2⛓️‍💥

بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥 غلقة النافذه متجاهلة الموضوع،،،،، رجعت على سريري ثواني دخلو نور الزهراء بعدها فدك الزهراء يســـــولفن ويضحكن نور جلست على سريري نهضت خليت راسي بحضنها وهي تتكلم مع فدك الزهراء صار تمسد على شعري روح الزهراء : خليج يمنه " نور الزهراء : اي ابقه بس احجيلي عنج شلونج بلدراسه؟\! فدك الزهراء : مخلصتها نوم روح الزهراء : لا والعباس ادرُس لما ارجع لحد صلاة المغرب اتعشا وانام،،،، بس هاي تريدني اسهر وياها نور الزهراء : هههههه اي خطيه،،، اي شلونها اجواء الجامعه حبيتيها روح الزهراء : يعني نور الزهراء : اني افكر بيج طبعج مو جتماعي صعب تتأقلمين مع هيج اجواء" روح الزهراء : صح " نهضت عن حضنها واني متردده اتكلم نتبهتلي نور الزهراء : شكو شبيج؟\! " روح الزهراء : اريد اكولكم شي بس ممنوع يوصل كلامي لعلي الاكبر \. ناضرو البعض مع ابتسامه خبيثه وقربن على نفس الابتسامه فدك الزهراء : شنو هل سر الجديد\.\. حبيتي؟\! روح الزهراء : لا ويني وين الدب اني بلكوه اجر النفس فدك الزهراء : اووي فديت قلبج بعد نونو على الحُب روح الزهراء : بعدين اني رايحه ادرُس مو اتمعشق\! فدك الزهراء : عفيه بنياتي، بس الله يساعد الطلاب على عيونج\. نور الزهراء : عوفيها خليها تحجي،،، احجي؟ روح الزهراء : ماعرف منين ابدي\! نور الزهراء : بدون مقدمات جطيها " مثل ما كألت بدون مقدمات حجيتها مثل ماهي روح الزهراء : اخجل استخدم البخاخ بلجامعة'' فتحو عيونهم متغربين كلامي، مصدومين فدك الزهراء : توقعت والله نور الزهراء : ليش يروحي؟\! روح الزهراء : مااريـــــد يتنمـــرون عليَّ،، او يناضرولي نظرة شفقه،، ماحب هل شي نور الزهراء : اولاً هذه شي مو بيدج،، ثانياً لاسامح الله فد يوم صار ويايج ضيق او تعبتي بسبب نوبة الربو لازم يعرفون حتى يكدرون يساعدونج روح الزهراء : لا البنيه لي جنبي تعرف حجيتلها،، بس قصدي لما تجيني نوبة الربو اروح مكان محد يشوفني واستخدم البخاخ\. نور الزهراء : روحي الي بلجامعة شباب بعمرج واكبر ف اكيد مو بزر و يتنمرون عليج واعين،،،،،،مو مثل ما كنتي بلمدرسه و تعرضتي للتنمر هذول اكبار،أصلاً يساعدوج اذا حتاحيتي شي،،،، ف اريد منج تتقبلين مرضــج وتتعايشين ويا\. فدك الزهراء : صح وحتى وان صادفتـــي اشــــخاص متنمرين لتهتميلهم لان ماكو واحد يتنمر على غيره له هو بي نقص" كلامهم ريحني وزرع بقلبي شيء من الثقه كملنه حوارنه بضحك بقينه نسولف لحد ما نمنا سوا مرو يومين جمعة خوات وسوالف وضحك متخلص،، بعدها علي الاكبر سافر ونور الزهراء رجعت نزلت مثل كل يوم مجهزه نفسي للدوام كعــــدت اتريك بين ميوصل السايق\.\.\.\.\. امي فاطمة: "روح\." رفعت راسي بسرعة : "بلي، يروح روح\." توقفت للحظة كأنها تتردد،بقولها،، بعدها كملت كلامها لي احسه نزل مثل الصاعقه على راسي :عمتج أم بهاء خابرت البارحة\.\.\." سكتت للحظة وكأنها تنتظر ردة فعلي\. كملت كلامها :تريدج لـ بهاء\." فتحت عيوني بدهشة، وقلبي صار يدگ بقوة\. شنو يعني؟\! خطبة؟\! بهاء؟\! ويا كلامها، ندگ الباب فجأة\. طلع قسور فتح بسرعة دخل محمد، متمدد قامته مثل العادة،،،،،، سلـــم ردينــــا سحب الكرسي لي جنبي جلس اردف محمد : ها، بسكوتة، تروحين؟" رفعت عيوني عليه، ولساني صار ثقيل :ها؟\!، إي، منتظرة السايق\." محمد استند بظهره على الكرسي ونظرلي بعين شكاكة، محمد : لا، أني أوديج\." هنا أخذت نفس بسرعة اردفت : لا، علي الأكبر شافلي سايق كنت أتمنى الموضوع يخلص بدون جدال محمد رفع حاجبه باستهزاء : منو يعرفه؟\!" أمي دخلت بالنقاش، وكأنها تحاول توضح الأمور : إي عمه، يعرفه ويثق بيه\. يصير سايق عند المدير وياهم بالشغل\." محمد هز راسه محمد: إي زين\.\.\. لعد، أروح\." أمي بسرعة حاولت توقفه :تعال تريك، عمه\." لوّح بإيده وهو يوقف محمد : لا، عمه، بالعافية\. اليوم مشغول\. أريد أروح للمعرض، أكمل شغلي وبليل أطلع للبصرة\." أمي بلهجة مُصر : لعد اشرب چاي، ميصير بعد إجيت\!" ابتسم ابتسامة خفيفة محمد : إذا چاي\.\. إي اهم شي مو خابط " ضحكو كلهم\. لكن أني كان عقلي بمكان ثاني\. كل هذي الأحداث تصير وأني ممستوعبة بعد كلام أمي\.\.\.\. شنو يعــــني خطبة؟ زواج؟\! وبهاء تحديدًا؟\! محمد سحب الكرسي جلس\.فدو ضحكت ، وهي تنظرلي بعيون مليانة شماتة\. : ماما، شوفوا روح، من الصدمة، حتى اللكمة مبلعتها\!" نتبه الها محمد : شكو؟\! بضحكه فدك الزهراء : بهاء خويك خطب بسكوتك"\. محمد وقف فجأة، كأنه واحد نبهه على شي مستحيل يكون صحيح\. رفع عيونه بدهشة بصوت عالي شوية محمد : لا بربج؟\! بهاء؟\!\! شنو هالحچي؟\!" فدك، كعادتها تضحك وتحب تخلّي الجو أخف، وهي تبتسم : اي وربك، وربي بهاء ابن عمك وابن عمي خطب روح الزهراء\!" محمد ظل واقف بمكانه، عيونه مفتوحة على وسعهن، وكأنه يحاول يستوعب الكلام اللي سمعه\. أخذ گلاص الماي من الطاولة، شرب منه بسرعة كأنه يريد يهدّي نفسه، بس الواضح بعده مرتبك\.\.\.\.\.\.\.\. رفع راسه  على أمي بصوت أقـرب للاستجواب محمد : "وشنو گلتي لهم؟ شنو الجواب؟" أمي ردت بكل هدوء :ماكو جواب بعد، گتلها أشوف علي الأكبر من يرجع ونشاور روح\." محمد نظرني مرة ثانية، نظرة مباشرة\. بصوت واضح لكنه بدا مشحون : روح\.\.\. شنو موافقة؟" هنا، حسيت إن قلبي توقف للحظة\. كل العيون صارت عليّ ، وخصوصًا محمد\. ليش هو متوتر؟ ليش كلام فدك هزّه بهالطريقة؟ وبعدين\.\.\.\.\.\. شنو لي يريد؟ حسيت راسي ثقيــل من التفكير وبدال ما أرد، نزلت عيوني اردفت فدك الزهراء عنــي :"لا عيني، روح الزهراء ما تقبل، لازم تاخذ واحد من مستواها دكتور \. أمي حاولت توقف النقاش بلطافة فاطمة :ترى بهاء مو ناقصه شي، أخلاقه طيبة ويخـــاف الله، وهذا أهم شي بالنسبة إلي\. والااهم قناعتكم لان تعرفون ماجبركم على شي خاصه الزواج\. محمد ظل واقف بمكانه، واضح إنه عقله ما توقف عن التفكير\. أردف مرة ثانية وهو يركز عليّ وگان مو هامه غير رئي\! محمد :روح\.\.\. جاوبيني، شنو رأيج؟ رن موبايلي نهضت متجاهله سؤاله اردفت : ماما اجه السايق رايحه\. فاطمة : الله وياج يروحي نتبهي على نفسج : تمام مع سلامه أخذت جنطتي وطلعت، لكن تفاجأت بمحمد يطلع وراي، ماسك موبايله بإيده ويمشي بسرعة كأنه مستعجل يوصلنــــي قبل ما أروح\. وصلت للباب، حسيت بنظراته تحفر بظهــــري، فتحت الباب قبل مااطلع محمد:روح\.\.\. مجاوبتيني؟ توافقين على بهاء؟" وقفت للحظة، بس ما التفت عليه\. قبضة جنطتي بيدي، وحسيت إن عقلي يعج بالأفكار\. شنو هذا؟ ليش هالاهتمام؟ وين يريد يوصل بالضبط؟ وليش يتدخل بكل شي يخصني؟\! رفعت عيوني بهدوء، لفيت نفسي له ونظرت له نظرة مختلطة بين الاستغراب والتحدي\. ما جاوبته مباشرة\. محمد حرك إيده بعصبية، رفع صوته شويه : متحچين؟ شبيج؟\!" رديت أخيرًا، بهدوء كأنما ما أهتم :ماعرف الله كريم\." ستمرت عيونه عليّ، وكأنه يحاول يفهم شنو أقصد\. بس هو ما يترك الأمور بسهولة محمد :شنو يعني؟ موافقة؟\!" هزيت راسي وأنا ما أريد أجاوب، وبدل ما أكمّل النقاش، طلعت من البيت متجاهلته\. وصلت للسيارة اللي كان السايق واقف جنبها\. محمد مشى وراي، سلّم على السايق، لكن صوته ما كان طبيعي\. وأنا أركب السيارة، سمعته يتكلم اتصال يهمس بصوت واضح مليان غضب :"ها بويه عرفت ؟\!" رفعت عيني من الشباك، شفت محمد واقف مكـــانه ، الموبايل بإيده، ووجهه مقطّب وكأنه صار عنده مليون ســـؤال بلا جواب\. السيارة اتحركت وأنا بقت أفكاري بمكان ثاني\. جالسه المقعد الخلفي، حسيت إن أنفــاسي صارت ثقيلة\. شنو اللي دا يصير؟ شلون حياتي تغيرت بيوم واحد؟ البـــــارحة كنت أفكر بدراستي وبس،،،، واليوم صارت سوالف زواج وخطبة، وحتى محمد\.\.\. محمد تصرفاته صارت غريبة\. مسكت جنطتيي بقوة وأنا أحاول أركـــز على الطريق\. السايق كان ساكت، بس أجواء السيارة كانت تخنگني\. طيف كلام محمد ظل يدور براسي: روح، شنو موافقة؟ حاولت أتهرب من أفكاري، طلعت موبايلي من الجنطة، وفتحت شاشة الواتساب\. رسائل هواية من بنات عمي بلكروب، بس ما عندي طاقة أجاوب\. يا ترى لو يعرفون اللي دا يصير اكيد اصير موضوعهم السيارة وقفت فجأة عند الإشارة\. رفعت عيوني وشفت الناس تمشي عادية بالشارع وكل واحد له قصه محــــد يعرف تفاصيلها غيره همست لنفسي : "ياربي ساعدني" هواي نخطبت قبل بهاء بس كان الرفض بسهوله لان غريب وقتها كنت اصغر بس هسه بهاء\!\! اخاف رفضــي له يثير جدل بين الاهل وهل شي مااريده ابد،،،، قبل لا أكمل تساؤلاتي، رن موبايل السايق بصوت عالي، وهو رفع الموبايل بيده\. رد :هلا عيني\.\.\. إي، إي وياي هسه\. دقيقة\!" قدملي مبايله : تفضلي خويه اخوج علي الاكبر على خط اخذت المبايل بلهفه وفرحانه بهتمام علي الاكبـر الي رغم مسافر ومشغول ومناسيني : علييي\!\! علي الاكبر : ياروح لعلي شلونج؟ : الحمدالله بخير دامك موجود علي الاكبر : خو منسيتي البخاخ؟ : لا والله بلجنطه علي الاكبر : وصيته يجيج قبل وقت واي شي تحتاجون بس اتصلوا عليّ : تمام علي الاكبر : يله روحي نتبهي على نفسج : ميحتاج بوجودك ضحك ودعته رجعت المبايل،، اتصـال علي الاكبـر واهتمامه يحسسني بقوه وماكو شي يخليني اقلق او اخـاف طول ماهو جنبي ويدعمني ميهمني شي،، خلاص اخذت قراري وصلت الجامعة وبده يومي نشغلت بلمحاضرات طلعنا اني ومريم لي جنبي للكافتريا شترينا اشياء ناكلها جلسنا بمكتبة الجامعة قرانا شوية وطلعنا نمشي مريم : شعجب متخلين من هل قراصه لي الكبيره؟ : ليش اخليها؟\! مريم : حلوه تثبت الشاال : حجابي ثابت؟ مريم : اي : اذاً محاج هي كانت لابسه من هاي القراصات الكبيره لي تبرز باوعتلها روح الزهراء :مريم اريد اكول شي واتمنى متزعلين واعتذر اذا كلامي حيضوجج بس كصديقه واجبي اكولج هل شي\. فهمت عليه مريم : اعرف والله غلط حتى امي مو قابله عليها بس شوفي البنات كلهم ومديل\. : طيب انتِ تتبعين العقل الجمعي شنو يسوي المجتمع تسوين وياهم؟\! صمتت روح الزهراء : هل قراصه تذكرني بقول" للامام علي عليه السلام يقول\(ياتي زمان على نساء امتي لهــن حدبه كحدبة البعير\) هل قول اني قرأته قبل ميجي موديل القــراصه وكنت دائماً اسأل شنو يعني تطلع حدبه بظهرنا؟\! الحد ماشفة قول الامام ويا صورة القراصه فهمت المعـــــنى سبحــــــان الله مريم : تعاي : وين؟\! : تعاي معليج رحت وياها\.\.\.\.\.\. وصلنا للمغاسل دخلت نزعت الشــــال ضحكت اخذت القراصه شمرتها بسلة النفايات اني فتحت حجابي انطيها قراصه من شعري مريم : ما شاءلله شعرج يجنن لو تلفي يصير قراصه : هههههههه مو؟\! فتحت لقراصه من شعري لشعرها مريم : مو اكول جيناتكم مرغوبه : اني على امي شعرها يجنن بس بعد استشهاد بابا الله يرحمه سوته صفر" مريم : عليج الله؟\!\! ليشش؟\! : اي والله، وكل هل سنوات يادوب صار ولادي وخفيف لان شعرها طويل وكثيف وبسرعه صـــدمته ودكته صفـــر و كانت حزينه لذلك ما طول بعد، لان الشعر حي ينصدم، يتاثر بلمشاعر\. لمت شعرها وثبتلها الشال،، رجعت لبست حجابي طلعنا اردفت مريم : هيج تحبه؟\! : و اكثر،، رادت تحرك نفسها بس الله حفضها\. مريم : ياربي دخيلك، واضح متعلقه بي؟\! : كُلش مريم : تزوجو عن حُب؟ : لا ابد تكول ماشفته له يوم الـــــــزواج،تزوجة عمرها 14 سنه، بعد الزواج عاشو قصة الحُب، ودللها دلال وخلاها تكمل دراستها\. مريم : فدوه واضح حلوه قصتهم؟ شنو كملت دراسه؟ روح الزهراء : امي كملت معهد معلمات وتعينت بس استشهاد اخواني وبعدها استشهاد بابا تركت كل شي مريم : الله يصبرها ويقويكم : امين يارب ،، كان تاخرنا عن لمحاضره مريم : يمكن والله ههههه ـــ سرعنا خطواتنه دخلنا القاعه بعد مااجه الاستاذ دخلنا بثواني دخل خلفنا، وبعد نهاية الدوام اجه السايق رجعت اول مادخلت للبيت شفت امي بلمطبخ قبلت راسها صعدت غيرت لبسي اجت فدك الزهراء تضحك تناضرلي نظرات عرفت بفمها كلام تريد تچي روح الزهراء : اي احجي صار؟ ببتسامه فدك الزهراء : شنو قصدج؟ نضرلتلها بطرف عيني عوجت فمي ضحكت وقربت تتكلم بلهفه فدك الزهراء : ولج بعد مارحتي ستجوبت امي حچتلي كل شي \. : بخصوص؟\! : طبعاً بهااء \. : اي شكو ؟ فدك الزهراء : كولي شنو لي ماكو؟ : احجي؟؟ فدك الزهراء : عمه ام بهاء لما متصله على ماما گالتلها بهاء من شاف روح الزهراء نصدم ممتوقعها هيج كبرت بسرعه عجبته ومالكه احســــــــن من روح مـــــره أله واذا على دراسه ف، عادي يخليها تكمل ماعنده مشكله،، وتعرفون بهاء شنو والي طلبو حاضرين نهضت من مكاني حسيت صدري يضيق رجعت فدك الزهراء : لج طيحتي الولد من اول نظره \. روح الزهراء : شنو يعني انتِ موافقه اتزوجه؟ فدك الزهراء : هذه القرار قرارج لتخلين اي شخص يأثر عليج،، حياتج انتِ تعيشيها لذلك فكري الف مره شعرت نفسي ثقل نقذت نفسي بسرعه فتحت الجنطه اخذت البخاخ تنفست،،،، فدك الزهراء مسكت ايـــدي متوتره فدك الزهراء : شبيج؟\! مارديت جلست على كرسي سندت ظهري وايدي على صدري،، جلست ماسكه ايدي اردفت فدك الزهراء : روحي اذا متــــردي محد يجبرج بس احجي لتضلين ساكته \. روح الزهراء : اخاف اذا ارفض يصير خلاف بين عمي وعلي الاكبر؟\! \. فدك الزهراء : تعرفين علي الاكبر شلون يحبج وكل همه رضانه وراحتنه، والزواج مابي أجبار \. روح الزهراء : مااريد اسبب مشكله لعلـي الاكبــــر \. فدك الزهراء :ماكو مشكه شي عادي كل بنت تنخطب ولها حق توافق او ترفض هذه حقها الشرعي تعرفين علي الاكبر متفهم خاصه بهيج سوالف مافــد يــــوم جبرنا على شي منريده \. اخذت نفس، فدك الزهراء :روحي سؤال؟ ناضرتلها\. كملت فدك الزهراء : اعرف سبب رفضج لـ بهاء بس اريد أسمعها منج؟\!\. : اولاً ممفكره بلزواج ومسؤولية،، ثانياً تعرفين بهاء ضابط وهل شي كافي ارفضه لا سامح الله والله يحمــــي ويحمي الجميع لو صـارله شي شنو اسوي وشايفه وضع البلد شلونه حالة حـرب \* الي يروح ميضمن نفسه يرجع الاهله سالم لو بعلم، واني بعـــدني صغيره ودراستي كل همي ممضطره اخاطر بمستقبلي والزواج مو لعبه بتسمت حضنتني فدك الزهراء : يمه ه ه ه ه فدوه بسكوته شلون تفكر\!\! سمعنه صوت روان وهي تصيح روان : بنااات يله صار الغدا بعدنا عن بعض نهضنه واني داخلي صراع بين الاطمئنان ، القلق فدك الزهراء : بس لاحضتي محمد شلون نصدم من عرف\. : اي نوب ظل يسألني روح شنو موافقه؟ توافقين على بهاء؟ نزلنا الدرج مسكت ايدي فاتحه عيونها اردفت بكلمات زادت خوفي فدك الزهراء : ليكون محمد يريدج؟\!\! روح الزهراء : فال الله ولا فالج" بيش طالبتني؟\! نزلت امي وروان مرتبين السفره غسلت ايدي جلست قسور وحيدرا جنب بعض روح الزهراء : عمه غسلتوا ايدكم؟ قسور : لا عمه حيدرا : اني حسلتهم لان بابا يكول لازم نحسل حتى الله يحبنه لان نحتلُم نعمه\. روح الزهراء : لك فدوه اروحلكم عفيه عليك عماتي قسور ليش مغسلت؟ قسور : هسه احسلهم نهض يغسل واني احجي ويا حيدرا روح الزهراء : حيدور تكدر تعلمني شنو اسوي على سفره تعرف لو لا؟ حيدرا : اول شي نحسل الايدي بلصابون بعدين نجلس ب أدب على سفره ومن ناكُل نكول بسم لله الرحمن الرحيم،، : ليش نكول بسم لله الرحمن الرحيم؟ حيدرا : حتى الشيطان مياكُل ويانه، واذا ياكُل ويانه متجينه قوه ونتمرض\. : عفيه عليك عماتي\. منو علمك هيج تكول؟ حيدرا : بيبي اجه قسور قسور : عمه شوفي حسلت \. : اي عفيه بطل\. قسور : اني بطل مثل الامام علي وسوبر مان\. حيدرا : لا اني مثل الامام علي هو قوي يحارب الكفار بلسيف سوبر مان ماعنده سيف مو قوي ضحكت لعفويتهم روح الزهراء : حيدر شمدرك؟ حيدرا : اشوف بلموبايل شلون يقاتلهم بقـوه كلهم بلسيف مالته، وبيبي كالت هذه السيف نزل من السماء يعني بي قوه من قوة الله \. فتحت عيوني بتعجب وصدومه من تفكيــــره طفل بس كلامه عين العقل، وصل الاكل كعدو روح الزهراء : صح كلامك عمه ، هسه ناكُل وبعدها نكمل \. حيدرا : تمام قسور : كولو بسم لله لتنسون\. ضحكنه وكلنا سمينا\.\.\. بعدها جلست وياهم شوية رجعت صعدت اكمل دراستي لحد ما سمعت اذان المغرب عفت كل شي صليت ونزلت بعد العشا اتصل علي الاكبر بعدها شويه نــــدك الباب طلع بلكامرات مصطفى ومحمد راح حيـدرا فتـح نهضت اني وفدك الزهراء تحجبنه دخلو سلمو محمد مارفع عينه عني اني تجاهلته نزلت عينـــي بالارض محمد : عمه اني اروح للبصره يومين وارجع واي شي يصير مصطفى يبقه يمكم مايصيـــر البيت خالي من الزلم خاف تحتاجــــــــون شي بين مايرجع علي الاكبر امي : ياعمه فدوه لطولك مايحتاج وانتم مو بعيدين\. محمد : حتى لو مهما يكون تحتاجون شي مصطفى موجود بين ماارجع \. ا بمزح مصطفى : عمه ليكون ماتردوني؟\! فاطمة : لا عمه هله بيك بس ماريد اشغلك\. مصطفى : ماعندي شي الاهم ماتحتاجون شي ومايصير البيت خالي من الزلم بضحك فدك الزهراء : وسفه منو يكول بيتنه خالي من الزلم ؟\! دشوفلي هل اسود قســـور وحيـــدرا " مصطفى : هاا ارجع؟\!\! فاطمة : لا عمه صدُك چذب البيت بيتك\. مصطفى : لعد بس افراش وغطا حتى اقيم فاطمة : بسكوته ماما جيبي فراش لمصطفى نهضت لغرفة امي بيها الاغراض ماكدرت احصلهم صحت روح الزهراء : مصطفى،، مصطفى تعال انتَ حيوكعن الاغراض \. واكف عيني على اغراض حسيت شخص دخل للغرفه لفيت محمد روح الزهراء : ساعدني\. محمد : طبعاً اني لي اساعدج\. : شكراً \. نزل فراش وغطا ناظرلي نظره ماكدرت اتجاهلها محمد :بسكوته اسألج سؤال؟ واريد تبردين گلبي واني هسه طالع بمنيه ماعرف لي شنو يصيرلي صمت ثواني عيونه تتنقل بتفاصيل وجهي،ومثل ماتوقعة سؤاله، محمد : توافقين على بهاء؟ بروح عمي جاوبي؟ يعرف نقطة ضعفي رفعت عيني ناضرتله اخذت الاغراض من ايد\. : اني ماريد لا بهاء ولا غيره\. طلعت هو خلفي وصلنا للصاله نتبهته الابتسامه مرسومه على ثغره،، مصطفى اخذ الفراش دخل الاستقبال بينها وبين الصاله قاطع باب خشبي كبيـر مصطفى : بنات اريد چاي روان : سويت فدك الزهراء : وامي شلون سوت گليجه مصطفى : ام التمر ؟ : طبعاً محمد : اني سمحولي هم يله اطلع، تحتاجون شي؟ فاطمة : سلامتك عمه تروح وترجع باسلامه محمد : الله يسلمج عمه نهض قبل راس امي طلع،، روان جابت حافظه بيها گليجه روان : روح روحي انطيها لمحمد عمه كالت يحبها اخذتها من ايدها طلعت للحديقه امي دخلت،، ركضت فتحت الباب شفته هستوه فتح باب السياره يريد يصعد،، بصوت عالي روح الزهراء : محمد\! \. محمد\! لتفت نحوي غلق الباب قبل ميصعد رجعلي مبتسم و بصوت هادئ شبهه مسموع محمد : ياروحه \. طلعت راسي من الباب اشوف اذا اكو احــد بشارع ماكو شي قربلي محمد : أمري؟ : سلامتك بس هاي كليجه اخذها بلطريق،بس لتاكُل وانت تسوق صف على جنب طريق البصـره خطـــر" ابتسم وهو ياخذ العلبه من ايدي تكلم بحسره محمد : مو اخطر من عيونج " رفعت عيني عليّ متعجبه\! رجع صحح كلامه محمد : اقصد الله الحافظ، يله فوتي للبيت\. ودعته دخلت لكيتهم مجموعين والصينيه بلنص قـوري الچاي والگليجه ويسولفون، قسور وحيدرا جابو كتبهم اخذها مصطفى يدرسهم روح الزهراء : اسمحولي انام مصطفى : ها\!\! بعد وقت الساعه 9 فدك الزهراء : لا اليوم متأخره ساعه مصطفى : شنو دجاج روح الزهراء : اذا ابقه ثانيه اغفه واني كاعده مصطفى : روح نامي روح الزهراء : اي والله تصبحون على خير :: وانتِ بخير صعدت جهزت ملابسي للصبح بعدها فتحت النافذه لان الجو حلو بي بروده شويه شمرت بنفسي على سرير عيني بلسقف وصوت محمد'ميطلع من راسـي وهو يرد"مو اخطر من عيونج" شنو يقصد\! لا يااغبيه اكيد ميقصـد بيها شـي هو دائماً يسمعني كلام ويناديني بسكوته "وخــلا الكل يسميني تجاهلت افكاري، ستسلمت للنــوم فزيت بعد فتره قصيره من البرد تسلل للعظام جسمـي ثلـج نتبهت النافـــذه نسيتها وفدك الزهراء نايمه هم ممننتبه عليها شفت الساعه 12 ونص نهضت اغلقها نتبهت على نفــــس السياره شفتها قبــل كم يوم واكفه نفس لمكان بس هل مره شخص نازل منها واكـف بمكان شــبه ضـــوء موبين من ملامحه وجهه شي بس ضله واضح لابس جاگيت متوجهه بقامته على بيتنه يناضرله بقت عيني عليّ تراقبه من دون مااخلي ينتبه مرت دقايق هو على نفس الوكفه ماتحرك متصلب ب ارضه شـويه صار يروح ويرجع كانه منتظر شي وكل شويه يرفع راسه يناظر بيتنه خياله واضح،،،شعرت بجسمي صار يرجف والف سؤال ب سؤال اجه بعقلي شعرت گلـــبي وگع بالارض من خوفي، قربت لـ فدك الزهراء وانـي دم نشف بعروگي بصوت واطي خايف يرتعش روح الزهراء : فدددك،، فدددككك هزيته بقوه من كتفها نهضت مخروعه فدك الزهراء : شكو شكو شبيج\!؟ : ماعرف منو واكف بالباب هاي ثاني مره اشوفه : بسم الله الرحمن الرحيم،، عيشني بفلم رعب ساعتها،، نهضت وياي قربنه على نافذه ناضر له والصدمه \.\.\.\.\.\. يتبع\.\.\. بسم الله ارحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥