رواية:- وزينها بتاج الحب
الفصل الاول
بقلمي / جميلة اكتوبر Sona
🖤🖤🖤🖤🖤🖤🖤🖤🖤
يمكن طريقة السرد عامية و يمكن أن في أول الرواية جزء ممل و مألوف بس بلاش تحكموا عليها من اول فصلين او تلاتة كملوها للآخر و هتلاقوها مختلفة و حلوة و قولوا رأيكوا و لو سلبي هتقبله بكل احترام طول ما هتقول رأيك في حدود الادب و رضا الله ولو مش هتقدر تقول رأيك بأدب وباحترام يبقى من الأفضل توفر وقتك لحاجة تانية 💙.
🖤🖤🖤🖤🖤🖤🖤🖤🖤🖤🖤
بتبدأ قصتنا من أوضة بطلنا زين العابدين، صاحب أشهر شركات الحديد والصلب.
زين شاب، جسمه رياضي، وعيونه عسلية، وبشرته قمحاوية، وشعره أسود، وملامحه وسيمة ورجولية.
عنده ٢٦ سنة، وقلبه قاسي وصارم.
بيصحى زين كعادته، ياخد شاور، وينزل يعمل تمارينه الرياضية، بعدها يرجع ياخد شاور جديد، ويروح على شغله.
في شركة زين العابدين:
بيدخل زين بطلته المبهرة للموظفين، بس بيقطع طريقه لما بتخبط فيه بنت جميلة، عشرينية، لابسة خمار، وبيضة، وعيونها سودا، وبتدلق القهوة على بدلته.
زين: انتي غبية؟! إيه اللي انتي هبّبتيه دا؟
ملك: آسفة والله، من غير ما أقصد.
زين: ورايا على المكتب.
ملك: حاضر...
بتروح ملك وراه على المكتب، وزين بيقعد عادي جدًا بكل برود، وملك نسبيًا خايفة من اللي هيحصل فيها.
زين: اقفلي الباب وراكي.
ملك: لا.
زين: سمعيني كده، بتقولي إيه؟
ملك: بقول لحضرتك "لا"، مش هقفله، علشان حرام وعيب، حضرتك أجنبي عني، ومينفعش أقعد معاك في مكان لوحدي وباب مقفول علينا.
زين أعجب بأخلاقها، بس ما علّقش، وبعدها كمل بحدة:
زين: ممكن أفهم كنتي بتعملي إيه وأنا داخل الشركة خلاكي تخبطي فيا وتكبّي القهوة على هدومي؟
ملك: يعني هكون بلعب حضرتك؟! ما هو قدام عينيك، كنت ماسكة قهوة، يبقى كنت بجيب قهوة.
زين: لسانك!
ملك: آسفة...
زين: انتي شغالة في قسم الصفقات، صح؟
ملك: أيوة.
زين (بعناد): حلو، عايز كل الصفقات اللي عملتيها مع الشركات التانية من أول يوم اشتغلتي فيه الشركة.
ملك: بس حضرتك... دا صعب.
زين (وهو بيخبط بإيده جامد على المكتب وبيتكلم بحدة): مفيش حاجة اسمها صعب ولا سهل هنا! هنا شغل وبس، بدون نقاش.
تشتغلي زي الروبوت، ووقت ما تخلصي شغلك، تتفضلي تروّحي من سكات. مفهوم؟!
وقدامك تلت ساعات بالظبط، تكوني جبتي ليا كل الصفقات على مكتبي. سامعة؟
ملك (ببعض الخوف): سامعة حضرتك...
ملك طلعت من مكتبه وهي بتبرطم:
– قال كل الصفقات قال... الهي ربنا يكرمك بصرصار ينام في حضنك بليل، يا بعيد.
دخلت مكتبها وبدأت تنظم كل أوراق الصفقة، وفضلت تشتغل...
وزين دخل مكتبها... و...
🖤🖤🖤🖤🖤🖤🖤🖤
#وزينها بتاج الحب
#الفصل الأول
#بقلمييي
