الها اسلوب بالرد على الدخيل منهم اليقتله واكو ايخطفة و اكو اليتملكة

حنين: يتملكة !

حسام: اي هذا الاسلوب يستخدمو اذا كان الدخيل بنت

حنين: شيسوون بيهن

حسام: كل انواع الجرائم اتخيلي ايحولوهن للدعـ*ـارة او للملاهي الحدما تستنفذ قوتهن ايشمروهن لتجار الاعضاء

حنين:سره الخوف بجمسي كد ما حاولت اخفي فشلت

حسام: خفتي!

حنين: باوعتله بنظرات استنجاد

حسام: بتنهيدة

اتمنى لو سامعة كلامي ومنسحبه

حنين: ممكن انبلش تدريبات

حسام: اي ممكن

حنين: وكفت مقابيلة رفع ادي بوضع الحماية واشرلي

حسام: سددي ضرباتج خليني اشوف مدى قوتج

حنين:ابتسمت بداخلي بشر احس اجه الوقت الانتقم بي منه بحجة تدريب …طكطكت ركبتي وتراجعت خطوتين استعد للهجمة باوعت بعيونه ثواني وهجمت كانت نظراتي مركزة على ايدة مجرد قربت سددت الضربة برجلة بس للاسف كان اذكى مني

حسام: محاولة فاشلة كالعادة

حنين: قبضت ايدي بغضب وهجمت عليه اضرب بدون وعي ولا انتباه لمكان الضربة …كانت ادي تصد ضرباتي بدون رد فعل منه … تسارعت انفاسي بغضب بتسارع ضرباتي العشوائي مسك ايدي لفها ورا ظهري بقوة وقرب عليه …

حسام:لا تفرغين غضبج بأول جلسة كدامج سنة كاملة

حنين :حنين حاولت افلت روحي منه ماكدرت

ماتخلص السنة قبل ما تخلص روحك

فلت ادي ودفعني بخفة

حسام: فري الميدان خمس دورات

حنين: …

استمريناا بالتدريبات حد منتهى الدوام رغم التعب الجسدي لكن انجبرت استمر بالتدريب حتى ما يجي يوم اندم لان ما اتعلمت منه

استمرت الايام مثل ما هي عشت بين حربين حرب حسام وحرب اهلي الماتنازلو عن زج المصيبة براسي وحملوني مسؤولية خطرها رغم همه لورطووني

في صباح ذات يوم ...

نفس الروتين اليومي واغاني الخط الكئيبة لحد منوصل للمكان المخصص النا

اول مدخلت صار بوجهي وائل اتغاضيت عنه و ستمريت بطريقي حسيته يمشي وراي بعدت الفكرة من عقلي … اكيد رايح لغير قسم  سرعت خطواتي ودخلت لمكان تدريبي باوعت بأرجاء المكان مالكيت حسام الظاهر هم يتأخر  نزلت جنطتي خليتها بمكانها شفت خيال شخص وراي تغيرت ملامحي بشوفة وائل  :

: شعندك لاحكني ؟

وائل: شفتج ما تجين فااجيتج بنفسي حتى اذكرج مظل شي وتخلص اقامتج هنا

حنين: والمطلوب شنو؟

وائل: انت كولي شنو المطلوب مني

حنين : مفهمت وضح كلامك

قرب مني ومد ايده لشعري قبل لا يمسكه لويت ايده بقوة ودفعته … مسك ايده بألم وتابع كلامة

وائل: شوفي لج هل حركات متمشي عليه شايف وبايع قبلج هواي لا تمثليهن عليه ادري بيج راغبتني

حنين:لك اانت شتمسلتت منتبه النفسك

وائل:الصوت العالي والعصبية هم عوفيهن على صفحة القبلج هواي هيج بالبداية وتالي اجن برجليهن الي

حنين :رجع قرب عليه وهمس بستهزاء

وائل:خاف تردين النقيب ايبلش بيجج اول شي اذا هيج تفكيرج فأنسي النقيب ميقربلج لا الج ولا لغيرج فتعاي برضاتج احسلج ترا تندمين بعدين

حنين :احس نار اشتعلت بداخلي لهل درجة محسسني اني رخيصة دفعته بقوة تعثر بخطواتة وكع استغليت وكعته وهجمت عليه اتخيلتة مثال حي لكل تدريب ادربتة على ايد حسام بدون ما انطي مجال ايدافع عن نفسه

لكك كلب حقييير عبالك رخيصة مثلك يا حيوان …

اجن البنات على صوتي رادن ايبعدني ماكدرت احس فقدت اضرب بي واشتم بدون ميحاول ايدافع عن نفسة … حسيت بأيد حاوطتني وندفعت من وائل اللتفت على حسام الحتدت ملامحة بعصبية

حسام: شنووو اليصيير هنااا

حنين: بعدت ايده المحتضنتني واشرت على وائل

لك هذا الجلب مفكرني انـ

قبل لا اكمل كبل حجه وائل اليلهث بتعب

وائل: سـ سيادتك شـ شوفة عينك ما ضربتها لانها بنت

حسام: شنوو الجااابك هناا وانتت مكاانك يم البوابة

وائل: سيادتك اجيت هنا حتى احذرك منها

حنين: تحذر منوو ياا كلبب

حسام: صوووتتج حنييين

وانتت الغيي تحذرني منن شنوو

وائل:سيدي قبل لا تدخل سمعتها تخطط هي وصديقتها ايخربون المهمة الداخلة بيها شريكة وياك تكلها راح ادخل المهمة واخربها اله اندمهم ومن سمعتها كالت بس تحجي اكلهم يريد يعتدي عليه واخليك تخسر شغلك

حنين: …

'

:: لا تنسون التصويت + تعليق …