⛓️‍💥44

بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥 بقلمي\.\.\.\. روز الحيدري التكملة ريم" اعرف روح اليوم منتكه ويحتاجلها رعاية كون متبجي، لان بس تبجي تختنك اكثر،و مرات تصير زركه حتى تستفرغ\. صعدت بسرعة الباب مفتوح عمر بيده روح والاوكسجين قريب عالوجها بس عمر معصب وڤيان ترجف عمر  : تعاي اخذيها نطاني روح واخذ ورقه ملفوفه صغيره فتحها بس وهو يفتحها كفوفه ترجف ريم: شكو؟ تكلم بصوت يرجف عمر  : رووح\.\.\. استفرغت عالمخدة مالتي وفتحته حتى تغسلها وكع منها هذا سحر" فتحت عيوني بخوف وقلق ڤيان  : عمر  والله العظيم مو سحر دُعاء والله هز راسه بعصبية وهو بعده يرجف: عمر: هسه نشوف… الورقة كانت ملفوفة هواي لفات فتحها ضحك بألم، من شافها وجهه احمر وصار مثل الدم\.ڤيان واكفة، شابكة إيديها بتوتر، عيونها تدمع: ڤيان: والله أختي نطتني إياه، كالتلي هذا دعاء محبة، ما أعرف، ما قصدت شي… ما حسيت إلا وهو يصفگها كف، طاحت عالأرض، ناظرني : عمر: خذي روح واطلعي\. ريم: عمر\! خزرني، نظرة كأنها تكول "معليج"، طلعت بسرعة، شايلة الطفلة بحضني، رحت على جيهان، دكيت بابها، فتحتلي\. ريم: جيهان\! لحگـي ڤيان، عمر كتلها\! جيهان : سمعت صياحهم، بس شسوي؟ ما أگدر أروح احصلي دفرة، هستوني حامل\! ريم: لعد اخذي روح، خليهـا يمچ\. جيهان: الطفلة تلگف نفسها لَگف، شنو ذنبها؟ أخذتها، ورجعت للغرفة\. باب الغرفة مقفول، بس أسمع صوتها تصيح، وصوت الضرب، وكل ضربة يردد بصراخ موجوع: عمر: ليش؟\! بشنو مقصّر وياج؟ فهميني\!\! تبچي وتصرخ: ڤيان: والله ما أعرف\! راح أموت، حباب، صدگني… أختي نطتني إياه،قسم بالله ماعرف \! صرت أدگ الباب وأصيح، بس ما يفيد… أمي، بالرغم من تعبها، صعدت الدرج، دگت الباب شوية فتحه عمر\. ركضت لـ ڤيان، وجهها دامـي، كفوف عمر طابعات بخدودها، شعرها متشلع، ترجف ، نهضتها وكعدتها، تبچي وتنوح من الوجع، جبت مي، غسلت وجهها، شربتها شوية… عمر جلس عالسرير، وكل جسمه يرجف من العصبية،بس عينـه… عينـه تصرخ ندم وحُرگة\. أم عمر: ليش تضربها؟ شنو سوت؟ بعصبية مكبوته عمر  : حبيبتج اللي جبتيها مثلج دور طلاسم وسحور وهذا تدين عدكم؟ اخذ الورقه شمرها بوجه امي صرخ عمر  : هذا تدين؟ ترفضون علي والحسين كوسيلة وترحون تاخذون الشيطان وسيلة\.\.هو هيج الدين بنظركم؟ ـــ اخذت الورقة من الارض شفتها بيها كتابات اسماء غريبه واحرف متقطعة ورموز امي ناظرت الڤيان ام عمر  : شنو هذا عمه؟ ضحك بقهر عمر  : الاستاذ يسأل التلميذ؟ عجيب\! مو هاي سوالفج؟  انتِ اعرف بيها\. ڤيان تناشخ بالكوه تحجي ڤيان  : عمـ\.\.\. عمه\.\.\. والله\.\.\. والله ماعرف ﻤ\.\. مافتحته أسراء أختي نطتنيا\.\.\. گالت يقوي محبتكم ناظرلها عمر: بس فهميني بشنو قصرت؟ نزلت راسها تبجي عاط بيها عمر  : احجـــــــــــــــــــي ولج بشنو قصرت؟ هزت راسها بنفي وتبجي ڤيان: ماقصرت\. قرب ضرب المراية بوكس نهدم الكزاز بالارض أمي ماحجت ولا نطقت بحرف عمر: خابري أهلج يجون ياخذوج ماشوف خلقتج\.\. بصدمة تهز راسها بنفي ڤيان: لاااا\.\. عمر\.\. بداعت روح لا والله\.\. ربي يشهد ماعرف هسه تريد اخابرها كدامك؟ اخذ الورقة عمر  : خليج أني اخابرهم ايده مجروحه اخذ مبايله وطلع يحجي ويا اهلها\.\. ناظرتلها بس تبجي وتضرب عالرجليها ريم: والله عيب عليج\.\.\.اشو ممقصر وياج، ولج ميكولج هيج تجازي؟ تبجي بندم ڤيان: مو اني ام عمر: ليش هيج سويتي؟ حسيتي عنده شي؟ مقصر وياج؟ هزت راسها بنفي ڤيان: لا\.\. لاا\.\. اني دمرت نفسي بأيدي أني والله عمه ياريت ماسمعت كلامها\.\.\.\.\. ليش متصدكوني\.؟ ريم: متعرفين وهيج سويتي لو تعرفين شلون؟ ڤيان: ريم والله ماعرف\.\. أجه اشر بيده عمر: يله اخذي كل غراضج مااريد اشوف خلقتج\. راحت لزمت ايده ڤيان: عمر بداعت روح افهمني\! لزمها من شعرها بقوة عمر: وحق هو الله لو اخر يوم بعمري اتزوج عليج وادوس راسج وخلي السحر يفيدج\. تركها صارت تضرب نفسها بقهر اعرف ڤيان تموت بعمر\.\.\. واعرف ماعدها هل سوالف بس خواتها اربعة وعشرين ساعة لازمه موبايلها وتحجي وياهم وهو حذرها كللها عوفي ونتبهي الروح بس ماهمها ام عمر: صل على محمد ناظهرها بغضب عمر  : ليش تعرفين محمد؟ هزت راسها ام عمر: استغفرالله\.\. الله يهديك\. عمر: الله لايهدين اذا كانت الهداية مثلج ناظر الڤيان عمر  : فضيها اخذي غراضج ونگلعي ماريد اشوف خلقتج\.\. رادت تحجي ويا طلع\.\.\.\. اني هم طلعت\.\. شوية وامي نزلت عمر غسل كفه ايده من الدم والفها بنفسه\.\.\. بعد اقل الساعة أجه اخوها عمر انطى الورقة وسولفله كلشي\.\.\. اخوها مانطق بحرف بس واضح كان خجلان من فعلها\.\.\.  نزلت مجهزة اغراضها رجعت صعدت ونزلت روح بيدها  عمر نهضلها عمر:وين؟ تردين تاخذيها وياج؟ بتوسل ڤيان: عمر  بنتي لتحرمني منها\! عمر  : خطية الام الحنونه\!\.\.\. مو تروحين كل مرة وتعوفيها؟ مو تعوفيها وتلتهين ويا خواتج؟ اخذ روح  من ايدها عمر  : يله جمعتج بيهن روحي وعوفي بنتي\. ڤيان: مااتحرك له اخذ بنتي\. عمر: كأن تردين اأدبج بعد؟ سحبها ونزلها بقوة ڤيان: عمر سامحني اترجاك ربي يشهد مااقصدي شي\. صاح اخوها اجه اخذ اغراضها وسحبها من ايدها طلعت تبجي وعينها على بتها\.\. بعدها اخذ روح وصعد للغرفة\.\.\. سمعت صوت الكزاز صعدت\.\. شفته ينضف وروح بسريرها تلعب\.\. ريم  : عوف من ايدك اني انظفه اخذت نظفتها ورجعت يحجي ويا روح وهي تفرفح فرح بحظنه عمر  : باباتي\.\.\. روحي\.\.\.  زهرتي تهمش وتحجي ويا عمر  : ختولي ماما خلصنا منها؟ ضحكت على حركاتهم هي كانها تفهم تلم حلكها وتناغي  اخذها بحضنه قبلها عمر: بس اني وبنيتي\. اني مبتسمه عليهم ناظرلي عمر  : ريمي\.\.\.\. بس من اروح للدوام نتبهيلها بين ما اشوف احد يهتم بيها\. ريم: يااا\.\. تشوف احد يهتم بيها شنو؟ عيب هل كلام\.\.\.اني هتم بيها مثل كل مرة\. تنهد وهو يناظر بخذلان عمر: اسف يا بابا\.\.\.\. سامحيني\.\.\.والله أمج مو اختياري\. سكت الحظة وعيونه عليها تابع عمر : سويت كل شي خوفاً\.\.\. گلت اخاف تروح تسوي شي تقبلتها\.\. "دست على گلبي، وصرت إلها زوج غصب عني"\. سمعت كلامها بالوقت اللي كان لازم اسمع صوت گلبي اشوف عيونه صارت تلمع بدمع عمر: خذلت الانسانه التسوه وجرحتها والله كالت\.\.\. خفت ؏ مشاعرها وأني؟ ليش ماعندي مشاعر؟\.\.\.\. ضحيت… باللي حبتني و تركتها بنص الطريق\.\. بالوقت اللي كنت لازم اكون رجال واحارب الكون كله\.\.\. تخليت عنها\! وصرت ذكر\.\.\. ماسويت شي جازيتها بالخذلان وهاي حوبتها\.\.\. وحوبت گلبها الحبني أستاهل كل شي يصير بيه\. قربت له ريم: ادعي الله يوفقها مسح طرف عينه بتسم بحزن عمر  : ماعرف يمكن صارت احلى ماما هي الكبير تعامله بحنيه يصير بيدها طفل، لو صارت ام شلون؟ متأكد تكون احن واحلى أم\.\. ريم: اكيد تستاهل كل خير\.\. بس خلاص شيلها من فكرك اتركها\. ناظرلي مبتسم عمر: شلون؟\.\.\. شلون اشيلها وهي كل فكري\.؟ تعرفين دائماً من اكون مهموم تجيني بالحلم\.\.\.\.\.\. بس اشوفها كل همي ينزاح واصعب مشكلة تنحل\. مارديت وهو صار يضحك روح طلعت الغرفتي والعبرة خانكتني دخلت خليت ايدي ع حلگي وبجيت واني اردد : يارب خفف عالگلبه يارب\.\.\. هون فراكها\.\.\. صح عمر عاش\.\. بس بعدها عاش جثه بلا روح " ليش هيج سويتي يايمه\.\.\.\.\. ليش؟ عمر متحطم  \.\. السحر دمر حياته فراكها شيب گلبه قبل شعره\.\.\.عمر بعد روح ماعند روح " لليل طلعت اريد اخذ روح فتحت الباب بهدوء شفت منيها جنبه هي  نايمة على ايده وحاظنته مخليه ايدها على ركبته تركتهم وطلعت مر اسبوعين اني ويا نهتم بيها وهي هم هادئة ولا تذكر امها لان متعلقة بعمر اكثر\.\.\. ماتنام له بحضنه مرات أخلي\.\.\. ملامبسه اوهمها تشمهن حتى تنام بس كلش تخوف من تنك طبعاً علاجها مستمر وڤيان تتصل تبجي وتحلف تكول مو اني اختي نطتنيا\.\.\. كنت اخليها تحجي وياها كامرا يومية كانت ذكرى محرم " اكو حسينية تسوي مجلس عزاء عمر دائماً يروح لها … بالليل بعد العشا اني جالسه العب روح واولاد عثمان يحبوهاتضحك لهم اجه عثمان صار يلعب وياها رجع عمر من المجلس كان لابس اسود طول هل فترة اخذ روح الحضنه بكر صار يسمعه كلام كل ميروح للمجلس طبعاً هاي دائماً اي شي يسوي بكر يرفضه بنبرة مستفزة بكر: ها الطمت؟\!\! ضحك وغمز رد بصوت مبحوح تعبان واضح الخزن بصوته عمر: ليش واضح تأذيت بمكاني؟ بكر: لا أصلاً اضحك عليك رد\.\. برود ماله خلك عمر: اممم اضحك واشبع ضحك\. سكت ثواني، رجع نظرة البكر رد عمر  : مو بس اني\! هواي من السُنة طلعوا هم يحظرون مجالس عدل جلسته بتجاه بكر عمر  : بكر تعرف الفرق مو بالمذهب\! بغض النظر سني، شيعي، مسيحي، يزيدي يهودي\.\. الفرق بالاخلاق الما تحترم النبي وسبطه هذا كافي تكون انسان\.\.\. مو تستهزء لان احيت ذكرى\! بكر: النبي عليه صلاة وسلام صارلة اكثر من 1400 سنه شنو الفائدة يعني الحزن يرجعه؟ اذيت النفس حرام\! نزل راسه للحظة، كأنه يحاچي نفسه: عمر: إي، أذية النفس حرام… بس تعرف شنو الحرام الأكبر؟ إن گلبك يكون خالي من حُب محمد وال محمد\.\.\. بعتبار ميت وأنت بعدك حي\. رفع عينه لبكر، وصوته بهدوء، مو جدال: عمر: الحزن مو حتى يرجع… الحزن حتى "ما ننسى"\. لو ننسى النبي واهل بيته، منو يبقى نقتدي بيه؟ منو علمنا الدين؟ منو علمنا الشرف؟ الحزن مو ضعف… الحزن شعور حي، ما يجي إلا من مكان صادق\. بنظرة مباشرة وجريئة: عمر: شفت ناس مو شيعة،  حتى مو مسلمين… وكفوا بمجلس ودمعت عيونهم بس يسمعون اسم الحسين\. مو لأنهم يعرفون المذهب، لأنهم حسّوا بالمظلومية\. بكر ظل ساكت، مو عاجبته الطريقة بس ما گدر يرد فوراً\. كمل، صوته صار هادئ أكثر، مثل اعتراف: عمر: إنت تستهزئ، بس أني كل ما ألطم… اكول للنبي: آني وياك، ما نسيتك\.على سُنتك يامُحمد على ولايتك ياعلي\. هذا اللي فهمته من اللطم" بصوت متوتر، وعيونه تتنقل بين وجه عمر والأرض: بكر : الشيعة شخطوا عقلك بهالسوالف؟ استاذ، شكبرك تشوه سمعتك بهالطريقه؟ ضحك، ضحكة عالية بنص الوجع، وهو يحرك راسه: عمر: آني مجرد استاذ، زين؟ تدري منو هم حضر؟ عميد الكلية\! ومجموعة من الأساتذه\.\.\. بابا الحسين، مو بس اسم… يساوي المقامات، والمذاهب شتحجي انت؟ بكر مارد ابد عمر رجع يلعب ويه روح اما عثمان ماله علاقة بهيج مواضيع ابد أجت امي جلست مبتسمة ام عمر: ام ڤيان تصلت وكالت اليوم ڤيان حللت وطلعت حامل\.\.\. عمر غمض عيونه يريد يتقبل كانها مصيبة" مو بشرى" ام عمر: يمه\.\.\. روح رجعها\. عمر  : تحلم ارجعها\.\. أم عمر: يمه، شبيك؟ يعني تنهي كلشي؟ تخلي بنتك تكبر بدون أم؟ صوته ثابت: عمر  : بنتي عندي، وتكبر بحضني… أما هي؟ شكد صرت زين وياها وحترمتها بس بفعلها تكلي لا تحترمني لان هي مو مال احترام\. أم عمر: إي بس يمه، الطفل شذنبه؟ ناظر لأمي \.\.تكلم بنبرة بغضب عمر :وشنو ذنبي آني؟ أنتِ شايفة شلون انكسر ظهري؟ بعدين لا تمثلين دور الام الحنونه وانت فعلج اسوأ من فعلها\! امي سكتت مانطقت بحرف بكر  : شنو يعني طلكها؟ عمر  : ياريت والله\.\.\. بس خليها تتأدب وتشبع من خواتها\.\. كلتلها وارجع واكلكم لو اخر يوم، بعمري اتزوج عليها\.\.\.\. حتى تقوى المحبة زين\.\! عثمان  : رجعها\.\. كول يالله وجايك طفل عالطريق\. عمر  : اي اذا ارجعها\.\. بس حتى تهتم بيهم اما عمر القديم\.\.\. تقرأ عليه الفاتحة اشوفها وجهه ماتحلم تشوفه\.\.\. لان فعلاً اللي خايف منه صار وطلعت سحارة لذلك مايهمني بعد\. ام عمر  : هذا دعاء مابي شي\. هز راسه عمر  : امممم والسويتي قبل هم دعاء مو؟ والله الخليها حتى تخاف تدعي الله  نهض اخذ روح الحضنه وصعد\.\. طبعاً بكر استمر كل فعل يسوي عمر مايرضى استمرينا اني وعمر نهتم بروح وخاصه هو اني بس وقت من هو بالدوام اهمتم بيها ومن يجي يصيرلها أم وأب\.\.\.\. ويوم تنادي بابا يطير بيها\.\.\. وعدنه اسعد يوم \.\.\.\. يوم ميلادها يحسب عمر روح الزهراء شكد صار مااقصد بنته" مر خمس أشهر روح كل ما تكبر تتحسن ويخف الربو بس عالاجها مستمر كل فترة يتغير وعرفنا ڤيان بيها ولد\.\. طبعاً مارجعها ولا يتصل ولا يسأل عنها بس كان يدزلها مصروفها كل شهر وهاي الفترة كانت تبجي دم، ندم  على فعلها\. اما بكر وعمر فبكر لازال معارض عمر يسمي المعاند\.\. رغم كل شي يقدمة عمر بدليل ومن كتبنا اهل السنة\.\. خاصه موضوع خلافة الامام علي عليه السلام\. سويت اكل الروح وعمر جالس والكتب حوالي ويشرح البكر بس بدون فائدة\. بعدها اجه عثمان وجهه مصفر بس سلم وجلس بقى صافن ويبلعم عمر  : عثمان\.\.\. عثمان\.\. شبيك؟ عثمان: هاا\.\.\.\. هاا؟ عمر: شبيك مو احجي وياك؟ عثمان: امي وين؟ عمر  : بغرفتها\.\. شكو؟ بالع ريكه بصوت يشبه الهمس عثمان: ابوي\.\. ابوي\.\.\. صارله اربع سنين متقاعد\! ضحكو بستهزاء بكر  : يمعود كول غيرها بعد هواي يله يتقاعد\. هز راسه بأيجابية عثمان: صح بس هو مقدم على تقاعد بسبب وضعه الصحي\. بستغراب عمر  : متأكد؟ عثمان: هاي جيتي من مكان دوامه\.\.\.هم كالولي اتصلت بي سالته: وين انتَ؟ كال: بالدوام\.\.\. كتله: اني راح اجيك\.\.\. كال: لاا\.\. لاا طلعنا صار عدنا شغل\. وهو اني واكف بدائرة مايعرف كتله: لعد كلي وين انتَ محتاج البطاقة ضروري\.\. لان فعلاً كنت محتاجها\.\.\. أجه للدائرة وجهه مخطوف\.\.\. متوتر كأن مسويله مصيبة بس يسأل\.\. هاا دخلت شنو؟ كتله: لا مستعجل هستوني وصلت نطانياها وسويت نفسي بعدت بالسيارة بس من بعيد اراقبة ماخليته يحس بشي\.\.\. رجع صعد سيارته واني ورا بكر  : تحجي صدك لو تشاقة؟ عثمان: قسماً بالله ولكم شكبرني وارجف ليش اكذب بهيج شي؟ عمر  : بكر خلي يكمل\.\. وبعدين صار؟ عثمان  : صف يم بيت ودخل فتحه بمفتاح اني ردت انزل ادكه بس شفت شاب هيج بعمري تقريباً طلع صعد سيارت ابوي ولكم اني عيوني صارت براسي\.\.\. رجعت ركض لسيارتي\.\.\. لحكت الولد وضربت السيارة متقصد\.\. ضحك بستهزاء بكر: فلم هندي هذا بتوتر عثمان: هسه خابره وشوف السيارة ضربتها صفح فلشتها له \.\. وله ليش هاك\.\. صورتها\. طلع مبايل شوفهم صور الضربة بكر  : اي هاي سيارت ابوي\.\.\!\! عمر  : زين و الولد؟ عثمان: اي رغم اني الغلطان بس كتله اعتذر كال وله يهمك بس\.\.\. هنا نطاني كف\. سكت فتح عيونه بكر: ضربك؟ مرر كفوفه بشعره عثمان: ياريت ولكم ياريت\.\. بكر: لعد ماتحجي؟ عثمان  : كال\.\. وله يهمك بس الوالد يزعل\. بكر جمد بأرضه بس يبلع ريكه بصعوبة عمر ضرب كف بكف وضحك بصوت عالي ماعرف من الصدمة او مو مستوعب\.\. شهكت ضربت عالصدري ريم: ياااااعععع ابوي متزوج ومخلف؟ قاطعنا صوت كزاز نكسر الفينت بسرعة امي سامعه حجينا وايدها ترجف\.\. كنها سعفة ركضلها عثمان سندها  اني تركت روح ونهضت بهمس مرتبك: ريم: يمه؟ شبيج؟ بصوت حاد ومخنوگ ام عمر : لا أحد يقرب عليه\.\.\! كانت تتنفس بسرعة، صدرها يعلو ويهبط كأنها راكضة، مشت خطوة عيونها فقعت من الصدمة دخل كزاز بقدمها بس ماحست بالم تمشي واثر دم يطبع من قدمها بقلق ريم  : ولج يمه رجلج\.\. دم\.\.\.\.\. عثمان دم تحجي بلا وعي ماتشوف شي أم عمر: أربع سنين\!\!\! أربع سنين وأنا أني نايمة بغفلتي؟ لا\.\.شنو اربع سنين؟صار سنين عبالي هو تعبان ومشغول وبس يريد يرتاح\.\.\.وهو مرتاح بحضن غيري؟\! بكر حاول يهديها: بكر: يمه هو بس تقاعد\.\.\. قاطعت بصراخ: ام عمر: لاااااااا\!\!\! لاااااااااااااااااا تزوووووج\.\.\. تزوج علّي\! مو يكول\.\. ماسمعته اخوك؟ ابنه رجال\.\. يعني شلوووون؟ اني ليش ماحسيت مانتبهت؟ انهارت على الأرض، مسكت صدرها، تنفسها يضيع، بخوف، صرت ادلك ايدها وصدرها من جهت گلبها\. ريم : يمه\.\.\. يمه شبيج؟ \! نفسج يمه\! أم عمر: يخدعني؟ بعد هالعمر يخدعني؟ وين الغيرة؟ وين العشرة؟ وين العهد؟\! عثمان  : ريم\.\. ركضي جيبي شي لفي رجلها ركضت ماشوف كدامي اخذت معقم وكطن رجعت الجرح كلش عميق ودم مايكطع ابد وهي ترجف رجلها ماثبت\.\. حاولت اعقمها وطلعت الكزاز والفيتها عثمان جابلها مي شربت بكر اتصل بأبوي صار يصيح عليه ويغلط روح صارت تبجي نرعبت من الصياح عمر اخذها وصعد بكل برود ولا كأن حلت علينا مصيبه\.\. حاولنا نهديها بين مايوصل ابوي ويگذب الخبر\.\.\.\.\. يسوي شي بس كون يطلع كلام عثمان غلط او متوهم\. خلصت ساعة من القلق، الخوف، الرهبة مصيبة وهدمت بيتنا\.\.\. هدمت الثقة، المحبة كلشي نهدم بالحظة وصرنا هباء منثور" من شفت ابوي دخل من باب البيت ويا ولد ثنين وصل يم باب المطبخ اني جمدت ماكدر ارمش رد برود عماد: كليلهم يالبسون حجاب ماتحركت بس بكر إجه يركض بكر: بوي كول لا\.\.\. انكر صير نذل وانكر لا تتمرجل بعد كل هل سنين\. صاح عماد: تأدب ياناقص تربية هيج علمتك تحجي ويا ابوك؟\.\.\.\. نذل؟ بقهر بكر: أمي راح تموت شلون تسوي بيها هيج؟ شلووون؟ الولد ما دخلو ظلوا بالحديقة بس بكر رفع صوته بقهر اجه عثمان\.\. عثمان: ها جبت نغولتك وياك؟ هنا ابوي ضربة كف بكر لزم ايد ابوي بقوه لواها\.\.\. ابوي صاح عثمان ركض اخذ سجين يريد يضرب ابوي لزمته من رجلي واصيح ريم: ولكگ عمـــــــــــــــــــــــر ألحك ابوي نطاني دفره ضربت دقله احس طرت مو بالارض نشلت ونركعت عاد ماحس له باب المطبخ نربد ودخلو ثنين واحد منهم نسخه طبق الاصل من عمر لزم بكر دك بوكسات\.\. الثاني يشبه ابوي بس ملامح صغير\.\.\. لزم عثمان\.\.\. عثمان ضربة بكتفه بالسكين اجه ابوي سحب عثمان وصار يدمغه على راسه ودفعه رجع البكر سحبه بقوه\.\.\. بكر الشر ينفر من عيونه\.\.\.\.\. لو شايف شيطان ما يسوي الي سوا موجهه كلامة لأبوي بكر  : جبت نغولتك تتحامه بيهم؟ لي يشبه عمر  ضحك بستهزاء رد بغمزه : احنا اولاد الحب\.\.\.\. مو اولاد الوجوب" رجع لف عليهم  بعصبية اشر بيده بكر: يله طلعووو برااا ابوي ناظرله عماد  : مهدي\.\.\. طلعوا واني الحكم\. هذا اللي يشبه عمر طلع  اسمه مهدي رد مهدي : بوية سمعتها شكالت؟ كالت ماترجعون له وعماد وياكم\.\. هذا اللي ضربه عثمان لزم كتفه ينزف الدم نزل على كل ايده اخو لزمه رد مهدي  : شو اشوف\.\. بعد ايده شاف الجرح مهدي: بوية منتظر ايده تنزف\.\. عماد: خابر واحد من ولد عمك واخذو للمستشفى\. منتظر: لا بويه مانعوفك شفت هذا الچلب الاجرب شلون لزم\.؟ صفك بايده بكر  : يعني مو سر؟ بيت عمي ولدهم يعرفون؟ عماد: لا مو سر ليش سر؟ اتفاخر بيهم وهذا حقي\.\. مالكم حق تحاسبوني\. عثمان  : نحاسبك وغصب عنك هم مو من حقك تبرر فعلك اجه عمر بكل برود يحجي ولا كأن بيتنا صار دم عمر  : شبيكم؟ عيب منا ناس\! ناظرلهم عمر  : اهلاً وسهلا\.\. تفضلو\.\. بكر  : هييي وين تفضلوا؟ عمر  : شوف امك مدري شبيها\! ركضوا بكر وعثمان نهضت اريد اكوم عمر  : عليك العباس كول شيعية؟ عماد: عمر مو وكتك ضحك وضرب كف بكف عمر  : طلع حب الشيعيات وراثة؟ الولد ستغربوا عمر وكلامه ابوي ناظرلهم رد بمزح عماد  : هذا حب شيعية وخلته يحلف بالحسين والعباس وعافته ضحك رد مهدي: كفو منها والله بنت ابوها\. منتظر: امنا مو بس شيعية علوية وجدها رسول الله\. عمر: على راس ونعم\. بعدها ابوي وعمر دخلوا بس الولد ظلوا نهضت اخذت الگطن ونطيته له بتسم منتظر: شكراً ريم\. ريم: تعرفني؟ ضحك وهو يخلي الكطن على الجرح منتظر: ماتنزلين من السان أبوي\.\. شلون مانعرفج\.\! حزت بنفسي اريد اعرف\.\.\.بدافع الغيرة، والفضول سألت بتردد وخايفة من الاجابة ريم: عدكم اخت؟ منتظر  : لا والله بس احنا بهمس ريم  : اممم رن مبايل مهدي رد مهدي  : ها يمه\.؟\.\.\.\.\.اي يمهم\.\.\. لا ماكو شي منعوفه \.\. لا والله مانرجع له وهو ويانا\.\.\.\. ريحيلي راسج ونامي\.\.\.\.\. يله حبيبتي\.\. غلق الخط، وناظرت الدم\.\.\. تذكّرت أمي، هم تنزف\. عفتهم وطلعت\. شفتها\.\.\. كاعدة على القنفة، ظهرها مستقيم، جلستها شامخة\. مو لأنها بخير\.\.\. لا، أبد مو بخير، بس لأن كرامتها أقوى من وجعها، تريد تظل مسيطرة، حتى لو الدنيا تتهاوى جوّاها\. تكلمت بصوت مبحوح، مليان قهر: أم عمر:كل هاي السنين\.\.\. مستغفلني؟ ليش عماد؟ ليش؟ ما خفت الله؟\!" برود عماد: ليش أخاف؟ آني أول ولا آخر رجال يتزوج الثانية؟ ما خليتچ يوم تحسي بنقص\.\.\. وهذا بحد ذاتة دليل على عدالتي\. ليش أخاف من شي الله حلّله؟ الوحيد اللي خفت عليه\.\.\. هو مشاعرچ\. وما كسرت كلمتچ لا بين أهلچ\.\. ناسچ\." خليت ألج الكلمة الاخيرة\.\.\. اللي طلبي اكول تم\. ام عمر: شيطية\!\! مارد عليها تكلمت بصوت يخنك من القهر ام عمر  : أخذ زبالتك وطلع ماريد اشوفك\. ابوي ماصدك نهض بسرعة  قبل ميطلع رد عماد: على اقل احسن من زبالتج ما رفعوا ايدهم ع ابوهم\. طلع كأن هم او عقبة نزاحت عن طريقة\.\. ماسمعنا غير صوت الباب نغلق بقوة ام عمر: شفتوووو شفتوو بعينكم؟ متزوج\.\.\. لاااااا ولده بطوله\! شلون كدر يسوي هيج؟ ليش اني غبية ماحسيت\.\. عمر: حقه ترحين تلزكي بسحر تسويهم طشار ردت بقهر مكبوت ام عمر: تشمت بأمك\.\. يا حيف بيك لـ9اشهر حملتك بگلبي قبل بطني\. عمر: والعباس طلعتيهن من عيوني\.\.\. دفعت ثمنهن\.\. دم هل تسع اشهر كلتها قبل وارجع اعيدها ألج\.\.\. ياريت ميت بطنج ولا شوف لشفته منج\. نهض بس لتفت لها عمر  : خليها بالج\.\. الله يحاسب الاباء هم على كل فعل وكل كلمة قدموها الابنائهم\.\.\. فأذا راد يحاسبني؟\.\.\.\.\.\. يحاسبج اول أني ماغلطت ولا كفرت\.\.\. ضرب على گلبه بقهر عمر  : كل اللي سويته حبيتها وراح ابقى أدعي ربي يجمعني بيها بالاخرة\.\.\. تركنا وصعد لزمت ايد امي ادلكها ريم: يمه\.\. لاتنقهرين\.\. بكر  : اي يمه\.\.\. لاتهتمين\.\.\. خلي تزوج وخلاص طفحت خيسته\.\.\. تركي لله هزت راسها بأيجابية ونهضت تمشي بس مختل كل توزنها سندوها وصلوها للغرفة\.\. جلست بكر ركض قاس ضغطها مرتفع\.\.\.و السكر كذلك بخوف عثمان  : يله يمه كومي ناخذج ام عمر: عوفوني\.\.\. راسي ثكل ماكدر افتح عيوني بكر: اني اشيلج اشرلي لبستها وصدك شالوها اخذوها اني بقيت صاحيه عمر طلع للدوام رحت للغرفة خليت راسي يم روح نمت شوية حسيت راسي ينفجر ماحسيت له ع ضربات كف صغيرة فتحت عيني روح تصحيني وتضحك دردم وحدها ضحكت ريم  : ولج عمه ديربالج تكبرين خليج هيج سمعت صوت بكر يصيح ع مرته اخذت روح ونزلت\.\. أمي جالسه والادوية مقابلها ريم: حمدالله على السلامة شلون صرتي؟ ماكدرت تحجي عثمان: ضغطها ماينزل\.\.\. هسه شوية يالله نزل كم درجة ام عمر: اريد انام\.\. نهضت اخذوها للغرفة ترتاح\.\. طلعوا بكر يحجي ويا علي بصباح بكر: وينك؟ امي وصلت الموت\.\.\. شبيها؟ تسأل شبيها؟ ولك المفروض تركضلها بس مايرتجي منك خير انت وذاك النذل وابوكم الانذل غلق الخط بوجه، علي رجع اتصل بكر يرفض وعثمان كذلك\.\.\.\.\.\. بكر طلع بس عثمان صعد ينام\.\. اتصل علي\.\.\. رديت سولفتله كل شي بس ولا نصدم كأن شي عادي\.\.\. ويعرف بي بس سأل عن وضع أمي\. بعدها اجه هو ومرام شافوا امي الخبر انتشر مثل الانفجار\.\.\. للعصر اجو خالاتي\.\. ونسوان خواللي بس خوالي محد أجه بيهم طبعاً  جيتهم شماته كل حجاية اكبر من القببها فرغو كل حقدهم\.بالموت يله راحو\.\. رغم احنا حواليها بس أمي صارت تاكل بنفسها قهر، كبت، خذلان، وجع ، خيانه\.\.\.حاولنا نخفف منها التمينا حولها بس الله وحده اعلم بحالها اخواني كلهم يتفدوها تفدي\.\. ومحد جاب طاري ابوي\.\.\. لليل قاس ضغط زين بعدها راحت تنام\.\.\. وكل ساعة واحد يطمأن عنها بعدها علي اشر لعمر طلعو اني بسرعة صبيتلهم چاي وطلعت للحديقة جالسين يسولقون قدمته رديت ريم  : علي تعرف بابوي؟ نزل راسه علي: ما جنت اعرف والله بس مرة هم رحت للدائرة وعرفت انه متقاعد\.\. بصدمة عمر:تعرف وساكت هز راسه بأيجابية علي: واحد منهم نطاني عنوان بيته ورحت له طلع هو\.\.\. ونصدمت بي\. عمر: ليش ماحجيت؟ علي  : شنو الفائدة؟ اللي صار هسه بوقتها صار خلي دام هو عادل بينهم وراضي الله ومامقصر علينا بشي عمر: والله يعجز اللسان عن وصف فعله\! ضحك بمزح علي  : طلعت على ابوك\. عمر  : وين عمي أني رجال فقير\! علي: هم اخذ شيعية\.\. وعلوية تنهد عمر: بس اني شيعيتي ماخذتها\. خذلتها\.\.\. ماصرتلها رجال مثل ما وعدت\. علي: لا تحجي هيج انت انقذتها من الموت ضحيت بگلبك وسعادتك وهذا اكبر واقوى من اي وعد\. هز راسه بأيجابية\.\. بهدهم يسولفون يمعنا صياح ركضنا للبيت بكر شايل امي ويصيح عثمان ركض شغل السيارة هز راسه بهدوء\.\. وكانه يكول: اعرف بس فراكها مو سهل\. بعدنا نسولف ماكملوا الچاي\.\. فجأة سمعنا صياح\.\.\. ركضنا كلنا للبيت\! بكر شايل أمي ووجهه مصفر، يصيح وهو يركض: بكر: عثمان\! شغّل السيارة بسرعة\!" عثمان انتفض من مكانه، رگض على السيارة علي وعمر طلعوا وياها گلبي وگع بالكاع، شعور يخوف، يشبه لحظة تنكسر بيها الدنيا فجأة\.بس دموعي تنزل لزمت مرام بقلق ريم  : شبيها؟ امي شبيها؟ مرام: ماعرف عثمان كال الجيهان شوفي امي ونطيها العلاج راحت عبالها نايمة تكول صحيتها ماكو ماتصحه ضربت وجهي ودموعي تنزل\.\. اصلنا محد يرد البنات صارو يصبروني اني كاعد وارجف راحت عيني على روح و ولاية كدامهم مكعبات يلعبون بيهم ولاية أخذت قطعة من إيد روح، روح لزمت ولاية من أذنها ونيمتها على الكاع، تصيح تريد تعضها\. ركضت تفكهم، تضحك وهي تحچي: مرام: يمّه، بنيتي فقيرة\.\.\. فكتهم ورجعت الالعاب الروح يله سكتت مرام: امها مايرجعها؟ ريم  : لا يكول خليني مرتاح\.\. وخاليها تتأدب مرام: خطية تحلف تكول اختي ورطتني جيهان  : اي تتحمل نتيجة فعلها عمر ممقصر وياها\. مرام: اي هم كالت\.\.\.شبيج هسه ندمت والله متبهذله وهي حامل\. جيهان: اي والله نوب شكثرهن\.وهوسه كل وحدة عدها اربعه وخمسه غير نسوان اخوتها\. مرام:اي خابرت تبجي والله\.\. حتى حجيت ويا علي يحجي ويا بس ماقبل كال بينهم لتدخلين\. جيهان: اي معليج سمعي كلام زوجج وسكتي ظلوا يسولفون وننتظر ماكو خبر للفجر ردو كالو زينه ماعرف شي ثاني يوم اجه بكر وعمر وجوهم مغبورة تلكيناهم\.\. ريم: بشر شلونها ماتكلم بس هز راسه بأسى وجلس لزمت ايد  عمر ريم: عمر\.\.\. امي شبيها عمر :وضعها تعبان لان هذي مو أول جلطة تمر بيها… بس هل مرة الجلطة أجعت بمكان حساس بالدماغ، بالجهة اليسرى، وهالشي\.\.\. خطر\. بجيت والغصه خانگتني ريم: هي\.\.\. هي بعدها تعبانه ايدها، رجلها بغضب بكر  : كله بسبب ذاك الكـ\*\*\* اهم شي هو مرتاح وامي نايمة بالمستشفى\! يحاول يتمالك اعصابة عمر  : لا\.\.\. لا تغلط، بكر\! مو بس أبوي\.\.\.هي أساساً من أول وكعة وكعتها، من أهلها، مو؟ ماراحت تمرجلت عليهم وحدها؟ كل وجعها القديم متراكم\.\.\. وهسه انفجر\! جلس عمر  : بعدين لو كل مرأة رجلها يتزوج عليها توكع وتموت حرموا الزواج من ثانية\.\.\. بس هذا قدرها الله كاتبلها هل شي\.\. بكر نهض بسرعة طلع\.\.\.\. عمر بقى جالس صافن بالارض عمر  : الله يساعدها شصار بيها؟ وشنو حساسها؟ من كلتلها تزوجت؟ من كلتلها خاف الناس تحجي عليها؟ من شافت صور؟ شلون تحملت كل هل صدمات؟ ماحجيت شي اعرف منو يقصد بقى ساكت بعدها فرك وجهه كأنه يريد يطلع للواقع عمر  : زهورتي وين؟ ريم  : مرام اخذتها فوك هي ولاية عمر  : شعجب نامت؟ ريم  : خليت قميصك ؏ وجها يالله نامت خبصتنا بابايه\. ضحك ونهض عمر: تعاي جيبيها\.\. صعدنا اخذتها من مرام وطلعت بس شافت عمر صار تضحك وتصيح حضنها وشمها رد بحنية عمر  : اوووف يابويه ياروح عمر\. بعدها ناظرلي عمر  : ريمي تعبتي وياي وياها\. ريم  :لا يمعود ماسويت شي تعرف شكد احبها\.\.\. واحبك هم\. عمر  : دزيت رساله لـ ڤيان كتلها اللي اخذج يرجعج والساعة تخربط وانتِ ماتخربطين\. ريم  : شكالت؟ عمر  : وافقت وصارت تحلف ان بسبب اختها\. ريم  : اي أختها ورطتها خطية\. عمر  : تتحمل النتيجة ريم  : يمته تجي؟ عمر  : باجر اخوها يجيبها\. هزيت راسي وهو اخذ روح ودخلوا رجعت الغرفتي خبيت راسي شوية\.\. ثاني يوم امي عالوضعها أجت ڤيان اخوها جابها نزلها وراح سلمت وكانت ملهوفه على روح اخذتها بحضنها تشمها وتبجي\.\.\. روح نرعبت ماعرفتها رغم كنت اتصل بيها فيديو بس اكيد مو مثل ما هي يمها\.\. أجه عمر سحب روح منها عمر: شبيج خوفتيها\! بحضن عمر سكتت ولما ڤيان تريد تشيلها تكوم تبجي وتلزم بعمر جيهان: خليها شوية تهدأ ناسيتج بعدها ڤيان بس تبجي عيونها ماسكتت دخلنا بعد ساعة تتوسل بس كون روح ترجعلها اخيراً اجتها، رجعت حضنتها تبوس بيها ڤيان: ياروحي\.\. ياماما\.\.\. الله يشهد كل يوم يمر اموت وانتِ مو يمي\.\.\. سامحيني ماما سامحيني\. عمر تركها وصعد  بقت تسولف ويا البنات وعن أمي\.\. بعدها صعدت طبعاً الحمل كلش مغيرها\.\.\.وقهر بتها وعمر لليل حسيت نفسي مخنوكه طلعت كعدت بالحديقة وحدي\.\.\.بعدها رجعت الغرفة امي كعدت أبچي\.\.\. واذكر كل افعالها وادعي ربي يغفرلها\.\.\. بعدها صعدت الدرج واني اردد ربي يغفرلها بعدني خطوة ورا خطوة، كنت أمشي على رؤوس أصابعي، ما أريد أصحي أحد ولا حتى أحس بنفسي… بس وگفني صوت خافت من داخل غرفة المكتب مفتوحة شويه… صوت فيان، بنبرة ناعمة متغيرة: ڤيان:عمر… شوفني، لا تبعد عينك، أريدك تبقى تحبني مثل قبل، مثل أول ليلة"\.\.\. صوته هادئ ومتعب: عمر  : كافي، لا تحچين هيچ… ڤيان:والله العظيم حتى الاهلي بعد ماروح ولا اكولك اخذني حتى اذا تريد هذا موبايلي اخذه\.\. سكتت ثواني تابعت ڤيان: حبيبي ودنيتي انتَ وروح وأبنا كلشي بالنسبة اللي\.\.\.\. سامحني عمري\.\. مارد عليها فيان:بس گلي تحبني بعد؟ حتى لو كذبه، كولها بس هاي الليلة گلها\!" ردت اخطي الباب مفتوح شفته حضن ڤيان رجعت عمر  : ماكرهج\.\.\. أحبج\.\. شلون ماحبج وانتِ ام روحي\.\. بس تصرفج ازعجني\. بنبرة رضا ڤيان: خلاص اني من ايدك هاي الايدك هاي\. بعدها ماسمعت بس صوت ضحكهم رجعت نزلت الغرفة أمي ماريدهم يشوفوني\.\.\. \. مرت أيام والاشهر الكل عاش طبيعي له أمي هي اللي دفعت الثمن\.\.\. هاي صار مثل متريد\.\.\. عمر تقبل ڤيان وعايش حياته وسعيد، او يمثل بس خلاص تقبل الوضع بس هي تعلعلت بالمستشفيات\.\.\.ومحد يمها بس اني أمي صابها شلل وهل مرة قوي ماتكدر توكف ؏ حيلها ومحد غيري وغير علي اللي يهتم بيها حتى ابوي تركنا ولا يسأل عنه بكر مرات يجي اما عمر؟ يمكن لو متزوج يهودية هم كان كالتله روح شوف امك\.\.\. طلعت من المستشفى ماتكدر لا تمشي ولا حتى تكعد بس نايمة وعيونها بالسقف تقريباً الكل تخلى عنها\.\.\. له اني بقيت اهتم بيها كانت من تشوفني اغسل وابدللها مثل الطفل تبجي بصمت ماتكدر تحجي شي طول هل فترة هاي ماكنت اريد شي بس غير ربي يسامحها على كل فعل سوته بروح الزهراء" بالليل بعد ما بدلتلها وعطرتها اخذت ملابسي ونزلت\.\.\. لكيت باب غرفتها مفتوح دخلت عمر جالس وبيده القرآن يقرا يم راسها بقيت واكفه لحد ماخلص غلقة وقبلة مرر كفه على راسها رد وهو يبتسم عمر: لو كانت روحي موجودة وتشوف حالج؟ تكعد تقرأ قرآن وحديث الكساء وزيارة عاشواء امي متكدر تحجي بس بعيونها، سكت بعدها تنهد تابع بحسرة عمر :كانت هتمت بيج مثل ريم\.\.\.تدرين شفتها اليوم أجتني بالمنام\.\. بتسم وهو يسولف عمر  :كالت:\.\.\. عوومر زعلانه منك ضحكت بوجها كتلها: ليش؟ كالت: شلون تعوف عمتي؟ كوم اقرالها قرآن سوي شي خفف عنها\.\. صدره متلى بالحسرة عمر  : فزيت وبسرعة توضيت واجيت اقره يم راسج مثل ماكالت\. لزم ايدها قبلها اول مرة بعد سنين امي بصوت البجي منها\.\.\. اسمعه واخيراً نطقها عمر  : يمه\.\.\.سامحتج هي كالت: تقبل ابنك يعاملك مثل ماتعاملها؟ سامحتج يمه\.\.\. سامحيني\. بلكوه نطقتها الكلمة مو مفهومة بس تسامحوا من بعض نحنى حضنها وصارو يبجون عمر رجع مثل الطفل الحضن امي\.\.يبجي بصوت وبحركت گلب\.\.\. أني بس دموعي تنزل ومخنوكة عمر  : يمه والله أحبها\.\.\.\.\.\. بعدها اني ميت محد يحس بيه يمه\.\.\.مو الام تحس بولدها؟ ليش ماحسيتي بيه من متت بفراكها؟ خفت على امي يصير بيها شي بسرعة بعدته عنها لان ثنينهم نهارو\.\.\.بعدته منها مسح عيونه وجلس ع طرف السرير\.\.\. غسلت وجها ونشفته شربتها مي بالقصبة هدأت رجعت نطيت عمر مي  شرب\.\.\. تكلمت بضجر ريم  : عمر كافي\.\.\. خلاص لا تحجي بيها عوف البنية ترحاح\.\.\. وانتَ حياتك مستقرا تحب زوجتك وبنتك وابنك ع طريق خلاص حرام اللي تسوي ناظرلي بصدمة عقد حواجبه عمر  : وشنو غاثج؟ يعني بالحقيقة حرمتوني منها\! بالخيال هم؟ مارديت عمر: ما بيه حيل، كلشي أخذوه\.\.\. بس خيالها\.\.\. خيالها الوحيد اللي مخليني اقاوم وعايش انتظر يومي\. بعدها لا\.\. اني رديت ولا هو تكلم\.\.\. صلينا للصبح\.\.\. ڤيان صارت عدها ولادة بدايت شهرها\.\.\.\. اخذوها للمستشفى\.\.\.\. ونولد\.\.\. ولد العمر وسما "علي الاكبر" بقيت اهتم بيها وخواني رجعوا تصافوا وصرنا نجلس بغرفتها ونضحك ونسولف\.\.\.\.\. بدت تلفظ الاسم بصورة متكسرة ابوي اصر يشوفها وبكر كان يمنعه بس حجو ويا واجه شافها حجه وياها هواي كلها ماقصرتي بس بس القلب وما يهوى" سامحها، وسامحته، وتبرّوا ذممهم\. رجع يشوفها وكذلك اهتم بيها ماتركها ابد خلصت\.\.\. ولدها واحفادها ملتمين حولها كل شي صار  مثل مارادت هي من البداية\.\.\. الحد ما صحيت على اسوء يوم بحياتي يوم كسرني هو هذا اليوم الخايفة منه يوم فقد أمي " أمي اصبحت چثه نايمة اصحيها ماتصحى رشيت بوجها مي ماكو\.\.\. وقتها ماكان عندي شعور ضربت خدها ماكو جسمها قطعت ثلج\.\.\.\. طلعت مرعوبة اصيح بس صوتي مايطلع ولا رجليه تحملني\.\.\. جلست باب الغرفة صرت اضربة بقوة حتى يسمعون\.\.\. نزل عمر مبدل يريد يروح للدوام\.\.\.\. ركضلي وخلفه عثمان بعد النوم بعيونه مصدوم عمر  :  شبيج؟ اشرتلهم على غرفه ركضولها اشوفهم يكلبون بيها ويلمس نبضها واحد يتفحصها تتنفس لو لا سمعت صوت گطع روحي وليت اذني طرمت ولا سمعتها عثمان  : أ\.\.\. أمي\.\. أمي ماتت سديت اذني وصرت اضرب راسي بقوه بالباب ــــــــــــــــــــــــــــــــــــــــــــــــــــ نعرف نهايتنا، ولا زلنا نأذي… ـــــــــــــــــــــــــــــــــــــــــــــــــــــ روح الزهراء " بقيت جامدة وعيوني عالصورة عقلي فصل\.\.\. شفت البنات طلعوا بسرعة رجعت المحفظة بس الصورة بيدي\.\.\. أجت حور اخذت المحفظة حور العين: يااا حميدو نهضنا محمد واگف يم المحاسبة والمطعم بي شلال يلعب دانيال ويضحك ويا حور نطتا المحفظة رحع داني وحاسب لف علينا محمد:تردون شي؟ كالو: لا "لف عليه محمد: روح تحتاجن شي؟ عيني بالارض، هزيت راسي بنفي بعدها طلعنا\.\.\.\. صعدت خلفه اني وترف وحور جنبه طول الطريق الصورة بگفي وعقلي يردد  شنو يعني؟ "سيجعل لهم ودا" أعرف معناها\.\.\.شكد عظيم بس كنت أتمنى صوت، يگلي: لا\.\.\. مو مثل ما تفكرين، لا تخافين\.\.\. رفعت عيني، ناظرته بالمراية، انتبهلي\.\.\. هالمرّة، عيني ما نزلت من عيونه الخضُر\. يناظر الطريق، وبعينه الثانية يرجع إليّ\.\.\. كأن يريد يتأكد بعدها عيوني تراقبه\.\.\. بكل مرة\.\.\. چنت أحسّه يجاوب على سؤالي، بس بصمته\. أول مرة أشوف عيون تحچي، بس أني\.\.\. ما أريد أسمع، ما أريد أصدگ\. بعيونه، شفت كلشي، سمعت كلشي، بس صوت بداخلي يهمس: لا تفتهمين\.\.\. بالمقابل عقلي\.\.\.\. رجعني قبل ساعة واني بضريح ابا الحسن علي عليه السلام طلبت منه يدليني ؏ الشخص الصح " اللي ياخذ بأيدي له ويحميني من نفسي " معقولة؟ هاي إشارة؟ لو بس أني أربط نفسي بوهم وأتعب روحي؟ ما حسّيت إلا والسيارة وگفت\.\.\. تشكّرت منه ونزلت\.\.\. دخلت للبيت، گعدت يم أهلي، بس أنـي ما چنت وياهم\.\.\. شويّه وصعدت للغرفة\. طلعت الصورة من الجنطة، گعدت عالسرير، ظلّيت أناظرها\. صح صورتي، بس\.\.\. ما چنت أشوف غير العيون الخضرة\. كلش زين أذكر\.\.\. هاي الصورة من كنت ثالث متوسط، تبع البكلوريا، خليتها عالگلبي ومددت نفس مانمت ولا اكد اسكت الصوات اللي بداخلي\.\.\. فزّيت على صوت مسج\. نهضت، أول اسم خطر ببالي "فدو"، چنت أريد أفضفض إلها\.\.\. مسحت عيوني، خذت الموبايل، شفت إشعار: "تاك مخفي من محمد على الانستا\." قلبي نزل\.\.\. فتحت فيديو، بيت شعر للعلي رشم \- الله يرحمه\. الصوت ناعم، والحروف توجع: "حبيبتي لا تنتظري\.\.\. أنا على سفرٍ دائم، لم آخذ حبك معي، لا أريده أن يرى المقابر\.\.\. تركت لكِ حبًا يكفيكِ عمرًا من العشق\. لا تكوني هواءً، قد يستنشقك من لا يستحقك\. اذكريني\.\.\. في أي ليل، سآتيكِ\.\.\. على أحرّ من الرصاص\." تجمدت\.\.\. حسّيت الغرفة تدور، تاهت ملامح بين الشعر ونبض گلبي\. ثواني، وجا رد من محمد: 💬 "اعتذر\.\.\. بالغلط\." مارديت ولا تفاعلت\.\.\. بس عدت الفيديو الف مرة\.\.\.\. رجع نشر\.\.ستوري بدون تاك هم العلي رشم هو كلش يحبه تأثر بستشهاده ملثنا وازيد \.\.\. يكول: وياي طبعك يشبه اوضاع العراق خير للغربة\.\.\. وعله هله يصير نار" رجع نشر بس ما دخلت وشفت عرفت يريد يشوفني مراقبته لو لا\.\.\.\. تركته بقيت صاحية للصبح، صليت الفجر، وبعد الصلاة، طلعت للبلكون\.\.\. سحبت الطبلگة، صعدت عليها، شفت سيارة محمد، طلع بيها\. عيوني ظلت تراقبه لحد ما اختفى من الفرع\.\.\. رجعت، خليت راسي عالوسادة، بس راسي كان يريد ينفجر\.\.\. أريد أحچي\. بعد يومين تصلت بفدو، حجيتلها كلشي، ما حجت غير: "يلا\.\.\. مسافة الطريق، وأجيچ\." أنطيتها أموري  لأمي، وصعدنا\. رجعت حجيت لفدو كلشي مرّة لخ\.\.\. چنت أريدهه تنصدم، تصيح: "ياااا شلون؟ هيچ صار؟" بس لا\.\.\. صدمتني بغير شكل\. لزمت إيدي تكلمت بهدوء: فدك الزهراء: إي بسكوتة\.\.\. محمد يحبچ\." فتحت عيوني، بصدمة، بس ضحكت\.\.\. مو مستوعبة، حسّيت حالي أمثل: : لااا\.\.\. لااااا، لاتشاقين\!" سحبت نفس هزت راسها بنفي: فدك الزهراء: يحبچ\.\.\. من سنين، وإحنا نعرف\.\.\. حتى بهاء، يگول مرة شاف صورتچ بمحفظته بالواجب، ومن يومها\.\.\. خطبچ عناد بمحمد\." بصوت مستغرب، قرب للرجفة: : عناد بمحمد؟ ليش؟\!" فدك الزهراء:اممم حتى علي الأكبر يعرف\.\.\. بس لأن إنتِ رفضتي محمد، هو هم رفضچ، لأن يعرف متريدين واحد عسكري\.\.\. ما راد يخرب علاقتچ بيه\.\.\. ولذلك وافق على عمر، لأن حبيتي، وهم يكسر محمد وعناد بي" تركت إيدها، ونهضت\.\.\. بصدمة أكبر، لزمت راسي\.\.\. كلشي بدا يدور، حسّيت نفسي داخلة بمؤامرة طويلة وأنا آخر من يعلم\! : علي؟\.\.\. علي شلون يعرف؟ ليش أني ما أعرف؟ ليش\.\.\. ليش هيچ غبية؟\!" فدك الزهراء: مو غبية\.\.\. بس كلها صارت ضد محمد حتى انتِ\. فتحت عيوني : اني؟\.\. ليش؟ أصلاً حبيته والله بس\.\. فدك الزهراء: حبيتي؟ شلون ويمته؟ : يعني مو حُب ماعرف شنو\.\.\. بس هو قتل هل شعور قبل حتى مااعرفة\.\.\. فدك الزهراء: شلون؟ نزلت عيني\.\. بصوت مخنوك : هو\.\.\. هو\. كال انه يحب وحدة اسمها مروة\. ضحكت فدك الزهراء: چذاب والله\.\. محمد ميحب غيرج\. ناظرتلها بعين مليانه دمع\. : ليش عافني؟ ليش تركني وتخلى عني؟\. فدك الزهراء: لا ماعافج\.\. إنتِ رحتي، إنتِ حبيتي، إنتِ انخطبتِ\.\.\. شنو تريدين يسوي؟ يروح يعارضچ؟ يسحبج غصب؟ هو گال\.\.\. ما أريدها جسد أنفرضه عليه\.\.\. أريدها روح ونبض، تجي بروحها، تحبني هي مو أني أفرض نفسي\." سكتت اراجع كلامة بعقلي تمتمت بخوف : هو هيج گال؟ هزت راسها بأيجابية فدك الزهراء  :إي… وگال: أحبها، بس الحب إذا ما نبت بقلبين، يموت بصمت\." اخر كلمة وجعت روحي، ونزلت دمعتي : شلون گدر يتحمّل؟ مو سهل تشوف واحد تحبه، بإيد غيرك\.\.\. يعني… كأن حوبة محمد رجعتلي الوجع، خلتني أعيش نفس الشعور\.\.\. لزمت ايدي ردت بهدوء فدك الزهراء: لاااا، روح\.\.\. لا تحجين بهالطريقة\. الله شوفج الفرق… بين اللي تحبينه، وبين اللي يحبج صدُگ\.\.\. صح فرق يوجع، بس يفتح العين\. مسحت دموعي نهضت بسرعة اخذت المبايل ايدي ترجف فدك الزهراء: شبيج؟ :اتصل بي يرجع\.\.\.اذا يحبني يرجع هو بسببي راح بسببي اني محمد راح للموت\. تصلت اول مرة فصلت الشبكة بعدها طلع خارج التغطية بصوت مكسور : محمد\.\. حباب بس رد بس سمعني صوتك\. رجعت تصلت ماكو خارج التغطية يعني شبكة ماكو عنده\.\.\. بقيت الح بالاتصال بس ماكو كل نتيجة بعد المغرب \.\.\. البست وطلعت البيت عمي اريد اعرف بس لو خبر عنه\.\.\. عمتي بالمطبخ جلست يمها\.\. ساعدتها ونسولف : عمتو شنو محمد وصل طمنكم عنه؟ ام محمد: اي الحمدلله صارلة يومين\. : الحمدلله\.\. بقيت يمهم للعشا طبعاً ماكو بس عمتي وعمو\.\. و حور لان مصطفى بيت وحدة بس قريب حايط عالحايط بعدها دخلنا اني وحور رتبنا المطبخ وصعدنا شفت غرفته بابه مغلق\.\.\. مشيت اخذتني رجليه الها خليت ايدي على قبضه وفتحتها\.\.\. حور بقت ساكته بس مستغربة دخلت للغرفة غمضت عيوني وسحبت نفس قوي\.\.\. ماكو بس عطره بيها نفس اثاثه القديم ونفس الترتيب\.\.\. ࢪحت فتحت الكنتور\.\.\. حور العين: روح\.\.\. شنو؟ : احم\.\.\. ا\.\. مرة خليت ملابسي من كنتم بالبيت القديم اريد اشوفهم بعدهم؟ حور العين  : أي هنا\. اشرتلي فتحت الخانه شفت ملابسي كلبيتين معلكات ويا ملابسه العسكريه وحدة نفسها الي شفته كان يشمها\.\.\.\.\.\. سحبتها وگلبي كل نبضه يصيح\.\.\. "سيجعل لهم الرحمن ودا" شميتها مثله\.\.\. بس ماشميت عطري\.\. شميت عطره ببها\.\. حور العين  : روح شبيج؟ رجعتها بسرعة  بتوتر : لا ردت البسها بس لا غيرت رأي\. غلقت الخانه وطلعت بسرعة\.\.\. رجعنا للغرفة هي تحجي عن القانون ودراسته واني فكري اخذني للبدايات\.\.\. ذكرت شعور او مرة من لحكته نطيته الگليجة وكتله نتبه عالطريق\.\. خطر رد : مو اخطر من عيونج\. بتسمت بخجل وضميت وجهي نسيت حور بحلقت بوجهي ردت حور العين: شبيج تصرفاتج مو طبيعي؟ : هاا؟\.\. لا يمعودة نعست وعقلي فصل\.\. نهضت : يله تصبحين على خير حور العين: ياا ولج بعد وكت؟ : لا والله تعبانه يله\.\. رجعت البيتنا\.\.\. بعد يومين الاخبار ابد مو زينه تصلت سألت حور عن محمد\.\.\. گالت: اليوم التصل والوضع يمهم ابد مو زين\.\.\.بعدما غلقت منها رجعت تصلت رن\.\. اخيراً رن بس ماكو رد لليل، خليت راسي عالوسادة\.\. واني اقرأ\.\.\.\. دعاء الفرج واية الكُرسي بـ نية الحفظ له ولكل شخص مثله ديجاهد ويقاتل\.\.\. حسيت عيوني خدرت بس بعدني صاحيه دا اقاوم\.\.\. فزيت عالصوت مبايلي كمزت،و رجف گلبي من شفته\.\. محمد"يتصل بسرعة رديت : الو محمد\!\! أجه صوت يلهث كأنه يركض محمد:بسكوتي\.\.\. سمعيني للنهاية\. ما أريد شي\.\.\. لا رد، لا تبرير، بس اسمعيني هل مرة\. سكت شوي، يحاول يجمع نفسه\.\.\. أني بعدني ساكته، گلبي يصرخ\. محمد: بالكوة حصلت شبكة\.\.\. ما ردت تطلع هاي الكلمات مني بالموبايل، بس ما صار مجال أحجيها وجهًا لوجه\.\.\. سكت واني عيوني غركت بالدمع ماردت اقاطعة ردته يحجي اللي بگلبه تابع بصوت يرجف\. محمد:  بسكوتي\.\.\.\. القوية\.\.\.أبو عيون الخضر يحبچ\. خليت إيدي عالحگي، كتمت شهگة، ودموعي سوه \. محمد:أي بسكوتي أحبچ\.\.\. يشهد ربي، حُب نظيف، صادق، ما بيه دغش\.\.\. مو حب طفل، ولا نزوة شباب\.\.\.ولا حب جمال حب فطري\.\.\. أحبچ حُب روح الروح\. بصوت يرجف : محمد\.\.\. قاطعني بسرعة بصوته المتعب يركض من الوجع\. محمد  :لا، لا تحچين\.\.\. ما أريد أسمع شي\. بس اسمعيني\.\.\. وحق عليّ، لو ما كنت أعرف گلبچ خالي، ومتأكد، ما كنت خليت هالكلمات تطلع مني\.ولا سمعتيها ابد\.\. : محمد\.\.\. والله أحبك\.\.\. أحبك محمد\. ماكو صوت\.\. : الوووو\.\.\. محمد\! ناظرت الخط فصل\.\.\. ضل صوتي بالهوا\.\.\. محمد\.\.\.\. ما سمعها\.\.\. ماسمعها\. ركضت عيوني على الشاشة، اسم "محمد" بعده بيها، إيدي ترجف، الموبايل طاح بحضني، ماكو فصل وگلبي؟ صار ينبض مثل اللي يلحگ روحه الهاربة\. : ليش فصل؟ ليش هسه؟ سمعني  محمد\.\.\. رد ، گلي سمعتني، گلي شنو حسّيت؟ سحبت نفس بصعوبة، كل ما أريد أهدأ يرجع صوتي يعيد نفسه: "محمد\.\.\. والله أحبك\." أول مرة أگولها، أول مرة تطلع من اللساني بدون خوف\.\.\. وهو؟ ما سمعها\. ضميت نفسي، وچنت أحچي ويا ربي، بصوت ينهزم: : يا رب\.\.\. سمعه، سمعه كلامي، لا تحرمني ياه بهاللحظة\. إذا هذي نهاية اللقاء، خليني على الأقل أدرى إنه سمعني\. نهضت، فتحت الشباك\.طلعت للبلكون أيدي عالگلبي ودموعي عالخدي : محمد\.\.\. إذا تحبني، ارجع\." ماحجيت عن الاتصال بس ماانام صرت اتصل المبايل ماينزل من ايدي بعدها عرفت المنطقة اللي كان بيها صار عليها هجوم قوي،\.\.\. وراحت شهداء هواي\.\.\.\. عمامي والدهم نخبصو ماكو مكان ما راحوله ماكو منه خبر\.\.\. بعد كم شهر المنطقة تحررت وبهاء وصل وسأل بس ماكو كل ذكر له\.\. غير أجه أسم من المغيبين لاهو شهيد " ولا هو حي\.\. محد يعرف اخباره وكل أثر ماكو\.\. يتبع\.\.\.\.\.\.\.\.\. رايكم بالبارت؟ وتقيمكم للبارت من 10