رواية:- وزينها بتاج الحب .
بقلمي/ جميلة اكتوبر Sona.
الفصل الثاني :- .....
🖤🖤🖤🖤🖤🖤🖤🖤
ملك دخلت مكتبها و بدأت تنظم كل اوراق الصفقة و فضلت تشتغل و زين دخل مكتبها و فضل ٣ ثواني واقف قدام الباب و دا كله وهو مراقبها وملك مش حاسة عموما .
ملك وهي مندمجة في الشغل و بتبرطم :- ياربيي كل الصفقات من اول يوم اشتغلت فيه الشركة هو الكائن دا ملقيش يستفز حد غيري .
زين :- أيوة هتعملي ايه يعني.
ملك اول ما سمعت الصوت اتخضت و كل الاوراق وقعت من علي المكتب و بصت لزين بعصبية و غضب :- بقي في بني ادم في الدنيا يدخل علي حد كدة و يخضه ايه مش في حاجة اسمها باب .
زين :- صوتك و كلامك و دا اول و اخر انذار ليكي مش هتكلم تاني و بعدين أنا هنا رئيس و مدير الشركة ادخل براحتي و وقت ما انا عايز و قدامك ساعتين بالظبط و تكوني جايبة كل الاوراق دي علي مكتبي .
زين خلص كلامه و خرج و ملك اتضايقت خالص و بدأت تلم في الأوراق .
بعد مرور ساعتين زين قاعد في مكتبه و مستني الاوراق و ملك اتأخرت وقام و اتجه ناحية الباب و فتحه ولسه هيخرج لقي ملك داخلة بسرعة و خبطت فيه كل الاوراق وقعت و طارت و ملك دا كله واقعة في حضن زين في الأرض و مغمضة عيونها و الاوراق بتطير حواليهم و زين مش عارف يقوم يشيل الاوراق ولا يزعق للموظفين اللي سايبين شغلهم و باصين عليه و يتكلموا مش عارف يعمل ايه بسبب ملك اللي واقعة في حضنه .
زين :- ملك قومي بسرعة .
ملك فتحت عينيها و فضلت متنحة في الوضع اللي هي فيه مع زين لأن مكانش في مسافة بينهم خالص كان لازقة في حضن زين بمعني الكلمة .
ملك اتكسفت و خدودها حمرت و قامت بسرعة .
زين :- ايه مش تفتحي تاني مرة .
ملك و عيونها في الأرض :- آسفة والله يا فندم والله ما شوفتك .
زين :- حصل خير بعدين قال بحدة:- يلا كل واحد علي شغله .
زين و ملك لموا الاوراق سوا و جه عند اخر ورقة لموها سوا و بالغلط ايد زين مسكت ايد ملك و ملك شالت أيدها بسرعة و سابت زين ياخد الورقة و زين اتضايق من اللي بيحصل .
ملك :-كدة يا فندم كل الاوراق اهي .
زين بغرض أنه يخليها تفك شوية عن احراجها و كسوفها:- اتمني الاقي كل الاوراق جاهزة ومش الاقي غلطة .
ملك بمشاكسة:-اتحداك انك مش هتلاقي .
زين بشبح ابتسامة و اختفت في ثواني :- هنشوف .
ملك جات خارجة بس زين وقفها لما نادي عليها :- ملك في اجتماع النهاردة الساعة ١٢ بخصوص الصفقات اتمني انك تحضريه في المعاد مش تتأخري لانك انتي المسئولة الكبيرة هنا عن الصفقات دي .
ملك :- حاضر يا فندم .
مرت الساعات و الساعة ١٢ الضهر جات بس أثناء ما ملك رايحة للإجتماع الضهر اذن و بدون مقدمات غيرت طريقها و راحت للوضوء و هي و متجهة لمكتبها تصلي شافها زين و وقفها .
زين :- علي فين يا ملك الساعة ١٢ و دقيقتين دلوقتي انتي بتهزري و الاجتماع بدأ انتي بتهببي ايه كدة احنا ممكن نخسر الصفقات دي .
ملك :- حضرتك الضهر وجب وانا رايحة اصليه .
زين :- بعدين صليه تعالي دلوقتي للإجتماع .
ملك :- بس انا آسفة يا فندم حضرتك مش هتنفعني بحاجة يوم القيامة ربنا هيسألني اخرت صلاتي ليه تفتكر هرد علي ربي أقوله ايه أنا آسفة مش هسيب ربنا ينادي عليا و اروح معاك .
زين حس بتأنيب الضمير و قالها بتكشيرة :- خلاص روحي بس متتأخريش .
ملك :- حضرتك صليت الظهر النهاردة.
زين :- هصليه بعدين .
ملك :- مفيش بعدين لو كان موتنا بياجي براحتنا و علي هوانا كنا كلنا صلينا بعدين بس محدش ضامن عمره ملك الموت بيقبض روحنا في أي وقت فأكيد مش هيستني حد مننا أنه يصلي بعدين .
زين :- طيب .
ملك :- طيب ايه حضرتك روح اتوضي و تعالي نصلي سوا .
زين حس بإحساس غريب جدا من ناحيتها بس الاكيد أنه مش حب .
زين اتوضي و ملك راحت تصلي و خلت زين يأم بيها الصلاة و أثناء صلاتها لاحظت أن زين مش حافظ قرأن كتير في كل ركعة بتلاحظ أنه بيقرأ نفس الآيات مش بيغيرها بس ملك صلت وقتها و سكتت تماما و بعدها راحوا للإجتماع ووووو.....
🖤🖤🖤🖤🖤🖤🖤🖤🖤
#البارت الثاني
#بقلميييي
#وزينها بتاج الحب
🖤🖤🖤🖤🖤🖤🖤🖤🖤
رأيكوا ؟!.
