هدية⛓️‍💥

التكملة\.\.\.\. الكل نصدم محد نطق بحرف عُمر عيونه جحظت من الصدمة نهض وكعت الفلوس والذهب من حضنه وكف بوجهي عمر : أطلگج؟ من كل عقلج تحجين؟ يتقدم بخطوة قربلي صوته يرتفع مو صياح، بس وجع يفور: عمر : أني غلطت؟ إيي\.\.\. بس ما أستاهل هل كلمة\! روحي، أني جنت أموت وانت على فراش الموت سويت المستحيل حتى ترجعين للحياة وانتِ هسه\.\.\. تكافئينّي بهيج كلمة؟ ابو عمر : عمي روح أسمعيني بوية تعوذي من بليس وكعدي كلشي بالتفاهم مارديت علي الاكبر خزرني فهمت وجلست: : اعوذ بالله منها ابليس يمها مسكين" رجع علي الاكبر خزرني ماتكلمو عمو ابومحمد مانطق بكلمة عماد : أسمعي بوية الطلاك حرام من ابغض الحلال عند الله وانتَ بنيتي واعية وتعرفين زين كلامي رفعت راسي تكلمت بثقة ناظرت العمر: : صح كلامك عمو\.\.\. ابغض الحلال\.\.\. بس مو للي مثلنا\.\.\. احنا أصلاً ممتزوجين\.\.\. والاية الكريمة تقصد اللي بينهم عشرة ومودة ورحمة سكتت ثواني تابعت بستهزاء : احنا مابينا شي\.\.\.وألي بينا سحر وشعوذة\.\.ممكن السحر ينفك\.\.\.بس القيود البينا صعب نكسرها\.\. رجعت نظرلي العمر وگلبي يصيح بس الله نطاني قوة كتمت كل وجعي وحركت گلبي كملت\. : مو أني اللي تنكسر بأسم الحُب والحلال وكل شي صار بيه وصلت الموت بسببكم\. عماد : عمي تعرفين عمر سوه هل شي بس حتى يخلصج\. : يخلصني؟ اي يخلصني من سحرها\! تمام ما اطلك\.\.\.\. شنو بعدين؟ تخليني اعيش بسعادة؟ تخليني ارتاح؟ عمو ابو محمد نهض جلس جنبي لزم ايدي الترجف وقبلها هم بس يناظرون قبل راسي طنشهم كلهم وعينه بعيني ابو محمد : زهورة باباتي\.\.\.\. أني ابوج\.\.\.\. وشنو تكولين راح اوافق عليَّ بس اريد اسألج سؤال واحد وبعدها كلامج يمشي ؏ اكبر راس وهذا حقج\.\.\. سحب نفس تابع ابو محمد : متأكدة تردين الطلاگ؟ : أي\.\.\. اول مرة أكون متأكد من هل قرار أكثر من كل شي مر بحياتي عمو كرامتي نسلبت\.\. نظرتله، كانت هاي أول مرة أحسه صغير بعيوني\.\.\. صغير لأنّه خيّب ظن قلبي بيه\. بصوت هادي، بس بكل وجعي: : كافي، عُمر\.\.\. ما أريد من عندك لا تفسير، ولا ندم\. بس أريد كرامتي ترجعلي، بالورقة\. هز راسه بنفي عمر : لااا روح\.\. مصطفى بعد ماسمع كلامنا نهض وكأنه متحمل ونفجر: مصطفى:\.\.\. كافي، بعد\. ما يجوز تراهن على حبك وتتغافل عن وجعها\. مو كل تضحياتك تمسح الغلط\.\.\.كل هل فترة متزوج وساكت حضرتك من تخلف تجي تخبرها هاي خيانة والخيانة مالعا تبرير وكل شي صار بيها بسببك وبسبب امك\.\.\. صاح ابو محمد : مصطفى مصطفى : بوية هاي الحقيقة\.\.\. روح الزهراء وصلت الموت بسببهم سكت ، وجهه نزل، ما عرف يجاوب\. رجع ابو محمد ناظر لهم ابو محمد : ابو عمر سمعتو قرارها\.\.\. واني وياها وموافقها\.\.\. مثل ما احنا وافقناها وكفنا وياها من ختارته\.\.\. أطلب منكم طلگونها وتخلص هل مشاكل هنا مثل ما دخلنا بالمعروف نطلع بالمعروف عمر : ماطلكها ما أكدر، ولا أقبل، ولا حتى أتخيل\.\.\. روح، هذا مو حل\. أني مستعد أصلح كلشي، بس لا تطلبين منّي أختمها بـ"ورقة"\. علي الاكبر : شنو تصلح؟ فهمني؟\.\.\. اذا تحبها وماطلكتها اليوم باجر بعد الزواج تكرهكم بعيشتكم\.\.\. تخليكم تسبون اليوم اللي كملتو ومافترقتوا بي أبو محمد: بوية\.\.\. الطلگ مو نهاية، بس يمكن يكون بداية راحة إلها\.\.\. وإلك، إذا فعلاً نيتك طيبة، خليها ترتاح\.\.\. حتى لو بدونك\. ستأذن منهم قربلي لزم ايدي عمر : تعاي احجي وياج : ماعندي حجي وياك\. صاح وسحب ايدي بقوة عمر : روووح\.\. نهضني مشا ساحبني طلعنا من الاستقبال للحديقة ترك ايدي تكلم بحركة عمر : لا تطلبين الطلاگ لأني ماراح أطلقج\! ما أطلگ روحي، ما طلگ زهرتي ماتكلمت قرب لمس وجهي بكفوف ادي عمر : تردين تموتين\.\. ولج والله اموت من دون عيونج تكلمت بخذلان واني اشوف عيونه : ياريت\.\. ياريت خليتني أموت بسحرها عاد أموت مرة وحدة\.\.\. بس فعلك هذا وزواجك\.\.\. غصيت العبرة خنكتني بعدت عنه خطوة للخلف تابعت : زواجك\.\. خذلانك\.\.\. يموتني الف مرة نزلت راسي تابعت : شلون كدرت كل هل فترة تخدعني والله العظيم حبيك\.\.\. ماحسبت يجي يوم وتخذلني\.\.\.\. اصيح بين أهلي اثق بي\.\. عُمر يحبني\.\. ضحكت بستهزاء ؏ نفسي : بس عُمر؟ طلع متزوج قربت خليت كفوفي ؏ صدره دفعته : ماكسرت خاطرك؟ ماكلت خطية؟ ضربته ؏ صدره أبجي بحركة گلبي اصيح بوجع : مأكلت خطية وانت تشوفني أحجي بزواجنا؟ واسألك شنو أسوي؟ ماكسرت خاطرك من ختاريت فستان العرس؟ شلون كدرت تظم هيج شي عني ليش،\.\.\. ليش ماكلت متزوج؟ حاول يلزم ايدي أني بس ادفعه رجعت دفعته بقوتي المنهارة : اكيد تشوفها\.\.\.\. تحجي وياها\.\.\. وبكل وقاحة تحجي وياي\. مسح وجهه بحسرة، عيونه احمرت، بس ما نزلت دمعة، بعده متماسك\.\.\. بالعافية\. بصوت متكسر: عمر : ما شفتها\.\.\. ما حجيت وياها\.\.\. بس أمي\.\.\. أمي خنكتني، حاصرتني\.\.\. الحل الوحيد\.\.\.لو ممسوي ترحين من بين إيدي\. ضحكت بستهزاء : بالحالتين رايحة ضرب صدره بكف إيده بقهر عمر: أقسم بالله ما لمسها حتى ظلّي\.\.\. ولا نطيت كلمة\.\.\. ولا ناديتها "زوجة"\.\.\. كلشي، كلشي بس الخاطرج\.\.\. رجع لزم ايدي عمر: أحلفچ\.\.\. لا تكسريني أكثر\. بس كوليلي شتريدين؟ مستعد أسوي كل شي بكلمة من عندج\.\. شوفي أطلكها\.\.\. أكيد راح توافق من وتعذني من احجيلها الحقيقة وبعدها نطلع نسافر اني وياج اعوف الدنيا والبيها الخاطر عيونج\.\. بس لا تكولين "طلكني" سحبت أيدي من أيده : شكد بعد لازم أتحمل؟ سحر؟ زواج من وراي؟ خوف؟ بهالسهولة تأذيني بحجة "تحميني"، فشلون تعيش وياي سنين؟ شلون تأمنّي متسوي سحر ؟ تراجعت خطوة، ثبّتت نظرتي بعينه: : لا تطلكها، عُمر\. بلكي تحبك، وتستاهلك\. بس أني؟ أني طلعت أقل من گلبك\.\.\. من اختيارك\.\.\. نزلت راسي بلعت ريكي : أمك\.\.\.\. أمك ستكثرتك عليَّ\. بسرعة سحبني الحظة لف أديه ؏ ظهري قيدني بحضنه بقوة\.\.\.\. راسي ؏ صدره متقاومت هو يردد يوجع عمر  : أضربي، سبي، أشتميني\.\. مسموحلج\.\.\. ولج روحي عذبيني بس لا بفراكج تكتليني\. ردته بهذا الساعة ميعوفني ابد ردت يبقى أللي، يبقى حاضني\.\. كل شي بيه يصيح لتعوفني له اللساني ينطقها غمضت عيوني ردت يكون هذا حلم وعُمر ممتزوج ردت اصحى وأشوف نفسي أجهز للعقد\.\.\.\. حتى نجهز حياتنا، بيتنا، نسوي كل شي رسمنـا بحب بس أجت صورتها هي ويا حاولت يفلتني لزم وجهي عمر : لتسويها\.\. لتكوني أنتِ اللي تذبح هالحب بيدج\. رفعت عيني له متروسه دموع ماتحملت اقاوم خانتني نبرت صوتي ودموعي الغصه تارسه روحي لمست وجه أحجي ودموعي تنزل : عُمر\.\.\.\.\. والله أحبك بس مااكدر\.\.\.\. ماكدر أشاركك ويا حتى لو ؏ ورق هي شاركتني بيك\.\.\. فكرت أني لك\.\.\.\. وانت أللي رسمنا حياتنا، رسمنا كل خطوة سوه فكرنا بكل شي يخصنا احنا الاثنين وبس شهگت شهگة صغيرة مكتومة، نزلت كفي من وجهه، وكملت بصوت مهزوز: : حتى لو نجبرت\.\.\. حتى لو گلبي بعده يركض إلك، وأحبك بس نفسي؟ نفسي متتقبل\.\.\. نزلت عيني بالأرض: : تدري شنو يعني أگعد كل يوم وأعرف أكو وحدة غيري\.\.\. تشترك وياي بيك، حتى لو بلا شعورك، بس وجودها وياك، كافي يموت شي بداخلي شوي شوي\. رفعت راسي ودمعة علگت بزاوية عيني : أذا تحبني طلگني\.\.\. حررني منك\.\.\.\. رجعلي كرامتي\.\.\. الفرق بيني وبين عُمر\.\. هو يصيح لا بقلب، وللسان\.\.\.\. أني كل شي بيه يصيح لا بس الساني يكول أي عقلي يكول ردي كرامتج\.\.\.حتى لو ستمريتي أخرتنا أنفصال لزم ايدي تكلم بقهر عمر : لا بالله عليج لاااا\.\. بتسمت ودمعتي تارسة عيني، كملت بخفوت مؤلم: : إذا الله كان يريدنا نكمل\.\.\. كان جمعنا بدون شرط ومساومة وسحر\. "ويتعلمون منهما ما يفرّقون به بين المرء وزوجه\.\.\. وما هم بضارّين به من أحد إلا بإذن الله" يعني حتى السحر، ما يفرّق إلا إذا الله أراد\.\.\. بس ربي ما يظلم، وأني ما أظنّه أرادني أتأذه\.\.\. يمكن أرادني أتعلم أختار نفسي، قبل ما أضيع بأحد\. تجمد بمكانه، شاحب، مبهوت گأن روحه طلعت من جسمه\.\.\. عمر: روح، لا تروحين\.\.\. مو هيج تنتهي الأحلامنا\. :بالعكس أوقف الحلم، قبل لا يصير كابوس\.\.\. نزلت راسي : ممكن تسوي سحر تخلينا نكرها بعض، او ممكن تسوي العكس وتخليني بنفس وضعك وتخيرني بين حياتك وبين فراگك؟ اختصرها وأنهي كلشي واختار حياتك وكرامتي\. تجمد، عيونه توسعت، كأنها تستوعب فقد، مو لحظة\.\.\. لا، فقد عمر كامل چان يحلم يعيشه\. يعرف كلامي صح" ماتكلم لان قراري ثابت" الفيت ظهري مشيت بس كل شي بيه يصيح أرجعي" بنفس الوقت أعرف اذا رجعت راح ثنينا ندمر أكثر\.\.\. دخلت للبيت أمي منتظرتني بالمطبخ قلقها وخوفها بعيونها فاطمة: ماماتي\.\.\. : لتخافين زينة\.\.\. مبية شي اجه علي الاكبر بسرعة ضمني الصدره بحنية\. علي الاكبر : زهورتي\.\.\. خليج قوية ماكو أهم من صحتج\.\.\.\. وكرامتج\. بعدت عيوني غركانه بس ماطاحت دمعتي بتسمت بصوت مكسور : من اتخذ من الامام الحسين قائداً وملهماً، لا يكترث لكثرت الاعداء همست بصوت مسموع موجع : بِسْمِ اللَّهِ مَجْرَاهَا وَمُرْسَاهَا هز راسه علي الاكبر : هاي بنت علي\.\. لبوة علي ماتنكسر؟ هزيت راسي لغصه خانكتني : ماتنكسر\.\. ناظرت أمي عيونها تبجي نزلت راسي : علي \.\.\. خلي يطلكني هسه علي الاكبر : اللي تردي بجرالج لا عيب ولا حرام\.\.\.وانتم بفترة خطوبة وتعارف وماتفقتوا لا اول ثنين ولا اخرهم رفعت عيني له، لأول مرة حسّيت الحمل يخف\.\.\. مو لأن الوجع راح، بس لأني مو وحدي\.\.\. ظهري مسنود، وقراري محترم\.\.\.\. هل شي زاد ثقتي بقراري\.\. علي الاكبر: روحي جهزي نفسج هزيت راسي بأيجابية طلعت هو دخللهم سمعته تكلم بحدية وثبات: علي الاكبر:طلّگها\.\.\. وخلّ تروح بـراسها مرفوع\. هي ما دنست العِشرة\.\.\. بس انظلمت بيها\. صعدت الدرج بخطواتي الثقيلة\.\.\. بس كل خطوة،أخطيها اعرف بعدها راح تفتح حلك شامت بس ؏ اقل ماارجع بخذلان أكبر بنفس الوقت كانت كأنها تفك قيد من رجلي\. ما ظل شي من بينّا إلا الذكرى\.\.\. ووردة يابسة، انغلق دفترها\. فتحت الكنتور شفت قاط العقد الابيض بعده بعلامته المفروض باجر ألبسه\! ليش هيج سوت؟ ليش لونت بياضي\.\. بسواد حقدها؟ مددت إيدي، لمست القماش الناعم\.\.\. چنه جلد حلم انسلخ مني بصمت\. رجعته بالكنتور، وسديته\.\.\. مو لأن نسيت، بس لأن القرار خذ مكانه\.\.\. ومكانه ما يضيق\. البست حجابي وعباتي أجت روان بيدها كاست مي روان: عمتي قرأت عليها ايات من القرآن وتراب من قبر الحسين عليه السلام شربي يبرد گلبج\. أخذته شربت مي بارد نتشر بصدري بهدوء رن موبايلي شفتها ام عمر" قبل ماارد تأحمحمت جهزت صوتي رديت بثقة بس والله كل شي بيه يرجف : ألووووو ام عمر : نسيت أكلج قررنا زواج عمر بعد اسبوع الكاس بعده بيدي ترجف شربت ماتبقى منه تكلمت بقوة :مبروك\.\.\.\. استعجلي وزوجي\.\.\. أفرحي بي لان أني كنت شوگه بنص حلگج بصعوبه تخلصتي منها\. سكتت شوية بنبرت خبث وسخريا حاولت تقلل مني ام عمر : ؏ اقل اختاريتله من ثوبه\.\.\. بثقة : زين تسوين لان ثوبج مرگع ضروري تسدين الرگعه بالونها حتى يتغطى عيبج عصبت لا تنرفزت ام عمر :ممرباية\.\.\. اد\.\.\.\. كطعت كلامها :عندي أستعداد أربيج واربي عشرة مثلج\. سحبت نفس جلست ؏ سرير كملت : اكدر أسوي مثلج وانزع اخلاقي واسويلج سحر والي سويتي بيه اضاعفه عليج بالف هي ساكته ناظرت الخط بعده مفتوح كملت بنفس النبرة: : أكدر اظل ويا\.\.\.واكعد وياج وقسمًا بعزة لله وجلاله بكلمة مني\.\.\. كلمة وحدة أخلي يذبوج بدار العجزة رجعت ناظرت لخط بعده مفتوح بس نفسها اسمعه : بس تعرفين شنو الفرق بينا؟ مو فرق مذهب ابدد فرق اخلاق\.\.\. خليني اكولج شي وخلي حلقة باذنج\.\.\. عُمر يموت وماينساني\.\.\.\.\. راح يشوفني كل ماينظر بوجهج\.\. راح يشوفني بلي تسميها زوجته\.\.\. راح يشوفني حتى وهي تمشي كدامه، لأن روح الزهراء\.\.\. ما تنمحى، ولا تنعاد\." هي بعدها ؏ خط رادت تحجي سديته بوجها وطلعت السيم وفرمتت الجهاز حتى ارجعة الابنها سديت آخر باب يربطني بيهم\. فرمتت خاف يشوف كلامنا وصورنا مااحرمه بس مني حتى من الذكرى\.\.\. كملت البست عباتي ونزلت نطيت الجهاز العمر بدون مااناظر عيونه مااخذه بس يردد اسمي تخطيته نطيت الجهاز الابو اخذت ايده اقبلها سحبها رجع  قبل راسي : عمو سامحني اذا فد يوم غلطت بحقكم بقصد او من دون قصد\.\. سامحني وخبر الولد والبنات يسامحوني \.\.\. ناظر العُمر تكلم بحسرة عماد : اليوم خسرت بنتي بسببها\.\.\. ضيعت زهرتك\.\. بسببها\. ابو محمد : كلشي قسمة ونصيب\.\.\. ونصيبهم مقدر ومكتوب\.\. سكتو بس عُمر\.\. مانزل عينه مني\.\. هزهم صوت علي الاكبر  وهو يرد علي الاكبر  : دام بعد وكت اكيد الشيخ موجود يلا نتوكل\. ابو محمد  :يلا\.\.\. بسم لله محد تكلم  \.\.\. طلعو وطلعت بسرعة لان حاول يقرب خفت يمنعني يأثر ؏ قراري بعدت عنه اجه عمر  : روحي\.\.\. زهرتي رفعت عيني له : زهرتك\.\.\. كتلوها\.\. لتتوقع سهلة عليَّ أطلگ\.\.\. لا مو سهلة ولا سهلة\.\.\.تتزوج عليَّ أني شفت الخيانة والخذلان\.\.\. من شخص كنت اتفاخر بي\.\.\.\.\. أسأل نفسك شلون راح تواجهه الناس؟\.\. هاي عندي أصعب من وجع السحر\. قبل ميحجي صعدت ويا علي الاكبر سديت الباب عمو ويامصطفى وابو عمر هو يسوق لان أعرف عُمر ماكان عنده طاقة يركز مشينا سندت راسي ؏ جامة ماحسيت بالوقت له احنا باب المحكمة اللي لمفروض نعقد بيها نزل علي الاكبر فتحلي الباب مقابيل المحكمة مكاتب زواج وطلاق لزم ايدي دخلنا بس الشيخ موجود سلمو نهض سلم عليهم وجلسنا الشيخ: تفضلو\.\. شنو طلبكم؟ علي الاكبر  : طلاك\.\.\.\.   هم مخطوبين وما توافقو خلافات عائليه\.\. وخلافات بينهم شافو الطلاك انسب حل حتى محد يأذي الثاني اكثر\.\. عُمر جلس مقابيلي بالضبط وعلي الاكبر جنبي اخذ اسماءنا ناظر العُمر الشيخ: زين أولادي\.\.\. حتى نمشي بالإجراء الشرعي، أحتاج أسألكم شغلتين مهمّات: ينظر لـ عمر: الشيخ: صار دخول؟ يعني صارت بينكم علاقة زوجية؟ خلوة تامة؟ لمس، أو أي شي يدل على الدخول الشرعي؟ هز راسه بثقل: عمر  :لا شيخنا، والله ما صار شي\.\.\. لا دخول، ولا خلوة، حتى ما لمستها\. الشيخ ينظر لعلي الأكبر: الشيخ  : والمهر؟ رجعتوه؟ علي الأكبر: إي، رجعناه كامل\. الشيخ يهز راسه تأكيدًا: الشيخ  : زين، دام ما صار دخول، والزوجة ما تطلب خلع، راح نسجّل الطلاق طلاق بائن قبل الدخول\. هذا النوع من الطلاق ما بيه رجعة، وماكو عدة على البنية، وتمّ إرجاع المهر، ويُشهد الحاضرون على صحة الطلاق سكت يدون بالاوراق بعدها طلب شهود ثنين عمو ابو محمد وابو عمر سجّل أسمائهم\. بعدين نظر لعُمر بنبرة جادة: الشيخ:رد الصيغة الشرعية\.\. زوجتي روح الزهراء بنت علي\.\. طالق" نزلت عيني بس الحلقة بيدي افر بيها ماعندي القدرة اشوفه بس غمضت عيني من سمعت تكلم بصوت مرتجف، لكنه واضح: عمر  : زوجتي روح الزهراء بنت علي… طالق\. سكتت الدنيا\.\.\. قبل ماتزل دمعتي مسحتها ونزعت الخلقة الشيخ: تمّ الطلاق… طلاق بائن قبل الدخول\. ما عليها عدة، والرجعة غير جائزة إلا بعقد ومهر جديدين\. نهض علي الأكبر، حط إيده على ظهري همس: علي الأكبر: يلا زهورتي… خل نطلع\. صاح علي الاكبر  : مصطفى اخذها للسيارة نهضت بهدوء لميت عباتي بيدي\.\. تحتضن حزني بس مشيّت رافعة راسي بثقة بس اني متحطمة منهارة\.\.\.\. وكفت بالباب طلعو قربت العُمر اللي السانه نربط بس شافني كدامه عيونا حجت كل شي ماطولت بس بسطت كفي قدمتله الحلقة بلعت ريكي وعيني عليها : اخر ما تبقى\.\.\. رفعت عيني له تكلمت بغصة خنكتني : سامحتك\.\.\. الله يشهد سامحتك دنيا وأخرة بلكوة كملت العبرة تكسرت بصدري : وعد راح ادعيلك ربي يسعدك\.\. ويديم زواجك منها\.\. وبعد عنك اللهم اخذها تكلم بصوت مبحوح عمر  :"ما أستاهلج\.\.\.\. والله ما أستاهلج بس\.\.\. إذا كان للوجع ثمن، فـ أني دفعت أكثر من عمري بخسارتج" ما جاوبت، لأن ما بقى شي \.\.\. لأن الوحدة مرات تكون أنبل من البقاء بمكان يوجع\. خطيت خطوة\.\.\. خطوة واحدة، بس كانت كأنها مسافة عمر\.\.\. ما سمعت صوته، ما سمعت اسمي، بس حسّيته ينكسر وراي، وما التفت\.\.\. لأن حتى الانهيار صار لازم يصير بكرامة\. صعدت  السيارة، سدت عليّ الباب علي الأكبر، بس حسّيت كأن العالم كله انسد وراي\.\.\. وبقيت أنا ووجعي\.\.\. وربي اللي أحنّ عليّ من كل شي\. رجعت للبيت بس دخلت شفت فدك الزهراء منتظرتني بالحديقة بش شافتني ركضت حضنتني نهاريت بحظنها ماعندي قوة اوگف جلست بالارض منهارة حضنتني أبجي بصوت عالي صوت فاكد عزيز تحاول تهديني : ولج فدو فاز سحرها وخسرت حبيبي \.\.\. عُمر مو بس طلگني\.\.\. ولج فدو متزوج عليَّ ضربت وجهي صارت تبجي وياي تحاول تخفف وجعي بس صوتي يسبقني : ولج\.\. ولج تكول حددت زواجه بعد أسبوع \.\. يزفوا\.\.\. ولج حبيبي صار عريس بس مو اني عروسته امي اجت اني ؏ كعدتي لزمت ايدها صرت احجي بلا وعي وكل جسمي يرجف : ماما والله عدها استعدات تكلي تعاي\.\. تعاي حضري الزفة\.\.\. عدها ستعداد تخليني وتربطي بغرفة وياهم بيوم زواجهم بس حتى تحرك روحي\.\. ظليت أبجي لحد ماخلصت دموعي وطاقتي خايت راسي بحضنها والشمس تضرب راسي والارض حارة فدك صاحت علي الاكبر  اجة شالني بين اديه\.\.\. فدك الزهراء  : صعدها لغرفتها\.\. صعدني كأن شايل الجثة بين اديه ماعندي روح نيمني ؏ سرير ماتحركت بقيت فاتحه عيوني مركزه بالسقف\.\. ماتكلمت بعدها ولا حرف شكد حاولو يوكلوني يحجون وياي ماكدر انطق\.\. بس ابلل حلگي بمي للعصر قريب المغرب أجتني اول ضربة\.\.\. من أقرب ناسي\.\.\. هم اول شماتي\.\.\. سمعت صوت هلاهل وفدك تصيح نزلت اركض ؏ درج شفت نور الزهراء بيدها جيس جُكليت بس شافتني هلهلت واخذت الجُكليت ضربتني بي متقصدة شمرته ؏ وجهي وحدة طفرت ؏ عيني جدحت ضميتها صارت تدمع بس مسحتها رفعت راسي لها وأني أحجي النفسي : اذا اللي نطيته گلبي وروحي اللي عارضت الكل الخاطرة\.\.\.خاني وخذلني مااعتب عليها\.\. ريــم" إجت أمي من بيت بكر تضحك ام عمر  : جهزو نفسكم الاسبوع القادم عرس عمر\.\. فتحت عيوني بس ما حجيت شي لان واضح هي عافت كل شي وركزت بعمر وجهزت كل شي وطلعت كل هل وقت ترتب حتى يتم الزواج لليل أجه عمر وابوي بس عمر خطواتة ثكيلة بلكوة رجلي شايلته علي  : شكو صاير رحت لزمت عمر مستغربة وضعه ريم  : عمر\.\. شمو؟ روح زينة؟ هز راسه بنفي وعيونه دم بس مابيها دموع بصوت وملامح منهار عمر  : طلكتها\.\. ضربت أيدي ؏ حلكي بقوة من الصدمة ماعرف ليش وشلون\.\. شفت امي تتبسم بشماته رديت ريم  : حرام يمه\.\.\.\. والله حرام كسرتي كلبها يتيمة قهرتيها\.\. عافتنا وراحت عماد  : خليني اطلكها هل\.\.\.\. ستغفر الله وأتوب اليه عمر  : اذا تأذيها\.\. راح ترجع تأذي روح الزهراء وتحرگ گلبي أكثر من هيج\.\.\. عوفها الخاطر روح علي  : لاحول ولاقوة الابالله اهلها شنو كالو؟ عماد  : ماكالو تقبلو وحاولو يحمون بتهم من السحر\.\. ريم  : عمر\.\.\. روح الزهراء شنو كالت صار بها؟ تنهد بوجع عمر  : مثل الجبل\.\.\. بس مو أي جبل\.\.\. ضرب ؏ صدره عمر  : واكفه مثل الجبل اللي داخلة بركان\. يتبع\.\.\.\.\. اي سؤال عدكم جاوبه بالقناة وراح تسالون هواي حتى تتضح بعض الامور شتركو بيها تلكوها بالبارت السابق