بسم الله الرحمن الرحيم
سبحان الله
الحمـــــدلله
لا اله الا الله
الله اكــــــبر
♡اللهم اخرجني من حولي وقوتي الى حولك وقوتك♡
⛓️💥قيود المذهب ⛓️💥
بقلمي …… روز الحيدري
التكملة\.\.\.\.\.
البنية خلفي وباب الشارع مفتوح
علي الاكبر مبين
ردت اطلع عرض بالباب منعني رفعت
راسي له تلكم بوجهه مبتسم
الشاب
: هذا الموقف ماذكرج بشي؟
ناظرته واني عاقده حواجبي
باستغراب مكشرة وجهي:
روح الزهراء : عفوواً؟\!\.
بتسم رد بهدوء
الشاب
: مو داومين بجامعة\.\.\.\.\* طالبة تخدير؟
هزيت راسي
: بلي\.\.
ردت أطلع، هو بعده واگف بمكانه\.
البنية تباوع لنا وتبتسم\.
بصوت ثابت:
روح الزهراء: ممكن تسمحلي؟"
ابتعد بخطوة، تكلم بأدب:
الشاب:
: تفضلي\."
طلعت بسرعة، عيوني على رمح…
الباب مفتوح، وعلي الأكبر ينتظر، ضحك
من شافني\.
يمسح على راس رمح:
علي الأكبر: حمدلله عالسلامة… چانت راح
تموت وراك\!"
الشاب باوع له، شكله متفاجئ\.
بأسلوبه الطبيعي:
علي الأكبر: ممنون منك… آمرني بشي؟"
مستغرب:
الشاب:
: شنو؟"
علي الأكبر:بالمنشور، گلت اللي يلكاله إله مقابل\."
هز راسه وابتسم ابتسامة:
الشاب:
: لا عيب هالحچي… الحلال رجع لأهله\."
قبل ميرد علي الاكبر
تكلم
الشاب:
: بس شلون وصل لهنا؟ وين بيتكم؟
قصدي قريبين؟ لان اني شايفك\.
ببتسامة
علي الاكبر: اي صح اني هم شايفك\.\. اي من
نفس المنطقة بستان ال ياسين اذا تعرفه
رفع حواجبه
الشاب:
: هاا بستان حجي ياسين الله يرحمه\!
علي الاكبر : اي
الشاب:
: ليش اكو واحد ميعرفه هنا\!
اني اخذت رمح ورجعت للسيارة بس صعدت
علي الاكبر صافحه ورجعلي\.\. اني فرحتي ما
تنوصف برمح "رجعنا للبيت سبحته ونطيته
أكل خليته بحضني خنكتا خنك وهو يضربني ويصيح مثل الطفل ضحك ونمت
صحيت ؏ صوت المبايل فتحت تك عين
محمد\.\. يتصل
فتحت خط ورديت واني مغمضه
: الووو
محمد: نايمة بسكوتة؟
: اي والله اني رمحي\.
محمد: الحمدلله من الكيتي
: اي والله صارلي يومين متشردة من ورا
ابوعيون الخضر ماشفت النوم\.\.
بنبرة مزح
محمد: اااخ يابوية شبي ابو عيون الخضر؟
: والله اتخيل سيارة ضاربته او دينعفو\.\.
واكُعد ابجي شلع گلبي\.
محمد: بالكي انتِ شالعه گلبه\.؟
ضحكت
: اي عذبته\.\.\.\.طلعت القهر بي اعضه بالطف
يصيح الوتي\.\. ع اساس تاذه\.\.
محمد: هههههههه\.\.وين لكيتو؟
: بالجهه الثانية ماعرف شلون وصل يمةة
وليدي\.\.
ضربت رمح بالطف وهو نايم صاح، ضحكت
: شوف شلون يصيح لان ازعجته\!
بمزح
محمد : صار تختوخ؟
: اي فد مرة
سكت ثواني رد
محمد: انتِ شلونج؟
: بخير\.\.\.\. يمته تنزل؟
محمد: مامعلوم\.\.
: شلونه الوضع يمك\.؟
محمد: ممتاز
: اي الحمدلله متابعة الاخبار\.
محمد : اي\. يله بسكوتة\.\. اروح ونتبهي
ع ابو عيون الخضر لحد مانشوفله مرة\.\.
ضحكت
: ان شاءلله وانتَ نتبه عالنفسك\.\.
محمد: تأمر حظرت المهيب\.\.
ضحكنا وغلقت الخط\.\.
بعد يومين، كلشي طبيعي\.
روتين الجامعة،
الجمعة\.
كنت أتابع كارتون ويا الأولاد، رمح بحضني، وفطوم يمي، بعدين دخلت المطبخ\.
: بما أنه اليوم جمعة، قررت أطبخلكم الغدا\.
روان: شتسوين؟
: شفت طبخة وعبالي أجربها\.
روان: شنو هي؟
: مكبوس دياي\.
ضحكنا كلنا\.
: بس عفية، ما أريد أحد يدخل عليّ، إذا خربت الطبخة منكم\!
روان: أساعدج بس من غير صوت؟
: لااا حبيبتي، أريد المطبخ لي وحدي… روحي ارتاحي\.
سدت الباب، اشتغلت بحماس\.
مطبخنا واسع ويفتح النفس، حتى أمي معلگة ورقة بآيات وأذكار، ترددهن وهي تشتغل…
فتحت الفيديو، وتبلت الدجاج بكل شي موجود بالمجَر… ما أعرف للتوابل، فجمّعتها كلها وگلت
على الله\.
طبخت ونسقت السفرة، وطلعت\.
أجه علي الأكبر، وجهزنا الغدا سوا…
: لولي، اليوم أني طبخت… أريدك تطلع للشارع وتصيح مثل المخبل\!
ضحك رد
علي الأكبر : أووو عمي، لتخلوها تطبخ بعد\!
: لووليييي\!
ضحكنا وكعدنا ناكل… بس چنت أراقبه\.
: ها؟ شنو رأيك؟
فتح عيونه، وترك اللگمة، حاط إيده عَ صدره
كأن اختنگ\!
ضحكت
بمزح:
فطوم: هسه رضيتي؟
: لااا، أريده يطلع يصيح… راح أتخبل شنو هل
اكل الطيب\.
بمزاح:
علي الاكبر: إذا طبختين بعد… آكسر راسج، ذليتيني\!
: بالله عليك، الطعم خوش لو لا؟
علي الأكبر: إي والله، عاشت إيدچ… بس حسيت التوابل شوي زايدة\.
: إي يمكن… خاصة نوع واحد اسمه بربگه كثرته\.
تنفجر ضحك:
روان: هههههه عزّاااااا\! ولچ اسمها بابريكا مو بربگه\!
: هههههههه ياا والله عبالي بربگه كلت خلي
اكثر منها نوب نوعين وحدة مكتوب الماس"
وحدة مطحونه"
وهو ياكل بمزح
علي الاكبر : تردين تبربكينا؟
ناظرته صفح رظيت برود:
: اي مو اني ساقطة\!
ملامحه تبدلت، الضحكة راحت، وسكت بسرعة… بلع اللقمة كأنها غصة بزرده، حتى ما رفع عينه\.
أمي نظرتلي لحظة، بس ما علّقت\.
أنا؟ كملت أكل… كأنه ما صار شي\.
كملنا غدا، خليت الصحون بالغسالة وشغلت
بخور بالمطبخ\.\. الچاي جهز اخذته رديت
: شتردون بعد سويت چاي\.\.
فاطمه: صارت زحمة ماما هذا كرم من عندج\.
: ولو دللي فطوم\.\.
ضحكت رجعت قدمت العلي اخذه ومارفع عينه
كعدت هو يشوف اخبار بس متاكدة عقله مو يمها
شوية وطى الصوت
ناظرني نظره مباشرة وتكلم:
علي الاكبر : يعني ماسامحتيني؟ ومانسيتي\!
عقدت حواجبي:
: شنو قصدك؟
علي الاكبر: مو عتذرت شنو تردين أسوي؟
: ماطلبت منك تسوي وتعتذر واذا عتذرت
هذا لانك غلطت بحقي\.\.\. بعدين أي سامحتك\.
علي الاكبر: امممم واضح\.\!
: لا واضح وأكثر لو مامسامحتك ماارجع وياك\.
علي الاكبر: لعد شنو حظرتج تردين تبقين بيت
عمي\.؟\!
: ليش لا؟
علي الاكبر: گلت غلطت مو ع اقل شي تبسمرين\!
وكل حجايه تذبيها اكبر من راسج\!
: ليش زعلت؟ مو هاي الحقيقة؟
علي الاكبر: اي \.\.\.خلاص كلمة طلعت بوقت\. عصبية وغضب\.\. لزكتي بيها؟
برود
: جؤ\.\.\. محمد كال أي شخص اذاج او سمعج
كلمة تجرح مشاعرج\.\.\. ديربالج تنسينها\.\. لان
اذا تنسينها راح يرجع يسوي الاكبر منها\.\.\.
علي الاكبر: حتى اني؟
: اممم كائن من يكون\.\.\. محمد كال اي شخص
لان اذا تغفرين مرة يتعود ويستصغرج ويستهين
بمشاعرج\.\.\. خليهم يعرفون حدهم\.
هو مبحلقه بصدمة خفيفه رجعت ناظرت
عالاخبار :
: يعني بختصار\.\.\. كال اذا تردين تحافظين ؏
نفسج كل واحد أنطي أقل من حجمة حتى متنصدمين بعدين\.\. مهما كان اللي كدامج ملاك
مخبي بداخله شيطان\.\.
بقهر
علي الاكبر : عالاساس هو الملاك؟
: جؤ\.\. هم كال حتى اني ممكن اغلط محد
ماخذ العصمه\.\.\. لذلك لتتوقعين اكون ملاك
فد يوم \.
هز راسه
علي الاكبر : هل أدب سز اني اعلمة بس خلي
يرجع\.\.
: المهم سامحتك اي\.\.\. بس نسيت؟ لا
اللي ينسى بس اللي بي زهايمر لذلك كل شي
صار وياي اذكره بحذافيرة\.\.
عم الهدوء وسكتت امي بس مستمعه وناظر
اخر شي تكلمت
فاطمه: خلصتي عتب؟
ضحكت بخجل نزلت راسي
فاطمه: گومي بوسي راس اخوج\.
نهضت بسرعة اضحك
: ابوس راسه وايده بعد\.
قربت أشو زعل ماقبل ضحكت وقبلته
واخذت ايده هو يسحب واني اسحب
ونضحك بعدها سحبني حضني
: لولي تحملني\.\.\. سامحتك وروح ابوي
بس يعني اريدك تتفهم اللي صار وياي
صعب انسى\.
علي الاكبر: حقج واذا هيج ابقي ذكريني
بغلطي\.\. نتحمل وامرنا لله الواحد القهار
ضحكت
: صافي ياللبن؟
ضحك
علي الاكبر: قشطة يعسل\.
ضربته كف بكف نضحك صار يخرب شعري
حضنته
ضحك وعصر راسي بين ايده وضلعه بقوة
كفشته من شعره بقوة اول ماتركني ركضت
اضحك
بمزح؛
علي الاكبر: ممنوع دخلين للمطبخ طلعي الكمة
زقوم عليه\.\.\.
ضحكت وصحت من الدرج:
: لا اليوم اسويلك عشا چلفراي\.
علي الاكبر: لا لعد اني اليوم اتعشا يم بيت عمي\.
ضحكت ورجعت الغرفتي رتبت شعري
طبعاً
بسبب السحر والحالة النفسية اللي مريت بيها شعري ندمر دمار تقصف، تصاقط
امي من عرفت اني مسحورة صارت بالاسبوع
مرتين تسبحني بورق السدر وتنكع شعري بزيت
الزيتون لحد ماتحسنت
كعدت ادرس ورمحي نايم ؏ كتاب للعصر
حسيت طاقتي خلصت تركت الكتاب واخذت
رمح بين أيدي
: ولك صاير تختوخ أدب سزز
دك باب الغرفة دخلت أمي
فاطمه : بسكوتي الحلوة عايفة الدراسه
وملتهيه بي\.\.؟
بدلع
: فطووماتي وداعتج هستوني كملت\.
فاطمه: تمام\.\.\. يله تعاي أجو خطار يردون
يشوفوج\.
بستغرب:
: يشوفوني؟ ليش؟ منو؟
فاطمه:من المنطقة\.\. كالو نريد نشوف أم رمح\.
: عزا ويعرفون وليدي\.\. ولك مامي\!
فاطمه: يله مامي عيب دينتظرون\.
نهضت ونزلنا بالصالة جالسات نسوان ثنين
دخلت سلمت نهضت بوجهي هنا نصدمت
نفسها البنية اللي دخلت اخذ رمح من ضاع\!
سلمت عليها وعرفتي امها وياها جلست
نظراتهم غريبة اللي\.\. يتفحصني تفحص اني
خجلت نزلت عيني\.
ردت امها
: روح الزهراء اي مرحلة؟
رفت راسي رديت
روح الزهراء : ثالثة
بنتها
: تخدير مو؟
روح الزهراء: بلي
بنتها
: اي هي وأمجد بنفس الجامعة
ـ ماعرف شنو لزوم هل حوار \. ناظرت لـ أمي
بستغربة\!
رمقتني بنظرة الامهات هاي اللي تخوف يعني اشش\.\. هم سكتت
ام أمجد بقت الكلمة اللي بحلكها:
: اذا ناسبكم توافقون؟
فتحت عيوني لكن سرعان ما نزلت نظري
قبل متحجي أمي\.\. كملت
ام أمجد : ماأحمدلج بأخلاقة\.\.\. ولدكم يعرفو
وهو خريج هندسة وصار فترة طويلة ادور
بت حلال وناس معروفه مثلكم\.\.بس تعرفين
شباب يردون مواصفات\.\.\.\. وأهمهن الاخلاق
والنسب\.\. والحمدلله صيتكم سابقكم\.
ناظرتلي مبتسمه
ام أمجد: وهي ماشاء الله جمال وأخلاق
ونسب\.
رفعت حاجبي\.\. بس سيطرت ؏ ملامحي لا
تفضحني\.\.
فاطمه: نتشرف بيكم\.\. بس كتلج روح بعدها
طالبة ومرحلة ثالثة تخدير صعبة ودوام بالمستشفى\.
ام أمجد: أي عادي ماعدنا مشكلة تردون تم
الخطبة وبعدها الزواج؟ اللي تردو حاضرين
بعدين هم اللي يقررو\.\.\. اذا تفقنا\.
ـ ماعرف شنو نوع الخوف اللي صابني شريط
حياتي وخطوبتي السابقة رجعت جفون عيني
صارن ترجف\.\. حسيت نفسي ضاق
بنتها
: رمح صار خوش سبب تعارف
وأمجد من شافها ذكر مرة شايفها بالجامعة\.
ـ عصرت عقلي بس اريد اذكر وين وشلون
تذكرت منواخذت رمح عرض بالباب
وكال: بشنو يذكرج؟
يعني هل شي صاير قبل؟\!
فتحت عيوني لما ذكرته
التقينا بالجامعة\.\.\.\. باب الكوفي نفس الموقف قصده وبعد لما جلس جنبي وسالني\.\.
فاطمه: بس لازم تعرفون قبل كل شي هي
كانت مخطوبة سابقاً وفسخت الخطوبة
هنا تغيرت ملامحة ناظرت بتها رجعت
تكلمت مع امي برود
أم أمجد: شنو سبب؟
فاطمه: ماتفقوا\.\. خاصه هو من غير مذهب
تعرفين اختلاف مذاهب مو دائماً يصيب\.\.
ام أمجد: صحيح\.\. الله يكتب اللي بي الخير
ان شاءلله
فاطمه:ان شاءلله
بعدها شوية وطلعوا أمي ودعتهم للباب
ورجعت اني افتر متوتره أجت لزمت ايدها
تكلمت بخوف
: ماما زواج مااتزوج
فاطمه: أعرف ولا أني ولا علي نقبل بس ليش
هيج خايفة؟
تركتها نزلت نظري
: خايفة\.\.\.\. خايفة أفشل\.
يعني اني طلعت من علاقة فاشلة رغم
عن حُب وخرابيط مااريد أي شي غير
اكمل دراستي\.
فاطمه: اللي تردي يجرالج
: شكراً\.\.\.
رجعت صعدت للغرفة
كنت خايفة أني تخطيت ذكرى والمشاعر
شلون اتخطى الخذلان\.\.\. بالكي رجع نعاد
المسلسل من جديد؟ ماسويت غير فتحت
القران الكريم\.\.
الحمدلله الاية طلعت توافق و قرار بمحلة
بعد العشا أمي سولفت اللي صار العلي الاكبر
وكانت حور العين موجودة سمعت اللي صار
بعدها اتصلت عمتي ترف صايرة عدها ولادة
راحت أمي وياها\.\.
صعدت أنام، وبعد ما طمأنيت على ترف، ظلّيت أحوص بالفراش، گلبي مو مرتاح…
رنّ مبايلي\.
"محمد"
نظرت للساعة، 11 بالليل\.
ردّيت بهدوء:
: آلو… خير محمد؟ صاير شي؟
أجه صوته…، مشحون بغضب:
محمد: أم رمح مووو؟
أسمعي، والله أول ما أجي، اگسّر راسج إنتِ
وهذا الأدبس الدايح رموحج\!
ضحكت بخفة، وتغابيت وأني فاهمة:
: لااا وليدي\! ماسمحلك، هذا رمحي\!
بس فهمني… ليش تكسر راسي؟ شسويت؟
نبرته نزلت شوي، بس بعده معصّب:
محمد: منو أمجد؟
وين شايفج؟ نخلص من السُنة، تجينا الشيعة؟
خير يطير؟\!
كتمت ضحكتي رديت بنعومة:
: ا\.\. شافني من المرحلة الأولى، بداية الدوام\.
انفجر بنرفزة:
محمد:عجيييب\! ولسه يذكرج؟
هيچ تأثير تركتي؟
يعني كل واحد بحياتچ يحتفظ بيچ للأبد؟
: شنو أسوي؟ تأثيري قوي\.
محمد: بس أرجع، ودّعي وليدچ، لأن راح أكطع، وأشمره للچلب\!
ضحكت بمزاح:
: يمةه وليدي… أبو عيون خضرة؟
يقلّدني:
محمد: إي أبو عيون "حضرة"\!
بمزح
: شوف، محمد…
أنا أتعامل وياك بطيب، فدير بالك تصحي الشيطانة اللي داخلي…
والله العظيم، أجيب مادة تخدير، وأخدرك، وأشلّع عيونك\!\.\.\. كلشي ولا رمحي\!
ضحك:
محمد: هسه شنو؟
: على؟
بصوت عالي:
محمد: على "سلييييييمة"\!
: ليش؟ اللي وصلك الخبر ما گالك التفاصيل؟
سكت، ما رد…
نهضت، وجلست، اتكلمت بجديّة وهدوء:
: محمد…
إنتَ أكثر شخص يعرف شنو عشته\.
فمستحيل أفكّر أرتبط حالياً\.
أريد أركز على نفسي… أشفيها، أرممها،
بعد ما طلعت من علاقة كنت أحسبها "واو"،
بس خلّتلي ندبة بگلب ما تروح بسهولة\.
تنهدت:
: شلون أثق بعد كل الخذلان؟
السحر، الكذب، التخلي… كله صار بوجهي\.
ما كدر أتحمل ألم ثاني، ولو بسيط\.
سكت لحظة… وبصوت هادئ قال:
محمد: حقچ…
كل الحق إلچ\.كتلج ترجعين تثقين بس خلي
ثقتج محدودة
: بعدين تعرف اني هسه كل همي دراستي
والله كل مرحلة اصعب من قبلها\.\.
محمد: صح
: اعتقد حجيت وياي كضابط\! تأمر، تصيح
وتهدد\.\. مو؟
ضحك
محمد: وشبي الضابط؟
يعني شرايج آجي أعتقل رمح بتهمة خطفچ
مني؟
ضحكت:
ضحكت ناظرت الرمح:
: شتريد تسوي بي؟ تودي للتحقيق؟
بمزح:
محمد: تحقيق؟ لاااا
سجن مؤبد عندي… وكل يوم استجواب،
بس عقوبته مخففة لأن عنده عيون حلوة\.
: هاااا شفت\! اعترفت إنه عنده عيون حلوة\!
يضحك:
محمد: إي،لان مثل عيوني\.\.\.
قاطعته
: يااا\.\.\.\.صدُك نسيت إبارك لك
بستغراب
محمد: خير ولج صار بعد؟
: صرت عمو\.\.\. ترف ولدت
بفرح
محمد: اويلي ابو الصوف صار بابا\!
ضحكت
: اي\.\.\. طاير من الفرح\.
محمد: هسه اتصل بي
ودعته وغلقت الخط
ثاني يوم اخذت هدية رحت شفت ترف
وابنها اسمه" دانيال"
امها كانت يمها هي ماعدها خوات بس اخوان
امها
: شنو دانيال؟
ترف:ماما مصطفى كال: دانيال نبي من
انبياء الله
بس مانذكر بالقرآن مثل كثير من الانبياء
اللي مانذكرو الله بعث الف نبي ومانذكر
غير خمسه وعشرين نبي
روح الزهراء: أي كلش حلو وقليل تسمي\.
ترف:عفيه شبهه نادر لذلك عجبني \.
امها
: يا شلون الله ماذكر؟\!
روح الزهراء : الله قال: "ولقد أرسلنا رسلًا
من قبلك منهم من قصصنا عليك ومنهم من
لم نقصص عليك"
سورة غافر
امها ناظرتلي بستغراب:
: خاله متزوجه؟
قبل ماارد ترف ناظرتها
ترف: لا ماما هاي بسكوتة محجوزة\.
غمزتلي لان تعرف مااريد ورافضه
فكرت الارتباط بتسمت وامها سكتت
أجت عمتي وروان وامي صارو يسولفون
بعدها رحعنا للبيت وامي تصلت بـ أم أمجد
ردت برفض ماعرف شنو كالتلها بس أهم شي
خلصت
جهزت نفسي ونزلت لگيت روان هم مجهزة
نفسها
روان: اليوم اني اخذج\.\.\. للمستشفى صح
ضحكت
: اي\.\. كولي والله؟
روان: اي والله كلت العلاوي يروح لان عندي
مشوار مهم جداً بالسيارة
ضحكت
روان: كال بس اذا شخطتيها شخط ماشوفج
بالبيت\.
ضحكت
: الولي يعشقها\.\.
جلست اتريك
روان: اريد اسوي تحليل
فتحت عيوني ضحك
: حامل\.؟
بتسمت هزت رأسها بايجابية أمي هلهلت
نهضت حضنتها باركنالها
: يارب كون اخت الفطومه
ضحكت
روان : اي هو هم يريد كلش يحب البنات
فاطمه: اللي يجي من الله نعم الله
روان: صح والله
: يله تريكي حتى نطلع ع وكت
فاطمه : عمه خاف هذا الاكل متحبي؟
اسويلج غير شي؟
بتسمت
روان: لا عمه شنو القصه\.\!
: مشتهيه حموضه؟ طرشي؟ حلو؟
ضحكت
روان: دتحسسوني اول مرة أحمل\!
بمزح
: موصوجج صوج اللي يهتم بيج يله
كملي\.
ضحكنا بعدها طلعنا انس وياها وصلنا
سويتلها تحليل الحمدلله النتيجة ايجابية
طبعاً علي الاكبر طار من الفرح\.\. امي حابت
جكليت ونثرت ع راسها هي كل متعرف رون
حامل هيج تسوي دللها
مرت أيّام…
تعودت شوي شوي على تقسيم الوقت بين المحاضرات والخفارات،
وبدت مرحلة المناوبة الليلية،
ذاك التعب اللي يرجعك للبيت ويخليك تنام
حتى من غير ما تفكر\.
علي الاكبر جاب قطقوطة الرمح اهم شي
عدها خدود ماخربنا النسل وصايرن مكافش
هوه وياها سميتها لولو طبعاً هي حبت رمح
بس ابني ثكيل "
يومها كانت خفارتي،
وبنص الليل، بعد ما خفّ الزخم، كانت عدنا استراحة\.
اني والبنات نصلي الفجر، ونرتاح شوية بعد نكمل\.
دخلنا نصلي،
كملت صلاتي، وجلست بمكاني أسبّح…
بعيني على التسبيح، بس بصري مرّ عالبنية اللي صلّت ويانا، بديت ألاحظ شي غريب\.
بكل ركعة، لما تركع،
تنحني مثل ركوع الرجال، ظهرها يصير مستقيم،
وتخلي كفوف إيديها عالركبتين،انحناء قوي\.
حسّيت بارتباك…
مو غلط كبير، بس حيرني،
خفت تكون ما تعرف، أو شايفه غير طريقة وتعلمت عليها\.
بقيت ساكتة…
أسأل نفسي: شلون أحچي وياها؟
أعلمها بلطف؟
لو أسكت وأخليها تتعلّم بروحها؟
بس شلون احجي من غير ما نكسر خاطر أحد؟
بقيت جالسه وهي كملت هم تسبح
روح الزهراء: بنات اليوم تعبنا بس ارجع
مااصحى الثاني يوم احس ظهري صار نصين\.
: اي والله ماكعدنا زين من صلينا\.\! تاخرنا
روح الزهراء: الله حنين يعذرنا ويعرف ما
تاخرنا له السبب
: اي وعلي صدُك حنين\.
روح الزهراء: لعد شعبالج خاصه أحنا النساء
ذكرنا بالقرآن ولنا سورة خاصه سورة النساء
وبسورة مريم
قال:«فَنَادَاها مِن تَحتِها أَلّا تَحزني، قد جعلَ ربك تحتك سَريّا»"حتى بالصلاة خاف علينا
وحدة منهم ردت بفضول
هدى: بصلاة شلون؟
روح الزهراء:شوفي، من نصلي، خاصّة بالركوع،
الرجل يركع بانحناء واضح، ويخلي كفوف إيده عالركب…
بس إحنا، لا، المرأة تركع بلطف…
وتخلي إيدها عالفخذ، مو عالركبة\.
نهضت مثلتهلم والبنت اللي صلت بنحناء ضربت
كفها بعض وضحكت
غفران: كولي والعباس؟
بتسمت
روح الزهراء: والعباس
فتحت عيونها بحدية
غفران: ليش يعني؟ مو يكولون كل ماتنحني
أكثر بالركوع ذنوبك توكع؟
جلست:
روح الزهراء : شوفي… هو مو غلط،
بس المسألة مو بس توگيع ذنوب،
الموضوع مرتبط بالحياء…
يعني إذا المرأة تصلي كدام رجال،
أو غرباء،
كلش زحمة تنحني مثل الرجال\.
ولهذا، الفقه يوصي بالاعتدال،
حتى الركوع والسجود… بستر وهيبة\.
غفران : والله ولا اعرف شلون عرفتي؟
روح الزهراء: ليش اكذب عليج محد نولد
فقيه "اني هم ماكنت أعرف واصلي بنحناء
حاد بس لما أمي انتبهت شرحتلي وقرأت
كتب فقهية للسيد الله يحفظه تعلمت شوية
غفران : أي وعلي شلون فاتتني اني شعرفني
اشوف ابوي يصلي واصلي مثله\.
بقينا نضحك ونسولف لحد ما كملنا الاستراحة
بعدها رجعت للبيت هذة روتين حياتي هيج
تمشي الايام
لحد ما صحيت فد يوم من النوم ودموعي
؏ خدي غسلت اريد انزل صعدت روان
: صباحو يحلو
روان: ولج ياصباح دنيا ظهر\!
: رون والله تعبانه أني تختوخه اعترف
موتبع يهر وخفارة ورکض
ضحكت
روان: اي تختوخه\.\.\. نزلي بس خلي حجاب
عالراسج محمد ومصطفى تحت\.
: ها محمد أجه؟
روان: اي
كان لبسي واسع ومستور، اخذت بس حجابي
لبسته ونزلت سلمت
فاطمه: أسويلج ريوك؟
: لا أمي ماشهي\.
علي الاكبر: شبيج؟ عيونج تعبانه؟
: من السهر\.\.\. وهسه اريد احجي لكم شي\.
علي الاكبر: احجي؟
: اول شي صلِّ على محمد وال محمد
حبيبي
صلو ومنتظرين احجي
علي الاكبر: ها؟ شكو؟
: كولو بالعافية؟
محمد: بالعافية\.\.\.يله غير تحجي؟
: اسمعو أني شفت منام مبارك لا ازيد من
مبارك\.\.\. بس كعدت ابجي
فاطمه: جعل خير ان شاءلله شنو؟
عدلت جلستي تكلمت والابتسامة نرسمت
؏ وجهي:
: أسمعو وشوفو\.\.\. شفت رويأ بالمنام، النبي محمدﷺ والامام علي عليه السلام
اجو يزوروني\.
صلو على محمد وآل محمد
علي الاكبر : اي كملي؟
:ماشفت وجوههم، بس أشكالهم واضحة…
لابسين اللبس المعروف، بس ملامحهم ضباب نوراني…
چنت أمشي وياهم، النبي بالمقدمة، وخلفه
الإمام علي، وأني ومجموعة ناس وراهم\.
بس الحلو قريبة عليهم يعني مو اخر الناس
لا بالبداية
دخلنا غرفة، مو مثل هاي الغرف، كانت من طين وسقفها من سعف، فارغة، بيها بس "تل تراب"\.
النبي وكف وصار تل" امامه، والامام ؏ يمين
النبي واني والناس ؏ يمين الامام
النبي يباوع الناس تدخل عليه،يطلبون من
عنده وياخذ قبضة تراب، تصير ذهب بكفه ، وينطيهم…
بس ماسمعهم من يتكلمون بس افهم
كلهم مركزين وياي رد بثقه
محمد : متسمعين بس تفهمين؟ هذا تخاطر"
: اي بالضبط\.\.\.
فالنبي ياخذ قبضة وحده من التراب تتحول
بيده ذهب ينطي للناس لازمين سرة واحد
ورا لاخ …والتراب ميخلص، ويطلعون فرحانين
صلوا على محمد وآل محمد
فاطمه: كلش حلو ماشاء الله لعد ليش تبجين؟
: لان مانطاني من التراب\.
ضحكو
علي الاكبر: زين اني ماشفتيني وياهم؟
: لا
محمد: واني؟
مصطفى: واني عاد لو ينطيني بس تراب
هم قابل\.
: لا ولا واحد منكم شفت\.\. واللي شفتهم
مااعرفهم\.\.\. بس شنو تفسيرة ليش مانطاني؟
محمد: طلبتي؟
: لا اني واكفه بجهه الناس اللي متطلب\.
سحب نفس رد بثقة
محمد: النبي محمد ﷺ والإمام علي \(ع\)
همَ الهداية، الرحمة، القوة الروحية، والعدل\.
وانتِ تسيرين ان شاءلله ع نهجهم لذلك شفتي
نفسج خلفهم،
الناس اللي يطلبون وياخذون ذهب: همَ للناس اللي يسعون للدنيا، أو اللي عدهم حاجة ودعاء واضح\.
الناس اللي ماطلبوا، ومنهم انتِ: هذوله من
الناس اللي ما يبوحون بحاجتهم، يتحملون بصمت، أو يكتفون بالقليل ويخافون يطلبون، حتى من الله\.
: اي والله صح شكد مريت بمواقف بس ما
طلبت شي للدنيا\.
هز راسه تابع
محمد: الذهب المتحوّل من التراب: هذي رمزية قوية، معناها إن الرزق والفرج والبركة يجي من الشي البسيط والمهمل \(التراب\)، لكن بإيد نبي الله، يتحول ذهب\. يعني البركة تجي من حيث لا يُتوقع\.
مصطفى: بالعافية عليج عمي اني بس لو
اشوف طيفه هم قابل
ضحكو
علي الاكبر: هاي مو اول مرة تشوفه\.
هزيت راسي بتأكيد
: صح ثالث مرة اشوفه بس اول مرة اشوفهم
سوه\.
مصطفى: اكو قول للنبيﷺ "من رآني في المنام فقد رآني، فإن الشيطان لا يتمثل بي\."
محمد: صح خاصة اذا شافت بهيئة لا تخالف صفاته المعروفة \(كأن يكون منير الوجه، له لحية، لابس لباسًا عربيًا محترمًا\.\.\. إلخ\)، فهي رؤية حق، لأن الشيطان ما يكدر يتشبه بالنبي ﷺ\.
فاطمه: الحمدلله لازم تفرحين \.
: طبعاً فرحت بس لان مانطاني وهسه تفسير
محمد برد گلبي لان ماكنت فاهمة\.
فاطمه: تصدقي بنيت الشكر وطلبي مرادج\.
ضحكت
: والله هو بكيفه شنو ينطيني قابلة\. بس
زيارته اللي كافي\.
بقينا نسولف شويه بعدها طلعو\.\.\.
\.
\.
\.
الجمعة
اني وامي بالمطبخ
اجه
علي الاكبر : يله جهزو نفسكم بعد الغدا نطلع
للنجف
: هلا والله\.\. جاهزين عيني منو ومنو؟
علي الاكبر: كلنا ونتعشا ونرجع\.
قصده بكلنا احنا وعمامي\.\. اني ماصدكت
جهزت صحن فواكهة كبير وسويت كيكة
بعدها تغدينا جهزت نفسي لحد ما كلهم
جهزو طلعنا وكل واحده بينا سوت اكله
واخذ عائلته بسيارة…طلعنا زرنا
ودعينا وطلعنا\.\.
نمشي مطشرين كل مجموعة سوه ترسنا
الشارع
اني وعلي الاكبر سوه هو شايل فطومه
اجه
ضياء : نروح البحر النجف
علي الاكبر: اي\.\.\. لعد هم يله نجهز مكان للشوي
: اي والله اني سامعه بي ماشتيفته\!
ضحك
علي الاكبر: هسه نروح وشوفي
وصلنا صفو السيارات ونزلنا فرشنا وهم بدو
يجهزون للشوي جلسنا ورتبنا
ابو ضياء: فدوكه ليش مااجت؟ كلتولها؟
نور الزهراء:اي عمي بس ماتكدر عمتها
تريد تجيها
: اكلكم اشو جعت شنو هاي تاخروا\.\!
عمو ابو ضياء ضحك واخذ صمونه فتحها
وفرط بنصها عنب
رد
ابو ضياء: هاج هاي\.\.\. أكلت الامام علي
عليه السلام سدي جوعج بيها بين مايصير
الاكل\.
اخذتها
:عشت عمو\.\.\. احبها غير تخبل خاصه
اذا جوعان وتاكُلها\.
ابو ضياء: صح والله\.\.
: واكلت النبي منو يعرفها شنو؟
نور الزهراء: الثريد والكتف\.\. لذلك اليهودية
لعنة الله عليها دهنت الكتف بالسم\.
روان: الله شتهيت ثريد
بضحك
ترف: يمعودة انتِ حامل منين نجيب هسه
ثريد؟
روان: بس ارجع اسوي والله\.
ضحكت تكلمت
: ذكرت حديث عن عائشة هي راويته تكول
عن النبي
«فضل عائشة عن النساء كفضل الثريد
على الطعام»
نرف: كولي والله؟
: والله شمدريني هيج قريته\.
ضحكت ردت بمزح
نور الزهراء : اللي محد يمدحه يمدح نفسه\.\!
ترف: يحضي لعد بالثريد؟ شمدرج؟
: والله لما كنت مخطوبة اذكر صرنا نبحث
ومر علينا هذا الحديث طبعاً هي تكول النبي
يكول\.\.
ناظرتلي
نور الزهراء: مأثر بيج\.؟\!
رديت بقة
: طبعًا… وصرت اعرف بمذهبهم اكثر منهم
واعرف الفرق هو فهم احنا نفهم شي وهم
شي مثل كل واحد يشوف القصة من زاوية
تكلمت بنبرة قوية
: اي اثر بيه، بس مو مثل ما تتصورين\.
أثّر بيه لدرجة حمدت ربي أني شيعية\.
شوفي الفرق؟ عدنا، فاطمة الزهراء \(ع\)
ما روت حديث تمدح بيه نفسها،
لان اساساً المعرف لا يعرف "
نعرفت بديانها وفخرها بنسبها ابوها، بعلها
ولدها،
بس هناك؟ أي شي تكوله عائشة عن نفسها
… ياخذون بيه كأنه قرآن\.
حتى حديث "خذوا شطر دينكم من هذا الحميراء"،
حديث ضعيف، وهي ترويه عن نفسها،ومع
هذا تشوفين مشايخهم يرددوه ويعتمدو
رغم ما إله سند صحيح\.
ترف : يعني مكذوب\!
هزيت راسي
: اممم بس مع هيچ… منو يسأل؟ مدام يعجبهم، يمشّي السالفة\.\.\.\.\. مثل ما راحت وكال الفاطمة
عليه السلام كالتلها: علي" يريد يتزوج عليج بنت
ابو جهل\.\.
ترف: شلون يتزوج عليها وهو الباع درعه مهر
لها\!؟
نور الزهراء: رادت تسوي فتنه وتخرب بينهم
وهل شي اجه من صالح الزهراء عليها السلام
ذچ اللحظة، ما سكتت\.
راحت للنبي، وگالتلها بوضوح…\. والنبي صعد
المنبر وما خلاها تمرّ مرور الكرام\.
صوتها صار قوي متأثره:
نور الزهراء: گالها بصوت يسمعه كل أهل
المدينة:
"فاطمة بضعة مني… من آذاها فقد آذاني\."
: يعني اللي أذاها… ما أذاها وحدها…
أذا النبي، واللي أذى النبي أذى ربّه…
بس هسه؟ بعض الناس يدافع عن كل شي،
إلا كرامة فاطمة\!
ترف: خوش إنهم فتحوا موضوع الزواج، حتى النبي يوضح علنًا مقامها\.\.\. هي أرادت تقلّل من مكانتها… بس انقلبت الآية، وصارت خطبة مدح علني على منبر النبوة\.
رديت
: مو بس منها\!\.\. رادت تقليل مقام الإمام علي
بنظر الناس، وتشويه صورته، خصوصًا بعد ما صار له دور محوري بعد النبي\.هاي الرواية من أولها لآخرها بيها نية واضحة…مو نقل للتاريخ، بل صناعة صورة\.\.\.\.وبقت انتَ وفهمك للحدث "
ترف : واحنه؟ ما عدنه حديث واحد الزهراء
تمدح بيه نفسها؟
بصوت فخر:
نور الزهراء: لا حبيبتي… الزهراء \(عليها السلام\)
ما محتاجه تمدح نفسها\.
مدحها نزل من السما…
نبي الأمة قال: "فاطمة سيدة نساء أهل الجنة\."
سيدة نساء العالمين "
"فاطمة بضعة مني، من آذاها فقد آذاني\."
بصوت واثق
: مدح ما بعده مدح\.
بابتسامة :
ترف: صح والله … لأن اللي من نور، ما يحتاج يضوي على نفسه\.
عمو ابو ضياء طلع يسمع كل كلامنا
بتسم
تكلم بفخر
ابو ضياء: عفية عليكم باباتي\.\.
صوتچن اليوم أثبت إن الوعي مو بكبر العمر…
الوعي بنورچن، وولائچن، وفخرچن " بفاطمة عليهاالسلام شلون تعرف
البنت واعية؟ من تحجي بمذهبها بفخر وتحترم
الاخرين
: ولو عمو ترباتك\.\.\.
ضحكنا ورجعت اكل عنب
أجت
حور العين : بسكوتة عليج الله تعالي خلي
ناخذ صور؟
: امم يله بس اكمل اللي بيدي\.
نهضت ورحنا قريب المي نصور وحركات
بعدها صاحتنا عمتي رجعنا \.\.\. جهز الاكل
وبعدها چاي ؏ جمر\.\.
محمد قدم للكل صار دوري ناظرلي\.\. تكلم
بنبرة مافهمتها
محمد:تفضلي\!\.\.\.\.\. ام رمح مو؟
مارديت
تكلم بمزح:
مصطفى: اي شفت شلون رمح شافلها
خطيب\!
محمد: اممم
ام محمد: ماوافقت\!
:اي\.\.\.\.\.لان خلاص قررت مااتزوج له واحد
يتيم\.\. حتى لاأبلش ويا امه
ضحكو
مصطفى: شدهو؟ بالكي امه تحبج؟
: يا تحبني؟ تلكاها ملمسها ناعم وسمها
بكلبها\.
علي الاكبر غص ومصطفى ضحك عمتي
ام محمد خزرتني
ام محمد: لا عمه مو كلها
: عمه حضي شسوي؟ حتى هاي الخطبتني
من عرفت مخطوبة قبل وجها صفر\.\.\. كلت
ليش اخليها تعادي ابنها\.\.\.خلي الرفض مني
احسن\.
روان: زين تسوين\.\.\. كون الله ينطيج مثل
عمتي\.
ضحكت
بمزح
: ااخ فطوم وين اكو منها؟
ترف:اي والله حتى عمتي تطبخ ودز الاكل،
بيد مصطفى لو تصيحلي طول فترت الحملي\.
: اي فديتها ام عيون الخضر مدللتج\.
ام محمد: فديتيني؟
ضحكت ماعرف ليش حسيتها زعلت مني
رديت
: اسمعو بعد اني\.\.\. اذا\.\.\.\. اذا قررت اتزوج
لازم فترت الخطوبة\.\.\.\.
اخلصها ويا اهله أمشي عالمثل الي يكول
ختاري العيال قبل الرجال"
ضحكنا بقينا كل مجموعة تسولف وتضحك
لحد ما صلينا ورجعنا\.\.\.\.\.\.\.\.\. للبيت نزلت من
سيارة علي الاكبر ردت ادخل أجه محمد
صاح
محمد : بسكوتة
الفيت
: بلي
قبل ميحجي شي أجه
علي الاكبر غمز لمحمد رد
علي الاكبر: خير يطير؟
نزل راسه
محمد: سلامتك\.\.\.بس\.\. ردت أسأل بسكوتة
رفع حواجبه
علي الاكبر: اي أسألها\.
رفع عينه لعلي تلكم برود
محمد: اممم نسيت أسألك أيدك شلون صارت؟
اني واگفه وهم واحد مقابل الثاني
عمزله
علي الاكبر: زينه تحب أجربلك بوگس؟
ضحك بستهزاء
محمد :عادي فد يوم نفتح ساحة ونشوف
منو بوكساته أقوه؟
ضرب على كتف محمد
علي الاكبر : روح بابا\.\.\. اللي بالك نجوم السما
اقربلك منه\.
ناظر الكفه
محمد: خليها بالحسنى ولتسويها تحدي\!
تكلمت بستغراب
: شكو؟
صاير شي بينكم واحد يبسمر الثاني؟
علي الاكبر: لا بس دنحجي عالمود شغله
مهمه\.\.\. بينا لتهتمين\.\.\.\. فوتي\.
هزيت راسي دخلت للبيت صعدت الغرفتي
غيرت البسي اخذت رمح نطيتا اكل لعبته
شويه\.\. بعدها
مرت الايام عادية……
بس اللي
لاحضته كل ما محمد يريد يحجي
وياي يصير فد عارض ويقطع كلامه
لتحق وماعرفت شنو يريد……
خلصت امتحان النصف وبدت العطلة
صارلها يومين نزلت بكسل بس اريد
ارجع انام من التعب
جلست بالمطبخ بس رجعت نمت
فاطمه : حوري اجت كالت بس تكعد
خلي تجي
: شتريد؟
فاطمه: ماعرف والله يماما راسليها\.
: اممم هسه\.\.\.\. رون وينها؟
فاطمه:اخذها علي للدكتورة هسه عالجيه
راسلت حور ماعرفت شنو تريد بس
تريدني اجيهم ضروري
: مامي اروح البيت عمو اشوف حوري
شتريد\.
فاطمه: تمام يروحي مو تتاخرين حيجهز
العشا بين ميجي علي\.
: صار
البست وطلعت لهم الباب مفتوح دخلت
عمتي بالمطبخ تسوي عشا سلمت وجلست
يمها نسولف
:دانيال وين؟
ام محمد: حوري متنزله من ايدها
: هي وينها؟ كالت تعالي منتظرتج
ام محمد: فوك شوفيها\.\.
: خلي اساعدج بالعشا وبعدين هي تنزل
نهضت نزعت بس عباتي
ام محمد: لعد تعالي سوي هاي محمد يحبها\.
ناظرتها بستغراب عقدت
حواجبي
: عمتوو \.\.\. محمد بالدوام مياكُلها\!
ام محمد: لا ولج قبل شويه أجه
بفرح
: يااا حمدالله على سلامة\.
ضحكت
ام محمد: متشوفين دااسوي كلشي يحبه
وبفرح\.
: اي حبيب القلب لازم الطبخ يصير من القلب\!
ضحكنا وبقيت اساعدها بعدها صعدت اشوف
حور،\.\.\.\. بهذا البيت ماكو بس صاله وغرفتين محمد وحور
دخلت غرفتها بيدها دانيال
: هلا بداني عمتوو
حور العين: كبران صاير دبدوب
: اريد اعض
اخذته اشم وابوس هو يضحك
: ها حوري شنو تردين؟
اخذت دانيال
حور العين: لحظة بس انزل داني واجيج
لان جاع هسه يبجي ابو بطون\.
: يله منتظرتج لان اريد اروح
حور العين: لا وين خليج نتعشا سوه\.
: لا لولي شوية ويجي اريد متحمسه
اشوف رون شنو بيها\.
حور العين: لعد ماتأخر ثواني
: يله
طلعت وبقيت بالغرفه بس الباب مفتوح
عالاخر وحدي ثواني مر محمد نتبهلي
ضحك
محمد : بسكوتة\!
ضحكت
: هلا والله حمدالله على السلامة
شلونك؟
بصوت مبحوح تعبان
محمد:الحمدلله بسكوتة\.\.\.\. شلونج؟
: الحمدلله بخير انتَ شخبارك؟
محمد: بشوفتج صرت احسن
قرب خطوة صار داخل الغرفة
محمد: روحي اريد احجي وياج؟
: بلي تفضل أسمعك\.
نزل عيونه ورجع ناظرلي وأيده مانزلت
من شعره متوتر
محمد: اللي راح احجي مهم وصارله سنين
بگلبي\.\.\. يعني اني مااريد جواب\.\.\. بس اريد
تعرفين
: شنو اعرف؟
محمد: هو خاص لذلك مااكدر احجي بالمبايل
لازم تسمعين وتشوفين
: محمد خوفتني صاير شي؟
محمد: لا لا\.\.\. طمأني وروح عمي ماكو شي
بس ردت اكول
سكتت رفع عيونه، كانت تذب نار وتطفّيها
بنفس اللحظة، بصوت واطي
محمد : أني\.\.\.\.
"أ\-"
بس كأل اني اجه صوت علي الاكبر بقوة جفلني
علي الاكبر : زهووورة\.\.
محمد غمض عيونه،و عض شفته تمتم
محمد: ربي بس كلمة\!
دخيلك ياعلي راح اموت
وتبقى حسرة بگلبي مااحاجيها\.
ضحكت
: احجي
كل ضنه ماسمعته متفاجأه
محمد: لا ماكو شي نزلي\.\.
طلعت من الغرفة رحت العلي شكله
فرحان
يحجي ويا عمو بس شافني حضني
: بشر؟
علي الاكبر: توووأم
: يااااي ماشاءالله ربي يحفظهم\.
بعدها بسرعه طلعت البيتنا ركض حضنت
رون ملهوفه هي هم الفرحة تارستها امي
طايرة من الفرح الضحكه بوجهها
ثاني يوم
اعرف امي وعماتي صار لهم فترة يحجون
يردون يروحون للعمرة\.\.\. وحجزو بس ماعرف
وقت سفرهم كل ساعة يكولون شكل\.\.\.
اجه علي الاكبر وبيده كياس\.\.
علي: بسكوته تعاااي جبتلج هدية\.
قربتله
: شنو؟
طلع الكارتون مربعه فتحها أزار ابيض
اخذته اشوفه
: حلو\.
طلع جوازي بتسم
علي الاكبر: ثبتت اسمج للعمرة
فتحت عيوني مصدومة وكل جسمي صار
يرجف\.\.\.
خليت ايدي عالحلكي دموعي وحدها تنزل
مو دموع فرح ولا حزن\.\.\.\.\.\. دموع خشوع
ضحك وحضني ضم راسي لصدره قبله
علي الاكبر: فرحي اللي كان يزورج راح
تزوري\.
هو كال هيج وأني زدت بالبچي بس يريد
يسكتني ماكو دموعي وحدها تنزل
علي الاكبر: يابوية ولج كافي كلت هسه تفرح
ضحكت
روان: عوفها دموع الفرح
علي الاكبر: هسه متضل وقت لازم تجهز نفسها
مسحت دموعي
: شنوو؟ شنو يمته نروح؟
علي الاكبر: باجر بالليل\.\.
: كول والله
قدّم الجواز…شفته
كمزت حضنته وأخذت الأغراض، وصعدت بسرعة\.
بديت أجهّز نفسي، وكل خطوة أسويها أردّد:
"الحمدلله… الحمدلله يارب\."
يمّها ما غمّضت عيني أبد،
ما نمت ولا دقيقة،
لحد ما صليت الفجر،
وبس غمّضت عيوني شويه، غفيت\.
صحيت العصر، بسرعة كعدت،
تأكدت من كلشي، ونزلت\.
أمي هم كانت جاهزة، والچنط يم الباب\.
ما چنت مستوعبة…
حضّرت "رمح" و"لولو"،
وصيت روان عليهم،ودعتهم… وطلعنا\.
أنـي، حور العين، أمي، أم محمد، أم ضياء…
الرجال وصلونا: علي الأكبر، ضياء، ومحمد\.
وصلنا للمطار،
نجمعت الحملة\.
صار الوقت…
ودّعناهم، وصعدنا\.
وأني؟
ما أحس إنو صعدت الطيارة…
أحس گلبي هو اللي طاير\."
وصلنا ومن المطار للفندق غيرنا وبعدها
بساعات قليلة نجمعت الحملة حتى نطلع
نزور حبيب الله
وصلنا للحرم النبوي…
خطوتي كانت ثقيلة، كلما أقرب،
إحسّ گلبي يدگ أقوى\.
دخلنا من باب السلام،
والناس تمشي بخفة،
بس أني؟
كل خلية بجسمي ترجف،
وكأنّي ما ماشية،
كدّامي الحرس،
ولافتة چبيرة: "الرجاء عدم لمس الشباك"
ولگيت الحاجز…\.\.
حاجز حديد، واكف بيني وبين حضرة الحبيب ﷺ\.
وكفت مقابل الشباك ماكدرت أكتم
الغصة ضميت وجهي بكفوف
أيدي وابچي بحركت
: يا رسول الله… كنت أحلم ألمس شباچك،
بس حتى اللمسة ممنوع…
رفعت إيدي من ورا السياج،
وقريتها دعوة…
ونزلت، لامست قلبي،
بهمسة:
"اللهم بلغ روحي السلام…،
حتى لو ما لمست الحديد،
روحي وصلت يمك ياحبيب
الله \."
صوت الحرس كان حاضر،
وخوف الناس من مخالفة،
خلى الهتاف خافت\.
رفعت عيوني للقبة الخضرة،
وشگرت الله بصوت مرتجف:
"يا ربي، حتى لو ممنوع ألمس،
بس لا تمنع قلبي من محبته \."
رجعنا المسجد ذكرت قولهﷺ: بين حجري ومسجدي روضه من رياض الجنة "
ماطلبت غير
: اللهم أجعل البركة في نفسي وذريتي "
بعد ماصلينا طلعنا "جنة البقيع "
وهنا كانت الصدمة ممنوع دخول النساء
للبقيع بس نوكف بالباب خلف الحاجز وندعي
اني عدني كتاب الزيارات طلعته وكفنا اني
وامي نقرأ ودموعنا تصب
بعدها كملنا وصار وقت العمرة"
كانت ناس كلش
قليلة ماكو زحمه كدرنا نلمس لما شفت الكعبة المشرفة
قلبي سجد قبل جسمي شعور مايوصف
وقبلت شق جدار الكعبة، ولادة الامام علي
عليه السلام
وتذكرت قول الإمام الصادق عليه السلام:
"الركن اليماني… من دعا عنده،صعد دعاؤه
إلى العرش دون حجاب\."
رددت
"اللهم تمم نوري، وخلي سلامي يوصل، من قلبي إلى عرشك\."
يارب اختر اللي ولا تخيرني ولو كان اللي نصيب
ارزقني باللي يشبه گلبي ولا يتعبني وارزقني منه
الذرية الصالحة الموالية لمحمد وال محمد
كملنا كل ماسك العمرة والزيارة بعدها رجعنا
للفندق عمتي ام محمد ويانا بالسويت دخنا
اني وحور العين وعمه تحجي كامرا ويا محمد
ام محمد : والله يايمه كتبت اسمك واسمها
عالستار الكعبة ودعيت الله يرزقك بيها "
محمد: امين مثل ما خلاها بيته يجيبها البيتي\.
حور العين: ماما حننزل اني وروح للمطعم ناكل لان جعنا\.
ام محمد: يله هسه احنا هم ننزل
حور العين: يله
كملنا وبعد يومين من العمرة خلصنا عشرة
ايام كانت
احلى عوض\.\.\.
وخضن من الله\.\.\.
والنبي واهل بيته\.\.
رجعنا ومبقى عالدوام غير كم يوم ويبدي
رحت البيت عمو لان كنا موصين طلب
اونلاين وهي ستلمته رحت اجيبه سلمت وصعدت بيرعة
وصلت الصالة،
باب غرفة محمد مفتوح…
گبل لا أنادي،
چفوفي تجمدت،
وصوتي انحبس\. نظري علگ…
عليه\.
كان موجود،
كاعد على طرف السرير،
وبيده قطعة ملابس…بنت
كان مخليها ع نص وجهه،
يغمض عيونه،
ويشمّها بهدوء
كأنه يشمّ ذكرى، مو قماش\.
ثواني…
ما تحرك،
بس فجأة،
شمر نفسه عالسرير،
ونهّد نفس كأنه مطعون بحنين\.
اني بسرعة دخلت الغرفة حور العين
بدون مادك الباب\.\.\. ماردت اخلي يحس
اني شفته
تكلمت
: اعتذر مادكيت الباب بس ستعجلت
بمزح
حور العين: يمعود عادي\.\.ادري داخله
عالسلطانه هويام\.\.
ضحكت وكعدنا نشوف الطلب اخذته
اريد اطلع
حور العين: زوزو\.\. باجر حنروح نزور تجين؟
: طبعاً زيارة ماتنرفض منو ومنو؟ وين؟
حور العين: اني وترف تدرين محمد
قبل مايلتحق يزور\.\.\. لذلك كتلج لان انتِ
ذابين سرج بالنجف\.
ضحكت
: طبعاً موافقه، اكو واحد يرفض طلب
زيارة؟\.\. ابن عم النبي وصهر وصية قالع
باب خيبر ابو الحسنين علي
حورالعين : اي والله اول ماكال النجف ذكرتج كتله بسكوتة اذا ماناخذها تزعل خاصه النجف
ضحكت بمزح
: اي والله مو بس ازعل اتعارك وياكم هم
ضحكنا ونزلت ناظرت صوب الغرفة
كان باب الغرفة المغلق، رجعت البيتنا
بهدوء وماشفت محمد
ثاني
يوم خبرت امي وعلي وطلعنا للنجف
زرنا وهل مرة كان عندي طلب هواي
نخطبت بس كنت ارفض لدرجة كنت
اسمع حجي بعدها تحبه"
وله ليش لسه متتزوج وترفض؟
هم ميعرفون ولا ممكن يحسون باللي
اعيشه، نخذلت، نطعن بيه، تعرضت
الاذيه صعب ممكن احد يفهمني ويعذر
مسكت شباك رديت
: يامولاي\.\.\.
ربي يشهد ويعرف من ذاك اليوم
كل ذرت مشاعر له ختفت\.\.\.\. لا حب،
ولا كره\.\.\.\.\.
بس ماعرف اختار، ماعرف الشخص
المناسب اريد اللي يحميني من نفسي
اذا أمرتني بسوء\.\.\.\.
اللي ياخذ بايدي الك\.
بعدها صلينا وطلعنا اكو مطعم خارج ولاية النجف هذا أعشق اكله كُلش طيب
نزلنا تعشينا ودانيال صار صيح كأن مخبي
بچيته ترف حتارت بي بس تريده يسكت ماكو
ترف: هو بس يشم ريحة الاكل ينكرص
ضحك
محمد: اني كملت نطينيا اطلع بي بالباب
وانتم كملو عالراحتكم\.
محمد: ياعموو ياحبيبي تعال\.\.\. تعال
اخذه بحضنه يحجي ويا وهذا يتهضم يشكي
شكلهم الطيف\.\. نهض بي يحجي ويا هدأ شويه
حتى بس تتعشا
كملنا اكل راحو
يغسلون بس اني بقيت اكل
شفت محفظة
محمد عالطاوله اخذتها\.\.\.\.
نتبهت اكو دُعاء بيها طلعته
حديث الكساء اللي نطيتهيا
طبعاً
ماعرف وين عقلي من تجسرت
ومديت ايدي وفتحتها\!\.\.\.
كان شي خاص
بس هل فعل صار بلا وعي مني
بتسمت واني افتحه وكعت منه\.\.
صورة صغيرة نزلت نفسي اخذتها
بخلفها مكتوب
"سيجعل الهم الرحمن ودا"
لفيت الصورة
رجف گلبي\.\.
من شفتها صورتي\!
ــــــــــــــــــــــــــــــــــــــــــــ
شفنا حُب محفوظ سنين بدون ماينكال
ـــــــــــــــــــــــــــــــــــــــــــــــــــــــــــــــــــــــ
ريم "
مرت الايام
مثل بعضها روتين عادي جداً
اني اهتم بأمي ماتركت اي وحدة
تهتم بيها\.\.\.
اروح وياها الجلسات العلاج طبيعي
لحد مارجعت تحسنت وكفت ؏ حيلها
عمر بين الدوام والمشروع اللي يعزة\.\.\.
بالعطل يسافر ويا جماعته او هو وخواني
علاقته بڤيان عادية مثل كل المتزوجين
بس روح لما يسافر تتمرض والليل متنامه
مرة كطع سفرته ورجع لان ختنكت كلش
ولازال هو وبكر يتناقسون
خو برمضان واحد يفطر ويا الشيعة،
واحد يفطر ويا السُنة اني نطيتهم حل
ريم: اسمعوني بما انُ بيتنا جامع مذهبين
رمضان 30 يوم اني اصوم 15 يوم ويا
الشيعة و15يوم ويا السُنة
ضحكو
ريم: واتحدى وحدة مثلي معتدله
بكر: اذا اكوم اكسر راسج اكو واحد يكول
ليش
عمر : اي اكسر ايدك وراها\.
ريم: تسلم ابو روح الزهراء هذا الاخو شوف
وتعلم\.
بكر ضحك وشمرني بالكوشه
ضحك ورحت لأمي تمتم
ام عمر : خلتني أعض اصبعي ندم\.\.
ليش؟ ليش هيج سويت؟ بيتي صار
بيتي اللي كنت مااريده وخايفه يصير
صار\!
ياريت خليته ياخذها لو ماخذها ا\*\*\*\*\*
ريم: يااا يمه\.\.\.
شعليج ليش هيج تحجين
البنية تزوجت وراحت كافي عوفيها\.\!
ناظرتلي بنظرة مشحونه
ام عمر : ماراحت عايشه بگلبه تعرفين
شنو يعني تعيش بگلبه؟
هذا أكبر غلط سويته بحياتي فرقته عنها
لذلك سيطرة عليه بخيالها حتى بنته مثل
اسمها\!\! دين بدينها بس لان يحبها\.\. وراح
يبقى يحبها\.\.
ماسمعته\.\.\.\. ماسمعته وستهانيت بي من
كال احبها\.\.\. كلت الزمن ينسي بس طيفها
ويا
ياريت\.\.\. ياريت خليتها ياخذها ويجيبها هنا
اذلها واخلي يكسر راسها بمرة ويذلها\.\.
ريم: يمه حرام خلاص اللي صار صار بعد
الفات مايرجع\.\.\. وعمر بعده عالسنة النبي
ﷺ واذا غلط فأكو رب يحاسبة
ام عمر: كل اللي صار بسببي المفروض
ماسوي اللي سويته\.\.
ريم : خلاص يمه\.\.\. عمر عايش حياته
وزوجته وبنتا صار مثل ماكنتي مخططه
هزت راسها
ام عمر:صح\.\. بس ماكدرت اشيلها من گلبه
اعرف هو صار شيعي حتى يحرك گلبي
ريم: ماكو فرق كلنا مسلمين وع كلام عمر
نفرق بالاتباع فقط\.
ماردت اخذت علاجها نطيتهيا
مرت الايام
طلعت من غرفت امي للمطبخ
ڤيان : ريم عفيه بس اخذي هاي الكهوة
سويتها العمر\.\.
ريم: وين هو؟
ڤيان: فوك بالمكتب\.\.\. اريد اكمل شغلي
ريم : تمام
اخذتها وصعدت باب المكتب مفتوح
جالس ع كنبة وعيونه بالسقف
والاوراق مبعثره عالكاوله مشغل
غنية كلماتها توجع القلب وتشرح
كل شي
:
أحلفك بالمحبة وعشرتي وياك
تحن الايامنا وترجع علينا
\.
حبيبي وداعتك من يوم فركاك
من كد البچي بُعدك عمينا
\.
خطيه الروح بس تريد ملكاك
تتاني اليمته حتى انتَ تجينا
\.
منو الگلك كدرنا بيوم ننساك
ياهو الكدر ينسى بيوم دينه
ناديته اكثر من مرة ماسمعني ولا نتبه
الوجودي قربت له
ريم : عمر\.
كاني سحبته من غير عالم تنهد
بوجع رد
عمر: اي عاشت ايدج
نتبهت عيونه حمر
ريم: بيك شي؟
هز راسه بنفي
طبعاً اني ابد مااذكره بيها وهو أصلاً
مايحتاج ذكرى\.\.
ريم : شنو هاي اوراق الامتحانات
عمر : اممم
بمزح الطف جو
ريم : خطيه نجحهم لا تحاسب عالغلطه
ضحك بخفه و يشرب رشفه
من الكهوة بصوت مبحوح
عمر: ليش انجح؟
حتى اذا خطأ املائي؟
احاسب\.\.\. لازم
لان الحياة هيج تحاسبك\.
ماتكلمت بشي طلعت بهدوء
مثل كل يوم
نطيت العلاج لأمي وصعدت انام
بعدني على الدرج وسمعت صوت
عمر يصيح وروح تبجي
عمر : ريـــم
اعرف روح اليوم منتكه ويحتاجلها
رعاية كون متبجي لان بس تبجي
تختنك اكثر مرات تصير زركه حتى
تستفرغ
صعدت بسرعة الباب مفتوح عمر بيده
روح والاوكسجين قريب عالوجها
بس عمر معصب وڤيان ترجف
عمر : تعاي اخذيها
نطاني روح واخذ ورقه ملفوفه صغيره
فتحها بس وهو يفتحها كفوفه ترجف
ريم: شكو؟
تكلم بصوت يرجف
عمر : رووح\.\.\. استفرغت عالمخدة مالتي
وفتحته حتى تغسلها وكع منها هذا سحر"
فتحت عيوني
بخوف وقلق
ڤيان : عمر والله العظيم مو سحر دُعاء
والله
يتبع\.\.\.\.
قيمو البارت من 10/ بحب
توضيح مهم
"وبخصوص هالرواية، اللي تحجي إن الإمام علي أراد يتزوج بنت أبي جهل…
عد أهل السنة، موجودة في صحيح البخاري،
والراوي هو المسور بن مخرمة،
وبعض أهل العلم عندهم ثقة بسندها، لكن ما يقبلون مضمونها كاملًا\.
أما إحنا الشيعة، فنرفض الرواية كليًا،
لأن ما عدنا مصدرها إلا من طريق واحد، والراوي معروف بمعارضته للإمام علي،
وما تتناسب مع مقام الإمام والزهراء عليهم السلام\."
يعني الرواية مااجت لا من محب ولا من محايد
بل من معارض"
معلومه عن الراوي
شنو نعرف عن المسور بن مخرمة؟
هو صحابي صغير، ولد تقريبًا سنة 2 هـ، يعني كان بعمر 8 سنوات بس لما توفى النبي ﷺ\.
شارك بـمعركة الجمل ضد الإمام علي \(عليه السلام\) مع معسكر عائشة وطلحة والزبير\.
بعدين أصبح من الرواة المكثرين في كتب أهل السنة، خصوصًا في روايات تمس الإمام علي والزهراء عليهم السلام\.
واكول مثل ماكالت روح: انت وفهمك
للحدث ❤️🩹
اما
📌 الحديث:
"فضل عائشة على النساء كفضل الثريد على سائر الطعام"
✅ هل هو حديث صحيح؟
عند أهل السنة:
نعم، يُروى هذا الحديث في مصادرهم مثل:
صحيح البخاري
"الثريد" هو أكلة مشهورة بالعرب \(لحم وخبز مرق\)، وكان يعتبر أفضل طعام عندهم\.
❌ عند الشيعة:
الحديث مرفوض، مو مذكور في كتب الحديث المعتبرة \(مثل الكافي، التهذيب، الاستبصار\)\.
ويرفضون الأخذ به لعدة أسباب:
1\. الحديث منسوب لعائشة عن نفسها \(يعني هي اللي ترويه وتقول إن النبي مدحها\)\.
2\. ما ورد عن النبي مدح مباشر بهذا الشكل لشخص كان على خلاف مع أهل بيته، خصوصًا الزهراء \(عليهاالسلام\)\.
وقتراح انزل بعد قيود المذهب
كل الروايات اللي نذكرت بيها
وصحتها وسندها مثل حرب الجمل
والطائر المشوي وغيرها بالتفصيل ❤️🔥
ها واذا تاخر عليكم عذروني بس
دا انقل قيود المذهب للبرنامج
الجديد تطبيق مثل الواتباد
احبكم بالله روزاتي🥹
روز الحيدري