10⛓️‍💥

بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥 ملت براسي رفعت نظري له هو مركز بوجهي تكلمت بفضول روح الزهراء : انت من اي مذهب؟ توقف عن هز رجله ركز على عيوني بعدها تكلم بدون تردد عمر :ابوي حنفي، امي حنبلية رفعت حاجبي مستغربه هو من شافني بتسم روح الزهراء : يعني طلعتوا بيت متحد المذاهب\!\! على نفس ابتسامته عمر : مو بلضبط، امي تحاول تقنع ابوي ب الامام احمد، هو الاقرب للسنه، وابوي يرفض مرات تصير صراعات بس تعدي ضحكت شبكت ذراعي تكلمت بنبرة اهتمام وفضول روح الزهراء : وانتَ على مذهب امك، او ابوك؟ ياخذ نفس كأن صابه ضيق تنفس من اسألتي عيونه تبعد بلنظر، يتكلم بس نبرة صوته بيها حيره عمر : هم نفس الافكار تقريباً بس الحنبل متشدد اكثر\.\.\. للصراحه كبرت على مذهب الحنبلي وربيت بينهم يعني طبعت بطبعهم\. روح الزهراء : اعتقد يميلون للسلفية؟ نزل عيونه عمر :شوفي \.\.\. المذهب الحنبلي هو واحد من المذاهب الفقهية الأربعة عند أهل السنة والجماعة، وهو منسوب إلى الإمام أحمد بن حنبل \(رحمه الله\)، اللي كان عالم حديث وفقه،واشتهر بتمسكه بالنصوص الشرعية \(القرآن والسنة\) ورفضه للاجتهاد بالرأي إذا كان ماكو نص واضح\. ـ سرحت بشكلة وهو يحجي، شكلة، مظهره انسان محترم، مثقف،بس ليش احسه ضايع ،متشتت، معقول هذه سببَ الاهل؟\! ناظرني هزيت راسي يعني اسمعلك عمر : أما من ناحية العقيدة، فمو كل حنـــبلي يكون سلفي، بس هواي من أتباع الفكــــر السلفي يتمسـكون بالمذهب الحنبلي فقهيًا لأنهـم يشوفونه الأقرب لمنهـــج الســلف الصالح، خاصة بتفسير العقيدة،\.\.\.\.\. مثل توحيد الأسماء والصفات\. يعني الحنبلي فقهيًا يتبع مذهب الإمام أحمد بن حنبل، أما من ناحية الفكر والعقيدة،\.\.\.\.\.\.\. ممكن يكون أشعري، ماتريدي، أو سلفي،\.\.\.\.\.حسب توجهه العقائدي\. بكلامه حسيت يتهرب من الاجابة، واني اكول بنفسي: على منوووو؟\! رح اسحبك واخليك توكع بلفخ واعرف فكرك سلفي، وهابي لو لا رغم شكلك يكول لا بس عقلك شنو؟\!، ناظرته تكلمت بفضول روح الزهراء : بس المفروض تتبع مذهب أبوك، مو؟" تغيرت تعابيره للحظة، كأنه ما كان متوقع السؤال، بعدين استرخى، وتكلم بنبرة أخف ، لكنه ما ناظرني مباشرة\. عمر : تربيت بين خوالي\.\.\. فطبيعي تأثرت بفكرهم\." سكت لثواني، كأنه منتظر أشوف ردة فعله، بس أني كنت أعرف وين أريد أوصل\.\.\. خفضت صوتي، بس ما غيرت قوة كلامي ناظرته بطرف عيني روح الزهراء: السلف يكفرون الشيعة\." هالمرة، رفع عيونه مباشرة لي، كأنه يحاول يقرا اللي ورا كلامي\.\.\. عض شفته السفلية للحظة، بعدها تكلم، نبرته كان بيها شي بين الدفاع والتردد\. عمر: "مو كلهم\.\.\." رفعت حاجبي، أنتظر يكمل، بس هو سكت\. كأنه ما عنده شي ثاني يكوله\.\.\. شفت إنه عرف الجواب، لكنه مو مستعد يواجهه بعد\. عقد حواجبي تكلمت بنبرة تحدي روح الزهراء : شلون مو كلهم؟" يتنهد، كأنه يحاول يشرح نقطة حساسة" عمر : مو كل واحد يحمل فكر سلفي يكفّر الشيعة\.\.\. أكو ناس تتبع المنهج بدون ما تدخل بالتكفير، وأكو ناس متشددة بكل مذهب، مو بس السلفية\." بتسم بسخرية خفيفة، هزيت رأسي روح الزهراء : بس المتشددين هما الصوت الأعلى\.\.\.هم سمعت شيخ سلفي يكول الشيعة إخوانّا؟" يصمت للحظة، كأنه يبحث عن إجابة مقنعة، يرد بهدوء عمر : نادراً\." اومأت برأسي، صوتي صار أكثر جدية روح الزهراء : لأن المشكلة مو بس فقهية، المشكلة عقائدية\.\.\.\.\.\. هواي منهم يعتبرونا كفار، ومجرد ما نختلف وياهم \.\.\. نكون برا الإسلام\." ينظر إلي بنظرة متفحصة، كأنه يحاول يفهم موقفي أكثر، بعدين يتكلم بنبرة أهدأ عمر : وأنتِ؟ شتعتبرينهم؟" نبرته واثقة روح الزهراء : أني ما أكفّر أحد، لأن الإيمان مكانه القلب، والله وحده يحكم \.\.\.\. بس أكو فرق بين احترام المعتقدات، وبين المجاملة على حساب الحق،\.وحجيت خير مثال داعش من الفكر السلفي وهم امتداد البني امية'\.\.\.نفس النهج، نفس\.\.\. البغض، العداوه،\.\.\. بس بوجوه واسماء مختلفه قبل كان يقاتلون اهل البيـت بلسيف هسه طور، \.\.\.\. صارو يقتلون، مواليهم بلمفخخات\. يبلع ريكه عمر : كل هذه لان تحبون اهل البيت؟ روح الزهراء : مو بس نحبهم، احنه موالين الهم ونؤمن انهم الامتداد الحقيقي للرسالة، وانهم الحق لي تم تهميشه \.\.\.\.\. ولذلك تبقى الشيعة مستهدفه لان خطهم خط محمد وعلي عليهم افضل الصلاة والسلام بصوت واطي عمر : لهذا السبب احس نفسي ضايع كل طرف عنده قصة، وكل واحد متأكد ان هو الصح\. روح الزهراء : لا تصدگ بكل شي بسهولة حتى الكلام لي تسمعه مني خلي بي شك والمطلوب، تبحث، عن الجواب لي يرحيك والحقيقة تتقبلها حتى وان كانت مؤلمة وصعبه يلتزم الصمت بس داخله الف سؤال، واضح يحرك اصابعه بطريقه سريعه على مسطبة روح الزهراء : زين،\.\. اسألك سؤال بسيط؟ هز راسه ب اي روح الزهراء : بعد الامام الحسن عليه السلام منو الخليفه عدكم؟ يتحرك بضطراب يحاول ميبين عمر : الحسن تنازل عن الحكم لمعاوية، وبعده استمر حكم بني أمية\.\.\. يعني الخليفة كان معاوية بن أبي سفيان\. رفعت حاجبي روح الزهراء : فمعناته السلفية يعترفون بخلافة معاوية؟ يبعد عيونه عني عمر :لا مو بس السلفية، كل أهل السنة يعترفون بخلافته، معاوية هو كان أمير المؤمنين\. روح الزهراء : ماعتقد كلهم، لان اكو من السُنة معتدلين، حتى يزورون عمر : قله قليلة كلش\.\.\.\.\. وحتى بعض المعتدلين يكولون لا خليفة بس معلينا لا نترضا عليّ ولا نسبة اما الاغلبية تعترف بي امير المؤمنين وخليفة بعد الحسن تتأمله بصمت للحظة، بتسم بسخرية خفيفة روح الزهراء : "ها\.\.\. شنو الموضوع؟ أي واحد يجي صار أمير المؤمنين؟ حسب لي اعرف امير المؤمنين واحد الله سما فدوه رحت الاسمه ابوالحسن علي عليه السلام اما لي تقصده هذه لي حارب ابن بنت نبي المؤمنين؟ لي تقصده قلب الحكم من خلافة إلى ملك؟" توقفت نطيته فرصة للرد، لكنه لتزم الصمت بنبرة هادئة حادة كملت روح الزهراء : "بعدين على منو؟ زين تعرفون الإمام الحسن ما تنازل عن حقه بلخلافة ، وإنما كانت هدنة\.\.\.وحضرتك تعرف شنو معنى الهدنة، صح؟" يهز رأسه بدون كلام روح الزهراء : شنو معنى الهدنة؟ يرد بهدوء عمر : الهدنة، ايقاف القتال بين الطرفين ولا تعني الصلح التام بينهما\. صفك خفيفه بسخريه روح الزهراء : برافوووو ايقااااف القتال ولاااا تعني الصلح \.\.\.\.\. ومعاوية خرب شروط الهدنة وقتل الحسن عليه السلام،بلسم"نسلبت الخلافة من الحسن\.\.\.\. مثل مانسلبت من ابو علي عليهم السلام وكذلك الحسين، السجاد وباقي\.\.\. الائمة عليهم السلام\. يحاول يتمالك نفسه عمر :بس السياسة غير الدين\.\.\. معاوية كان حاكم سياسي،\.\.\.\.\. والإسلام سمح بالاجتهاد فالأمور السياسية\. رفعت حواجبي بسخرية روح الزهراء : اجتهاد؟\! يعني قتل اهل بيت الرسول،\.\.\. وسبّ الإمام علي عالمنــــابر صار اجتهاد؟ يتنفس بعمق عمر : أهل السنة يشوفون الصحابة كلهم عدول، حتى لو صارت خلافات سياسية، ما ننقص من قدرهم\. روح الزهراء : هذه الفرق بينا \.\.\.\. انتم تترضون على قاتل والمقتول وثنينهم بلجنة إذا كان السب والقتل سياسة، فشنو بقى للدين؟ يستند للكرسي، نبرته صارت أخف لكنه بعده جدي عمر : يعني برأيج احنا على باطل؟" بنبرة خبيثه روح الزهراء : مادري\.\.\. بس شنو تترجة من الي يترضى على معاوية ويزيد ويعتبرهم خلفاء وهم اشد عداوه وبغض لمحمد وال محمد\!\! ناظرني بصدمة بعدها يبعد عيونه يرد عمر : يزيد شيصير بالموضوع؟ ليش دايماً تربطون معاوية بيه؟ ترى مو كل أهل السنة يحبّون يزيد\. اميل برأسها قليل، عيوني تتضيق وكأني انتظر يسمّي شخصًا محددًا، نبرتي تبقى بنفس الخبث الهادي روح الزهراء : بس أنتَ تترضى على معاوية، وهو اللي نصّب يزيد، صح؟ يعني أنتَ تترضى على الأصل، بس تريد تبرّي الفرع؟ سكت لحظة، يحاول يجاوب بسرعة حتى لا ميبين ضعيف، لكن الضربة اجت على هامَ بعدها تكلم عمر : السياسة كانت معقّدة، وما نكدر نحكم على الأمور كلها بنفس النظرة اللي عدنا هسه\. أكو اختلافات، بس هذا ما يعني إنه كل شي صار كان غلط\. بكل ثقة تكلمت وعيوني راحت بعيد متجاهلة روح الزهراء : سبحان الله\.\.\. إذا وصلنا لمظلومية أهل البيت، تصير الدنيا رمادية، وما نكدر نحكم\. بس لو أحجي عن الصحابة اللي تحبّهم، يالله تشوف الدنيا أبيض وأسود، وممنوع نحكي عنهم إلا بكل خير\! يحس بحرارة دمّه ترتفع، ما يريد يخسر الحوار، بس بنفس الوقت يعرف إنه مو سهل يثبت موقفه رجع غير الموضوع جذرياً عمر : لا\.\. مو قصدي هيج\.\.\. بس دا اسأل اذا تشوفين فكري خطأ؟ روح الزهراء : اعتبر رأي مو مهم بس اكولك شي "معاوية ابن يزيد رضي الله عنه فتح اعيونه مومصدك لي سمعه عمر : هاا شو تترضين على ابنه يزيد وتلوميني؟ بتسمت روح الزهراء : لتستعجل الامور اسمع\. واني المس الكوب چاي لي صار بارد واتكلم بشرود روح الزهراء :لمسما بـ معاوية الثاني ابن يزيد امة هند بنت عبدالله\.\.\. لي تكون زوجة يزيد تربت ببيت امير المؤمنين علي عليه السلام، بستغراب عمر : شنو؟ زوجة يزيد؟ هزيت براسي ولازلت احرك الكوب كملت روح الزهراء : اي\.\. هند بنت عبدلله بن عامر كانت يتيمة وتربت بيت العلم ولاخلاق طبعاً لها قصة طويلة وهي صغيره،احجيلك بس المهم،\.\. ماكدرت تأثر على يزيد بس اثرت تربيتها ب ابنها\. عمر : صح\.\.\.\.\. الام تأثر هوااي\. هزيت راسي ب اي وكملت روح الزهراء : لذلك ابنها بعد وفاة يزيد\.\.\. طلع وخطب كدام كل الناس قال: 'جدي معاوية نازع الأمر من كان أحق به \.\.وأبي يزيد لم يكن أهلاً للخلاف وأنا لا أريد أن أتحمل هذا الوزر، بعد هذه الخطبة، انسحب من الحكم ولم يعين خليفة توفة بعدها بفترة قصيرة، وبعض روايات تكول إنه مات مسمومًا أو قتل بسبب موقفه هذا وهو شاب ميتجاوز العشرين سنة\. يتراجع بظهره، يتأملني بصمت\.\.\. كلامي ثقيل، يمكن ما سمعه بالطريقة هاي من قبل عيوني تراقب رد فعله تكلمت بكل ثقة روح الزهراء :إذا ابن يزيد نفسه ما رضى بحكم أهله، شلون تجي حضرتك وتترضى عليهم؟" ينظر بعيد، يتنفس ببطء، كأنه يحاول يرتب أفكاره قبل لا يرد عمر : معاوية بن يزيد\.\.\. كان شاب، وما كدر يتحمل ثقل الحكم، يمكن ضعف، ويمكن تأثر بكلام الناس حول حكم بني أمية\." بتسم بسخرية خفيفة، هزيت رأسي روح الزهراء : أو يمكن لأنه شاف الحقيقة بعيونه\.\.\. وعرف شلون وصلوا للحكم، وبشنو حافظوا عليه\." يرجع ينظر لي، بنظرة بيها تحدي عمر : وإذا كان عنده رأي مختلف، هذا يعني نرمي كل اللي قبله؟" بنبرة هادئة قوية روح الزهراء : إذا اللي قبله حكموا بغير حق، وكانوا ظلمة\.\.\. إيه، نرميهم\." ميرد لان وصل نقطة نهاية،، ماعده اداة يدافع بيها رجعت تكلمت روح الزهراء : النقاش وياك عقيم شبك اصابعة رفع عيونه لي نظرات لي بحدة عمر : يعني لان مقتنعة \.\.\.\.\.\.\. برئيج تشوفين النقاش وياي عقيم؟ روح الزهراء : لا\.\. لانك تبرر الظلم\.\. وتحاول تلكأ له اعذار بدل ما تواجهه يضيق عيونه، وكأنه يحاول يفهم أكثر، أو يمكن يحاول يثبت العكس عمر : وأنتِ، ما شايفة إنكم تركزون بس على أخطاء الصحابة، وتنسون حسناتهم؟ الإسلام مو كله صراع سياسي\." ابتسم بسخرية خفيفة، ملت برأسي قليل روح الزهراء :وهل الإسلام يسمح للظالم يكون قائد للمسلمين؟ يسمح للحاكم يحكم بالسيف والغدر؟ إذا كان كل شيء تحت عنوان الاجتهاد، ليش الله يحاسب الناس؟" سكتنا واني هم تعبت مااريد احجي لان بس اتوتر\.\.\. ازيد نوبة الربو ومااريد يشوف ضعفي يهز رجله بسرعة، كأنه يفكر بعمق، بعدين يسأل بنبرة فضولية ممزوجة بتحدي عمر : وشلون الواحد يعرف إنه مو مجرد يتبع اللي تربى عليه؟" روح الزهراء : من يسأل\.\.\. من يشك\.\.\. من يواجه نفسه قبل غيره\." عمر : واضح إنج مريتِ بهالتجربة\." اومأت براسي بدون تردد روح الزهراء : وما ندمت\.\.\. لأن البحث عن الحق مو ضعف، الضعف إنك تخاف تسأل، ولما تأكدت صرت احمد ربي واشُكره لان نولدت شيعية" ببتسامة عمر : صار عندي فضول اعرف بشنو شكيتي وشلون بحثتي؟\.\.\.\.\.\.\.\.\. وشنو السبب لي خلاج تشكين؟وانتِ بعدج صغيره على هل سوالف\! تنهدت نزلت عيوني على اضافري تكلمت بنبرة حزن روح الزهراء : لما تفقد، عزيز على گلبك بس لان موالي العلي عليه السلام\. بفضول عمر : فقدتي؟ هزيت راسي ب اي قبل ميسألني كملت مانطيتة فرصه يسأل منو واليش روح الزهراء : شَكّيت بكل شي وصّلولي ياه بدون ما أفهمه\.\.\. سألت نفسي: ليش أؤمن بهالشي؟ ليش نمارس هالتقاليد؟ مو بس لأن أهلنا علمونا، بس لأن إحنا مقتنعين بيها؟" يستند للكرسي، ينظر إلي بتركيز عمر : و\.\. زين\.\.\. لگيتِ الأجوبة اللي تقنعج؟" روح الزهراء : مو بس لكيتها، عشتها\.\.\. وكل ما بحثت، كل ما زاد يقيني\. بس انت سألِت نفسك هالأسئلة؟" سكت الحضه بعدها ناظرلي بكل جدية عمر : إذا سألت، راح تجاوبيني بصراحة؟" رفعت حاجبي ، بتسم بثقة روح الزهراء إذا تسأل بصدق، راح أجاوبك بصدق\." يشبك أصابعه، نبرته صارت أعمق، كأنه قرر يواجه الأسئلة اللي تدور براسه من زمان عمر :قبل شوية گلتي\.\.\.\. تكون صادق مع الله وهيج تلكا الطريق الصح \.\.\.\.\.\. ليش طريقكم دك واللطم هذه صح برأيج؟\.\.\.\.\. الله يريد هل شي منكم؟ ليش تحبّون اللطم؟\.\.\.شنو تحسون بيه؟ سحبت نفس طويل، واني احجي بنفسي: ادري ضاربينك على وجهك\! شعليككككك بس تمتمت بصبر هذا اذا احجي ويا هيج رح يكول متعرف تجاوب، ضيّقت عيوني ورفعت حاجبي باستهزاء، و بصوت هادئ بي تحديً روح الزهراء : إي طبعًا\.\.\. نفرح ونمدح؟ عجيب\! يعني يوم وفاة النبي صلى الله عليه وآله، هم تفرحون بيه؟" ابتسمت ببرود، شبّكت أصابعي وأنا أنتظر رده، مستمتعة بلحظة صمته\. تفاجأ من الرد، لكنه حاول يخفي ارتباكه، نفخ بضيق وهز رأسه عمر : "لا تگلبين السالفة\.\.\. إنتي تعرفين شنو أقصد\!" رفعت كفي بهدوء، كأنني أوقفه عند حده، ارد بصوت ثابت روح الزهراء: "لا ما أعرف\. علمني، شنو الفرق؟ يمتى يصير الحزن عبادة، ويمتى يصير بدعة؟" تقلصت عضلات فكه، واضح إنه ما ارتاح لسؤالي\. دار وجهه ، كأنه يحاول يجمّع أفكاره، التفت إليّ رد بنبرة فيها محاولة للتماسك عمر: الموضوع مو مثل ما تتصورين\.\.\. إحنا نفرح بانتصارات الصحابة، مو بالموت\." ابتسمت ببطء، لكن الابتسامة ما وصلت لعيوني، تكلمت بهدوء روح الزهراء : "عجيب\.\.\. زين، إذا أنتو تفرحون بالنصر، ليش تعتبرون مقتل الحسين عليه السلام مصيبة؟\.\.\.\.\. مو كان المفروض يكون نصر مثل ما تكول؟" شفت ملامحه تتغير للحظة، كأنه ما توقع هالسؤال، أخذ نفسًا، لكن صوته كان أخف من قبل، كأنه يحاول يوازن بين قناعاته وبين أثر كلامي عليه عمر : "لا\.\.\. إحنا نحزن على الحسين\." رفعت حاجبي بتصنع الفضول، أسندت كوعي على حافة المسطبة، وماليت بجسمي شوي كأني انتظر توضيح منه روح الزهراء : "شلون؟ يعني هذا الحزن وين نشوفه؟" تنفس بعمق، كأنه يحاول يحافظ على هدوئه ،رد بنبرة جادة عمر : "نحزن بگلوبنا\.\.\. مو لازم نلطم ونسوي مواكب، ونصيح، ونبجي ونأذي روحنه حتى نبين حبنا\. ضحكت بخفة، نبرة صوتي كانت مزيج بين التحدي والمرارة روح الزهراء : "يعني الحزن اللي ما يطلع للعلن، يظل حزن؟ لو هو مجرد شعور عابر؟" رغم توترة رد بثقه عمر : الحزن شعور، مو استعراض\.\.\. مو لازم نصرخ ونبچي حتى نكون صادقين\." هززت راسي ببطء، نبرتي بقت هادئة بس عيوني كانت تثبّت نظرها عليه روح الزهراء : بس الغضب شعور هم، ليش لما تغضب تعبر؟ ليش صوتك يرتفع، وحركاتك تتغير؟ ليش الحزن لازم يظل مدفون، والغضب يطلع؟" كأن كلماتي تركت أثر، شفت إيده تنقبض للحظة، لكنه بقى يحاول يتمالك نفسه\. تنحنح، كأنه يريد يهرب من الجواب، رد بجفاف عمر : ما يهم شلون الواحد يحزن، المهم هو يحزن بصدق\." رفعت كفي بهدوء، وكأن حجتي وصلت لذروتها روح الزهراء : لو كان الصدق كافي، جان الحسين عليه السلام بقى وحيد بكربلاء\." عيونه اتسعت للحظة، كأنه ما توقع هالكلام، كأنه أحس بثقل الجملة فوق كتفه\. صمته طال، وبدال ما يجاوب، نظراته راحت للأرض\. عمر ظل ساكت، نظراته معلقة بالأرض كأنه يدور على إجابة تهدم اللي سمعه سحبت نفس عميق، ، بس ما كنت ناوية أوقف\. روح الزهراء: "شايف؟ حتى أنت ما عندك جواب لأن الحقيقة واضحة، الحزن الصادق ما يعرف الصمت\.\.\.، مثل ما الحب الصادق ما يعرف الخوف\." رفع راسه بسرعة، كأن كلمتي الأخيرة لمسته بعمق ما توقعه\. عيونه ثبتت بنظراتي، للحظة كأن الدنيا صارت أهدأ، كأننا دخلنا بمواجهة أعمق من مجرد نقاش مذهبي\. عمر : "الحب؟" ارتبكت للحظة، ما كنت ناوية أكولها بهالطريقة، بس فات الأوان\. حاولت أعدل نبرتي بسرعة روح الزهراء : قصدي\.\.\. أي شعور حقيقي، مستحيل يندفن\." لكنه ظل يناظرني، كأنه فهم شي أكبر من اللي كنت ناوية أوصله\. ثواني مرت ثقيلة بيننا، قبل ما يهز راسه ويضحك ضحكة خفيفة لكنها كانت أشبه بزفرة تعب عمر : إنتِ مو سهلة، صح؟" ابتسمت، بس عيوني ظلت ثابتة على عيونه، ما انسحبت من المواجهة روح الزهراء : ولا أريد أكون سهلة\." ابتسمت بخبث، لما نتبهلي حاول يعيد الحوار ويثبت نفسه اكثر\.\.فعلاً الحوار صار اعمق واگبر بس ما يريد يبين وكأنه انحشر،\.\.\. فرد بنبرة واثقة وهو يحاول يستعيد السيطرة عمر :بس النبي أمرنا نفرح بمولده، وما أوصانا نبچي عليه\! أما الحسين، فإحنا نحبه ونحترمه، بس مو لازم نعيش بدوامة حزن ما تخلص\." ضحكت ضحكة صغيرة اهز رأسي روح الزهراء : هاي مو دوامة حزن، الضرب على صدر نعنيها\.\.\.\.\.وفاء\.\.\. تجديد عهد\.\.\. بس الواضح إن معنى الوفاء عدنا يختلف عن اللي عدكم\." رفعت عيوني إله، شفت ملامحه مشدودة، كأنه ما كان مرتاح للي يسمعه، بس ما قاطعني\. ضحكت بخبث، وكأن قول خطر بعقلي فجأ عمر نتبهلي\.\.\.\. روح الزهراء : أعتذر، بس تذكرت قول ينطبق تمامًا على هالموقف\.\.\. رفع حاجبه بنزعاج عمر : شيكول هذه القول؟ ابتسمت ابتسامة خفيفة، ما كنت ناوية أضيع الفرصة\. بهدوء، جاوبته روح الزهراء: "عن الإمام الصادق عليه السلام: \(شيعتنا يلطمون صدورهم، وأعداؤنا يلطمون وجوههم\)\." شفت شلون شدّ على فكه، كأنه كان مستعد يرد، بس أنا سبقتُه قبل ما ينطق بحرف روح الزهراء : يعني إحنا من نلطم، نشارك أهل البيت بألمهم، بس اللي يعاديهم، هو اللي يحس بالألم الحقيقي\. الإمام هم قال: \(اللهم ارحم تلك الصرخات التي كانت لنا\)، يعني\.\.\.\.\.\. اللي يصرخ ويتألم لأجل نصرة الحق،\.\.\.\.\.\. دعاءه ما يضيع\." زفر بضيق، هزّ راسه وكأن الكلام ما داخله بسهولة، لكنه ما تجاهله، بالعكس، فكّر لثواني قبل ما يرد عمر: "بس احنا من نتألم، ننتقدكم لأنكم تأذون نفسكم، هذا مو حزن، هذا إيذاء\." سحبت نفس قوي بكل ثقة وابتسامة الخبث مافاركتني روح الزهراء : اممم\.\. واضح\. سكت، صار عندي فضول روح الزهراء : لما تفقد شخص عزيز عليك متبچي؟ متنقهر؟ لما تصير عصبي وتغضب على الدنيا الفانية، ماتضرب ايدك الحايط؟؟ عمر : صح،، بس\.\.\.\. قاطعت كلامه روح الزهراء :بس الفرق، \.\.\. إحنا ما نلطم بس لأن نحزن، نلطم حتى نبقى نذكر، حتى نوصل صوتنا،\.\.\. حتى ما ننسى ولا نخلي غيرنا ينسى\. ضربة الصدر\.\.\.\.\. صوتها أقوى من أي كلمة يكدر ينطقها اللسان، لأن الوجع لي جوّا القلب، مرات الكلمة تعجز توصفه، بس الجرح إذا انفتح، يوصل صوته للبعيد قبل القريب\. عمر : بس هذا ألم بلا فايدة، شيفيد إذا بس نوجع نفسنا؟ إذا الماضي ما يرجع، شيفيد نعيش بيه؟ روح الزهراء : لأن الماضي مو شي نكدر نتركه ونمشي، الماضي هو لي صنعنا،لو كان الماضي مو مهم ليش نقرأ تاريخ؟ الماضي هو لي خلانا نعرف الحق، هو لي علمنا نقاوم\. إحنا من نلطم، مو بس نوجع نفسنا، نعلن موقف، نكول إحنا بعدنا على العهد، نخلّي الألم شهادة،\.\.\. مو بس دمعة تنزل وتخلص\. بصوت هادئ، كأنه يحاول يفهم عمر : يعني تعتبرون اللطم رسالة؟ روح الزهراء : مو بس رسالة، اللطم هوية\. لأن لمن تجرح روحك حتى تذكر العالم بظلم صار، معناها الظلم بعده ما مات، ومعناها إحنا بعدنا على طريقه\. يهز رأسه، لكن بعده مو مقتنع تمامًا بحيرة وهو يراقب تعابير وجهي الجادة عمر : بس ليش تستمرون كل سنة؟ المفروض الحزن يخف مع الوقت؟ يعني الإنسان إذا فقد أحد غالي، يبچي فترة، بعدين مع الأيام الجرح يهدأ، مو؟والحسين\.\. مات وانتهت القصة\. بنظرة عميقة بيها حزن روح الزهراء : لا\.\.\. لحد لان القصة مانتهت\.\. لان كل زمن بي يزيد\.\.\.\. وكل زمن بي الحسين عليه السلام\. بثقه عمر : بس الحزن مو عبادة\.\. والرسول نهانا عن النياح\. روح الزهراء : "والنبي هم بكى على حمزة، وعلى ابنه إبراهيم،\.\.\. وقال إن العين تدمع والقلب يحزن\.\.\.وبكى الليل على زوجتة خديجة ومن شدة حزن النبي ﷺ سمي العام بعام الحزن"، يعني الحزن مو حرام،\.\.\.بس الظاهر مشكلتكم مو بالدين، مشكلتكم مع مشاعر البشر نفسهم\." مانطيته فرصه يحجي كملت روح الزهراء : واحنا النبيﷺ هم تركلنا احاديث وروايات وصايا لازم نتبعها\. ببتسامة ساخره عمر : وشنو، هاي الأحاديث والروايات؟\! رديت بثقه روح الزهراء :رواية طويله تكدر تبحث عنها بس راح اختصرها لك الرسول محمد ﷺ الما قال لبنته فاطمة الزهراء عليها السلام : سيقتل ولدي الحُسين\.\.\.\. في زمن خالي مني ومنكِ رجعت سألت من الذي يبگي على ولدي وينصب له العزاء؟ قال: يخلق الله له شيعة تبكيه\.\.\. وقال أيضًا: إن لقتل الحسين حرارة في قلوب المؤمنين لا تبرد أبدًا\. يتأمل كلماتي، وكأنها تلامس شيئًا داخله بس موراضي يلين كان شي يمنعه، يدافع عن مبدأ صعب يتزحزح حتى وان كان غير صحيح تكلم عمر : بس شنو الفايدة من إن الوجع يبقى؟ مو المفروض الزمن يداوي الجروح؟ روح الزهراء : مو كل الجروح يداويها الزمـن، بعض الجروح مو للنسيان، وإنما للبقاء\. الحزن اللي نحمله مو مجرد دموع،\.\.\. هو شهادة على الظلم، وهوية نعيش بيها\. إذا الزمن خلاه يبرد، معناها الظالم انتصر، وإحنا ما نرضى،\.\. إحنا نصبر، بس ما ننسى\. نبرته أهدأ، لكن بعيدة عن المجاملة عمر : يعني تحسون إنه قضيتكم بعدها مستمرة؟" بتسم ابتسامة صغيرة روح الزهراء : إذا ظلم موجود، القضية بعدها مستمرة\. لحظة صمت\.\.\.\.\.\.\.\. عمر يتأمل ملامحي، كأنه يحاول يستوعب الفكرة\. ماعرف ليش احسه ضايع،\.\.\.\.\. واكثر شي مستغربة من نفسي ليش دا اكمل الحديث؟ ليش اتعاطف ويا؟ اني مو هيج\.\.\.\. مااسمح الا اي شخص يتقرب وتكلم وياي ليش هذه سمحتله؟ يمكن فعلاً يكون ضايع ويبحث،، لذلك الله خلا بطريقي\. هو مركز بعيوني سألته روح الزهراء : شكد عمرك؟ حسيته نصدم من سؤال ، ضحك نزل راسه كأن تكلم بداخله، عقدت حواجبي مستغربه تصرفه روح الزهراء : هيج السؤال صعب؟ ضحك بياض اسنانه بان عمر : الحقيقة، العمر يبدي من تشوف روحك\. رفعت حاجبي، احاول افسر كلامة، تكلمت بنبرة فضول روح الزهراء : يعني، ممكن واحد يكون كبير بلعمر، بس مو شايف روحه؟\! رجع ركز بعيوني، وتكلم بنبره هادئة عمر : ممكن،، ومرات نشوف أرواحنا بأشخاص يكملونا\. روح الزهراء : اعتقد لي تكلمت عنه بعلم النفس يسمى نداء الروح' عمر : اذا بي روح معناها صح\. روح الزهراء : اي، هي فترة تغير طبعاً\.\.\.\.\.\. قبل ماكمل رن تليفوني، اخذته فدك الزهراء ناظرتة هز رايه روح الزهراء : الو بصوتها المعتاد مليان طاقة واهتمام فدك الزهراء : شلونها بسكوته،، خو مرجعت النوبة؟ بس زين الجو حلو،\.\.\.\. بس غيم ضحكت ماخلتني احجي شي روح الزهراء : اي، وزين داومت اليوم، لان باجر عدنا تدريب بلمستشفى\. فدك الزهراء : هم زين،، يله روحي مااريد تتأخرين بس حبيت اطمن عليج ،، هاا نسيت اكولج\.\. عاشت ايدج العروك تخبل عزلت العلي،، ومن ترجعين علميني ونطيني الفيديو ضحكت روح الزهراء : صار\. نهيت الاتصال مبتسمه، رفعت عيني هذه بعده مركز وياي، ناظرت للوقت روح الزهراء : ا، شنو ماعندك محاضره؟ عمر : بعد ربع ساعة لتزم الصمت بس وده يحجي، واني هم عندي كلام\.\. روح الزهراء : عُمر رفع عينه بسرعة نتبهة من اذكر اسمه يتوتر وگان اول مره يسمعَ عمر : ها؟ رجعت كررت سؤالي بغير طريقة روح الزهراء : ليش، اجيت المسافه بعيده؟ عمر :المسافة مو مهمه لما يكون الشخص يستحق\. عقدة حواجبي، احاول افهم روح الزهراء : يستحق شنو؟\! عمر : لان لما اشوفج، واسمع منج تبقى الفكره بعقلي اكثر من لازم، لذلك اجيت متقصد حتى اسألج اي كتاب ابدي؟ روح الزهراء :بخصوص؟ عمر : بخصوص الدين؟ روح الزهراء : اول شي ابدء بمذهبك اقراه بس لتقره المبغضين اهل البيت عليهم السلام، يسمع باهتمام، ما يقاطع، بس عيونه توضح إنه يفكر بكلام بجدية روح الزهراء: بعدين، إذا فعلاً تريد تفهم، اقرا عن الفكر الآخر بدون تحيّز\. مثلاً، عندك كتاب "المراجعات" للسيد شرف الدين، هذا حوار بين عالم شيعي وعالم سُني، يطرح الفكرة بالحجة والنقاش الهادئ، مو بالصدام\. يميل برأسه شوي، كأنه مهتم فعلاً عمر : المراجعات؟ سمعت بيه، بس ما قرأته\. بثقه روح الزهراء : و\*\*"ثم اهتديت" لمحمد التيجاني السماوي\*\*، يحچي تجربة شخص كان سني سلفي متعصب وصار شيعي،\.\.\. مو شرط تتفق وياه، بس راح تشوف ليش فكر بالطريقة اللي فكر بيها يبتسم بخفة، كأنه يتأمل عمر : يعني تريدينّي أشوف الأمور من زاوية مختلفة؟ روح الزهراء : أريدك تشوف الأمور بنفسك، مو بس تنقل اللي سمعته طول عمرك\.\.\.\.\.\.\.\.\. البحث الحقيقي مو بس تقرا اللي يدعم فكرتك، بل اللي يخليك تسأل وتفكر\. يظل ينظر لي للحظة، بعدها يهز رأسه باحترام عمر: كلامج منطقي\.\.\. راح أبدأ\. روح الزهراء : إذا عندك أسئلة، اسأل\.\.\. بس لا تجي تحاجج، لأنه البحث مو ساحة حرب\. يضحك بخفة، عمر : لازم أروح\.\.\. بس راح أرجع نحچي عن اللي قريته\. روح الزهراء: إذا كان نقاش، مو جدال، مرحب بيك\. نهض من مكانه عمر : وانتِ ماعندج محاضره؟ روح الزهراء : بعد ربع ساعة عمر : روح الزهراء رفعت نضري له كان مبتسم كأنه يتأملني عمر :شكراً روح الزهراء : مسويت شي عمر : لا سويتي\.\.\. اكثر مما تتوقعين\. رفعت حاجبي، قبل مااتكلم لوح بيدة ومشى بقيت أتابعه وهو يبتعد، خطواته كانت هادئة بس حسيت وراها ثقل أفكار تدور براسه\. طلعت البخاخ\.\. تنفسته بسبب كلامة والنقاش حسيت بضيق تنفس قليل رجعت نظرتي للساعة، بعد عندي وقت بسيط قبل المحاضرة\. سحبت نفس عميق، ليش حسيت إن حديثنا اليوم كان مختلف؟ ليش حسيته مو مجرد نقاش عابر، كأنه\.\.\. كأنه شيء بدا يتغيّر؟ هززت راسي بسرعة، لازم أركز ع المحاضرة، مو أفكر بشيء شفت مريم اجة تضحك مريم : ابشرج روح الزهراء : شنو؟ مريم : ماكو محاضره روح الزهراء : وكولي والعباس وهي تضحك مريم : والعباس\! ضحكت، وحسيت بثقل ينسحب من صدري، كأن أحد رفع عني هم فجأة\. حطيت إيدي على قلبي وغمضت عيوني بثواني، شكد كنت محتاجة لهالخبر\. روح الزهراء : الحمدلله\.\. جان لو أدخل بهالعقل المشوش، والله حتى اسمي أنساه\. بخبث مريم : ليش شكو؟ روح الزهراء : ماكو شي، تعالي ضوگي القيمات، القمر ريحتها تسطل\!" اخذت قطعة مريم : عروك\!\.\.\. مولقيمات\! روح الزهراء : هههههه\.\.\.\. سميتها القيمات القمر اقرب لها مريم : امممم طرية\.\. وطيبة شعجب ضبطت من اول مره؟ روح الزهراء : ههههه لا عيني مطوره شعبالج\! وهي تاكُل مريم : امم روحي\.\. وين نخلص الوقت بما ان محاضره ماكو؟ روح الزهراء : ماعرف بس الجو حلو خلينا هنا مريم : نروح للمكتبة؟ روح الزهراء : حلو\.\.\. يلا كملي ونروح \. واني حسيت إنه فعلاً فكرة المكتبة راح تفيدني يمكن الهدوء بين رفوف الكتب يخليني أفهم ليش حديثنا اليوم كان مختلف\.\.\. وليش بعده مشغل تفكيري لهالدرجة\. بعدما كملت رحنا للمكتبة قرأنا شوية\.\.\.\.\.\. طلعنا نمشي دخلنا قبل متبدي اخر محاضره، اكد علينا باجر تطبيق بلمستشفى لمحت محمد واكف قريب على قسم ، جسمه مستند على السيارة، بإيده قنينة مي، وشكله مرتاح كأنه مستمتع بالجو\.\.\.\.\.\.\.\. مشيت واني أضحك، ما أعرف ليش، يمكن بعد كل التفكير اللي براسي، شفته خفف عني شوي\. شافني ورفع إيده بتحية خفيفة، ابتسمت وأني اقترب، لكن عيني كانت على شخص ثاني\.\.\.\.\. عمر\. كان واقف مو بعيد، كأنه منتظرني\.\.\.\. ملامحه هادئة،\.\.\.\.\. بس بنظرة ما گدرت أفسرها، يمكن تساؤل، يمكن شيء ثاني\.\.\.\.\.\.\. للحظة، حسيت اسأل نفسي : شيريد؟ ليش هيج صار كدام عيني؟\.\.\.\. منين طلعت؟ قربت محمد كأن كأشخ مثل كل مره على اخر حبة مضبط نفسه،كأن عريس وصلت يمة نزع النظارات محمد : هلا بسكوتي ضحكت روح الزهراء : هلا بيك، شلونك؟ محمد : بشوفتج صرت احسن\. فتح الي باب الصدر حتى اصعد\.\.\. عمر، كان وكف وعيونه تراقبني،صعدت، عطر السيارة دافي هادئ كأن امتص كل الافكار، حسيت عقلي هدأ صعد شغل السيارة كأن مشغل نشيد وطني عن الحشد كلش احبه حماسي روح الزهراء : محمد\! محمد : يعيونه ضحكت بخجل ونزلت راسي گلبي صار يخفق روح الزهراء : ليش تحجي وياي هيج؟ محمد : شلون هيج؟ روح الزهراء : يعني كوله دلعني، روحي بسكوتي يعيوني؟ محمد : هااا، غير عيب، مو أني ابن عمچ، لو نسيتِ؟ ضحكت وأنا أهز رأسي، صوت النشيد كان يعبي السيارة، ومن غرابته، حسّيته مناسب للموقف\. الهدوء اللي حسّيته قبل شوي تبدل بطاقة غريبة، كأن المكان بيه روح ثانية\. روح الزهراء : بس مو لهالدرجة\! يعني حسّيتني أميرة مدللة\! محمد: إي، وشبيها؟ إذا مو مدللة عندي،عند منو؟ روح الزهراء : كل اولاد العم مثلكم؟ محمد : لا لتحجين بلجمع،، بس كلهم مثلي لما تكون بنت عمهم مثلج\. ضحكت روح الزهراء : نسيتني شنو ردت اسألك\.\.\.\. ها شنو اسم العطر؟ محمد : هااا، عجبچ؟ روح الزهراء : كلش\! حسّيته هدوء\.\.\. كأنه يبرد العقل\. بضحك محمد : إي عطر ذوات الدم البارد\! روح الزهراء : هاا\.\.\.\. اسمه غريب؟\! ضحك محمد : لاا، ماكو بس صدگ، إذا عجبچ، أجيب لج واحد\. روح الزهراء : لا، بس سئلت،لان شامته عندك قبل بس مو بهل قوة\. لف بوجهه ناظرلي عايف الطريق تكلم بنبرة ماعرف اردها محمد :طبعاً لما تكونين قريبة العطر يختلف\. ماعرفت شنو ارد بلعت ريكي\.\. فتح صندوق لي ساند ايده طلع العطر قدمة محمد : اخذي الج روح الزهراء : لا ماتقبل هداية\. هزّ راسه كأنه كان متوقع هالكلام، وأخيرًا أنزل إيده بس بدون ما يرجّع العطر للصندوق\. محمد: وأنا ما جاي أقدم هدية، جاي نطي شيء يشبهچ\." شعرت بانقباض غريب بصدري، نبرته ما كانت مجرد مجاملة، كانت كأنها تثبت حقيقة\. التفتّت للعلبة مرة ثانية، شفت لون الزجاجة، كانت سماوية شفافة، بسيطة وأنيقة\. ما أعرف شنو اللي خلاني أسأل، لكن بدون ما أفكر، طلعت مني الكلمة روح الزهراء : ليش؟" نظر إليّ بنظرة هادئة، لكن عميقة، قبل ما يجاوب بصوت منخفض لكنه واضح محمد : لأن العطر مو بس ريحة، العطر بصمة\. وإنتي بصمتچ تبقى حتى لو بس مريتي بمكان\." كلماته وقفت الزمن للحظة، سحبتني بصمت ثقيل، حسّيت قلبي يدق أسرع\.\.\. ما عرفت شنو هالشعور بالضبط\. خوف؟ توتر؟ بس كان بيه شيء حلو،\.\.\.\. شيء ما فهمته، بس حسّيته بكل تفاصيله\. مدّيت إيدي ببطء، كأنها تحركت وحدها، أخذت العطر من إيده بدون ما أنظر إله\. فتحت الزجاجة، رشيّت منه بخفة على معصمي، شميت الريحة\.\.\. كانت هادئة، بس بيها عمق، ثابتة بدون ما تكون ثقيلة\. رفعت نظري لمحمد، كان بعده يراقبني بصمت، عيونه الخضره تحمل هدوء غريب\.\.\.\.، كأنه كان واثق من هاللحظة أكثر مني\. سكّرت العطر ورجعته مدّيته إله بنفس الهدوء\. روح الزهراء: "حلو\.\.\. بس مااريده" ابتسم ابتسامة خفيفة، أخذ العطر مني بدون اعتراض، بس نبرته كانت بيها معنى أكبر من مجرد كلام عابر: محمد: "ما يهم\.\.\. المهم إنج جرّبتيه\. التزمت الصمت، اريد افهم، مشاعري تبعثرت ماعرف التوتر، سيطر عليّ تكلم وعيونه على طريق محمد : على فكرة عازمج على غدا رفعت حواجبي روح الزهراء : ها\.\.\. ليش؟ محمد : عمتي طبخت باچه وانتِ متحبيها ورادت تطبخ لج غير شي بس كلتلها لا اني اخذها ونتغدا برا\. روح الزهراء : لا خو اروح يمكم\. يهز راسه ب اسف مصطنع محمد : مع الاسف اهلي اجو يتغدون يمكم\. روح الزهراء : محمد مااريد اشغلك\. محمد : ماعندي شي يابا كل وقتي الج\. بتسمت روح الزهراء : شكراً محمد : مبينه،غير بس شكر وچاي وبسكوته ضحكنا رفع الصوت نشيد حماسي يحث النصر زاد السرعةة صف يم المطعم، نتبهت على نفسي روح الزهراء : يامحمددد\! لف مستغرب محمد : شكوو؟\! روح الزهراء : مالبست عباية ماعندي\. محمد : يابا ترا حجابج نازل مثل العباية ساتر\. روح الزهراء : عليك العباس، شلون تشوف لبسي؟\! ينظرلي نظره جادة محمد : يابه،والعباس لبسچ محترم، ساتر، وما بي أي شيء غلط\. عباتج فضفاضه وحجابج نازل على كتافج مثل العباية، وشنو هاي معصم لابسه؟ روح الزهراء : اي حتى لما ارفع ايدي وتنزل العباية وتبين ايدي\. ضحك محمد : انزلي وخطيتج برگبتي على هل البس\. مشيت وياه للمطعم، وهو بكل ثقة يتقدم، وأني شعرت كأن كلماته قبل شوي بقت معلقة براسي\. بصوت واطي روح الزهراء : خطّيتي بركبتك؟ هواي كبرت السالفة\. بتسم وهو يفتح باب المطعم محمد : هذا واجبي، أكون سند إلچ بكل شيء\. مو بس بالكلام، بالتصرفات همين\. ما جاوبته، بس حسّيت شعور غريب، كأنه نوع من الطمأنينة، أو يمكن مسؤولية؟ ما أعرف\.\.\. بس اللي أعرفه، أنه هاللحظة ما راح أنساها بسهولة\. بثقة وهو يرفع حاجبه محمد : ها ومو أي سند\.\.\. سند طابو\! ضحكت روح الزهراء : هاا، يعني ملك صرف؟ يهز راسه بجدية مصطنعة محمد : إي، وما يصير ينباع ولا ينرهن ولا حتى يتنازلون عنه\! بسمج والج وبس\. بمزح روح الزهراء : لعد لازم أفكر زين قبل لا أوقع\! يبتسم بمكر يغمز محمد : متأخرة، التوقيع صار من زمان، من يوم اللي\.\.\.\. قبل ميكمل كلامة تراجع وكأن نتبة النفسه غير الموضوع وهو يسحب الكرسي لي جلست محمد : شنو تاگلين؟ روح الزهراء : على ذوقك او مثل ما تاكُل هز راسه بدون تعليق، وراح يطلب الأكل\. أما أني\.\.\.\. عيوني ظلت تتنقل بكل زاوية من المطعم\.\.\. المكان فخم، أنيق، مرتب بطريقة مريحة للنظر\. حسّيت أنه كل شيء هنا يعكس ذوق محمد\.\.\. بسيط بس راقي،\.\.\.\.\. عفوي بس مدروس\. ضحكت بيني وبين نفسي\.\.\. حتى المكان اللي يختاره يمثل شخصيته\. دقايق رجع جلس مقابيلي روح الزهراء : شنو طلبت؟ محمد : اگلتج المفضله عقدت حواجبي روح الزهراء : شنو اكلتي؟ محمد : قوزي بس شرط على ظلوع\. ضحكت روح الزهراء : بلضبط شمدريك؟ محمد : لا ميصير تستخفين بقدراتي\! روح الزهراء : لا جد\.\. شلون عرفت؟ بتسم محمد : عمتي مره كالت وبقت بعقلي روح الزهراء : اممم \.\.\.\. عقدت حواجبي، انتظرت يكمل،\.\.\.\.\. بس ما رد صمته خلاني أفكر شكد هاي الجملة كانت تعني له، شكد كانت راسخة بعقله\. قررت أغير الموضوع رغم اني اعرف بس اريد افتح موضوع ويا روح الزهراء : محمد ليش رحت سلك عسكري؟ تنهد وسحب نفس قوي محمد : حلمي، من الطفولة واكثر شي تأثرت ب ابوي، كانت امنيتي اصير مثله البس لبس عسكر وتصير رتبة على كتافي كمل والابتسامة مرسومة على وجهه محمد : حققت حلمي، وصرت ضابط مثله بس بعد عندي طموح بفضول روح الزهراء : شنو؟ محمد : اكمل ماجستير،\.\. وتبقه خطوه واحصل على دكتوراه رفعت حواحبي مستغربة روح الزهراء : والله برافو،يعني تجمع بين القوة والعقل؟ محمد : تعرفين\.\.\. الإنسان لازم يكون عنده أكثر من بُعد، القوة وحدها ما تكفي، والعلم وحده هم ما يكفي، لازم الاثنين سوا\. روح الزهراء : ان شاءلله توصل للي تريده محمد : ان شاءلله، بس حالياً، ممكن كل احلامي تصبح رماد روح الزهراء : اسم الله، ليش؟ تنهد محمد : ممكن اروح وماارجع له بعلم قبل مااحجي تكلم محمد : بسكوتة خليني اكون صادق وياج مكأني خطر،خطر\. روح الزهراء : لا محمد اسم الله عليك لتحجي هيج حباب،\.\. اترك الدوام انتَ مومحتاج\. محمد : صدگ تحجين؟ لج بابا على ساتر نتعارك على شهادة معارك وسبع لي يحصلها روح الزهراء : ليش\. توقف حياتك نسيت هسه تحجيلي عن طموحك، تريد تحصل الدكتوراه شلون ترضاها محمد : مو مسألة رضا، هي مسألة معنى\.\.\. إذا حياتي ما إلها معنى، شلون راح يكون لموتي معنى؟ حسيت الحزن تغلب على ملامحي روح الزهراء : محمد، لا تگلبها فلسفة\.\.\. أريدك سالم، حي، بعيد عن الخطر\. محمد : وأني أريد أكون إنسان يستحق حياته، مو بس يعيشها\. حسيت عيوني غركت بلدمع نزلت راسي صوتي صار يرجف، مااريد اعيش شعور الفقد روح الزهراء : بس إذا صار شي؟ تكلم بنبرة صوت ثقيلة بلكوه نطقها محمد : اذا صار ورحت شهيد تذكريني؟ روح الزهراء : اسم الله عليك محمد\.\.\.\. محمد : رفعي راسج\.\.\.\. شووو\.؟ رفعت راسي شاف عيوني غرگت ناظرتة دمعتي طاحت محمد : لااا بسكوتة سويت بروحي\.\. كومي غسلي نهض محمد : بسكوتة لترجعلج النوبة\.\.\.\.هسه تختنگن كافي تكلمت ودموعي تنزل ضامه وجهي بكفوف ايد روح الزهراء :بعد ماخلصت دموعي\. ضحك محمد : ضميلي كم دمعه لتخلصيهن ناظرتة بكل برائه، وصوتي يرجف روح الزهراء : ليش تفاول على نفسك متفكر بعمو وعمه شيصير بيهم\.\. ترا اني گلبي خلص زدت بجي اجه جلس جنبي روح الزهراء : بابا، حيدرا ، قسور كلهم عافوني لتعوفني انتَ هم\. محمد : اشش\.\. كافي راح تخليني اندم لان حجيت كأن وده يلزم ايدي او يلمسني يحاول يطمني ويهدء نفسي بس كل ميقرب ايده يبعدها اكثر محمد : يله كومي غسلي وصل الاكل روح الزهراء : مااريد لو مااكله باجه وساكته افضل ضحك بصوت عالي بعدها رد محمد : لا الخاطري كومي\. نهضت هو وياي دخلت شفت عيوني دم غسلت وطلعت هو منتظرني رجعنا جلسنا الاكل على طاوله احجي بنفسي:اني احب\.\.\.احب محمد ،لا لا كلمة احب گبيره بس هو يحبني؟ اي ايحبني وله ليش يهتم\! بس محمد هذه طبعة وياي من زمان حتى مصطفى يتصرف وياي بطريقة حلوه لان ربيت بيتهم ويعتبروني مثل حور اللعين،\.\.\.\. زين شلون اعرف؟ يلةةةة بسكوتةةة فكررري اخذت قنينة المي فتحته تكلمت بنبرة فضول روح الزهراء : لذلك متريد تزوج حبيبتك؟ نصدم من سؤالي رفع عيونه الخضره محمد : شمدريج؟\.\.\.\. ها مصطفى\. هزيت راسي ب اي روح الزهراء : اذا تحبها ليش تعوفها؟ محمد : منو كال اعوفها؟ سحب نفس قوي رتفع صدره كمل كلامة محمد : احبها اكثر من روحي، وافكر احميها من نفسي، قبل الناس روح الزهراء : شلون تحميها فهمني؟ محمد : اخاف اتزوجها، وبعدها تترمل وهي حلوة، صغيرة مااريد اعيشها الحزن وهي بعمر الزهرة هستوها وعت على دنيا روح الزهراء : متخاف تخسرها؟ محمد : بلحالتين خسران\. بفضول روح الزهراء : منو اعرفها من بنات عمامي لو قريبة عمه ؟ محمد : لااالااا غريبة محد يعرفها\. يلا الاكل برد سمي بالله واكلي\.\. وهااا تخلصي كله روح الزهراء : نسدت نفسي بمزح محمد : اني السبب مو؟ \.\. بس هاي سوالفج مو عليّ\.\.\. تخلصين صحنج وله اخليج تاكلين بطريقتي\. قبل مااحجي اخذ الخاشوكة غمسها بصحن التمن اشرلي بعيونة محمد : اذا ما تاكلين اني هم مااكل ضحكت واخذتها سميت بديت اكُل\.\.\. بدء يلطف جو وغير المواضيع بعدما\.\.\.\.\. كملنا اكل راح جاب چاي على فحم محمد : احمم \.\.\.\. اريد اعترفلج بشي نتظرته واني مبتسمة بفضول منتظرته اعرف شنو يكول محمد : تدرين كل مااشرب چاي اذكر چايج بمزح روح الزهراء : الله\.\.\.\. هذاك مستحيل يتكرر\! ضحك محمد : اي وحق علي\.\. شوفي من شربتة من كد ما ثكيل، حسيت الساني لزك بلهاتي نشل\. ضحكنا سوا بصوت عالي كان واضح بعد يذكر الطعم بقيت أضحك، بس محمد فجأة سكت، وصار يناظرني بنظرة هادئة، مختلفة عن قبل\. رفعت حواجبي باستغراب روح الزهراء: "ها؟ شبيك؟" ببتسامة خفيفة وعيونه تنتقل بين عيوني محمد : "ولا شي بس، أتمنى تبقين تضحكين هيچ\." كلماته دخلت بگلبي ببطء، حسّيت بيها صدق ما أعرف شنو سببه\. حركت چفوفي، وگمت أعدل كوب الشاي قدامي، كأنه هو المشكلة، مو اللي دايصير بينا\. روح الزهراء: "شبيك اليوم؟\! ضحك بصوت مرح مصطنع غير الموضوع جذرياً محمد : لاتنسين چايج ضل ذكرى مؤلمة بعالم الچاي\. روح الزهراء: "عفية، لا تخليني أنسى\.\.\. أسوي لك واحد ثاني حتى تثبّت الذكرى أكثر\!" يرفع ايده بستسلام ويضحك محمد : لا دخيلج لااا ماريد اجرب تجاربج الخطيره روح الزهراء : هاااا؟\! محمد : لا بس حق الله طبخج له طعم يختلف\. بتسمت روح الزهراء : اي هم زين\. صار عندي فضول اسأل بس متردده روح الزهراء :\.م\.\.\.\.محمد\! رفع نظرة روح الزهراء : حبيبتك \.\.\.\. شنو اسمها؟ نزل عيونه، مبتسم وهو يلفظ اسمها محمد : مروة نفسي صار سريع صدري يرتفع وينزل\.\.\. وگلبي ينبض بسرعةة عصرت طرف عباتي ااخاف يشوف نفسي لي مو كادره اسيطره عليّ،حلگي نشف، بس بلعت ريگي روح الزهراء : احمم\.\.\.\. حلو خوش اسم محمد : اي،\.\.\.\. مو بس اسمها حلو هي بعد احلى مستحيل، شخص يشوفها وميحبها اسلوبها، عدها كاريزما، ملفتة، \.\.\.\. هي لي تمنيتها تكون شريكة حياتي رديت بنبرة حادة بخبث روح الزهراء : إذا تحبها لهالدرجة\.\.\. ليش بعدك ما متزوجها؟لوعاجبك اسلوب التمني\! ابتسم، بس مو ابتسامة فرح، كانت أقرب لابتسامة شخص يعرف جواب سؤالك بس مو مستعد يكوله\. سحب نفس محمد: لأن الحب وحده ما يكفي\. روح الزهراء :اترك الدوام،انقل، ليش تصعبها؟ نظر لي نظرة طويلة، كأنه كان يفكر إذا يستمر بالحچي أو يغير السالفة\. بعدين حرك راسه بابتسامة حزينة محمد : مو كل شي نتمناه نكدر نحصل عليه، مرات الظروف تكون أقوى منّا\. تكلمت والملم شفافي صفح روح الزهراء : اممم\.\.\.\.\.وانتَ ابقى تمناها ناظرلي مبتسم، بادلتة، ابتسمت بس شفافي ماطاوعتني روح الزهراء : الله يوفقكم،\.\.\.\.حتى متبقى بس تتمناها هز راسة ب اي ومانطق حرف خلصنا الچاي رجعنا للبيت\.\.\.\. سلمت وكعدت شوية بعدها صعدت للغرفة مثل روتيني كل\. مرة بس هل مرة مشاعري اخذت قرار\.\.\.\.\.\. ♕ريـم♕ نتظرت\.\.\.\.\.\. عمر يتصل حتى اسولف عن امي صارت الساعة 10بليل وعمر لسه لا تصل ولا يرد على اتصالاتي\. ضل فكري يمةةةة اخذت الموبايل رجعت اتصلت فيديو عند نت بس ميرد تصلت اكثر من مره اخر شي رد نفتحت الكامرة الخلفية شفت البيت مهوس، الطاولة مگلوبة شي مكسور فتحت عيوني بصدمة ريم : عمر شصاير؟\! حول الكامرة الامامية بعد بملابس الدوام وشكله كان نايم رد وبصوت تعبان عمر : ماكو شي ريم : شنو جنت نايم؟\.\. ليش حالة البيت هيج؟ صاير وياك؟ يتنهد عمر : اوووف لا مو نايم ريم : عمر، احجي شصاير لا تخوفني؟ليش اتصل مترد عمر :لا لا ماكو شي بس\.\.\.روح\! ريم : روح الزهراء؟ عمر : ليش اكو غيرها\!\.\.\. طركاعتي، بلوتي، مصيبتي\! بضحك ريم : ها ختلفو السنة والشيعة؟ كان نايم على قنفة جلس عمر : لا احنا اساساً مختلفين، بس هل مره الموضوع مو خلاف مذهب\. ريم : لعد شكو؟؟ قبل ميرد مسح وجهه بكفوف ايده عمر : طرف ثالث يتبع\.\.\.\.\.\. بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥