البارت السادس 🦅

حنين:مجرد وصلت صعدت الغرفتي بدون ما اخلي احد ينتبه الحالتي ... سديت الباب وشمرت الجنطة بغضب: ما اتسمى حنين اذا ما ندمتك وائل الكلب

مثنى: حنيين ، لجج حنيين

حنين: غمضت عيوني اكتم غضبي

ابدد مو وكتتت ابدد

مثنى: تنزليين لوو اصعددلج

حنين: يارب الهمني الصبر ما اريد اصير مجرمة

فتحت الباب ومشيت ناحية الدرج

رايد شي

مثنى :اي نزلي

حنين: نزلت بالاستقبال لكيت حسن ومرتة ومثنى و ثائر كاعدين يم ابوي ويتناقشون مجرد شافوني سكتو حز بخاطري تصرفهم ... اذا متردوني اسمعكم شكو صحتولي انزل

كلهم اللتفتو على ابوي اليوزع نظراتة بيني وبين مثنى بحيرة مسح وجهة واشرلي اكعد يمه ... شصاير

الاب: صارلج اكثر من سبع اشهر تدريب شوكت ينتهي

حنين: بس هل شهر وننتقل للتطبيق

مثنى :قصدج لفضيحتنا بين الناس

حنين: تغاضيت عن كلامة وركزت بملامح ابوي الباهته حسيت ورا شي وياريته محاجي

الاب:بوية ما اريد احد يعرف بمهمتج بالازقة حتى اذا صارلج شي انـ انكول

حنين: بغصة جرحت حنجرتي

شتكول

مثنى: نكول حادث محد و يفر من قدرة

حنين: منعت دموعي تنزل كدامهم كمت بدون ما احجي شي وصلت للباب ولتفت عليهم ... هاهيه اعتبروني متت بحادث قدر وراضية بقدري

الام: يمه مو هيـ

حنين: محد ايدنس شرفكم لا تخافون

رجعت الغرفتي احس خطواتي اطول ما تكصر اريد اوصل لفراشي اشاركة دموعي وكسرتي المحد حاس بيها ...

::: ... يقين ... :::

الوصول للغاية يحتاج تنازلات وكانت تنازلاتي من اقوة الخسائر الدمرت حياتي بدون ما احس بيها ، بكل مرة ادخل للبيت اشوف نظرات ابوي التايهه بين خوف ...ندم ... قلق ... تشتت ... عاش بتأنيب ضمير لشي ما اله ايد بي ، جنت احاول اخفف عنه وبداخلي اوعدة راح احجيلة الحقيقة باليوم الينذكر اسمي بنجاح المهمة ...

سائت علاقتي بأقرب صديقة الي ابتعدنا رغم قرب المسافة بينا ، ماكدرت ارفع عيني بوجهه ولا اطلب منها السماح لان السويتة ماينغفر بسهولة رغم مهمتي مو اقل خطورة من مهمتها ويمكن اصعب لان بيومها راح اكون وحدي بدون نقيب ودرع يحميني منهم ...

نزلت من الخط امشي ورا حنين بخطوتين قربي منها يحسسني بالامان الراح افتقدة ... حنين ممكن نحجي

حنين:باوعت على ساعة ايدي وكملت طريقي بدون ما التفت عليها ، دخلت للقاعة فتحت اللوكر المخصصة الي خليت الجنطة و الساعة قفلتها وتوجهت للباب صارت كدامة ومدت اديها تمنعني اطلع ... وخري

يقين:مابقى غير ايام وتنقطع طرقنا وما اعرف اذا رجعت عايشة لو لا

حنين:بتسهزاء

ليش راح ايخلوج بالازقة وي حسام لو اهلج سجلو سبب وفاتج قبل لا تنتقلين للمهمة لو وائل لازملج الباب ايهدد بيج بالدخلة و الطلعة لو شنو ؟

يقين: نزلت ايدي من الباب وتنهدت بتعب

حنين مهمتي تختلفت عنج خلونـ

حنين: قاطعت كلامها بنتر

اخرر هميي اعررف مكااانج وييين

قربت عليها وهمست

لو ايزرعوج ببيوت الـ **** مراح اهتم

يقين: بس خل افهمج

حنين:دفعتها وطلعت من القاعة متوجهة لساحة التدريب باوعت بالمكان ماشفت حسام قربت على الطاولة سحبت السلاح وتمشيت بين الحواجز اسدد الهدف بالمجسمات حسيت على ايد مسكت كتفي وقفت حركتي ...

حسام: صار سبوعين وضعج ما عاجبني

حنين: ماكو شي

حسام:للمرة المليون انبهج سيطري على غضبج لا تخلي ايضيع تعبج

:اطمئن مهمتك راح تسير بالطريق الرسمتة اله مراح اتخطى حتى لو كان الثمن روحي

-منو جاب طاري المهمة؟

: ليش من شوكت سيادتك تحجي بموضوع خارج عن المهمة وطرق نجاحها ... ضحك بخفة وسحب السلاح من ايدي

-راح نطلع جهزي نفسج

: وين ؟

-اجتازيتي كل الاختبارات مابقى غير ايام تفصلنا عن التطبيق ولازم تكون عندج معلومة عن القضايا الراح نستلمها الهل سبب قررت يكون تواجدج وياي بداخل المركز الحد ما ننتقل للازقة

: تمام

رجعت للقاعة خذت غراضي وطلعت ورا لكيتة منتظرني بسيارتة مجرد صعدت انطلقنا للمركز المتواجد بي خلص الطريق بين الصمت و رنات فونة الماتتوقف درت وجهي على الطريق اشغل عقلي لحد ما وصلنا ، نزلت من السيارة وصفنت اسمه بشعور مخربط ...

- مطولة صفنتج

:لبست حقيبة الظهر ومشيت ورا ، كانت هاي اول مرة بحياتي ادخل مركز والاغرب منه دخلتة بصفتي شريكة النقيب حسام بأخطر مهمة تواجهة ، دخل للمكتب ودخلت ورا تجولت نظراتي داير مداير مكتبة اليحيطه من الجانبين مكتبة كبيرة تملئ رفوفها سجلات ملونة ...

قطع صفنتي توجيهة الامر للحارس الدخل بعدي

حسام:جيبلي سجل القضية الوصلت البارحها وبطريقك تاخذ حنين توديها لغرفة السجلات اطلعلها اخر القضايا الوصلت قبل شهر خل تطلع عليهن

- امرك سيدي

حنين:عفت جنطتي وطلعت ورا الشرطي دخلنا لاحد المكاتب عبارة عن سجلات بكل جوانبة طلب مني اكعد وخله يمي السجلات

-ذن جزء من قضايا هذا الشهر

:تمام

سحبت احد السجلات القضايا اتمعن بأحداثها ونتائج الحكم كملت واحد يتبع الثاني كدرت اجمع حصيلة جيدة من انواع القضايا وفكرة لكل قضية ونوع التخطيط الصار لكشفهاا بدون ملل يمكن لان دراستهن جزء من حبي وشغفي بقضايا القانون ... كملت الملفات الكدامي ورجعت لمكتب حسام ... سيادتك

حسام: هاا كملتي السجلات و شنو رايج

حنين: اي كملت جزء منهم

كعدت مقابيلة وتابعت كلامي بتساؤل

سيادتك لفت نظري كم سجل تم تعليقة شنو السبب؟

غلق السجل البيدة ورد ...

حسام:القضايا الماتتوفر بيها معلومات كاملة او يكون تحقيقها شبه مستحيل تتعلق

حنين: وليش شبه مستحيل اذا تعرفونهم شنو

حسام:هنا ما نمشي بالمعرفة ولا تكدرين تتحركين خطوة وحدة بدون ميكون بأيدج اثبات حتى لوو شفتي الشي بعينج بس ما عندج دليل تسقط قضيتج

حنين: بس واجبكم تبحثون على الدليل اليخلي الغلطان يتعاقب مو تجيبون سجله وتعلقو !؟

حسام: منو كلج ما بحثو وحاولو هواي بس مرات يكون المقابل ذكي مايترك ورا دليل مهما حاولتي راح تفشلين لهل سبب تتعلق القضايا لحين امساك دليل

حنين: يعني مستمرين بيها ؟

حسام:بعض القضايا مستمرين بيهن والبعض تم اغلاقهن بطلب من صاحب القضية

حنين:اذا صاحب القضية رجع طلب فتحها ساعتها راح ترجعون تبحثون عنها لو يسقط حقة

حسام: اي اكيد نرجع نحقق بيها

حنين: تمام

باوع على ساعتة وكال

حسام: ب3:30 لازم نرجع قبل لينتهي دوامج

حنين: تمام

مرت الايام بين المركز و التدريب كدرت اتغلب على مخاوفي والاصح اتقبل وضعي ... صار يومي عبارة عن حضور جلسات الاستجواب للاستماع للحوادث وطرق حلها كانت انتقالة جدية من خلالها بدا حسام يتقبل وجودي ويا ويشاركني اخر الاحداث التوصله عن الازقة المتوجهين الها ...

:النقيب حسام طلب حضورج المكتبة

حنين: تمام

غلقت السجل اليمي وطلعت من غرفة الاستجواب متوجهه للمكتب دكيت الباب ودخلت ... نعم سيادتك

غلق الحاسبة واشرلي على الكرسي الكدامة

حسام: كعدي

حنين:وصلك امر جديد؟

حسام:انتِ قريتي الكتاب الوصلني وتعرفين خلال سنة لازم نكون حررنا كل المناطق المذكورة داخل العقد

حنين: بتنهيده

اي نعم وصلني مخطط المنطقة بس كدرتو تحددون مكان تواجدنا لو لا؟

حسام:الهل سبب دزيت عليج حتى ابلغج بالضابط الزرعنا بأول منطقة مرسومة بالمخطط كدر يستأجر بيت وجاي يدرس وضعها شلون نكدر ندخللها ونطلع منها بأقل الخسائر حتى ننتقل يمه

حنين: وشوكت نطلع

حسام: لازم قبل غروب الشمس احنا هناك ونبلش تنفيذ مهمتنا بليل فخلي ابالج وقتنا كله هناك ماريد اي مشاكل ولا طلعين عن كلمتي مهما ايصير

حنين: واهلي شلون اقنعهم ابات خارج البيت؟

حسام: بغضب مخفي

اقتنعو او لا مجبرة تنفذين المطلوب منج وهسه منتظر اتصال من ليث اذا سيطر على كلشي ننطلق اليوم فتوقعي بأي لحظة ممكن اتصل بيج واكلج طلعي

حنين: تمام مثل ما تؤمر

باوع على ساعة ايده وتهيئ للقيام

حسام: جهزي نفسج راح نطلع

حنين: تمام

رجعت للبيت و كل تفكيري شلون ابلغ اهلي اذا حجيت كدام الكل حتقوم القيامة ...ماعندي غير طريقة وحدة وهي اني احاجي بابا وماما وهمَ بطريقتهم ايبلغون البقية ...

دخلت للاستقبال لكيتهم كاعدين يتفرجون على المسلسل ويمهم جهال حسن حمحمت بهدوء وكعد مقابيلهم ... ها شلونكم

الاب: هلا بويه بخير بشوفتج

حنين: اريد احجي وياكم بخصوص المهمة

الاب: احجي بنيتي

حنين: باجر التحق للمهمة ويتطلب مني ابات خارج البيت ... واحد صفن بوجه الثاني ولتفتو عليه

الام: ليش تباتين ! ترحين وترجعين بنفس اليوم

حنين:ميصير لان المنطقة تكون اكثر خطورة بالليل ومن الصعب دخولها بدون ما نتعرض للخطر الهل سبب لازم نطلع بالنهار ونوصل المكانة بأمان

الام :وين تبقين باقي الوقت وشوكت تجين هنا

حنين: اكو ضابط رايح قبلنا امن مكان النا

وان شاءالله الصبح نرجع بس ما اجي للبيت لازم كل يوم نرجع بي نروح كبل للمركز نقدم تقرير بعدها اجي للبيت

... ضربت رجلها بقهر وصاحت

الام: كلبي مامطمئن شلون نخليج وحدج وي اشخاص منعرف عنهم شي

حنين: كان لازم تتأكدون قبل لتسجلوني

المهم اني باجر رايحة ردت ابلغكم بهل شي الصبح اطلع للمركز ولعصر نلتحق يلا اترخص حرور ارتاح

جهزت الاحتاجهن اهم شي يكون وياي زي اسود يمكن يريد ايسويلي فاتحة هناك كلشي اتوقع منه

::: ... يقين ... :::

غيرت موعد ميلادي صار اليوم هو يوم ولادتي اليوم الاحقق بي كل احلام الطفولة ... وكفت كدام المركز وبتسامتي مفارقت وجهي سميت بسم الله ودخلت اول خطواتي بتجاه غرفة المسؤول طلبت الاذن ودخلت: احترامي سيدي

:اهلا يقين تفضلي

يقين:كعدت مقابيلة سحب فونة يجري اتصال صفنت عليه بفضول اي سجن حكون مسؤولة بي ...

-نعم جهز السيارة تنقلها للمركز

اي نعم والزي المخصص الها

تمام لا تتأخر

يقين:حسيت فراشات تتراقص بداخلي معقولة الاسمعه راح يحضرون سيارة تنقلني ... عصرت ايدي بقوة احاول اسيطر على ابتسامتي وحماسي حمحمت بهدوء وتابعت كلامي ... الأي مركز راح اتحول

- مركز ****

يقين : نساء ؟

: اي

تفضلي هذا السجل موجود بداخلة اسماء المتهمات وسبب دخولهن الحبس ، المطلوب منج اعادة استجواب بصورة ثانية

يقين :دنكت على الملف اتفحص المعلومات البداخلة سناء تجارة الممنوعات ... اميرة طعن المدعو ***...خلود متاجرة ... سهيلة د***ة ...تجولت نظراتي بين طيات احداثهن بغرابة معقول هيج جرائم اتم على ايد نساء !!! قطع تركيزي دخول احد الحرس برفقة شرطية

-احترامي سيدي

:اهلا

هاي يقين اسلمها الج فهميها على العمل

-تعاي وياي

يقين :ستأذنت وطلعت وراها دخلت للحمامات وطلبت مني ادخل وراها باوعتلها بستغراب ودخلت ... ليش اجينا هنا

-لبسي حتى نطلع

يقين:باوعت للعلاكة شفت لبس سجناء عبارة عن ثوب ابيض وشال ... شنو ذن

-شنو متعرفين مهمتج مرافقة السجينات لسحب المعلومات الرفضن تقديمها

يقين :الصدمة احتلت كل حواسي باوعت عليها وعلى الملابس البيدها دفعتها وطلعت رئسا مسكت ايدي وسدت الباب ... تركي ايدي

-ماعدنا وقت لازم نكمل اجراءات حبسج

يقين:دفعت ايدها بنتر

ياا حبسس هذاا مهمتيي اكوون ضمنن الشرطيات احقق ويي السجيناات موو سجينه والبسس لبسهن

-صحيح وي الشرطيات لغرض اعادة الاستجواب لكن مهمتج تتجسدين شخصية احد السجينات وممنوع احد يعرف حقيقتج لان اكتشافها يعني نهايتج

يقين: هزيت راسي برفض

لا لا اكيد فاهمه غلط تأكدي من المسؤول

-ترا عطلتينا تمشين برضاتج لو اخذج غصب عنج بصفتج سجينة حقيقية بتهمة التهرب من المهمة وتعطيل عملنا

يقين: شمرت الملابس عليه وطلعت

ضربت وجهي بقهر ... صخااام الصخمج يقيين

-استعجليي

يقين:عدت اكثر من ربع ساعة على كعدتي لا اكدر اتقبل مهمتي ولا اكدر اتهرب ... اندفع الباب ونترت بغضب

-تمشيين لووو اروووح للمسؤووول

يقين: ا اي راح ابدل

خليت ملابسي بالعلاكة ولبست الزي الجابتة الي باوعت النفسي بالمراية كأني سجينة ما افرق عنهم بشي ... هاي تالي احلامج الضيعتي اهلج عليها

-يلا نطلع

يقين: صاحت للشرطي وطلعنا من المركز مشينا مسافة مو بعيدة وطبكنا على مركز النساء خلت الكلبشات بأيدي وسحبتني ...

-الضباط المناوبين ما يدرون بيج من ظمن فريقنا اياج تفشين سرج

يقين: دخلنا للمركز مشت اجراءات دخولي ودزتني للحبس انفتحت الزنزانة بوقوف بعض السجينات اليتفحصني بنظراتهن اندفعت عليهن وغلقت الباب ركضت عليها ماكدرت الحكها قفلتة وطلعت ... طلعييني منااااا

حسيت ايد مسكت كتفي اللتفت بخوف الاحد السجيانات ابتسمتلي ابتسامة ماعرفت معناها ...

::: ...... حنين ... ...:::

كل البدايات جميلة عدا بداية عمل مجبر على تنفيذة ...وكفت كدام المراية بعد ما انتهيت من لبس الزي المتفق عليه ، رفعت شعري بأهمال وصفنت بملامحي المتعبة تزينها هلات الحزن ...

سحبت جنطة الظهر المجهزة بكل احتياجاتي ونزلت جوا

الام: صباح الخير يمه

حنين: صباح النور

الاب:بابا اني اوصلج للمركز اريد اوصي النقيب عليج

حنين :ماشي

عفتهم وطلعت اجت وراي امي وقفتني وخلت دعاء بالجنطة

الام:هذا دعاء التاج خلي بملابسج ابد لتذبي تحصين الج من كل شر

حنين:ودعتها وطلعت اتهرب من نظراتهم خوفا من كشف خوفي وقلقي السيطر على ملامحي ... صعدت بالسيارة تاهيه بأفكاري شنو الممتظرني بالازقة

توقفت السيارة يم المركز اتصلت على حسام طلع النا سلم على بابا وظل ايوصي عليه ... صعدت ويا منطلقين الاول منقطة وصلتنا عليها ابلاغ

حسام: خل نحجي بالمهم

حنين. :اسمعك

حسام:وصلتني اخبارية بوجود تاجر مـ/ـخدرات قريب على البيت المستأجرة الضابط ليث الهل سبب صار تغيير بالخطة

حنين: احتدت ملامحي بستغراب

وليش هسه ياله بلغتني

:وصلني خبر قبل ساعة يعني تغيير فوري وهذا الشي جزء من عملنا توقعي نطلع لمهمة ونروح لغيرها خليج جاهزة بكل وقت

-اقرب من المستهدف القبلة؟ وشلون نعرفة اذا ما مجهزين اله

:اي اقرب الهل سبب لازم نراقبهم لحد تسليم الشحنة ياله نكدر نقبض عليهم ومن حسن حظنا المسافة بين البيت و المقر تقريبا ربع ساعة مراح نتعب بتعقب المكان

- تمام

مرت اقل الساعة وصلنا للمكان المحدد طبكت سيارتنا قرب البوابة المؤدية الها ... قرب احد الشرطة سلمنا سويج السيارة وهوياتنا لحين رجوعنا ... هاي اول منطقة؟

: اي ومن هل لحظة لازم انكمل طريقنا وحدنا

-سحبت اسلاحي وخليتة جوا القمصلة اللتفت الحسام اشرلي ندخل هزيت راسي بقبول وخطيت اول خطواتي بداخلها كل خطوة نعديها تزيد غرابة المكان ... ازقة قديمة ... بيوت متهالكة ... نفايات تعبي المكان برائحتها النتنة... تجاوزنة اول منطقة بعبورنا للازقة الاقرب لبيت ليث زادت رهبتي وخوفي من الموجودين اباوع بالاوجه مو مريحة نظراتهم غريبة ومخيفة كأنهم اول مرة ايشوفون بشر قربت يم حسام نمشي بخطوات حذرة رغم الخوف المسيطر عليه ، عبرنا من تجمع قطعو حديثهم بدخولنا وكفو ايتابعون حركتنا بدقة ...

كانت اخر نقطة بأخفاء خوفي بدون وعي ايدي حاوطت ايد حسام بقوة التفت عليه بنظرة سريعة ورجع كمل طريقة بدون ما يلتفت على المجموعة المنتظرين اشاره للهجوم علينا ...

استمرينا بطريقنا لحد ماوصلنا لبيت كان بنائه شبه تعبان انتبهت لحسام طلع فون و اتصل ...ثواني ونفتح الباب طلع شخص طويل اله عضلات مبين من جسمة وهيئتة مال ضباط

ليث: دخلووو بسرعة

حسام: تعااي حنين

حنين: دخلنا وظل يتلفت بتوتر خوف من كشف مكانة ، سد الباب ولتفت لحسام حضنة وضحك

ليث: لك هلا بالاسد الحمدلله على سلامتك

حسام: الله ايسلمك

حنين: صفن بوجهي ثواني وبتسم

ليث: الحمدلله على سلامتج لبوة

حسام: لبوة؟

حنين: الظاهر يريد ايضمنا لفصيلتة

ثنينهم التفتو عليه ضرب كف ايده وصاح

ليث: هاا انتِ من هل نوع

حنين: ماعرف قصدك بس اي

ليث: ببتسامة :

هذا المطلوب لبوة