27⛓️‍💥

بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⭕كل واحد بيهم يمثل اخلاقة وتربيته، مستحيل ناخذ شخص واحد ونحسبه على مذهب كامل لا تنسون التصويت والتفاعل بين الفقرات\.\. ⛓️‍💥قيود المذهب ⛓️‍💥 بقلمي\.\.\.\.\. روز الحيدري \. التكملة\. "روح الزهـــراء " بس قرأءة المسج تصلت بيها بسرعة شوية رد ام عمر : الو شلونج عمه : هلا عمه الحمدلله، انتِ شلونج؟ ام عمر : بچذب كولي عمتي اسلم عليها اشوفها\. : حقج والله مقصرة وياج اعذريني ام عمر : عاذرتج واعرف بيج دراسة، اهم شي دراستج ركزي بيها\. : ان شاءلله ام عمر : تعالي فد يوم خلي عمر يجيبج نتعرف عليج، البنات هم تتعرفين عليهن\.\. بتسمت، تكلمت بحماس : اي عمه والله كلت العُمر، اريد اتعرف على اهلك\.\. بس تعرفين المشروع اخذ كل وقته ام عمر : صح يتعب تدرين عمر ماشفنا من ذاك اليوم بعد مااجه\. ستغربت كلامها :مفهت اي يوم؟ ام عمر : لما حجيتيله عن البنية اللي مراسلتج من يومها طلع وزعل بعد ماوصل للبيت\. : عمه والله العظيم مااعرف مسولفلي\.\.\. أصلاً اني ماصدكت اعرف عُمر ميسويها\. ام عمر : اي هو ماعنده هيج سوالف\.\.\. بس عبالي تدرين\.\.\. وزعل على زعلج\. : لا والله عمه هسه سمعت من عندج\. ام عمر : كلت عيب لازم اعزمكم نتعرف على بعض بس عمر بعد زعلان\. : ان شاءلله طبعاً اجيكم\.\.\. لتهتمين اني احجي ويا بعيوني ميصير خاطرج له طيب\. ام عمر : ان شاءلله \.\. يله اخذي راحتج وسلمي على اهل\. : بعيوني يوصل\. سديت الخط منها رجعت تصلت بعُمر رد عمر : هلا بمرتي الحلوة، شنو؟ بهل سرعة شتاقيتيلي؟قبل شوية تلوميني عووومررر عندي متحااااان عووومررر مدتخليني اركز حوووبك شاغلني\. نفجرت ضحك من قلدني مانطاني فرصه احجي، اني هم مقاطعته تابع عمر : عوووومرررر لما افتح الكتاب اشوفك حبيبييي،\.\. ومن اصير يمها ينزل وحي الخجل\. : عُمرررر حبييييبيييي عمر : ها شوفي عووومرررر ضحكنا ثنينا عمر: زهورة تعرفين شنو اتمنى؟ : اني وياك نسوي العشا\. ضحك عمر : اويلي يابا وانتِ گبالي، أسويلج أحلى سفرة، بس بشرط\. : شنو؟ عمر : تحضرين وياي وإنتِ لابسة ذاك السيت الحرير، اللي يخليني أنسى حتى الجوع\. همست بخجل : عُمرررر، ترى اخجل لتحجي هيج\! رجع همس وكأن قرب صوته السماعة عمر : سلاحج اللي يقتلني ويأثر بيه هوخجلج\. :ا\.\.\. هسه دتسوي عشا؟ عمر : اممم فاتح سبيكر واحجي : اشو صورلي شنو تطبخ\. فتح اتصال فيديو ضحك عمر : هلا ب ام علاوي\. : اويي يصير عدنا لولي عنون\. عمر : اريدهم كلهم يشبهوج من هسه دا اشوف صورتج\. ضحكت : اي حبيبي لمفروض صورتي متفارك عيونك\. عمر : هن عيوني شيسون بالياج\!؟ : ااخ عموراتي اني قلبي صغير لا يتحمل\. عمر : اني انطيج قلبي نعيش بي سوه\. : حبيبي عمر : يبعد عيونه : اشو جعت، شنو سويت عشا؟ فر الكامرة بلطاوة برگر عمر : اسويلج؟ : ياريت خاف اتعبك؟ عمر : ياريت كل تعب هيج حلو\.\.\. هسه اكمل واجيبها من اوصل اخابرج تنزلين تاخذيها\. : لاتعال خلي نتعشا سوه\. عمر : بس خاف عيب الوقت تأخر؟ : لا هستوها ب 10 نكعُد بالحديقة\. عمر : يله تمام ثبت المبايل وصار يجهز الاكل اول مره اشوفه هيج متحمس عمر : شلون تحبها مدامتي الحلوة\. : ماحب لتخلي عليها صوص بس بصل محمص وطماطه\. عمر : صار بقى يجهز واحنا نسولف لحد ماكملها سد الخط نهضت وكفت مقابيل المراية رتبت شعري فتحته بس الخصلات لميتهم بفيونكة كنت لابسة تراك مغيرته بس لبست سترة لان الجو بارد طلعت شفت علي الاكبر : لولي\.\.\. حبيبي علي الاكبر : مو اني حبيبج ابو الاقتصاد\. حضنته وضحك : لا لولي انت اخوي،ابوي، صديقي، حبيبي والله\. علي الاكبر : ضحكي عليه بكلامج الحلو\! بعدت اضحك : ابو علاوي طبخلي بيده انزل انتظره\.\.\.اشوف طبخه علي الاكبر : طبعاً لازم يتعلم يطبخ لان اختي الحلوة اديها متتحمل ضحكت علي الاكبر : يله نزلي أم علاوي بس دفي نفسج باردة\. : صار رجع الغرفتي\.\.\.\.\.\.\.\.\.\. نسيت هدية عُمر ميسويها بيدي الفاف رجالي حياكه على رقبة يصير الونه اسود اخذته نزلت، للمطبخ جهزت ضيافة وچاي بين ما وصل دز مسج ركضت للباب فتحته شفته نزل قرب؏ الباب مبتسم صرت اكمز مثل الطفلة ضحك اول ماقرب كمزت حضنته ،هو مثل كل مرة يضمني كأن أول مرة يلفني الحضنه كل قوته بعدت طبع بوسة ؏ خدي وعضه بالطف ضحكت : عُمر عمر : وجعتج؟ : لاءء،\.\.\.\. بس شنو هاي ريحت الاكل طيبة يله\. سحبت ايده بخفة\.\.\.\. للحديقة مرتبة المرجوحة وكدامها طاولة صغيرة والجو يجنن : ماعرف شنو تحب جهزت چاي وعصير\.\.\.\.\. وحبشكلات\. عمر : احبج انتِ وبس\. نزع سترته مبتسم وهو يناظر الطاولة،\. جلسنا يفتح الاكل، ضحكت واحس فراشات حوالي من شفت السندويشات البـرگر مسويها على شكل قلب قربت قبلت خده\.\.\.\. عطره ترس ريتي قربت الأذنه همست :أحبك حسّيت قلبه وقف لحظة، بعدين لف وجهه بهدوء صوب وجهي، صوته نازل، بس عيونه تصيح عمر : عيديهه\.\.\. : لااا، مرة وخلاص\. مسك كف ايدي سحبه على صدره، يناظر عيوني عمر : هاي مو مرة، هاي عمري كله، اعيش بيها\. نزلت عيني بخجل من نظراته اللي خترقت قلبي عمر : هيج صعبه تعيديهه\.\.؟ بخجل : احبك\.\.\.\. بس لاتناظرلي هيج بعد عيونك عني\. ضحك بخفه سحبني الحضنه،راسي على صدره عمر : ابعدهن عنج؟ مستحيل\.\.\.\. هن ألج شلون ابعدهن\! بعدت مبتسمة تكلمت : طاقتي خلصت من الدراسة، وشكلها القلوب طيبة عمر : طبعاً\.\.\. طيبة صنعت بِحُب" اخذ قطعة وكلني بيده بس خليتها بحلكي صاح عمر :اااااخ\.\.\. ولججج عضيتي گلبي\. ضحكت ماكدرت احجي الاكل بحلكي رجعت وكلته هم سويت مثله ضحكنا : عاشت ايدك صدُك طيبة\. عمر : عوافي حبيبي\. : ا\.\.\. عمري\.\.\.\. صدُك عمتي شلونها؟ بلا ميناظرني تكلم عمر : بخير\. : واخوانك؟ عمر : كلهم بخير\. : يمته اخر شي رحت شفتهم؟ رفع نظره اللي تكلم وهو يرفع حاجبه عمر : كمليها ؏ اساس جوعانه؟\.\.\. يلا شو مثل الشطورة\. محجيت شي لما خلصنا اكل\. سولفنا شوية بخصوص المشروع وكان يخليني اختـار كل شي يخصه المشروع\. جالسين جنب بعض ماسك كف ايدي سانده راسي ؏ كتفه : عمتي تصلت اليوم\. بس سمعها جفل عمر : شنووو؟ شتريد؟ شنو كالتلج؟ : شبيك؟ ماحجت شي\! بس كالت عُمر اخذ ع خاطره من ذاك اليوم، بسبب البنت اللي راسلتني\. عمر : اي شنو تريد ليش تصلت؟ : حبيبي انتَ وعدتني متسوي شي ليش هيج مهما يكون مااريد يصير زعل بينكم،\.\.\.\. شفت عمتي اول وحده تصلت بيه اني يعني دتوصلي فكرة عُمر بسببج ترك البيت\. مسك ايدي بقوة عمر : لا ابد مو انتِ وعيونج أصلاً اني مسويت شي بس عاتبتهم وطلعت،\.\. متتخيلي الوجع اللي حسيت بي من عرفت انتِ بسبب اللي صار بالمستشفى : اعرف والله بس انتَ تعرفهم مو قصدهم غير شي، وگلت سوها ويه علي يعني مزحهم ثكيل عموراتي،\.\.\. الخاطري مااريد عمه تكول بعدها مااجت وفرقت بين الاخوان\. ضحك رجع سحبني الحضنه عمر :بس\.\.\. الخاطر هل رموش المتعاركة\. ضحكت بعدت اخذت شبس اخلي بأصابعي واكُل، ركز بيه : احمم عمر : صحه حبيبي\. : تصحي بدنك\. عمر : هههههههه مسك كف ايدي اكل الشبس ثواني نهضت اخذت الفاف قدمته عمر : شنو؟ فتحته خليته ؏ رقبته واتكلم : كل خيط اني غزلته بيدي وكنت فرحانه لان تعلمت بس حتى اسوي لك\. اخذ كفوفي ثنينهم يقبلهم عمر : هنيالي هل ادين الحلوة تعبت الخاطري\!\. اخذه شمه غمض عيونه عمر : راشه من عطرج\. بتسمت هزيت راسي بأيجابية سحبني ضربني بنفسه عمر : دخيل الله شكد احب عطرج يتغلغل بأعماق اعماق روحي\.\.\. ينتشر بجسمي مثل التخدير\. : يعني متحتاج جرعة تخدير؟ عمر : انتِ وعيونج كافيات\. ضحكت\.\. بعدت كل شوية يشمه عمر : اروح قبل ميجي علي الاكبر يهبط اسهم السوق العاطفي عندي\.\. : هههههههه طلع مو هين\. عمر : طبعاً\.\.\. تعرفين احسب يوم يوم للعطلة حتى اخذج منهم ونشرد من العراق\. بضحك : وين نروح؟ عمر : اترك كلشي واكتفي بيج\.\.\. تقبلين؟ :تحجي صدُك؟ عمر : اي والله عندي صديق بألمانيا يضبط اللي كلشي\.\.\. بس انتظر كلمة من السانج\. ضحكت : اني اذا مااختنك بتراب الوطن ماحس نفسي عايشة\. عمر : روحي احجي صدك والله بعد الزواج اذا وافقتي نطلع\. : دراستي شلون؟ دوامك؟ عمر : اي هناك نكمل بس سنتين نتعلم اللغة وبعدها اضبط كل شي\. : ماعرف شنو سبب هل قرار المفاجأ؟؟ سكت شرد بفكره بعدها تكلم بحسرة عمر : لا هواي فكرت حتى قررته وحسبتها زين بس مااعرف تكدرين تتخلين عن كل شي وتخلين ايدج بأيدي وتكولين موافقة؟ من نبرة صوته حسيت الموضوع اكثر من جدي مسكت كفه : وياك بكل خطوة بس لازم نفكر بالموضوع الف مرة ولتنسى\.\.\. مشروعك حلم عمرك هذا\. عمر : طُزززز بكلشي ميهمني، اريدج وياي وعد مااخليج تندمين لو اعرف اذب نفسي بالنار بس حتى اسوي كلشي يسعدج\. حضنته : ميحتاج تسوي وجودك كافي\.\.\. بس نحجي بموضوع السفر ونفكر اكثر بعدها نقرر\. عمر : هاي هي\.\.\. لعد اروح ونامي باجر عندج متحان\. : صار حبيبي\. اخذ السترة راد يلف : عمري\.\. عمر :يبعد روحه\. : باجر حتروح للمشروع؟ عمر : اي : تمر على اهلك؟ عمر : الخاطرج بس\. : لا مااريد الخاطري اريد تروح بقلب صافي\. عمر : والله العظيم متعرفين السني اذا حلف بالله يقفل\. ضحكت : فديتهم \. عمر : لا فديتهيم شنو؟\!\! : ليش مو عمام اولادنا؟ سكت ثواني، ناظر بوجهي عمر : ستغفر الله نسيت شنو ردت اكول\. : اي حبيبي عليك بالاستغفار\. ضحك مشينا للباب قبل راسي عمر : والله الخاطر هل عيون راح اروح واحاول اتقبل الموضوع\. : عمري تعرف عمتي هي موراضية عليَّ وهل شي ممكن يخليها تلومني\. عمر : هاي هي حبيبي لتهتمين بس اذا تكرر فعلهم لا بعد مو عيونج لو شفافج تدخل هم مااقبل\. بتسمت عضيت شفتي بخجل عمر : لا تعضين شفتج، اخاف آخذها حجة وأبوسج، وانسـى كلشي\. نزلت عيني بخجل بعدت خطوة :عيب استاذ\!" قرب الخطوة اللي بعدتها، تكلم بصوت واطي عمر :مو عيب، اني خطيبج، وشرف الي أحبج بهالصدق،لان هل عضه گطعت انفاسي\. قرب ايده على وجهي بخفه عمر : لاتسوين هيج مرة ثانية اني رجال عاشگ ماتحمل\. ضحكت احاول ابعد عمر : لتضحكين ضحكتج هم جريمة،\.\.تستاهل حكم مؤبد بگلبي\. :عُمررر شنو خو اموت احسن\. ضحك عمر :تعاي موتي بحضني\. : عُمررررر ضحك وهو يردد عمر : رايححح رايييحح\. ضحكنا طلع سديت الباب لميت الاغراض رجعت هستوني فتحت الملزمة وصل مسج 💬عطرج بقة بملابسي ولج راح اتخبل حاضن قميصي واشم بي\. ضحكت وصل مسج لاخ بس كان صورة مخلي القميص على انفه يشمى رجعت راسلته سولفنه بعدها شوية نمت، كعدت الفجر مثل كل مرة يومي يبدي صلاة، قرآن، دعاء راحة نفسية ماتنوصف حتى لو كنت تعبانه اقل شي اقرآ صفحة وحدة من القرآن\. بعدها راجعت للامتحان ويومي يمر مثل كل يوم انزل اصبح عليهم اتريك ونسولف شوية بين ما يوصل السايق اروح للدوام\. "ريــــــــــم" طول الشهر الفات عمر مايوصل واذا راد شي من غرفته يخابرني يوكف بالباب انطيهيا من دون علم امي، اما ابوي من عرف تعارك ويا امي وصار يصيح ويكلها انتِ بتصرفاتج تخلين عمر بعيد عنج وتخسري بعدها ابوي هم غاب عن البيت اسبوع بعد ماصار بينهم كلام اني ماكنت ادخل وانطي رأيي كنت متفرجة بس بداخلي رافضه كل افعالهم ،بنفـس الوقت خايفة امي كانت دائماً تتصل بعمر بس ميرد عليها ابـد بعدها حست بغلطها بعد ما علي، عثمان ضغطوا عليه بعد متحجي ولا تجيب طاريها،\.\.\.\.\. التزمت الصمت الاحد بعد الظهر اجه عمر سلم بس كان سلامة ويه امي بارد مو عمر القديم اللي يجي ملهوف يقبل ايدها وراسها مجرد سلام عادي بعد شهر كامل\!؟ جلس مثل الخطار حتى الغرفة ماصعد لزم مبايله يتصفح قربتله ريم  : تراسل حلوتك؟ بتسم عمر  : اي اليوم اني مموجود وياها وضايجة عوزها تبچي\. قبل مااحجي اجت امي ام عمر  : كم يوم تظل؟ عمر   : اسبوع\. ام عمر  : هنا؟ عمر  : اي ام عمر  : غرفتك من رحت لليوم ادخل ارتبها واعطرها، حتى ملابسك جاهزات\.\.\. كوم بدل بين مااجهزلك الاكل\. عمر  : لا تعبين نفسج تغديت اني وعثمان\. نهض مسكت ايده تكلمت بترجي ام عمر  : اذا تظل هيج وياي اخابرها واعتذر منها\.\.\.\.\. غلطت ماعرفت هيج تحبها وتفضلها علينا\. رجع جلس ومسك ايدها عمر  : يمه\.\.\. رفضج الها يعني رفضتي سعادتي، كل شي حلو شفته بعيونها، من دخلت حياتي كل شي صار افضل وكل ابواب الخير نفتحت والله المستحيل تحقق بوجودها واذا خوفج تغيرني فأني أيماني ثابت ماكـو كل فرق كلنا اصحاب دين واحد، نبي واحد، كــتاب واحد، كلنا تجمعنا راية الله أكبر" هزت راسها بأيجابية ام عمر  : هاي هي شايف السعادة ان شاءلله\. ضحك حضنها عمر  : هسه تظاعفت سعادتي\. ام عمر  : سعادتك من سعادتي فدوه رحت لك يمه\. بعد عنها قبل راسها ام عمر  : شوف يوم حتى نعزمها هي واهلها عيب من خطبتوا لسه لاعزمناهم ولا تعرفنـا على اهلها\. عمر  : صار بس تكمل متحاناتها\. عمر الضحكه مافاركته بعدما سولف شوية نهض مستأذن طلع موبايل تكلم عمر  : ريمييي\.\.\.\. راح انام ممنوع تكعدوني له اني انزل\. ريم  : صار صعد الدرج والمبايل على اذنه تكلم وهو مبتسم عمر  : حبيبي\.\.\.\.\.\.\. ياروحه\. صعد ومانزل غير على عشا كلنا مجموعين حتى بكر\.\.\.\. كان مو راضي بزواجة بس بعد كلام ابوي حاولوا يتقبلون علاقتهم\.\.\. لان احنا عائلتنا مو مثل غيرنا امي وخوالي اللي عدهم حرام زواج من الشيعة من السني،وبعض الشيعة كذلك هم يحرمون اما عمامي اهل ابــوي عادي ياخذون وينطون\. "روح الزهــراء " مر يومين مشايف عُمر بس نتواصل بستمرار رغم نشغالة يتصل مثل كل يوم ادرس وبعدها يتصل يسولفلي شنو سوه، شنو صار، واني كذلك، بعدها انام  واليوم هم هيج ردت انام وصل مسج 💬روحي نامت؟ رديت 💬هستوني خليت راسي على مخدة\. 💬هنيالها المخدة\. ضحكت رجع اتصل رديت بخجل : حبيبي\. عمر  : اووووووففففف عرفتج بس اريد اسمع نبرة صوتج بالخجل تخبلني\. : عُمررر\. عمر  : هههههه ياروحه لج صرت احسد المخدة\. : شنو ليش لسه مانمت؟ عمر  : مشتاقلج\. : اني هم والله متعرف شكد مشتاقتلك\. عمر  : لعد نزلي\. بسرعة نهضت : كول والله عمر  :هههههههه\.\.\.والله يلا منتظرج كمزت بسرعة بلشباك شفته واكف بنفس مكانه :عُمرييي شجابك الطريق بعيد؟ عمر  :جابني عطرج\.\.\. ماكدرت انام الصورة ماتشفيني\. ضحكت عمر  :تعاي جبتلج ورد\. :اهلي نايمين\. عمر  :من الباب اخذيهم ورجعي\.\.\.\.يلاا ولج گلبي طكك والله\. :جيت\. نزلت الكل نايم طلعت للحديقة ركض فتحت الباب شوية هو واكف عمر  :زهرتي :عمررري عمر  : يروحه\.\.\.\. قدم الورد مع علبة شوكولا اخذتهم مسك ايدي قبلها عمر  : مشتاقلج\.\.احس گلبي طاككك له اشوفج يلا ارتاح\. :عُمر خجلتني\.\.\.\. ضحك : يلا روح خاف احد يشوفك عمر   : ترا حلالي\. : ترا واكفين بالباب مثل الحرامية\. عمر  : تمام، تمام\.\.\. رايح بس هل شوفه تكفيني ،\.\. يلا سد الباب\. سديت الباب رجعت للغرفة اناظر من الشباك  اتصل رديت : عمري\.\. عمر  : يروحه : جيت بس حتى تشوفني؟ عمر  : اي والقرآن\.\.\. نوب شفت الورد ذكرني بيج\.\. اخذته وبوجهي لهنا\. : وهسه ترجع الأهلك؟ عمر  : اي والله\. : أحبك عمر  : دخيل ربج\.\.\. لاتگطعين هل كلمة ترد روحي وترفع مؤشرات العاطفة ضحكت تابع وهو يرصعد سيارته عمر :واني أحبچ عندي مثل أصل ثابت، ما يتأثر لا بتضخم ولا بأزمات\. كل يوم ترتفع قيمتچ بگلبي، وتوزيعات حبچ تطي حياتي أرباح ما تنحسب\. : والله غلبت كل دروسي\. ضحك عمر : لأنچ انتي النظرية الوحيدة اللي مستحيل أخلص تحليلها\. : هههههههه هنيالي بيك\.\.\. حبيبي ماانام لحد ما توصل وطمني عمر  : لا زهرتي نامي\. : لا انتظرك\. عمر  : تمام سديت الخط، شغل سيارته راح نزلت خليت الورد بڤـاز ترستها مي وخليتهم ؏ ميز بالغرفة اني انتظر بين ماوصل اتصل طمني "ريــــــم" امي من الصبح سوت انذار بلبيت،قبلها بيـوم اتصلت بأبوي يرجع للبيت، لان خوالي وخالتي يجون ومابقى شي مانطبخ \.\.\.\.\. خوالي كانو من غير محافظة أصلاً احنا كنا عايشين يمهم فترة لان لان امي متعلقة بأهلها كلش، وكان صعب على ابوي يروح ويرجع فكان يبقى 15يـــوم بلشغل و15يوم يمنى لــذلك عمر من رجعنا قرر يكمل دراسته يمــهم مارجع ويانا، لان اساساً، يحبهم، يسمع كلامهم وكمل ماتبقى من دراسة الاعدادية والجامعة وكان يجينا بس بلعطل،بسبب الوضع رجعو لهنا\.\.\.\.\. مو كلهم بي خالاتي وخوالي ثنين، عمر رجع وياهم،\.\.بقى سنه بعدها نقل كانت هل نقلة غيـــرت حياته بعد الغدا قدمت الچاي امي تسولف الخالاتي عن روح الزهراء وعن اهلها وتدرس طب\.\.\. عمر حب كلام امي عن روح الزهراء وتقبلها وتحجي بحب عنها خالتي  : صار عندي فضول اشوفها الغيرته\. ام عمر  : ماغيرته بس تقبلو بعض\. خالتي  : لا غيرته لان نعرف عمر شنو\!\.\.\. لمهم وينها؟ خلي اشوفها\. ام عمر  : صورتها عد عمر\. لتفتت العمر خالتي  : نشوفها لو تخاف عليها؟ بتسم طلع صورتها محجبة بالمبايل عمر  : هاي دكتورتي\. اخذتها ركزت بيها رجعت رفعت عينها العمر تكلمت بحدة خالتي  : شلون تقبلها على نفسك تزوج وحدة تسب وتطعن؟ رجعت المبايل بس عمر ظل ساكت صار هدوء وكل الانظار تجهة له لسانه انربط ماكدر ينطق كلمة كأنها ضربه على راسه بقى مصدوم\.\.\. ردتها امي ام عمر  : لا تعيدين هل كلام البنية واهلها خوش ناس\. خالتي  : واذا خوش ناس؟ شنو يعني ميسبون؟ ام عمر  : هم تقبلو بعض\.\.\. ونتهى الموضوع\. ريم  : عجيب لما وصل الموضوع العمر كلها صارت تحلل وتحرم؟ مو هذول اولاد عــمي اغلبهم متزوجين اللي ماخذ، كردية والشيعية\. خالتي  :لما تحجي الكبار الصغار تسكت بعدين احنا مانكول مو زينين كل واحد له حق يفتخر بمذهبه وكلنا متقبلين وعايشين بس ماناخذ ولا ننطي خلط الانساب مانريده\.\.\.\.\.\. مانوقعنا عمر يكسر التقليد ويخرب العادات\. صار هدوء تابعت : شكبرج صرتي ليش ماتزوجين؟ خالج يـريدج السلام، هسه يحجي ويا ابوج لو هم تـــــردين شيعي؟ ماتكلمت نزلت راسي  رجعت تحجي ويا امي وكلامها يقطر حقد : زوجيها قبل ماتطلع عينها، وتسويلج فلم حب، خالها تكلـم مع بكــر وافق بس كاله شـــور بـــيد ابوي\. ام عمر  : اني هم اريدها له بس ابوها مساندها هو خلاهم يتمردون\. خالتي  : وچنتج هاي؟ ام عمر  : شعلية بيها بيتها وحد\. رجعت وجهت كلامها العمر : وانتَ شلون تتقبل هل شي؟ وين عمر القديم اللي\*\*\*\*\*\*شلون تقبل اولادك مافكرت بيهم؟ يطعنون ويسبون بمثل امهم؟ شلون يكبــرون وهم مو مثلنا\. بعد صمت طويل رد عمر  : والله اللي دا اشوفه المذهب مو مهم بكد ما تكون انسان نضيف جوه، مو مهم شلون يصلي\! ولا مهم منو يتبع\.\.\.\. لمهم يتعامل بأنسانية مو يشوف الشخص حسب مذهبه واذا تفكرين بأولادي؟ طمني فكرت بيهم قبلج اني اربيهم على انهم  يحبون الناس حتى  لو كانوا مختلفين\.\.\. يتعاملون بحب حتى ويا الكافر ليش مو هي هاي اخلاق رسولنا صلِّ الله عليه وسلم\.\. لو لازم نزرع التفرقة وانتَ تصلي كذا وانت تتبــــع كذا\.\.\. ليش مانزرع المحبة؟ ماتكلمت ومحد رد بعدها ستأذن وطلع غيرو الموضوع بس خالتي حز بنفسها،\.\.\. هي وامي يسولفون لليل شفت ابوي بالحديقة يحجــــي اتصال طلعت من شافني سد الخط عماد  :ميمي شبيها ضايجة؟ ريم  :ماالومك والله بستغراب عماد  :على شنو؟ ريم  : على كلشي\.\.\.\. خالي هم تكلم عن زواجي؟ هز راسه بأيجابية ريم  : وشنو رديت؟ بتسم عماد  : مبروك بنيتي\. بخيبة ريم  : لاااا بابا لااا\.\.\.  عماد  : هههههه طبعاً رفضت اعرف مدللتي متريد\. حضنته فرحانه\.\.\. بعد عماد  : كعدو يغسلون عقل عمر والله يستر منهم\. ريم  : صح يسمع بس مياخذ بكلامهم هو يحبها\. عماد  : ان شاءلله\.\.\. لان البنية واهلها ناس مايتعوضون اتمنى مانتفاشل وياهم\. شوية وابوي رجع مريت من يم الاستقبال سمعت بكر وخوالي يسولفون\.\.\. رجعت يم البنات "روح الزهـــراء" مر يوم\.\.\.\.\.\. ثنين\.\.\.\.\.\. ثلاثة كلام عُمر ثكيل بشكل لو يتصل يبقى ساكت له اني اسأله شبيك صاير شي ميكــــول غير تعبان اريد انام اني هم ماتصلت بعد اعرف صار ضغط عمل له هو يتصل يلا وكان يجي بس اخر ايام لا حتى تصالنا قل، ماكان يهمني لان كنت اركز بدراستي خلصت اجازته الاحد لازم يداوم طلعت متحمسه حتى اشوفة اكيد منتظرني مثل كل مرة نتظرته ماكو اتصلت اشوفة اذا وصل لولا رد عمر  : الو\. : حبيبي ينك؟ عمر  : بالجامعة\. : شو ماكو؟ عمر  : شنو يعني شو ماكو؟ : قصدي منتظرتك\. عمر  : عندي محاضرة اذا صار عندي وقت اشوفج\. رفعت حواجبي مصدومة من ردة ثواني بعدها رديت : اذا صار عندك وقت؟ عمر  : اي\. : يله مع سلامه سديت الخط بسرعة اريد استوعب البرود اللي صاب عُمر هل فترة مشيت الطريق اسأل نفسي اني مااطلع له بموافقته\.\.حتى البيت عمي اذا ما قبل مااروح وعمي صار هو يجي يشوفني اتحجج بالدراسة\. معقوله حجيت شي من دون مااقصد؟ راجعت كل كلامي يشهد الله اني ماتكلمت ويا غير بكل حُب واحترام كنت اعذره واكول مشغول بس عُمر اللي اعرفه كان بعز انشغاله يحاجيني كملت المحاضرة كنت انتظره يجي بس مااجه بعد ماكملت الثانية رحت له متلهفه اشوفه وصلت شفته واكف يحجي ويا استاذ بقيت مسافة بس ماشافني لحد ماصار وحده سند جسمه على  دنكا يتفرج التحت رحت له قرب لمسته من كتفه ولابتسامه تارستني : عموراتي\. لف بسرعة مصدوم تكلم بضيق عمر  : شجابج؟ تكلمت واني مبتسمة : مشتاقه اشوفك\. عمر  : روح عوفي تصرفاتج الطفولية\. بتسامتي ختفت واني اعيد الكلمة : روح\!\.\.\. وين راح الياء؟ تعرف كل اهلي واقربائي ينادولي" روحي" بس مااثرت بيه مثل ما تلفضها انتَ\. مانطيته فرصة يتكلم تابعت : بعدين شنو تصرفاتي الطفولية؟ سويت شي؟ كل اللي سويته اجيت ملهوفه حتى اشوفك ليش تعتبر تصرف طفلة؟ صوتي بدأ يرجف لما لهفتي وحبي وشوقي له نضرب بجليد\. : إذا اشتياقي إلك صار "طفولي"، فأني راضية أكون أصغر طفلة بهالعالم\.\.\. بس لا تكسرني بكلمة\. نزل راسه راد يتكلم بس ماخليته درت وجهي ومشيت بسرعة واني امسك الكُتب بقوة اريد اثبت نفسي وخطواتي سمعت صوته ينادي بس ماهتميت كملت مشي للحديقة اول طاوله فاضية جلست، اول شي سويته طلعت البخاخ من الجنطة استخدمته هو اجه مهرول وكف مقابيلي\.\.\. يسحب نفس بعدها قرب جلس اخذ ايدي سحبتهم بسرعة تكلم بندم عمر  : والله اعتذر مو قصدي ولج انتِ روحي وزهرتي، الهوا اليصعد وينزل بريتي\. كدرت اسيطر على رجفة صوتي تكلمت : لا لتعتذر اني اعتذر لان حبيتك بهالهفه\. فتح عيونه مو مصدك كلامي عمر  : هااا؟ : لما تركض ملهوف، مشتاق، محب، وتنصدم برد بارد يكسر هنا تنهدم\. خليت عيني بعينه وتكلمت : شنو الغلط السويته؟ لان اشتاقلك؟ ليش انتَ لما تكطع مسافة طويله حتى تشوفني اسمي تصرفك طفولي لو مبالغ؟ لما تكطع هل مسافة اتلكاك بنفس الهفه واگثر،ااذ اني غلطانة بشي تعال وكول لي سويتي غلط\.\.\. لتجاهلني\. مسگ كفي نترته بقوة : عوووفنييي\. عمر   : ولج روحي والله تعبان، انتِ اكثر وحده تعرف شكد اتعب\. : صح اعرف عُمر بنص تعب والانشغال يرد بلهفه، بحب مو بهالبرود\! عمر  : لا تظلميني\.\.\. اخذت الكُتب، نهضت عمر  : وين مو احجي؟ : اعتذر عندي محاضرة مهمه\. عمر  : روح لتكذبين ماعندج شي\. ببتسامة وبرود : صار عندي\. تركته مشيت كملت محاضرتي شفته واكف باب القاعة ماطلعت بعد ما طلع الدكتور بقيت جالسه هو دخل للقاعة يمشي صوبي بهدوء وايده بجيب مبتسم نحنى اللي تكلم بهمس عمر  : حبيبي زعلانه ومعصبة بس زين شفت عصبيتج، لان تجنني اكثر من خجلج وهدوئج\. مارديت جلس جنبي عمر  : زعلان الحلوة؟ بصوت واطي : عوف تصرفاتك الطفولية مو عيب عليك انتَ اوووستاذ عووومررر\. ضحك بصوت : لتفضحنه منا طلاب كلها تباوع\. عمر  : ترا خطيبتي والحلقة بيدج شاهد اذا ميعرفون اكوم اعرفهم\. نهضت اريد اطلع خفت يروح يسوي شي مجنون نهض مسك ايدي طلعنا سوه عمر  : اعتذر : مو مهم\. عمر  : لا مهم\.\.\.\.\. اعترف غلطت وياج وتصرفي مولائق\. : عادي بعصبية عمر  : ترا ردودج تنرفزني\. : لا عادي مبيها شي\. عمر  :رووووح : وشعلية بيك متروح ترا انت لازم ايدي مو اني عمر  : ياااالله : يامحمد ياعلي\. عمر  : شالج علي\.\.\.ولج فورتي دمي\. : ابوالحسن كون يخليني عله بگلبك مالها علاج\. ضحك وهو ماسك كفي بقوة عمر  : احبج\. : حبك بليس\. ضحك بصوت : دعوفنيييي\.\.\.\. عمر  : ماعوفج\.\.\.\.\.\. فدوه لله ولج من تعصبين تصيرين احلى اويلي شوف الحواجب نعقدت\. ظل يحجي ويحاول بس يضحكــني ماهتميت صار وقت المحاضرة وكانت الاخيرة فلتت كفي عمر  : انتظرج\. : عوف تصرفاتك الطفولية وارجع الطلابك اووستاذ عمر  : رووح كافي\. : ليش كلمة طفولية زعلتك؟ عمر  : عليج الله كافي عتذرت\. : لا والله شو محملني منيهه؟ عمر  : كتلج تعبان لازم تفهميني\. : واضح التعب وهاي فرصة تريح راسك\. رجعت للمحاضرة كملت وطلعت بسرعة مانتظرته مثل كل مرة بعدني بالطريق اتصل رفضته هنا عقلة طار كل شوية يتصل خليت المبايل صامت وصلت للبيت تغديت مثل روتيني بس الفرق هو يرن وماارد اجو بيت عمي ابو محمد وحور العين نتبهت عُمر اخذني منهم فعلاً كنت كل وقتي يمـهم هسه صارو هم يجون بقيت وياهم ماعنـدي دراسه لان باجر دوامي بالمستشفى خلصـت الوقت وياهم، عرفت محمد هل اسبوع يرجع صعدت اريد انام اخذت المبايل  شفت اعدد المكالمات بلعت ريكي بخوف اتصلت بعده حتى اول رنه ماسمعتها اجاني صوته معصب فاير ناار\. عمر  : وييييييين وييينن متسمعين الاستغفر الله يدكككك، لو ميعجلج تردين؟ برود : نسيته بالغرفة ونزلت وهستوني صعدت اريد انام\.\. خير شبيك احد زاعجك؟ عمر  : روحي : ها اروح؟\.\.\. تمام يله مع سلامة\. عمر  : اترجاج لتسوين هيج\. : ممسوية شي ليش تتهمني فهمني غلطت؟ عمر  : لا اني غلطان\.\.\.\. وجيت اريد تسامحيني\. رحت شفته واكف ضحكت عمر  : والله احبج\. : تمام هسه نعست بعدين نحجي\. عمر  : هااا شنو رأيج ادك الباب؟ : وشنو رأيك اكول العلي الاكبر سبب الخلاف اللي ماعرف شنو؟ عمر  : حبيبي\.\. قطعت كلامة : تصبح على خير عمر  : زهرتي\.\.\. : كتلك تعبانه ليش متفهم؟ باجر وراي كعده من الصبح لازم اركز\. سكت بعدها رد عمر  : تمام نامي\. سديت الخط كنت مقهورة من تصرفه والمشكلة اني ممسوية شي\.\. صفيت فكري ورددت بعض الاذكار ونمت ماكعدت غير للصّلاة مثل كل يوم بعدها اخذت اطفي المنبة شفت مسج 💬اظل تحت شباكج له تسامحيني يلا\. رحت فتحت الشباك ماتوقعت اشـوفه نايـــم بالسيارة\!\!\!\. ضحكت شكلة واضـح شابك ايدي على ستيرن ومخلي جبينه\.\.\.\.\.\. عفته ماتصلت جهزت نفسي مثل كل يوم تريكت وصل الخط طلعت عُمر نازل منتظرني وشكلة تعبان منهك قربلي عمر  : صباح الخير حبيبي\. : صباح النور عمر  : صيحي على علي الاكبر احجي ويا يقبل اوصلج بس اليوم؟ : لا ماكو داعي الخط ينتظرني بعدين انا حروح للمستشفى \. عمر  : يعني اليوم مااشوفج؟ : حتى ترتاح\.\.\. هسه اسمحلي مااريد اتأخر\. ماتكلم بعدت عنه صعدت مع السايق هو ظل واكف مشيت مسافة وصل مسج 💬على اقل ردي عليَّ\. رديت 💬اذا صار عندي وقت\. وصلني شعوره لما شافها ومارد حسيت كلامي طلقة بنص گلبه، بعدما كملت الدوام طلعت بعد الظهر وصلت للبيت نمت بدون غدا من كثر التعب بعدها صحيت على اتصال رديت واني مغمصه : الوو عمر  : بعد روحي الوو\.\.\. نايمة؟ : اممم عمر  : ممكن تصحصحين اريد احجي وياج\. بصوت ناعس : لا بعدني نعسانه اريد انام\. عمر  : هاا يعني ممشتاقتلي؟ : انت مشتاق؟ عمر  :والله اتعذب والله مشتاقلج كافي تعذبيني\. : اني هم مشتاقتلك\. ضحك جلست احاول اصحصح عمر  : كولي والله\. : حرام ميصير نحلف بالله\. عمر : هههههه هااا؟ : اي عمر  : سامحتيني؟ : على؟ عمر  : على تصرفاتي؟ : قبل مااعرف السبب مااسامحك\. عمر  : هو اني أصلاً افكر شلون احجيلج\. : احجي شكو؟ عمر  : لا مو بالمبايل باجر من تجين\. : خو عمر  : الحمدلله رجعت روحي\. ضحكت خلص الوقت بحجيلي عن شعورة ويرجع بعتذر بس رغم كلامة حسيت اكو شي عُمر مو بسهوله يتغير\. ثاني يوم طلعت للدوام شفته من بعيد مانزلت خليته يبدي الوقت دز مسج 💬وين صرتي؟ منتظرج حبيبي\.  رديت 💬بالمحاضرة ليش وين منتظرني؟ 💬باب الجامعة توقعت اشوفج؟ 💬جيت من وقت يله بعدين اجه الدكتور\. 💬تمام يلا بعدها اشوفج نعجبت بيها، رجع صعد سيارته دخل للجامعة اني نزلت امشي سريع حتى مااتأخر ، بعدها كان ضغط محاضرات كملت ساعتين طلعت اجه عمر  : زهرتي مرتي الحلوة\. كتفيت ببتسامة عمر  : وين تحبين نكعد؟ : بالمكتبة لان محتاجه كم كتاب\. مد كفه عمر  : يلا\.\. مسكته مشينا وصلنا المكتبة اختاريت الكُتب اللي احتاجهم جلسنا هو مقابيلي صار يسالني عن الدراسة وسوالف عادية بعدها سكت دقايق بس يباوع بوجهي قرب جسمه على طاولة لزم ايدي  تكلم عمر  : روحي\.\.\. حبيبي اللي تسمعي مني هسه مستحيل يغير شي من حُبي ألج\. تركت من ايدي اخاف من الكلام اللي بي مقدمات : احجي شكو\. عمر  : هو مو شي مهم بس حتى يعني اعرف\! : اي احجي شتعرف؟ تكلم بس كل كلمة كانت تنزل مثل السهم بصدري كنت اسمعه ماقاطعته ابد، من المصدومة ماعرف شنو ارد التزمت الصمت،\.\.\.\.اول صوت اجه براسي صوت محمد ضحكت اني مخليهه كف ايدي على راسي تكلمت بصوت واطي : عرفك\! والله هو كال هل شي مؤقت لا مومعقول؟\! هههههههه شلون عرف؟ شلون\! عمر  : روحي\.\.\. بس ردت اتأكد\! : تتأكد؟ ضحكت بستهزاء تابعت : عُمر التقيد حبنا بهذا القــــيود صدكني ماحتكدر تكسرها\.\.\.\. ولو حاولت حيكون الثمن غالي\. نهضت عمر  : روح\.\.\.\. : لحظة بس راجعة\. رحت جبت القرآن رجعت هو ستغرب وفتح عيونه من خليت كفي وقسمت : "قسم بالله، وبحق القرآن، واللي نزل بيه، واللي نزل عليه\.\.\. لو جبتلي رواية وحدة، حتى لو ضعيفة أو من مجهول، وتأكدت كلامك؟ والله أُعلن تسنّني وأتخلى عن كل شي\. يتبع\.\.\.\.\.\.\.\. لطفاً اذا عجبكم البارت التنسون التصويت وتعليق🫶🏻✨ أيكم بالبارت وتوقعاتكم؟