34⛓️‍💥

بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥 بقلمي روز الحيدري \. التكملة\.\.\.\.\.\. عمر، امي، علي الاكبر ، أني لكل منهار أجه علي الاكبر سند أمي  منهارة أني أتظاهر\. بالقوة بقينا ننتظر أي خبر عنها بس مانطو لان دخولها غيبوبة بدون أي سبب\! هل شي وحدة يحيرهم أمي تعبت فد مرة فدك الزهراء  : ماما فدوة روحي رتاحي وأي شي يصير اخبرج\. تبجي بحرگت فاطمة  : ولج يمةةة بنيتي طفلة ولج شلون ترديني اعوفها؟ بلكت فزت ومالكتني شلون؟ تعرفين روح اول ماتزل تصبح وتبوسني اذا كعدت ومالكتني يمها\.\.\.\. فدك الزهراء  : ماما ليصيرلج شي يروحي\. فاطمة  : أسکتييي\.\.\.\.\. خليني هنا اذا اطلع أموت\. تركتها سندت راسي ؏ حايط بس دموعي تنزل ناظرت، عمر صار بدون وعي مافارك الباب يروح ويرجع  يحجي ويه نفسه وتمتم باسمها فزيت ؏ صوت علي التفت شفته أجه نهضت له منهارة شافني ركض حضني ضم راسي الصدره بچيت بكل قوتي وحركت گلبي ماعندي كل حيل  جلست ؏ ارض وهو حاضني يهدء بيه بصوت مخنوك فدك الزهراء: "علـــــي\.\.\. قتلوها، والله العظيم قتلوها بسحرهم\.\.\. أختي؟ شبيها؟  مثل الورد، كلها طاقة وضحك، بس والله يريدون ينهونها\.\.\. يريدون يخلّوها تنهار\.\.\. الله لا يسامحهم\!" مسگ وجهي يناظر بعيني علي  : فدك، حبيبتي، إهدي\.\.\. ماكو سحر يشتغل إلا بأمر رب العباد\.\.\. نسيتي؟ \(وَإِن يَمْسَسْكَ ٱللَّهُ بِضُرٍّ فَلَا كَاشِفَ لَهُ إِلَّا هُوَ\) واذا يريد بيها خير؟ محد يگدر يمنعه\." هزيت راسي بأيجابية نهضني وهو يمسح دموعي علي  : بس لا تنهارين، لأن روح تحتاج دعائج، مو دموعج خليج قوية\." مشينا سلم عليهم بعدها راخ العمر اللي ماسكن لحظة واي ممرض يشوفه يسأله عنها سلمو على بعض عمر ثبت بس بس يهز برجله بقلق الممر صار هدوء بس صوت أمي يتمتم بالدعاء شوية وكسر الهدوء صوت ركض عمو ابو محمد ومصطفى، وعمتي عمو يركض مفرفح ابومحمد:بنيتي … وينها؟ …وينها؟ تلكا علي الاكبر يهدي بي بس مفاد عمو ريگه ناشف ويرجف بالگوه يحجي ابومحمد  : أريد اشوفها …بابا زهورة ولج بنيتي علي الاكبر  : اهدأ بس اهدأ……هي زينة ان شاءلله ابو محمد: خلوني اشوفها؟ وينها؟ بصوت مخنوك علي الاكبر  : بالــ… بالنعاش  \.\.  عمو وكف كأن الكلمة طن براسه كل جسمه رتخى ماسيطر راد يوكع بسرعة سندو مصطفى وعلي الاكبر جلس ؏ كرسي بالكوه يبلع ريگه عمتي يم امي مصطفى جاب مي شربه مقبل صار يبچي ويضرب ؏ صدره ابو محمد  :"روحي ولج باباتي… عمت عيني عليج… حبيبتي… بنيتي… ولج شفتي من حياتج؟\!\! من صغرج نفجعتي يابويه… ولج يا روح… ما فرحتي، ما تهنيتي… سديت حلگي صرت اناشغ دموعي ماحس بيها طيح مصطفى يحاول بس يهدي رافض عمو مستمر يضرب ؏ صدره ويتكلم بحسرة ابومحمد:  باباتي بسكوته ولج محمد لوعرف\.\.\.\. مصطفى بسرعة سكته عمو وشرب مي هدء شوية ونهض سلم ؏ عمر  المغرب راحو يصلون بالمسجد له عمر  توضى  وكف يصلي  جنب  البـــاب صار يدعيلها بقلب محروگ ردت اروح له رن موبايلي محمد يتصل رديت فدك الزهراء  : الووو\.\. صاح بصوته ملهوف، خايفه محمد  : روحي شبيها؟ بجيت محمد  : ولججج إحجيييي والله راح اموت ولج شبيها؟ فدك الزهراء  : غيبوبة بين المتوسطة والشديدة يعني روح الزهراء صعب تصحةةة محمد  : لا لااااا\.\.\.\. لاااا بسكوتي قوية والله هي قوية أني اعرفها  \.\.\.\. هسه جايها فدك الزهراء  : محمد ديربالك الطريق خطر محمد  : لا كل يوم تجي امدادات بالهلكوبتر تصلو هسه جاين بس يوصلون بسلامه أجي وياهم\. فدك الزهراء  : زين توصل بالسلامة\. نهيت الاتصال شفنا الدكتور لتمينه عليه كل احنا سؤال واحد : شلونها، شنو وضعها؟ الدكتور:بصراحة… وضعها ما مفهوم، كل فحوصاتها طبيعية، دماغها ما بيه أي نزيف، لا جلطات، لا إصابات… بس وعيها مفقود\." بقلق ابو محمد  : لعد شنو سبب فقدانها الوعي؟ الدكتور  : هاي نسميها غيبوبة غير مبررة، ما عدنا تفسير طبي واضح إلها… بس المؤشرات الحيوية مستقرة الحمد لله، يعني جسمها دا يقاوم… بس وعيها بعده ما، رجع\." صمت رهيب سيطر،؏ مكان جلست مثل ممتوقع كسر الصمت بتوسل عمر  : دكتور بس اشوفها\.\.\.\. مرة وحدة\. الدكتور  : بس ننقلها الغرفة العناية الخاصة تكدرون تشوفوها من الشباك ويدخل شخص واحد بس وبهدوء\. عمر  : طبعاً\. راح الدكتور اجت الممرضة نطتني حلقتها وسواراتها روح دائماً تحب تلبس سوارات قبلتهم بدمع\.\. بقيت جالسه ساكته بس گلبي يردد لها دعاء شوية والتمو عمامي كلهم هم واولادهم حتى صفاء يعني نور الزهراء تعرف بوضعها بس ما إجت\.\. بعدها طلعوهم لان الممر صار هوسه علي الاكبر وياهم  أجت الممرضة اخذتنا الممر  كله غرف العناية الخاصة … شفتها نايمة والاجهزة محاوطتها عمر قرب ؏ شباك يحجي وياها الممرضة  : شخص واحد يدخلها\. فدك الزهراء  : عمر …خطيبها خلي يشوفها\. قربت له فدك الزهراء  : روح شوفها\.\.\.هي تحبك بالكي اذا حست بيك تنطي رد فعل هز راسه عمر   : ان شاءلله … تسمعني لان تعرف ماكدر بدونها\. راح يلبس الكاون، واقي طبي معقم، فوق ملابسه\. لبس الكمامة، غطّى شعره بالقبعة، لبس الغلافات بيديه، وكلشي بيه يرتجف… الممرضة فتحت الباب بهدوء، أشرّت له يدخل، وگالت بصوت واطي: الممرضة: خمس دقايق بس… بدون أي لمس مباشر\. دخل بخطوات مترددة، عيونه تدمع، وكل خطوة تگطع من روحه گطع… شافها، نايمة بهدوء، وجهها شاحب بس بعده نفس وجهه الحلو، مغطي بجهاز التنفس، والأسلاك محاوطة جسمها، ماتحمل لف بسرعة ضم وجها يبچي ثواني مسح عيونه رجع لف عليها  قرب لها وقف، جنب سريرها قرب أكثر يحجي وياها اني واكفه ؏ شباك المراقبة ادعي بس تنطي ردت فعل  … بس ماكو أي رد خلص الوقت طلع عمر منهار اكثر نز؏ الكاون بقهر، يديه ترجف وعيونه متفيجة، كل التعب اللي ووقف لحظة يسند راسه على الجدار، كأن الدنيا كلها تدفنه بثقلها\. أنا بعدني واقفة أباوعله من بعيد، دمعتي تنزل، وما أگدر أوصل له، هو بحالة ما توصف، مو بس قهر\.\.\. حزن، خوف، ونار بقلبه ما تنطفي\. قرب الشباك المراقبة سند جبينه يناظرها\. مرّت دقائق ثقيلة، ما بيها غير صوت الأجهزة ونبض قلبي اللي دا يدعي بكل نفس إلها\. فجأة، وأنا بعدني واقفة، لمحت شي غريب\.\.\. چان ظل رمش خفيف من عين روح الزهراء، كأنها حاولت ترفع جفنها للحظة، بس سرعان ما رجع ينغلق\.\.\. كأنها بين بين، تحاول\.\.\. بس بعدها ماگدرت\. ما چنت متأكدة، حتى شكّيت بنفسي\.عمر لتفت ألي عمر  : شفتي الشفته؟ هزيت راسي بأيجابية ركضت للممرضة بكل لهفة، فدك الزهراء \(بصوت متوتر\): أعتقد حركت عينها\.\.\. يمكن لحظة\! شوفيها بالله\. ركضت الممرضة ويّاي، دخلت بسرعة، چيكت الأجهزة، چيكت استجابتها، وأنا وعمر واكفين ننتظر \. طلعت الممرضة من الغرفة، كانت هادئة بس عيونها بيها اهتمام\. الممرضة: هاذي ممكن تكون حركة لا إرادية، أو بداية تحسن بسيط\.\.\. ما نكدر نجزم، بس هي علامة مبشرة\.خلينا نراقبها أكثر، وإذا تكررت نبلغ الطبيب فورًا\. أني تنفست بصعوبة، بس قلبي بدا ينبض أمل\. عمر چان بعده ثابت مكانه، عيونه ما فارقتها، كأنه كل الدنيا اختصرت بنظرة إلها، وكل أحلامه معلقة بجفنها اللي تحرك للحظة\. قربت له، خفت أنكسر بس كنت أحتاج أكوله شي\. فدك الزهراء: يمكن حست بيك\.\. مسح عيونه وهو يهمس بصوت مبحوح\. عمر : إذا هاي أول خطوة للرجعة\.\.\. أني راح أبقى للخطوة الأخيرة\. رجعت عيوني عليها، وكلّي أمل\.\.\. يمكن ما جاوبت عمر هالمرة، بس يمكن كانت تحاول\.\.\. ويمكن تحس بيه، وبينا، وبدموعنا كلها\. أجت أمي وعلي الاكبر عمي ومصطفى ماخلوهم يدخلون شوية وطلعو اجه عمو شافها بس دموعه تنزل الممرضه هم طلعتهم ضلينا \. خلص الليل وماكو أي خبر وضعها نفسه…عمر ماتحرك من الشباك وعيونه عليها يخاف يرمش الصبح عفته وطلعت شفت أمي وعمتي دخلو لها بعدها طلعت للباب شفت علي علي  : حبيبتي روحي رتاحي تعبتي حتى عمتي تعبت اخذيها وروحي\. فدك الزهراء  : لا علي ماعوفها مااتحرك ولا أطلع من الباب له روح وياي\. علي  : بس هيج تعبين فدك الزهراء  : راحتي يمها حتى امي خلونا يمها احنا بخير  \.\.\.\. عمي وين؟ علي  : خلصو الليل بالمسجد ماقبلو يدخلوهم فدك الزهراء  : اريد چـاي أللي والعمر الولد ماغمضت عينه\. علي  : الله يكون بعونه \.\.\. زين رتاحي هسه أني أجيب فدك الزهراء  : خليني أجي وياك\. علي  : يله مسك كف أيدي مشينا\.\.\.\. شفت محمد ركض خطواته كانت تسبق ظلّه، ضابط متعوّد على الميادين، بس اليوم قلبه مو ثابت… اليوم مو واجب، اليوم روح، واليوم خوفه مو من رصاصة… خوفه من نبض يوقف\! دخل من باب الطوارئ، وجهه مشحوف، وعينه تلتمس وجوه الناس بلهفة، يدور بس على ملامح وحدة\. لبس العسكري، بس ملامحه تشهد إنه مو جاي كضابط… جاي كـ مُحب ما مسموح له يحب\. صحت فدك الزهراء: "محمد؟ جيت؟" بسرعة أجه، لهفته تسبق لسانه: محمد: "وينها؟ شلونها؟ بعده نفس الوضع؟" چفوفه ترجف خفيف، بس خبّاها بظهره… مايگدر يصرّح بشي، بس كل تفصيلة بوجهه كانت تصرخ: "أني أموت وهي نايمة\!" فدك الزهراء  : اهدأ ماكو شي ؏ وضعها\. زفر نفسه بتعب بعدها سلم ؏ علي محمد  : أكدر اشوفها؟ فدك الزهراء  : عمر، شافها وامي بالليل شافتها، بس تكدر تشوفها من شباك المراقبة هسه راحو لها\. محمد  : وينها؟ علي  : فدوكه روحي ويا واني هسه اجيب اللي تردي\. فدك الزهراء  : تمام تحركت ويا محمد، خطواتهم سريعة بس ساكتة، كلشي بيه يبين مشتعل\.\.\. صدره يعلو وينزل، وصوته مخنوق، كأن كل شي مأجَّل إلا لحظة يشوفها\. وصلناا عمر وعلي الاكبر ماكو بس أمي وعمتي موجودات سلم عليهم\.\.\.\. قرب للشباك\.\.\. محمد ثبت مكانه، كأنه نسى يتنفس، عيونه التصقت بجسدها المسجى بهدوء\.\.\. عضّ شفته السفلى يكتم بيها الصرخة اللي من أيام تحوم بحلگه\. بهمس كأن يحجي وياها وبس هي تسمعه محمد :مو عدل خاطرت بگلبي ومشاعري بس حتى مااشوف أذيتج … كم مرة نجيت من الموت\.\.\. بس أول مرة أحس بروحي تطلع بدون طلقة إني نطيت سعادتي وروحي لغيري " باوعتله، بس ما حجيت\.\.\. سكتت، احترمت اللي يضيع بين الحب والكتمان\.\.\. لأن هذا هو محمد، يحبها بصمت، ويذوب كل يوم وهي ما تدري\. رجع تكلم محمد  : بسكوتي قوية ماتنكسر\.\.\. يله بس كومي حتى لو مو أليه مااريدج تحسين بيه\.\.\. بس اريد ضحكتج وعيونج ادفع عمري مقابل سعادتج وعافيتج يبلع ريگه، عيونه معلكه بيها محمد  : حتى لو ما چنت صفحة بحياتج، يكفيني أعرف إنچ بخير\." امي وعمتي جالسات عمتي تقرأ قرآن وامي تسبح\.\.\. شفت عمر وعلي الاكبر أجو ننبهت محمد بعده غارگ بحزنه وعيونه عليها تكلمت بصوت مقصود اريد محمد يحس\.\. فدك الزهراء  : هاا عمر  \.\.\. شصار؟ محمد سمع اسمه، كأن الحرف صكّه… لف وجهه بسرعة، سحب التعب من ملامحه، شد حركته، ووگف عدل، ضبط نفسه بهدوء، بخطوة وحدة انسحب من يم الشباك، وكأنه بس ضابط يؤدي واجب، مو قلبه يذوب وياه كل نفس تطلعه\. قربو سلمو ؏ بعض برسمية فدك الزهراء: شصاير؟ تكلم بحسرة علي الاكبر  : ماكو بس سالنا الدكتور اذا نكدر ناخذها للخارج  \.\. يعني خاف هنا محد يعرف وضعها ويشخصه محمد  : وشنو كال؟ علي الاكبر  :دز تقاريرها الدكتور\.\. نفس الكلام\.\.\. كال ماكو داعي وضعها مستقر ننتظر بس تفيق او تنطي اشارة عمر تركنا ورجع للشباك محمد جلس جنب عمتي شوية وطلع بعدها طلعنا بس عمر وعلي الاكبر ظلو يمها \.\.\. أجه علي بيده صينة جاي علي  : مقبلو يدخلون اكل ممنوع تعالو برا تريكو فاطمة: ماللي نفس شلون ابلع الگمه وهي نايمة لا اكل لا شرب فهموني؟\!\! علي  : عمه هسه ضغطج ينزل لازم تتقوين الخاطرها روح ماترضى عليج هيج تسوين فدك الزهراء  : اي ماما كلام علي صح يله انتِ وعمه\.\.\.\. فدوة لا تعترضون علي قنعهم واخذهم للمطعم تحت علي  : وانتِ هم يله\. فدك الزهراء  : روحو هسه بس اشوف محمد وين\. علي  : طلع بالحديقة فدك الزهراء  : تمام حبيبي هسه اجيكم اخذت چايين ورحت عيوني دور شفته جالس قربت بهدوء شفته محني راسه سمعته يرد بصوت واضح بس مخنوك محمد  :صح كلامج والله صح\.\.\. قربت أكثر ببطء شفته ماسك جبينه بيد وأيد الثانية فاتها بيها صورة روح الزهراء بهامه يمرر ؏ وجها يتكلم وياها\.\.\.\. فتحت عيوني اول سؤال؟ "شلون وصلت بين اديه؟" تابع بنفس النبرة محمد  :ضيعتج وضعت\.\.\.\. أستاهل اتعاقب لان ماسمعت الكلام\.\.\.\. ماتوقعت بسكوتي تضيع من بين ادية ماسمعت ابوي من كال لاترسم القدر لله بس عاندت\.\.\.\.\. وانتِ دفعت الثمن سكت ثواني تابع محمد  : بسكوتي  \.\.\. والله گلت ماارجع خاف ارجع واشوفج عروس\.\.\.\. ماتعرفين صار بيه بيوم عقدج ولج وصلت الموت تمنيت أموت والله الموت مايوجع مثل فراگج\.\.\.\.\.\.\. هسه قابل والله ازفج بيدي بس رجعي\.\.\. شوفيني ضحكتج والله أني بيدي ازفج أنتِ حبيبتي وعشگ عمري ولج بنص الحرب وافكر بيج والله شفت عيونج الحلوه بالسما وقتها وقتها صار بيني وبين الموت خطوة ومافكرت لا ب أم، لا اب، لا اخ، لا اخت حتى بنفسي ما فكرت بكد مافكرت بيج ـــ راجعت خطواتي للخلف اخر شي محمد  : ولج گد ماجنت اكول للناس أني بخير جنت اختنگ أموتتت وعيونج أموووت فدك الزهراء بس بتعدت مااريده يعرف أني اعرف بمشاعره الروح الزهراء "رجعت شفت عمر بالباب توترت فدك الزهراء  : شنووو روح شبيها؟ عمر  : لتخافين ماكومبيها شي بس أبوي وأخوي اجو طلعتلهم\. رفع أيده لوح الهم\.\. اجو ابو واخوانه ثنين علي، وعثمان … سلمو بعدنا واكفين اجه محمد سلمو ودخلو يشوفوها اني رحت يم علي،وأمي بالمطعم \. \. \. \. \. " ريـــــم" بعد ما رجعنا كنت فرحانه لان شفت روح رغم وضعها تعبان بس فرحت بشوفتها فرحني ماتمت بعد العشا نتصل بعمر  ميرد لليل يالله رد وخبرنا روح الزهراء  دخلت غيبوبة الوضع تلخبط الحزن خيم علينا ابوي الصبح هو واخواني راحو امي صارت بقلق كل شويه تتصل تطمأن عليها أني بكل صلاة ادعيلها، مرام، جيهان كلش نقهرو لان فعلاً روح الزهراء تستاهل كل خير شلون هيج فجأه توگع لليل رجعو تلكيناهم ام عمر  : ها شلونها؟ عماد  : بس النفس يصعد وينزل\. صارت تفرك بكفوف اديها وترجف ام عمر  : شنو\.\.\. شنو كال الدكتور؟ عماد  : كايللهم غيبوبة غير مبررة ميعرفون سببها\.\. ام عمر  : عمر  \.\.\. عمر شلونه؟ علي  : اذا صارلها شي لاسامح الله عمر يتخبل\. ام عمر  : أسم الله\.\.\. عثمان  : اي والله يمه عمر منتهي ثقي بالله صاير جثة بلا روح بالكوه تطلع الكلمة من حلكه ريم  : ليش اجيتو لمفروض تبقون\. عماد  : ماقبل اخوها شكد لحيت بس رفض محد  يكدر يشوفها بس من الشباك\. ريم  : الله يشفيها الكل :: اميين يارب العالمين رجعت صعدت مثل كل مرة التهي اقره لو اتصفح… نسيت الشاحن بالصاله نزلت بعدني ؏ درج الصاله ظلمه سمعت امي تحجي بس الصوت مو من غرفتها وكفت شفتها واكفه المبايل بأذنها ظهرها اللي قربت ام عمر  : معليج والله العظيم يوافق اني أعرفه  \.\.\.\. بس أسمعي سوي مثل ما كتلج والباقي عليه\.\.\.لا موعيب كليلها احنه نحدد الوقت\.\.\. هاي هي ريم  : ماما جفلت ام عمر  : بسم الله  شبيج تتخنسين\. ريم  : نسيت شاحنتي\.\.\. شكو ويامن تحجين؟ ام عمر  : خالتج  رجعت كملت ام عمر  : يله سوي مثل مامتفقين بالضبط، الله وياج نهت الاتصال رجعت الغرفتها  اني هم اخذت الشاحن ورجعت صعدت\.\.\.\.\. \. \. \. \. \. "فدك الزهراء" خلصت ساعات اليوم، وبدت دقايق يوم جديد تمشي ثقيلة، كلشي ما متغير، ووضعها مثل ما هو\.\.\. واحنا ما بيدنا غير الدعاء\. هاي الليلة الثانية كلنا ما شفنه النوم امي والكل ربطو أجهزتهم بالكامرة اللي بغرفتها وكل واحد عينه بموبايله ينتظر أمل لو حركــة عمر بعده ؏ وكفه وحدة عيونه عليها، ما يتحرك، يهمس باسمها، كل ما تمر الممرضة يسألها ويطلب بس يشوفها اخيراً بردو گلبه خلو يشوفها قربت للشباك هل مرة مسك أيدها ويحجي وياها شفته ناظر كف ايدها ورفع عينه ؏ جهاز ضحك رجع يحجي وياها هواي\.\. بعدها قرب لمس وجها ويحجي وياها شفتها حركت راسها عمر بسرعة ضغط الجرس صرخت: فدك الزهراء  : علــــــيي\.\.\. صحـــــــت نهض بسرعة قرب ؏ شباك ويا كلام أجه محمد  يركض بيده المبايل صاح محمد  : شفتهااا تحركت أجو الممرضين والدكاتره  دخلو يشوفوها طلعو عمر بدو يشوفون وضعها رحت فدك الزهراء  : عمر… كول صحت؟ هز راسه بأيجابية ضحك وعيونه متروسه دموع عمر  : اول مرة لزمت أيدي\.\.\. بعدها حركت راسها\.\.\.\. و\.\. وهـسه بدت تگح فدك الزهراء  : الحمدلله يارب الف الحمدلله والشُكر\.\. بتنهد طويله عيونه مافارقت الارض محمد  : الحمدلله ياربي\.\.\.\. الحمدلله طلع الدكتور علي الاكبر قرب له بلهفه علي الاكبر  :شنو وضعها؟ الدكتور  : حمدالله على سلامتها\.\.\. حاليًا صحت بس ضروري تبقى الليله تحت المراقبة حتى نطمأن أكثر\. علي الاكبر  : نكدر نشوفها؟ الدكتور نظر للساعة، بعدها للباب: الدكتور: لا ممنوع أي شخص يدخل جسدها بعده ضعيف صح صحت بس تعرفون اللي يفيق من غيبوبة ذاكرتة تضعف مااريد اجهد عقلها خلوها ترتاح كم ساعة سكت هز راسه بأيجابية علي الاكبر  : ان شاءلله اهم شي صحت الدكتور  : حمدالله على سلامتها هذا اهم شي\. علي الاكبر  : الله يسلمك أجت امي تركض مفرفحة هي وعمه حضنها علي الاكبر  طمنها علي الأكبر : لا تخافين صحت بس لازم تكون تحت المراقبة ، قربت تشوفها من شباك المراقبة\.\.\.\. وعيونها انفتحت على حركة بسيطة، شافت روح الزهراء تتحرك بخفة، راسها يتهز بهدوء\. ابتسمت أمي، ودموع الفرح تلمع بعيونها\. بقينا ؏ وكفه وحدة للصبح طلعوها بالسدية ركضنالها عمر مسك ايدها عمر  : حبيبتي …زهرتي قربت وجها أصفر وشفافها بيض فتحت عيونها بنسبة قليلة كُلش ماتكدر تحجي اخذوها للغرفة الممرضة  : خلوها ترتاح لا تضغطون عليها علي الاكبر  : صار امي قربت قبلت ايدها وراسها فاطمة  : بنيتي يابعد روحي شلونج بلكوه بالعت ريگه نطقت روح الزهراء  : حيــــــدر وين ليش مااجه؟ أمي ناظرت العلي مرعوبة علي الاكبر  : حبيبتي رتاحي گلبت عيونها ؏ علي الاكبر بتسمت روح الزهراء  : قسور مشتاقتلك لكل نصدم من رد فعلها فدك الزهراء  : ماما شي طبيعي متذكر شي\. محمد  : راح تبقى تهلوس وتصحى لمدة يله لتخافون مابيها شي قريت مسكت ايدها فدك الزهراء  : تذكرين شلون وكعتي؟ غمضت عينها تتكلم بتعب روح الزهراء  : علـــــ\.\.\. ـي الاكبـــ\.\. ـــــر دفعني \.\.\. من الدرج وراسي يوجعني\. فدك الزهراء  : تعرفيني؟ روح الزهراء  : فدوكه ضحكت حضنتها بعدت عنها شوية غمضت عيونها طلعو بس عمر،و اني، امي بقينا قرب عمر مسك ايدها عمر  : حبيبتي فتحت  عينها عقدت حواجبها روح الزهراء  : حبك بليس منوين لوين حبيبتك؟ ضحك قبل ايدها روح الزهراء  : فدو هذا شلع گلبي كولي العلي يأدبة\. فدك الزهراء  : تعرفي؟ روح الزهراء  : اممم طالب صني وياي لزگ\. عمر ضحك بعده ماسك ايدها فدك الزهراء  : يعني متحبي؟ رفعت نظرها العمر روح الزهراء  : گلبي مايهوى گلب\.\.\. مابي علي الكرار " عمر مسكها من وجها عمر  : وعلي أحبج بتسمت روح الزهراء  :يااااجذاب ضحك وعينه بعينها عمر  : والعباس أحبج روح الزهراء  : ياجذاب السُني ميحلف بغير الله\! عمر  : والعباس والحُسين أني سني وأحلف بيهم حبًا مو تعظيمًا\. ضحكت حبيت تقبلهم البعض واحترامهم روح الزهراء  : واني هم أحبك نحنى قرب راسها الصدره حصنها بصوت تعب روح الزهراء  : حرام ولك\.\.\. بعد عنها يضحك عمر  : ولج حلال والله حلالي …اني وياج عقدنا وصرتي خطيبتي وبس طلعين بخير وسلامة نجهز بيتنا\. ضحكت ماردت شوية رفعت ايدها تابعت روح الزهراء  : وين الحلقة؟ فدك الزهراء  : هاي عندي طلعت حلقتها وعمر طلع موبايلة شوفها صور العقد فتحت عيونها روح الزهراء  : هاي أني عمر  : شتكولين؟ روح الزهراء  : لا فوتوشوب هاي وحده ادبسز، \.\.\.\.\. عزا شلون حاضني والله ولا أستحي\! ضحك عمر  : لا حقيقه روح الزهراء  : ولك عيب والله عيب نوب، يبوس الادبسز…… لزك بخدي لزكك\! ضحك بصوت عالي وقبلها سكتو شوية اجت الممرضه طمنت عن وضعها، طلعت امي طلعت خلفها وروح  الزهراء تغمض وتفتح  عينها بتعب فتحت عيونها ناظرتلي رت بصوت تعب روح الزهراء  : نور  \.\.\. نور رفعت حاجبي وذكرت نور اللي بالكذب\. مااجت ولا حتى سألت فدك الزهراء  : ها حبيبتي روح الزهراء  : ولج شلون هذا قنعني اتزوجة اني مااريد اتزوج له اتخرج؟ فدك الزهراء  : تمعشقتي حبيبتي روح الزهراء  : عززا شكد عيب ضحكت فدك الزهراء  : لا ماسويتي شي عيب بس مثل ماگلتي هو لزكلج\. بتسمت وهي تناظر بعيونه روح الزهراء  : شنو سوه؟ فدك الزهراء  : صار يوكف تحت شباكج\. روح الزهراء  : مثل روميو وجوليت؟ فدك الزهراء  : حتى اسمه راد يغيرة\. ناظرته روح الزهراء  : تسويها؟ تكلم وهو ذايب بعيونها عمر  : اسويها واسوي الاكبر منها عذبتيني …ولج روحي تولعت بيج، متعرفين شكد احبج بمرضتج هاي عرفت أنتِ سعادتي ، وفرحتي، ضحكتي، لو العمر ينهدي اهديج من عمري والله ضحكت روح الزهراء  :أحبك عمر  :وعد أبقى احبج الاخر يوم بعمري وأخر دقيقه\.\. ابقى أحبج دنيا واخرة روح الزهراء  : تحبني؟ عمر  : الاخر نفس بيه\.\.\. أبقى أحبج روح الزهراء  : فدو شغلي مولد باسم الكربلائي \.\.\. ولك ولك ولك ضحكت ناظرتني بتعب ردت روح الزهراء  : شغليها مابيه حيل احجي بتسم عمر  : شغليها شغليها يومية تسمعنياها نخلي سماعة الها وسماعة اللي ونسمعها عوزها تهوس بنص الجامعة لو مالزمها ضحكت وشغلتها هي تناظر عمر مبتسمه بدايتها زينه خليت ايدي ؏ جبيني اضحك المولد مشتغل ولك ولك ولك يالناصبي وانت الصنم يحلالك ولك ولك ولك بالنار انت يالرجس وامثالك ولك ولك ولك يشفعلك هناك الصنم لسبالك ولك ولك ولك من طاح حظ عمك وابوك وخالك ولك ولك ولك لااا لااا تعادينا واسمع اغانينا ولك ولك ولك اني خربت ضحك حتى عمر يضحك بصوت هي هم مبتسمه كملت لبن لبن لبن عمي لبن\.\.\.\. عمي لبن منك عسل منريد ويكفينا لبن لبن لبن يالناصبي وبجبدتك وعيونك وجع وجع وجع بگلبك يا كافر وبگلب فرعونك وجع وجع وجع طاح الصنم والوادم يبشرونك وجع وجع وجع واشبيك يا أثول تغير لونك؟ وجع وجع وجع انت اخريطي يالناصبي وخربوطة عمة عمة عمة ادور السكك كانك ابن بطوطة عمة عمة عمة عمة اعوانك بنار القهر مجلوطة عمة عمة عمة متحصل هناك ولا بلوطة عمة عمة عمة طفيته هي وعمر خربانين ضحك هي بلكوه تضحك هدءت شوية فدك الزهراء  :ليش تخلي يسمعها؟ بلكوه ردت روح الزهراء  : حتى اذكره بماضية الحلو\. عمر  : حبيبي الله يحب الساترين فدك الزهراء  : شنو عمر ناصبي؟ روح الزهراء  : قح\.\.\.\. تعرفين شنو يگو\.\.\.\.\. قبل متكمل سد حلكها بكف أيده يضحك عمر  : دخيلج ودخيل الله ستري علينا، لاتشهرينا\. ناظرلي عمر  : يمتى تصحى ؏ روحها فدك الزهراء  : حسب يومين او اكثر\. عمر  : شتهرنا يربي  \.\. ههههههه تسكتين؟ هزت راسها بأيجابية بعد كفه روح الزهراء  : اريد مي عمر راد يكوم فدك الزهراء  : خليك اني انطيها\. اخذت قطنة بليتها بالمي قربت روح الزهراء  : شنو بني مية؟ فدك الزهراء  : زهوري ميصير\.\.\. لازم اقطرلج لان تعبانة شوية بس بلي شفافج\. ماردت، قطرتلها شوية بللت شفافها روح الزهراء  : اريد انام جسمي \.\.متكسر عمر  : نامي حبيبي كلنا يمج \.\.\.أني ماعوفج\. مسكت إيده برقة، غمضت عيونها، وبعد شوية نطقت بصوت خافت، بس ما تميز لحچي، واضح غطّت بالنوم\. عمر قرب، قبّل كف إيدها بهدوء، وبقى گاعد يناظر وجهها الشاحب، والتعب مرسوم عليه\.\.\. دخلت عمتي وامي فاطمة: نامت؟ فدك الزهراء  : اي فاطمة  : عمه دام نامت روح رتاح تعبت ماغمضت عينك\. عيونه ؏ روح عمر  : لا والله عمه مرتاح\.\. مااكدر اعوفها شعندي غيرها\! انتم رتاحو\.\.\.أني اظل يم راحتي\. فاطمة: لا عمه وين اروح؟ خليني يمها رن موبايل عمر  \.\. شافه ومارد فعل وضع الصامت رجعه بقى يرن بس ماهتم  اني طلعت اشوف علي بس شفت محمد جالس ؏ كُرسي محني راسه ورجله تهتز بتوتر قربت فدك الزهراء  : محمد رفع نظره نهض بسرعه تكلم بقلق محمد  : شلونها؟ فدك الزهراء  : زينة\.\. بس شبي وجهك مخطوف؟ شفتو الدكتور؟ هز راسه بأيجابية فدك الزهراء  : أحجي شبيك؟ شكااال؟ محمد  : بعد لازم باخذولها اشعة اذا ستمرت الهلوسه\.\.\. فدك الزهراء  : لاااا\.\.\.\. شنو يعني؟ نقص الاوكسجين؟ محمد  : مااعرف بعد مياخذون الاشعة يبين كلشي\. جلست متوتره فدك الزهراء  : لااااااا\.\.\. هي زينة صح تهلوس، بس دتدمج وتخربط عقلها بعده مو واعي\.\. محمد  : ان شاءلله مابيها شي\.\.\. ننتظر ونشوف\. شوية وطلعت عمتي وامي فدك الزهراء  : شبيها؟ ام محمد  : ماكو شي عمه لاتخافين بس خطية الولد هم تعبان غفه وهو كاعد فاطمة: اي والله ماعافها ولا غمضت عينه قربت فتحت الباب بهدوء شفت عمر بعده جالس ؏ كرسي بس راسه جنب كفها ؏ سرير رجعت غلقته بهدوء محمد  : بعد خمس ساعات يالله تكعد روحو رتاحو اني وعلي الاكبر هنا\. فدك الزهراء  : اي ماما فدوه\.\.\. عمه قنعيها محمد  : حتى انتِ فدك الزهراء  : اي شون لعد يله العصر نرجع\. صدُگ قتنعت ومصطفى اخذهم للبيت رجعت شافني محمد  : ليش مارحتي؟ فدك الزهراء  : والله لو أموت رجلي ؏ رجلها\. محمد  : توقعتج\.\.\. جلسنا مقابل باب غرفتها فدك الزهراء :انتَ لازم تروح ترتاح غير لبسك\. محمد  : متعود ؏ تعب عوفيني\. اجه علي الاكبر شافها ورجع كعد يمنه بعد كم ساعه طلع عمر المبايل بيده نهضنا عمر  : ماكو شي بعدها نايمة فدك الزهراء  : الحمدلله عمر  : بس ارد ؏ اتصال اهلي لازم اطمنهم فدك الزهراء  : اي ؏ راحتك خطه خطوة رد عمر  : ها يمه\.\.\. ماسمعته\.\.\.\. غمضت عيني وزفرت نفسي قوي دخلت اني ومحمد هي ؏ نومتها جلسنا ناظرت لمحمد يناظر وجهه تكلم بهمس محمد  : ذبلانه زهرتي رديت بنفس الهمس فدك الزهراء  : اللي مايهتم بزهرته بيده تموت بيد الغُرب\. سگت مانطق بحرف نزل عيونه للارض\.\.\. شوية واجه علي الاكبر  دخل بهدوء تكلم بهمس علي الاكبر  : عمر راح اتصلو بي اهله ضروري ماعرف شصاير عدهم\. فدك الزهراء  : العجوز الشيطانه اتصلت بي\. علي الاكبر  : فدددك عيب هل كلام فدك الزهراء  : عيب وعيب لحد ما اختك تموت من سحورتها خلي يفيدك العيب\. سكتو بعد ساعات بدت تصحى قربنالها تكلم بهمس مغمضه عيونها روح الزهراء  : ياا\.\.\. حــ\.\.ار  \.\.\. هم  \.\. همدان\.\. مــن\.\.\. يمت يراني\. بقلق فدك الزهراء  : روحي شبيج حبيبتي\.\.\. روحي محمد  : عوفيها لتصحيها هي تصحى وحدها\. حلسنا وعينه عليها شوية فتحت عيونها بس تبجي دموعها توگع قربت فدك الزهراء  : شبيج يروحي ماتكلمت عيونها بالسكف\.\. قرب لها محمد محمد: شنو شفتي؟ ماردت محمد  : كابوس؟ نزلت دموعها هزت راسها بأيجابية محمد  : تكدين تحجي؟ تكلمت بتعب روح الزهراء  : يركضون \.\.\. يركضون وراي طلعت منه\.\. طلعت وهم ماعرف يردون يخوفوني بس\.\. محمد  : بس انتِ قوية هزت راسها بأيجابية محمد  : تكدرين تحجين بالتفصيل شنو شفتي؟ تحجي بس شفافها ترجف روح الزهراء  : بيت\.\.\. اني جنت بيت كبير اظلم ماعرف  \.\.\. ماعرف شلون طلعت بس  \.\.\.\. بس من طلعت\.\.\. بچت واني ابجي وياها مسكت ايدها روح الزهراء  : طلعت طلعو وراي مو بشر ولا حيوانات ماعرف\.\.\.\. ماعرف شنو بس يتحركون وراي\.\. كلهم اسود من راسهم الرجلهم حتى ملامح وجهم اسود بأسود وين اروح يركضون وراي شفت بالعت ريكها بلكوه كملت روح الزهراء  : شفت طابوك بالكاع …اخذت واشمر عليهم من من اشمرهم اردد  \.\.\.\.\.\. بسم لله تم ونور عم " بسرعة يتكسرون ويوكعون بقيت اشمر عليهم كانو هواي بس \.\.\. بس أني كتلتهم كلهم\.\.\. بس\.\.\.من اظربهم يتكسورن  يعني مثل لعبه هشه بس تتحرك محمد  : نتصرتي ان شاءلله رفعت نظرها اللي روح الزهراء  : اريد مي مسحت دموعي اخذت كاست مي خليت بيها قصبت عصير شبرتها شوية، مي بالقصبه روح الزهراء  : ببلي ووصله خليها ؏ شفافي صارت حجر\. فدك الزهراء  : صار\.\. صار\.\. بسرعة اخذت شاش سويته طبقات وبللته بمي خليته ؏ شفايفها محمد  نسحب جلس ؏ قنفه رحت جلست بس علي الاكبر بقى يعدل  حجابها ويحجي ويها ويبوسها بلعت ريكي فدك الزهراء  : شنو؟ محمد شنو يعني؟ غمض عيونه زفر نفس قوي محمد  : تعرفين من يمته روح سولها سحر؟ فدك الزهراء  : من ام عمر جابتلها ثوب من وكعت\. هز راسه بنفي فتحت عيوني فدك الزهراء  : لعــــــــد؟\! محمد  : تذكرين من سولفت حلمها\.\.\. من رادت توكع وشافت الامام علي لازم ايدها فدك الزهراء  : صح توقعتها تزل عن الولاية هز راسه بنفي محمد  : هاي اشارة المؤمن تجي اشارات ولازم يكون فطن ويفهمها\.\.\. اني كنت متوقع تتأذه بس موبهل بشاعه بعدها حلم من بمكان اظلم وهي وسط بقعت ضوء وتردد بسم لله تم ونور عم\.\.واللي صار وياها\.\. هسه حلمها هذا طلعت من هل مكان فدك الزهراء  : هسه شنو نسوي نبقى نتفرج؟ محمد  : القرآن علاجها  \.\.\. جيبلي مي والقرآن نهضت بسرعة الغرفه بيها قرآن اخذته قدمته هو نهض توضى وجلس يم راسها يقراه سورة البقرة ؏ مي "ريـــــــم" جالسين بالمطبخ اني وجيهان\.\.\. اجت مرام بلكوه تمشي من بطنها مرام  : ختنكت ماكدر اتنفس هسه شنو يصير لو نكف مثل الدجاجه ضحكنا جيهان  : اي والله ولج عيني الحمل يتعب نوب وراج سهر مرام  : الحمدلله والله اسهر بس ولج متت ماكدر اتنفس ريم  : هسه تبثو الاسم؟ ضحكت ولمست بطنها مرام  : اي سمتها مرت عمها ضحكت ريم: كولي والله؟ مرام  : والله علاوي كلش عجبه ذوقها بفضول جيهان  : شنو؟ مرام  : مابقى شي وتشرف ولاية علي ريم  : يربي والله حلو صدك ذوقها حلو جيهان  : اي والله حلو مرام  : وكال اذا الله رزقنا بولد بعدها اسمي ابوالحسن علي اجت امي بيدها الموبايل سكتنا ام عمر  : ولج ريم هم حجيتي ويه عمر؟ ريم  : لا والله\.\.\. ليش\. ام عمر  : ميرد ريم  : خاف ميسمع\.\.\.\. رجعت طلعت احنه هم كملنا الغدا بعده الغدا أجه عمر ركضت قبل ماسلم ريم  : بشر روح الزهراء شلونها؟ عمر  : الحمدلله صحت ريم  : الف الحمدلله يارب\.\. شعجب اجيت؟ عمر  : أمي\.\. امي حركت المبايل حرك كالت شي مهم وضروري يخص روح الزهراء وله مااجي بلكوه اجيت اسوق وعقلي يمها خاف تصحه ريم: شنو اللي يخص روح الزهراء؟ عمر  : شمدريني\.\. دخلنا امي جالسه عمر نحنى قبل راسها عمر  : شلونج يمه بنبرة حادة هجومية ام عمر  : قبل شلونج يمه أسألك \.\.\.گ\*\*\*\* شلونها؟ اني فتحت عيوني عمر من الصدمة ضحك رد عمر  : شنو هل انقلاب المفاجأة\!\! ام عمر  : فطست لو بعدها؟ نهض بسرعة فتح عيونه عمر  : يمه واعية ؏ نفسج لولا؟ بعناد ووجهها يتغير من الغضب ام عمر :واعية… واعرف كل حرف دا أحچيه\. مو مثلك، مجرور وراها مثل الطلي\! شاده عيونك، وعاميتك بسحرها\! بصوت مكسور عمر : يمه، أترجاچ… أني تعبان، لا تزيديها عليه\.\.\. أم عمر :چم مرة گتلك عوفها\! عوفهااا\! متفيدك\! مريضة\! مختلفة\! يتيمة ومريضة\! افهـم… مـريـضـة\! يصرخ بأعلى صوته عمر : مـن يـمـتـى الـمـرض والـيـتـم صـار عـيـب؟\! شنو؟\! فهميني\! يعني كل هالفترة، كل هل كلام، تمثلين؟ كنتِ تخدعينها؟ الرسائل، والخوف، والدعاء، كله جذب\.\.\. بجذب؟\! أم عمر :گتلك ما أريدهــا، وماراضية عليك، ولا أنت ابني إذا تاخذها\! بعين دامعة وصوته يرجف عمر :گتـلـج مـا أخـلـيهـا تـعـيـش ويـاج\! شنو تردين؟ ليش تحرميني منها؟ تدرين شكد أحبها؟ والله أمــوت بلاهــــــا… يقترب منها، يحچي وهو يختنگ بكلامه عمر:فهميني بشنو أذتچ؟ فد يوم سمعتج كلمة مو زينة منها؟ أساءت الج؟ أساءت للمذهب؟ بـشـنـو غلطـت روح الزهراء؟ ليش هيج حاقدة عليها؟ شنو سوت؟ أم عمر :ولك يمه شنو ناقصك حتى تاخذ وحدة مثلها؟ يغمض عيونه، ويمد إيديه يضرب كفوفه براسه، ينكسر عمر :نـاقـصـنـي وجــــودهـــــا\. تصيح بحدّة ام عمر : تتـذكّـر شـنـو گـتـلـك؟ عـلـى جـثـتـي تـتـزوجـهـا\! تتـذكّـر لـو نـسـيـت؟\! يتراجع خطوة، وبنبرة ترجّي ممزوجة بانهيار عمر  : يمــه… إذا تحبيني… لا تحرميني منها… يصرخ، صوته يتكسر من جوّاه عمر:أحـبـهــــــــــاااا\!\!\! افـهـمـونــــــي\!\!\! ليش محد يريد يفهمني؟ شنو الذنب اللي سويتـــــه؟ حبيت؟\! ذنبي اني لگيت إنسانة حقيقية؟ ذنبي اني شفتها أحنّ من الدنيا كلها؟ بـشـنـو غلطــــــت؟\! ام عمر  : حبتــك\.\.\. واذا تبقـــى ويـاها راح تختار امــا تبتعد اما تدفنها بيــــــدك تحت التـــــراب بصدمة عمر  : يمه\.\.\. شنــــــنوو؟ بنبرة قويه ام عمر  : خلاصهه بيدك… روح الزهراء\.\.\. إذا بيها عمر… فإنت عمره\. نبرة صوته تنزل، لكن عيونه تتوهج بالغضب والخوف عمر: شـنـو؟ شـنـو گـلتـي؟ تـدفـنـهـا؟ بـيـدي أنـا؟ تـهـددينـي بيـهـا؟ يمّه… هاي مو حرب… هاي روح\! عمر صفن بوجهه امي يريد يستوعب الكلام ويجمعة بهل اثناء نزل علي ومرام بقت ؏ درج واكفه جيهان باب المطبخ واني قريبه عليهم علي  : شكو صاير محد رد بس عمر قرب تكلم بصوت مبحوح عمر  : شــــــنو قصـــــــدج؟ يعني روح بسببج بالمستشفى؟ يعني وصلت الموت بسببج؟ دخلت غيبوبة واهلها يبجي حالهم الغريب بسببج؟ رجع مسك راسه عمر  : شلوووون؟ فهميني شلوووون؟ جلست بكل برود تكلمت ام عمر  : كدامك أيام رفعت كف ايدها تأشر بثلاث واربع اصابع ام عمر  : مطول أسبوع وتفطس\. عمر  : ما ياهذ العمر اله اللي وهبه\. ام عمر  : صح والموت اسباب نعرف الله خله كل شخص له عدت طرق هذا يموت حادث او مرض، او سكتت بعدها ردت وهي تناظر عمر ام عمر  : اوو سحر مثلاً بس هي طلعت گ\*\*\*ماثبت عليها شي كل ماابعدها تقرب منك أكثر ايمانها قوي\.\.\. بس كسرتها عمر وكف مكانه مصدوم عيونه نملت دموع هز راسه بنفس دموعه وگعت علي نصدم فتح عيونه علي  : يمه\.\.\. شنو هل كلام شنو سحر ماسحر سوالف شيطان اعوذ بالله\.\. انتِ مالج بهل سوالف ام عمر  : اخذته بسحرها\.\. ورجعه بسحر واعاقبها وادمرها\.\.\. نهضت قربت من عمر اللي جمد بأرضه بس عيونه تدمع بدون ملامح بچي ام عمر  : مااريدها تموت\.\.\. لو اريدها تموت؟ ماكلك خلاصها بين وديك\.\. بس اريد ابعدها عنك\. عمر  : وانتِ منو حتى تقررين من يبتعد ومن يبقه؟\!منو انطاج الحق تتحكمين بعمر الناس؟\! ام عمر  : بكيفك تسوي اللي اطلبه منك ترجع مثل قبل بصحتها وقوتها\.\.\. ترفض؟ تتحمل ذنبها وتدفنها بيدك\. عمر  :  شنو تردين؟ اطلكها؟ ضحكت وقربت ام عمر  : لا مو بهل سهوله طلاك؟ مرة وحدة لا\.\. لا\.\. تكلمت بصوت واضح ام عمر  : تاخذ اللي تريدها منها حتى متبقى بنفسك عمر غمض عيونه دموعه وگعت ام عمر  : هي مرتك، حلالك… ما سويت شي حرام، خذ اللي تريده منها…كسر جناحها تنكسر كسره عمرها ماتنساها\.\.\.\. ما راح تمنعك، تحبك، راح تسكت… وهي تحسبك الحضن الوحيد اللي بيه أمان\. يغمض عيونه، دموعه تنزل، صوته ينكسر: عمر  : يمه… شنو تحجين؟ تكولين أذبحها بإيدي؟ تطلبين مني أدمّرها؟ أقتل روحها بـ"الحلال"؟ هاي مو مرتي بس، هاي روحي… شلون أمد إيدي عليها بهل الطريقة؟ بصوت عالي أم عمر : أريدها تبعد\! بأي طريقة\! عمر  : أطلكها؟ ام عمر  : لااا… لا تستعجل ع الطلاك، كلشي يصير بـ وقته… وحدة وحدة بعده، بعدها تسوي بيها اللي يخليها ما تظل يمك برغبتها، خليها تخجل من روحها، تنكسر، تكره وجودك وتروح برجليها\. عمر: يمــــــــــــه… انت شلون تحرضيني أأذيها؟ تطلبين مني أستغلها؟أستغل حبهااا أللي استغل ثقت اهلها؟ ماخفتي الله؟ شلون صرتي هيچي؟ منو أنتِ؟ ناظر العلي بعيون مكسور عمر  : كولو هاي مو أمي\.\. أمي ماتسوي هيج\.\.\. رجع يناظرنا\. عمر  : ولكـــــــم أمي\.\.\. ماتسوي هيج هاااي مو أم شيطــــــــانه تناظر، بعين حاقدة ام عمر:أني أمك… اللي تحبك وتريد مصلحتك عمر  : مصلحتيي؟ وينهااا؟ ترديني احطمها باسم الحلال؟ تردين اشوه الحب بعينها؟ ام عمر  : اريد تشوه روحــهاا دمر ثقتها بنفسها اريد اشوفها منكسره وخسرانه كلشي\.\.\. بصوت عالي وهو يتقدم خطوة، عيونه مليانة وجع علي  : يمه\! هل كلام… حرام\! ما يجوز، عدچ بنيه… فكري بيها\! العرض مو لعبه… العرض دين، لا تخلين الحقد يعميچ، لا تسوين هيچي\. بنبرت صدق علي: يمه… إحنا من نطلع للشارع، ونشوف بنيه تمر، ندك راسنا… لأن نخاف الله، نخاف يوم أحد يباوع لختنا مثل ما باوعنا لبنات الناس\. وحتى عمر… من حبها، صدق وياها، ما مد إيده، ما سوا شي يغضب ربّه، حبها ودك بابها، صارت حلاله، هو ما كسرها… بس انتي تحاولين تكسرينها بـ إيده\! أم عمر:  اني… مااريدها تبقى بنفسه بعدين هي حلاله\. علي  : حلاله ياخذها كدام الناس مو بلختلة وبعدين يتركها\!\! ترديها تبتعد يطلكها ام عمر  : انت معليك التهي بمرك\. علي  : شنو اللي معليه ترديني اسكت عن الغلط لا والله لو اموت وهسه احجي الاهلها كل شي وللي يصير يصير\. ام عمر  : علـــــي لاتخليني ااذيك وادعي عليك الله يحرمك من ضناك قبل لاتحطه بحضنك\. عمر مسك علي منعه عمر  : عوفها\.\. معليك المصاب مصابي اني اتحمل\.\. أسمع كلامها نتبه المرتك علي  : عمـــر\! عمر  :معليك لتفت ؏ امي عمر  : خلاص أطلكها وخليها تولي بس  إذا صار بيها شي، يمّه… أقسم بالله، لا راح أگدر أغفرلج، ولا راح أگدر أغفر لنفسي… وإذا اندفنت، أني أنـدفـن وياهـا\! يتبع\.\.\.\.\.\.\. اعتذر عن الاخطاء البارت بدون مراجعة وتدقيق اللي مامشترك بقناة التلي يشترك حتى تعرفون وقت التزيل وكل شي\. يخص القصة اشتركو سكرنو وخلو بكامرة التلي تطلع القناة بسهولة