فصول الرواية
مهمة سرية
حوراء ”المحمداوي“
قائمة الفصول (8)
وائل:سيدي قبل لا تدخل سمعتها تخطط هي وصديقتها ايخربون المهمة الداخلة بيها شريكة وياك … تكلها راح ادخل المهمة واخربها اله اندمهم ،ومن سمعتها كالت بس تحجي اكلهم يريد يعتدي عليه واخليك تخسر شغلك
حنين: توسعت عيوني بصدمة شلون فر الموضوع عليّ ومخلالي شي احجي اباوع لحسام احتقن وجهه بغضب اعرف مدى تحسسه من المهمة
حسام: الكل يرجع لمكان تدريبة انصرااف
: امرك سيدي
حنين:مجرد طلعو رحت عليه
سيادتك الحجي كله كذب مو هيج الموضوع
حسام:لججج اني شحذرتج كتللجج ما اريد اييي حركة غبية منجج لوو لااا
حنين:صدكني كلامة مو صحيح
حسام:شنوو المو صحيح؟ مووو انتِ التهدديين اندمكم واندمكم لوو لاا
حينن: اييي كلتت هيج بس مو معناه كلام وائل صحيح ليش متحاول تسمع مني وتعرف شنو الخلاني اسوي هيج
حسام:مطايق وجودج من البداية وهاي للمرة الاخيرة اي غلط ترتكبي تحكمين على نفسج واهلج بالموت انتقامج هذا مراح ايضر احد غيرج
حنين : لا تربط الاحداث على مزاجك
حسام: وحددة مثلج متعلمني شلوون افكر
حنين: اعلمك اذا اضطر الامر
اشر بسبابتة بستهزاء
: مابقى غيرج ايلعمني
-قبضت ايدي بغضب احاول اسيطر على اعصابي:
دام كلشي صار على المكشوف ومجبرين نكون شركاء لمدة سنة بنفس المكان لازم نخلي قوانين مجبر تنفذهن اذا تريد مهمتك تنجح :
اولهن تعدل اسلوبك وياي من اليوم تترك حقدك وتصغيرك وتهديداتك الي
ثانيا ما اريد اكون شريكتك فقط بالاسم لازم نتشارك بكل تفاصيل المهمة بدون متخفي عليه شي
بس لا تظن انساه دكاتك القديمة خاصة تصديقك الوائل الكدر يضحك عليك بسهولة
: انتِ شـ
-قاطعت كلامة بهدوء عكس البداخلي :
قبل لتحجي اعرف شتريد تكول بس خل اضيف شي الكلامك المهمة اذا خربت مو بس اني الانضر انت اكثر شخص تنضر سمعتك المهنية قوتك وذكائك المعروف والترقية المنتظرها كلهن تخسرهن فالتظل كل شوي مهددني بأهلي ما اخاف لان اذا اكو خسارة اثنينا نخسر لتسوي نفسك دا تنصحني
وهااا شغلة لخ معروف بذكائك بس طلع مخدوعين لان بسهولة ينضحك عليك
: قبل لتصيرين ذكية براسي حاسبي الضحكو عليج وخلوج هنا
-محد ضاحك عليه
: ويقين؟
-شبيها يقين!
: مو مسويه نفسج ذكيه متعرفين يقين شسوت
-لو تحجي العندك لو تسد الموضوع لا تظل تحجي بالالغاز
: يقين تعرف كل تفاصيل المهام قبل لتسجل
-ههه حيلك متمشي عليه
: فكري بيها ليش ماخلتج تجين تستفسرين قبل التسيجل ؟ وليش ما اجت للمركز من عرفت نوع مهمتها شنو ؟ليش من حجيتيلها مبدر منها اي ردة فعل ! وليش ما اجتج وطلبت تتعاونون على محاولة فسخ العقد وكثير ادله بعد تثبت معرفتها بالمهمات
- انت شعرفك بكل هذا
كتف ادي وضحك
:بعدج متعرفين النقيب حسام منو
-من موقف وائل عرفتك منو ولتحاول تشككني بيقين اقرب صديقة الي مستحيل تخدعني …
اشر على ساعة ايده وتابع كلامة بأمر :
: الج ريست نص ساعة روحي تأكدي منها ورجعيلي وراج عقاب حتى. نبدا التدريب
- على شنو اتعاقب؟
:ضربج لوائل وسط المتدربات … محاولة تخريب مهمة … تهديدج اله بخسارة عملة … اضافة لطولة لسانج وتجاوزج على نقيبج
-انتـ
:بقتلج 25 دقيقة اغمض عيني وافتح ما الكاج كدامي تبخريي
-زفرت بغضب وركضت برا القاعة متوجهة لقاعة تدريب يقين … ثواني تعادل سنة خوف ، صراع ، توتر ، شك كدر يزرع بعقلي خيانة يقين رغم بداخلي اقنع نفسي تعمد يشكني بيقين كنوع من العقاب ، نكتت الافكار من بالي ودخلت للقاعة استأذن من مدربها … ممكن احجي وياها ثواني
:روحي
حنين:ابتسمت بشكر وبتعدت مسافة اجت وراي
يقين: ها خوما صاير شي
حنين :رفعت سبابتي بتحذير
سؤال واحد تجاوبيني عليه بصراحة اياج تكذبين عليه
يقين: شبيج حنين شهل اسلوب
حنين: كنتي تعرفين شغلنا مو مفتشات
يقين: بتوتر
شبيج شنو هل حجي
حنين: شتفسرين رفضج لروحتي للمسؤول قبل التدريب؟ وشنو الخلاج تسكتين من اكتشفتي مهمتنا خطرة مو مجرد مفتشات ؟ ليش محاولتي تنسحبين وحتى من كتلج على مهمتي ما اتفاجئتي ولا بين عليج الخوف بالعكس كانك تعرفين كلشي
يقين:واذا طلعت اعرف شيفرق عندج
حنين: لجج شنوو شيفرق لتخبليني اذا تعرفيين مصيرناا هيج ليش ما خبرتيني منن البدايية ليش قلبتيي حياتي ورطتيني ويي شخصص ايشووف المووت والا ايشوفني
يقين: الصار مانكدر نغيرة حاولي تتقبلين مهمتج هي سنة ويخلص كلشي
حنين: توسعت انظاري بصدمة
يعني كنتي تعرفين مهمامنة سرية !!؟
يقين: مسكت ايدها وتابعت كلامي بأسف
اي كنت اعرف بس صدكيني متوقعت هيج تكون مهامنا ولا خطر ابالي نوصل لهل مرحلة والا مكان خليتج تجين
حنين: دفعت ايدها وتراجعت
ليش ليش سويتي هيج
يقين:انتِ اكثر وحدة تعرف حلمي من زمان ادخل هل مجال بس محد سمحلي احققة حتى اسمة منعوني الفظة اضطريت اسكت واتحمل قيودهم وتحكمهم بيه الحد ما اجتني الفرصة وماعندي غير اغير تسميتها بدل مال اكول سرية كتلهم دينية بعتبات صدكيني انجبرت اكذب عليهم حتى اجي هنا ماعندي حل ثاني
حنين: قربت عليه رئسا دفعته بغضب
وانييي شنوو ذنبيي ادخلييني وياج
يقين: مالي ذنب بدخولج وماعرف شوكت ابوي متفق وي ابوج على تسجيلج اضطريت اسكت وما اضيع فرصتي
حنين: كنتي تكدرين اتحاجيني وحدي … لجج تدرين الوضع الخليتيني بيي مهمتي بأخطر منطقة وي شريك مطايق وجوودي وياا لجج اتوقع موتي ايصير على ايده مووو على اييد المجرمييين
زين عوفج منيي ما فكرتي باهلي واهلج مافكرتي بيهم اذا عرفو نوع المهام شراح ايصير بيهم لجج بسببج بابا دخل مستشفى وعايش بتأنيب الضمير ومن جهه لوم اخواني حيموتة وحتى ابوج ماا فكرتي بي
يقين: اوو عوفج من هل دراماا كافي عاد محد ايموت قبل يومة
حنين :دراماا؟ ابوج اليجي البيتنا مكسور الخاطر يتكابل يم بابا واحد ايلوم الثاني معتقدين بسببهم احنا هنااا هذا تعتبري ادراماا
يقين:الامر تقرر وصعد للاعلى منهم رضيت او لا مجبرة تنفذين المهمة اما اذا فكرتي تحجين الهم اكلهم تدري بكلشي وهي موافقة من البداية
حنين: مخايفة من تهديدج بس حسكت لان كلامي مراح ايغير الصار بس فكري بابوج ليصير بي شي بسبب تفكيرة انو ورطج اقلهاا حاجي انو وجودج هنا مو بسببه
يقين: ميخصج لاتدخلين
حنين: صداقتنا انتهت ومهما ايصير ويااج لا تجيني ولا توصلين يمي
يقين:
حنين:محست ادموعي ما اريد ايشوفهم ويتشمت بيه، وكفت ثواني يم البوابة اجمع شتات روحي سحبت نفس وزفرت بهدوء … هانت مابقى شي
دخلت يمه مجرد شافني صاح
حسام: صدكتي موو
حنين: غمضت عيوني بقلة صبر
سيادتك اتمنى متدخل بشي خارج عملك
حسام :تمام بس لا تنسين انك معاقبة وحتى اكل ماكو اليوم … ويلا خمس دورات بدون توقف
حنين: انطلقت وي صفير الصافرة اعلن بدا اول دورة بالميدان ، كانت مساحتة تزيد متنقص الحظة حسيت كلبي حيوكف توقفت خطواتي بالدورة الخامسة يمه … باوع للساعة وبتسم بشماتة
حسام: مستوى ضعيف
حنين:سحبت بطل المي غسلت وجهي وكعدت مقابيلة … بفضل شريكي
حسام: اللسانج عام عليج لو تكرصي انت بخير
حنين: ماكدر بدون ما ازعجك احس نقص بيومي
حسام: تحملي النقص احسن من فرة الميدان … كافي كعدة كومي للتمرين
حنين:بقيت اتمرن تمارين مضاعفة كعقاب الحد مصار
وقت الغدا منع اكلي
حسام :كافي تمرين عاجبني اتغدا هناا ليوم
حنين: توقفت فرصة الي ارتاح منه
حسام :اريد اكل وشمس عليه تعاي اوكفي بوجه الشمس
حنين: شنوو !؟
حسام: ما اكرر كلامي تجين لو ترجعين تتمرنين
حنين: نجبرت اسوي مثل مطلب لان طاقتي خلصت
حسام:صيري كدامي ماكدر اكل براحتي الشمس بوجهي
حنين: تاكل سم
النيه احجيها بكلبي بس مدري شلون طفرت بصوت عالي رمقني بنظرة متوحي بالخير ابد مجرد استوعبت طكيتة ركضة وهو وراي دخلت على احد القاعات اليمنه صرت ورا احد المدربين احتمي بي
قتيبة: هاي شنو تدريب جديد
حنين: وكفت ورا وصحت
ادري جايبيلي شريك لو مجرم فوك ظلمة وعقوباته الماتنتهي ايصدك الاتهامات الباطلة بدون ما يسمع مني الحقيقة ، ماصدك يلكة مشكلة ايعاقبني ويحرمني من الاكل فوكاها يريدني اصيرله مظله من الشمس لوو كاتلة اهله ميسوي هل دكة … احتقن وجهه بغضب واشرلي
حسام: طلعي من ورا
قتيبة: حسام مو هيج على كيفك
حسام: ااطلعين لوو لاا
حنين: طبعااا لا شنو غبية ورجع وياك تكمل عقابك
حسام: ماسويلج شي تعاي
حنين: جذاب كول والله ما اضاعف العقاب
حسام :حنيييين
حنين: شوف دام صيحت يعني عقاب جديد
ضحكة قتيبة زادت سوء الوضع
حسام: سويتينا مضحكة ارتاحيتييي امشي يلااا
حنين: اكلك شو عايش الدور ترا مو زوجتك اني لصيحح خوششش وامشي ماااااجي
اجه عليه بس قتيبة صار بوجهة منعة يوصلي
حسام: سهلة حنينن تااليتج ترجعيننن
حنين: طلكنيييي والجهال اااالك
ماسمع غير ضحكة قتيبة رئسا رجع علياا بس البنات فزعلي صارن كدامي تراجع وباوعلي بتوعد
حسام: سهلة وين ترحين
حنين:عافني وراح بقيت يم قتيبة ومجموعتة اكلت ورتاحيت ياله رجعت اواجه مصيري … باوعت من بعيد شفتة كاعد بمكانة ومماكل يستاهل خل ايضوج مو بس اني يوميا راجعة للبيت ميته قهر …
مشيت بهدوء حد موصلت يمه على بعد خطوات خليت ايدي ورا ظهري وحجيت بتوتر:
سيادتك مكنت اقصد احجي هل كلمة بس مدري شلون طلعت مني … وكف مقابيلي ونتر
حسام: ياااكلمة منهن مجرم لو ظالم لو اليصدك التهم لو المعذبج بالتدريبات لو مني منهننن
حنين: ماندمانة عليهن ذن لان انت فعلاا هيج بدل متكول بنت اجت هنا بخدعة من اقرب صديقة الها خل اساعدهاا وقويهاا لا كل همك تفرغ غضبك بيه
على الاقل كول لخاطر ابوها الذل نفسه حتى ايطلعها من هل ورطة خل اساعدهاا تكمل مهمتها وترجع بخير
لااا حضرتك تستغل اقل فرصة حتى اتقلل من شأني
حسام: تريدين اساعد وحدة تتأمر ضدي حتى تخرب عليه المهمة برايج تستحق وحدة مثلج اساعدها
حنين: السمعتة كله كذب
حسام: انت ِالصح و وائل جذاب مو !!
حنين: اي
حسام: امثالج مستحيل اصدك بيهم
حنين: ختم كلامة وطلع حسيت هل مرة خلااص ماكدر اكمل … بقيت بمكاني حد منتهى الدوام جمعت غراضي وطلعت لكيت لخط جاي كل عادة يشغل على الغدر
هل مرة ماكدرت اسيطر على دموعي التمن كلهن ابالي كلام حسام واتهام وائل غدر يقين و المهمة لوكعت بيها
من شاف دموعي استغلها فرصة ايعلي الاغنية بدل ميطفيها
احمد:اي خويه ابجي ولتضمين بكلبج عسى الله ياخذ حوبتج من الكسرة شنسوي كلنا مكسورين
حنين:احجاياتة زادت دموعي باوعلي وضرب رجله بقهر عباله مضروبة بوري مثله
احمد: درب الحب صعب واحنا المشينا بي مقسوملنا هيج لتنقهرين
حنين: اريد دموعي تنشف حتى اكله فاهم غلط ابدد بوري ونفتح تعال وشغل اغنية يا ظالم يجيلك يوم
كبل صحت عليه … طفيييي
احمد :ها خوية جنج بعدج تحبي ولج نزل دموعج وانتِ متقبلين تسمعين اغنية يدعون عليه اهمده كلبج
حنين :دخيلك علييي شورطني وي هذا الخبل
لكك فاهم غلط اني وين وانت وين
احمد: لتخجلين مني الحب مو عيب وكلنا مرينا بحلوة ومرة
حنين: ردت الزك راسة بالستيرن ووللكم لزموني ياااربي جيب ليوصلني للبيت قبل لا ارتكب بي جريمة
احمد: ابجي ابجي فرغي البكلج
يقين:صعدت للخط شفت حنين تبجي واحمد داير وجهه عليها ويشجعها تبجي ، اللتفتت على البنات كوة كاتمات ضحكهن … شكو شبيها حنين
احمد: لوعة الحب وصلتها
حنين : يااا بووو فاااضل
احمد:اي خوية سلميها لخو زينب كون ايشيل كسار كلبج ويركعة بالكاع هو وسهيرة الجلبة
حنين: ضربت رجلي بحركة
ياا يمه
يقين: كعدت يمها ردت احضنها دفعنتي
حنين: وخررري كله مننج
احمد:ولج بس لا هاي ماخذة حبيبج
يقين: خوية احمد الخط كمل توكل بالله
حنين: بشهكة
روحي ياا يقين بنت ابو يقين عساج بواحد يشبه احمد يشلع افاد الخلفج كوولن اميين
يقين: ههههه مقبولة منج
حنين :دفعتها وكمت ليورا
اذا وصلتي يمي اكسر رجلج وشمرها للنقيب
يقين: هههههههه لااا حنين لاا
حنين: سدي حلكج
يقين :خليني افهمج ابداعة الخوة
حنين: اذا سمعتلج حرف انزل من الخط
يقين: هاهيه بعدين نحجي
حنين:
حوراء ”المحمداوي“