الحلقه الرابعه

الجزيرة واسعة جداً، وكان الجزء الخلفي منها عبارة عن منتجع سياحي فاخر. وصل القارب الذي يحمل روكسانا ودييجو إلى المنتجع، ونزل دييجو أولاً ثم مدّ يده بلباقة ليساعد روكسانا على النزول.

دخلا الجناح المخصص لهما؛ كان عبارة عن غرفة واسعة ومريحة، تحتوي على سرير كبير في المنتصف، وأريكة أمام التلفزيون، ومطبخ صغير مجهز، وحمام خاص.

دخلت روكسانا أولاً وهي تنظر حولها بإعجاب:

*روكسانا:*"أخيراً مكان يليق بالبرنامج! على الأقل هنا فيه مراية كبيرة."

*دييجو "هههههه أول حاجة فكرتي فيها المراية؟"

اقتربت روكسانا من الطاولة وبدأت تفتح حقائبها واحدة تلو الأخرى، فتوقف دييجو مصدوماً عندما رأى كمية مستحضرات التجميل التي تخرج من الحقائب وتملأ المكان!

دييجو: "إيه ده كله يا روكسانا... إحنا يوم واحد بس هنا، مش شهر!"

روكسان نظرت له باستغراب: "إنت مش فاهم.. كل منتج له استخدام مختلف."

وبدأت تشرح له بجدية وظيفة كل منتج، حتى ضحك دييجو وقال بنبرة مرحة: "خلاص.. أقسملك إني اقتنعت إن عندك حق!"

بدأ الاثنان في ترتيب المكان وضع أغراضهما، فنظر دييجو للسرير الكبير ثم نظر لروكسانا: "واضح إن البرنامج قرر يختبرنا من أول يوم."

روكسانا (قالت بسرعة): "أنا هاخد الناحية دي."

ضحك دييجو: "من غير نقاش حتى؟ عموماً أنا هحاول أصرف نفسي مع الكنبة الصغيرة دي."

- "عايز تقنعني إن واحد طوله متر وتسعين سنتي هينام على كنبة متر؟! يا بني انت كده رأسك على الكنبة ورجليك جوة المطبخ!"

- "طيب والحل؟"

- "إحنا نقسم السرير ونحط شوية مخدات بيننا وخلاص، وبعدين عادي يعني هنمشي يومنا."

سكت دييجو للحظة يقلب الأمر في رأسه: "اممم.. مش عارف، بس أنا أهم حاجة عندي راحتك.. المهم، إنتي مش جعانة؟ أنا هروح المطبخ أشوف ممكن نعمل إيه."

- "تعرف؟ كنت متوقعة هيبقي فيه خدمة غرف وكده، بس طلعوا واخدين الموضوع بجد أوي!"

نظر دييجو ليها بإستغراب: "إحنا في جزيرة مش فندق خمس نجوم."

- "بس أنا مش بعرف أطبخ."

ابتسم دييجو بثقه : "أنا بعرف."

- كنت بسمع إن الرياضيين بيكون ليهم كوتش خاص بيهم وبتنظيم وجباتهم وان اكلكم كله بيض وفراخ مسلوقه

-هههههه مش لدرجه دي إحنا في النهايه بشر وأكيد لازم ننوع في أكلنا

ضحكت روكسانا رغم. وأثناء تجهيز الطعام، حاول دييجو إشراكها وقال: "ممكن تقطعي الخضار ده؟"

نظرت روكسان للسكين بتردد: "أنا أخاف أجرح نفسي."

-"إنتِ بتقوليها كأنك داخلة معركة!"

- "أنا شغلي دايما قدام الكاميرات، مش في المطبخ."

توقف دييجو عن التقطيع ونظر إليها باهتمام:

"بس أحياناً الإنسان محتاج يعرف يعمل حاجات لنفسه بعيد عن الصورة اللي الناس شايفاه بيها."

سكتت روكسانا للحظة وحست بعمق كلامه، ثم غيرت الموضوع بسرعة:

"المهم الأكل هيطلع حلو ولا لأ؟"

جلس الاثنان لتناول الطعام، وفي منتصف الأكل قال دييجو بقلة صبر:

"معرفش ليه دي جائزة المركز الأول.. أنا بحسد الباقيين على الجزيرة، مبحبش أقعد في البيت طول اليوم."

- "هما باصين إننا هنكون قريبين جداً ويوم وليلة فهنتعرف على بعض أكتر."

بعد عدة ساعات، وجدا كارت دعوة من معدي البرنامج يطلب منهما فتح الصندوق الموجود تحت الكنبة، ووجدوا داخله دعوة لقضاء سهرة خاصة في حمام السباحة.

دييجو فرح كدا لما قرأ الكارت "أخيراً! بعيد عن علبة الكبريت دي!"

-"هقوم أجهز نفسي وأحط ميك أب."

-"ما إنتي حلوة زي ما إنتي."

- "لا لا.. كل مناسبة عندي ولها مكياجها واستايلها المختلف، لازم أظهر حلوة قدام الكاميرات."

رفع دييجو حاجبه باستنكار هادئ، وجلس ينتظرها حتى تجهز.

في حمام السباحة، كانا يجلسان في الماء مواجهين لبعضهما. وبعد فترة من الصمت، بدأ دييجو الحديث:

"روكسانا.. فكرتي تعيشي حياتك بعيد عن الأضواء والمكياج ولو مرة؟"

-سكتت روكسان للحظات وهي بتنظر للماء "في الحقيقة دي كانت حياتي زمان.. لكن فجأة حسيت إني مش متشافة، ولما بدأت الطريق ده ولقيت كل العيون عليا وناس كتير حواليا، حسيت بوجودي."

- "بس كل ده انبهار لحظي يا روكسانا.. لو جيه يوم وكل ده راح، هتبقي لوحدك."

-سكتت قليلاً ثم تهربت: "مش بفكر في المستقبل.. المهم أنا عايشة إزاي دلوقتي."

بعد انتهاء السهرة عادا إلى الغرفة. دخلت روكسانا الحمام لتأخذ حماماً سريعاً وتغير ملابس المسبح.

وبعد فترة من انتظار دييجو، خرجت روكسانا وهي لافة المنشفة حول جسمها وشعرها مبتل، لتتفاجأ بدييجو يقف أمام باب الحمام مباشرة يستعد للدخول!

تسمرت روكسانا في مكانها بذهول واحمرت وجنتاها: "إنت.. إنت بتعمل إيه هنا؟! أنا لسه مخلصتش!"

تراجع دييجو خطوة للخلف فوراً ورفع يديه بأدب: "أنا آسف جداً! الباب كان مفتوح فافتكرتك خرجتي!"

هرعت روكسانا للداخل وهي تكتم ضحكتها من الحرج الشديد، بينما هز دييجو رأسه بابتسامة ساخرة من إهمالها.

في آخر اليوم، دخل دييجو الغرفة ووجد روكسانا ترتب ملابسها للمرة الثالثة.

جلس دييجو على طرف السرير، فنظرت له روكسانا وقالت:

"بس عندي مشكلة.. أنا مش متعودة أنام مع حد في نفس السرير."

- "ولا أنا، بس أعتقد نقدر نتعامل مع الموضوع مجرد ليله وتعدي."

أسرعت روكسانا وأخذت ثلاث وسائد كبيرة ووضعتها في المنتصف بصرامة:

-"خلاص، الحدود مهمة."

نظر دييجو للوسائد وانفجر ضاحكاً "إيه ده؟ خط حدود بين دولتين؟!"

- "بالظبط.. أي اختراق للحدود دي هتروح على الكنبة فوراً!"

(استلقى دييجو في جهته بابتسامة مريحة: "معاهدة سلام عادلة جداً."

في غرفة التحكم:

* جيسكا* (وهي تضحك): "أعتقد إن الجمهور كان متوقع قصة رومانسية أكثر."

* **مايكل:** "لكن اللي واضح إنهم شخصيتين مختلفتين تماماً."

* **جيسكا:** "دييجو يحاول يعيش اللحظة، وروكسانا تفكر دائماً في الصورة اللي ستظهر بها."

* **مايكل:** "لكن رغم الاختلاف... بينهم خفة دم وعفوية."

**تعليقات الجمهور على الشاشة:**

* *"روكسانا مضحكة بس متعبة 😂"*

* *"دييجو واضح إنه معجب بيها لكن بدأ يلاحظ الفرق الفكري بينهم."*

* *"مش عارف أحبهم كبلز ولا أضحك على خط الحدود اللي عملوه بالوسايد!"*

* *"دييجو محتاج حد يطلعه من عالمه، وروكسانا محتاجة حد يفكرها إن الحياة مش كاميرا."*

* *"حاسس إن دي علاقة إعجاب ومناوشات أكتر من إنها قصة حب عميقة."*