28⛓️‍💥

بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥 بقلمي \.\.\.\. روز الحيدري لاتنسون التصويت والتعليق بين الفقرات متابعة للحساب حتى يوصلكم أشعار من انشرلكم التغشوشة التكملة عينه بعيوني \.\.وعيون تاهت بين خوف ويقين\. ماكلها، لا شهگ، لا نفس\.\.\.\. كأنه الحلف سحب روحه قبل كلمته\. صوته اختنك، بس چفوفه اتحركت وكأنه يريد يحچي، بس الحچي ثقيل، يابس بحلقه\. بصوت مخنوك عمر :روحي\.\.\. ليش؟ ليش توصليها لهالحد؟" : مو آني اللي وصلتها، انت\.\.\. عمر :صوتج ترا احنا بالمكتبة\! اخذت جنطتي،ناظرت بعصبية تكلمت : طالعةةةة\. طلعت بخطوات سريعة ماعرف وين اروح بس اللي اعرفه مااريد اشوفه بعدت عن الكل مشيت مكان بعيد عن القسم و الطلاب بس كان صوته يصيح لفيت شفته يركض قرب لزم ايدي عمر : ولج روحي فدوه لعمرج والله العظيم مو قصدي بس انتِ شكلج بعدج شايلة بگلبج عليَّ\! نترت ايدي :شتريد فهمني؟ليش هيج؟عُمررر كلها تحب وتتزوج عادي ميخلون بينهم قيود ليش اني ليش؟ عمر : ياريت لسانه مكطوع ولا سألت معليه أصلاً اني غلطان والله العظيم موقصدي بس : بس شنووووووو فهمني بس شنووو؟ عمر : يعني سألتج مثل قبل ماتوقعت ردت فعلج هيج\! : المفرووض متسألني تروح بنفسك وتبحث تقرأ ليش تجي تـذب سم الفتنه والتفـــرقة عليَّ\! عمر : زهرتي\.\.\.\. والله العظيم ماتخيلت هيج ردت فعلج يعني سؤال عادي حاله حال الاسأله تذكرين لما نسولف تجاوبيني عادي\.\.\.\.\. وسألتج : آني ما أريد أعيش ويا شخص ميعرفني\.\.\. ما أريد أظل كل عمري أشرح، وأدافع، وأبرّر، كل مرة لازم أحچي حتى أبين فعلتي بريئة، ونقاشي مقصده طيب\.\. تنفست، ببطء، وكملت وهي الغصة تعلك بكلماتي سيطرت على نفسي بس مقهورة : حزني مو بس من سؤالك\.\.\. حزني إنّي مضطرة أدافع عن نفسي، عن مذهبي، عن معتقدي، عن أفكاري، بوقت المفروض بيه الحب يحميني، مو يحاسبني\." عمر :ولج روحي، فدوة لا تحجين هيچ، والله العظيم مو قصدي،أقسم بالله أحبج من كل گلبي\." رجفت شفايفي،\.\.\. بس نظراتي ظلت ثابتة بهدوء : إذا تحبني\.\.\. حبني مثل ما آني، مو مثل ما تريدي أكون\. وإذا الشك جزء من حبك، فخلي حبك يوگف هسه، لأن آني ما أعيش بنص حب، ولا أقبل نص احترام\. حبيتك وما سألت عن اختلافنا، فلا تخليني أندم على ثقتي\. عمر : والله أحبج بس مثل ماكتلج بعدج زعلانه من عندي\.\.\.\.\.وطلعتيها بهاي\.\.\.\. تتوقعين اكدر بدونج؟ ولج انتِ كل حياتي،\.\.\. بس والله العظيم هو مجرد سؤال\. تكلمت وكانت عيني على حلقتي : وهذا سبب تغيرك؟ عمر : مو تغير بس غباء من عندي كلامج صح\.\.\.\.\.\.\.\.\. أجيت وسألتج لان فكرت نكعد ونتحاور مثل قبل الله يشهد مو تشكيك\. قربتله خطوة نزعت الحلقة من ايدي ضربت كفي على صدره نصدم من فعلي جمد بأرضه تكلمت عيني بعينه ونبرة ثابتة :مااريد اعيش ويه شخص وأظل أدافع عن فكري ومعتقدي،\.\.مااريد شخص يستنقصني اريد اللي يضيفلي \. بعدني ماخطيت بس لفيت سحبني بقوة وكأن بركان ونفجر من العصبية لزم ايدي كل قوته حسيت الدم توقف نزل على ارض اخذ الحلقة : عُمر ايددييي، ايدددييي\. ضغط اكثر، وعيونه صار دم، صوته كان مرعب رافع الحلقة بوجهي عمر : تنزعيهاااا؟ بهالسهووووولة؟ كانها شي مومهم\! تشمريها على ارض؟ صوته خف وهو يناظر عيوني عمر  : متعرفين شلون أحبج كتلج مو قصدي والله العظيم أأااااحبـــــج بمذهبج بختلافج، بعـــنادج، بكل حالاتج أحبج ولج انتِ النفس اليصــــعد وينــــزل بعصبية : مو قصدك يلا اثبتلي سبب تغيرك شنو؟ ثبت نظرته اللي مارد\.\.\.\. كل مااحاول اخلص ايدي يضغط اگثر وجعني : عوفني عُمر ايددييي\.\.\. والله وجعتني\. عمر : فعلج وجعني اگثر\. ناظرته وعيوني كلها دموع : عُمر ايددديي\.\.\.\. فلتها مشيت بسرعة جلست، كنت لابسه معصم نزعته احس طبع اصابيعه كأنه نااار،انفخ اريدها تبرد اجه جلس يعتذر راد يلزم ايدي عمر : خليني أشوفها\.\. بعدتها : مااحاج آني اداوي نفسي بنفسي طلعت بخاخ الاوكسجين من الجنطة بخيت عليها بسرعة خفت الحرارة، رجعت ستخدمته وخليت على جنب قرأة أية الكــــرسي هـدءت شوية ماعرف شنو صارلنا عمر : شلون صارت؟ : معليييبكككك\. لزم كفي يشوف اثر اصابيعه طابع، صار يطبع بوسه خفيفة ويعتذر عمر : سامحيني\.\. ناظرته بطرف عيني : صارو هواي على اي وحدة أسامحك؟ بتسم عمر : اولاً سامحيني على هاي\. : اسامحك عليها بس بشرط\. عمر : موافق\. : اعرف الشرط وبعدين وافق\. عمر : موافق بدون مااعرف\. :ماعندي قوة ارجعلك الوجع نفسه بس اكدر اسوي بديل\. عمر : شلون؟ : اشرح معصم ايدك\. بدون كلام فتح كمّ القميص طلع معصم ايده عمر : بس خلي عينج بعيني حتى ماحس بالم\. : لا الهدف من التشريح اخليك تتألم عمر : يلا هاج\. اخذت جنطني طلعت منها علبة صغيرة بيها ادوات اني استخدمها للتشريح طبعا مو على بشر الحقيقي،\.\.\.بس بالصناعي طلعت ملقط لزمت معصم ايده هو غمض عيونه صرت اشيل شعر عمر : اااخ \.\.\.\.\. ولج شنو هاي؟ : اولاً وبعدها نبدي نشرح عمر : لا يمعوده روحي على تشريح گبل ليش هيج تعنفيني؟ : اعنفك؟ لا اشرحك\. خليت طرف الحجاب على معصمه عضيته هو ساكت بس نظراته اللي ماتركته ضليت اعض ترست أيده عمر : أقوى هي هاي قوتج؟ لا سنانج يراد تبردين\. بعدت أشوفه عضه منهم جلد مشلوع تركته : سامحتك عليها\. عمر : متأكدة؟ هزيت راسي بأيجابية ضحك رجع يدكم الكمّ : وجعتك؟ عمر : اذا قصدج على عضة لا \.\.\. واذا الحلقة اي\. : تستاهل\. عمر : وهسه ممكن تسامحيني على سؤالي و تصرفاتي؟ : ليش هيج سويت؟ عمر : والله العظيم موقصدج يعني كلت نرجع نسولف مثل قبل والله هذا قصدي\. : اعتبر نفسي غبية وأصدگ\.\.\.\. عمر : لا حبيبي حشاج\.\. انتِ مو غبية انتِ نقية\. : بعدك تتهرب من السؤال\.\.عجيب\.\.\. عمر :ماتهرب احجي والله\.\.\. اول شي مو قصة بردت مشاعري او قل حبي ألج لا والله العظيم حبج اصل ثابت بحياتي للموت مينقص بس اللي صار\.\.\.\. سكت : اييي اريد اعرف اللي صار شنوو؟ عمر : اخر أيام وأني يم اهلي أجو خوالي\. : ايي عمر : وانتفتح موضوع وصار نقاش واني هل فترة كلها مشغول بس حتى اتأكد من الكلام بالمذهبين\. : والكيت جواب؟ عمر : لا كل واحد يحجي شكل وهذا سبب سؤالي،\.\.\.\.\. بس انتِ ما شاءلله گلبج متحملة بسرعة نفجرتي\. : زين ليش محجيت من البداية وفهمتني؟ عمر : بحثت بالكتب اللي عندي المراجعات، ثم اهتديت "وغيرهم صار ثلاث ايام ابحث مالكيت شي بخصوص الموضوع\. :طبعاً ماكو بالعكس،هذه الكُتب أسلوبه محترم، وتركّز على النقاش العقائدي بهدوء\.\.بدون صراع وتهجم \. عمر : وين ألگه؟ :عُمررر\.\.\. ماكو هل كلام مو صح\. عمر : هسه عرفتي؟\.\.\. لذلك لما أحس بضياع ارجعلج خريطتي\.\.\. بتسمت عمر : هسه نكدر نتناقش بدون صراعات؟  : طبعاً\.\.\. تفضل عمر : ليش تتهمون زوجة النبي ﷺ؟ هزيت راسي تكلمت بثقة : حاشا زوجات النبي\.\.\. كلهن طاهرات، واللي يكول غير هالشي خالف كلام الله، مو بس كلامنه\. ثبتت نظري له : بس تعرف شنو ؟ إحنا الشيعة دايمًا متهمين\.\.\. حتى لو سكتنه، هم يفسّرونه عداء\. ليش؟ لأن "الشيعة تلعن"، "الشيعة تطعن"، "الشيعة تلطم على دم سفك قبل أكثر من ألف وأربعمية سنة"\.\.\. صارت تهمة ملتصقة بينا، إنو نطعن بعرض النبي، واحنا أبعد ناس عن هالشي\. عمر : والحقيقة شنو؟ : الحقيقة؟ حاشا لله يختبر نبيّه بعرضه\. ما ممكن\.\.\. مستحيل\. الله أعلى وأكرم من هيچ امتحان\. القرآن قالها بصريح العبارة: "يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ"، بس هذا الامتياز مشروط\.\.\. "إِنِ اتَّقَيْتُنَّ"\. يعني الطُهر مو اسم يُكتَب\.\.\. الطهر سلوك يُثبت\. وعدنا أمثلة، وعدنا أدلة، وإيمانّا مو مبني على كره، مبني على معرفة، وعلى ولاء، عقد حاجبه، وبنبرة قوية عمر : الإيمان الحقيقي مو بكيف الواحد يعيش، الإيمان لازم يكون نظيف من الداخل، ما يصير تسكتون عن ناس تطعن وتخلّونها تمثل مذهبكم، وبعدين تطلبون ماحد يحاسبكم\! الغلط يظل غلط حتى لو سكتنا عليه\. : تمام، أتفق وياك\.\.\. الغلط غلط، بس همّ باچر إذا طلع شخص من مذهبك وسبّ الإمام علي أو فاطمة،عليهم السلام، ألومك إنت؟ أحملك وزره؟ كل مذهب بيه المتطرف، والواعي، والمخطئ\.\.\. بس مو من العدل تخلّي غلطة شخص، تطيّح بيها ناس ما إلهم علاقة\. الدين مو بس لسان يدافع، الدين ضمير يحاسب النفس قبل لا يحاسب الغير\. عمر : يمكن\.\.\. يمكن فعلاً الحكم سهل، بس الفهم يحتاج شجاعة\. سكت ثواني رجع سأل عمر : زين ليش متترضون عليها؟ : إحنا كأبناء العامة مو مُلزَمين بالترضي، بس أغلب علماء الشيعة يترضّون عليها وعلى كل الصحابة، مو حبًّا بيهم بقدر ما هو درءًا للفتنة\. يعني حتى اللي يترضى، مرات يكون ساكت بس لأن عنده جمهور، أو منصب، ويخاف من التفرقة\.\.\. مو عن اقتناع كامل\. عمر: والسبب؟ :لأننا بريئين من الاتباع\.\.\. وحتى اللي يترضى، مو بالضرورة يكون متبع إلها\. هااا\.\.\. أضرب لك مثل؟ شلون إنت تكول: "نحب علي ونترضى عليه"، بس ما تتبعه فعليًا؟ إحنا نقول نفس الشي، بس من طرفنا\. يضحك وهو يهز راسه عمر : قسمًا بالله العظيم، عندج قدره على ربط المواضيع تخبّل\! : ولو عيوني راحت وأنا أبحث، عقلي جان تجي عليه صدمات كهربائية من بعض الروايات\.\.عقلي وگلبي نشلو\.\.\. عمر : بس حلو الواحد يعرف بمذهبه\.\.\. ومذهب غيره\. وللصراحة، الما قريت "ثم اهتديت"، جان عندي هواي أسئلة ما إلها جواب\. : مثل شنو؟ عمر : مثلاً عن حرب الجمل \.\.\. عدنا البعض يشوفها أصابت او أخطأت واللي كالو اخطأت يعني خطأ بغير قصد \.\.\.\.\. او خروجها من باب الصلح\. بعدت نظري عنه تكلمت : حرب الجمل؟ أول فتنة بوجه الإمام علي، أول مرة السيوف ما إجت من الكفار، إجت من مسلمين\.\.\.\. ومن ناس، الناس كلها كان يثق بيهم زوجتة النبي،، وبعض اصحابة العاشو مع النبي\.\. تحسرت تابعت : تتخيل الشعور؟ إمام منصّب من الله، \.\.\.امام مفترض الطاعة عُمر تعرف شنو يعني مفترض الطاعة؟ يعني وقتها كان مستلم الخلافة اللي تكـولون عنه رابع" يقابل جيش\.\.\. يقوده ناس چانوا أمس يرفعون راية التوحيد ويا النبي\. بس اليوم، رافعينها ضد ابن عمّه، وصهره، وباب مدينة علمه،ضد خليفتهم لان وقتها هو الخليفة الشرعي حسب تسلسل كُم \.\.\.نسو قول النبي لما قال: " علي مني بمنزلة هارون من موسى" سكتت انتظرته يرد تابعت :  طلعت، أو قادت جيش، أو واجهت وليّ أمر\. حتى اللي خالفن أزواجهن\.\.\. ما خالفن بهالشكل\. الله سبحانه ضرب بيهن مثل، \.\.\.\.وقالها بصريح العبارة: "ضربَ اللهُ مثلًا للذينَ كفروا امرأةَ نوحٍ وامرأةَ لوطٍ، كانتا تحت عبدينِ من عبادِنا صالحينَ فخانتاهما، فلم يُغنيا عنهما من اللهِ شيئًا وقيل ادخُلا النارَ مع الداخلينَ"\. رفعت عيوني لعُمر، بنبرة هادئة : خيانتهم مو أخلاقية\.\.\. خيانة دينية\. يعني ما آمنوا برسالة أزواجهم، بس مع هذا \.\.\. ما طلعوا عليهم، ما قادوا ناس ضدهم، ما تصرّفن بشي يخالف ستر المرأة أو مقام النبوّة\. بينما\.\.\. بالتاريخ، طلعنا نبرر خروج زوجة نبي مو بس من بيتها\.\.\. من بيت النبوة، لقلب ساحة قتال، ضد إمام مفترض الطاعة\! ابتسمت بأسى، وكملت : أقسى شي مو إن الحرب كانت بين مسلمين، ولا إن الدم سال بين ناس نزلت بحقهم آيات، الأقسى\.\.\. إن زوجة نبي، تخرج من بيتها، وتقف مقابل إمام مفترض الطاعة،امام زمانها\! تقود جموع، وتفتح باب أول فتنة بالإســــلام\. نظرت له نظرة قوية : ناسين أو متناسين، إن الله قالها: "وقرنَ في بيوتكن ولا تبرجن تبرجَ الجاهليةِ الأولى" هذا مو بس أمر\.\.\. هذا تحذير\. أمر بالقرار، والنهي عن التبرج، مو بمعناه الظاهري بس\.\.\. بل تبرج بالموقف، بالصوت، بالظهور السياسي، بالفتنة\. وهي الآية نزلت بحق من؟ بحق نساء النبي\! مو باقي النساء\. وقفت للحظة وكملت بنبرة هادئة بس صارمة : اللي نزلت بحقها هاي الآية، ظهرت على رأس جيش\.\.\. وتريدني أسمّيها اجتهاد؟ لعد شنو معنى الطاعة؟ وشنو معنى "لستن كأحدٍ من النساء" إذا مو إلها؟ : والما نسأل شنو هو "تبرج الجاهلية الاولى" نشوف التاريخ يعيد نفسه\.إن بعد وفاة النبي موسى \(عليه السلام\)، الله اختار يوشع بن نون وصي إله، يخلفه ويقود بني إسرائيل\. زوجة النبي موسى – صافوراء – طلعت تعترض، ما رضت بخلافة يوشع، وگالت إنّو هي أولى بالأمر\. وجمعت وياها جيش من مية الف حتى تحارب وركبت على  زرافة يوشع قاتلهم، وانتصر، وأسر صافوراء\. ومن گال إلها: "راح أشتكيچ لموسى يوم القيامة"، ردّت بكلمة تجرّح الروح\.\.\. گالت: "حتى لو انطوني الجنة، أستحي أشوف موسى بعد ما هتكت حجابه وطلعت على وصيه"\.\.\. رد بسكون، كأنه الصوت انكتم بصدمة داخله، وبنبرة منخفضة عمر : أول مرة\.\.\. أول مرة أحس اني قريت الآية غلط طول عمري\. مو لأن ما كنت فاهمها، لأن ما كنت أريد أفهمها\. رفع نظره إلي ، وعيونه تلمع عمر : نظرتج مو بسيطة\.\.\. تقلب مفاهيم\. وإذا كانت نساء الأنبياء اللي كفرن ما سوّن ربع اللي صار، شلون نقبل نسكت عن تاريخ كله يمشي عكس آية صريحة؟ سكت ثواني تابع وهو يزفر نفسه عمر : بس إذا قبلت بكلامج\.\.\. اكسر كل اللي تربيت عليه\. وهذا مو سهل، لا تستهينين بيه\. ضحكت : ومنو كلك اني اريد تكسر كل اللي تربيت عليه بالعكسر اقره بمذهبك وتعمق خاص معركة الجمل \.\.\. واني لما قريتها دخيل الله شعور الفخر يطلع من راسي بفضول عمر : شلون؟ اني قرأت بس اللي موجود بالكتاب مو بالتفصيل \.\.\.\.\. يعني بس اللي يخص الامور السياسيةاكثر\. تكلمت بحماس وفخر : لأن انت قريتها من زاوية تحليل سياسي، مو من زاوية "موقف علي عليه السلام "، ولا من زاوية "منو بقى ثابت"\.\.\. تعرف شنو يعني تطلع للحرب وخصمك بصفه أم المؤمنين، والناس تنقسم، بس انت تبقى واثق بطريقك، بقرارك؟ هو هذا علي امير المؤمنين اللي حتى وهو ساكت، حجايه" بتسم بإعجاب عمر : هاي أول مرة أسمع هالزاوية صوتج يغير معنى التاريخ براسي\. : مو صوتي\.\.\. هذا فخر كل شيعية تحب علي وتفهمه\. قرب بفضول عمر : زين يلا \.\. سولفي لان حظرتج ضربتي المحاضرة، واني ماعندي شي بس اسمعج\. : اي بفضلك ضربتها للمحاضرة\. ميل راسه مبتسم عمر : يلا نعوف الدراسة ونبدي بمحاضرة دينية\. : تمام بس اذا تنام بنصها لا تلومني\. عمر : انام؟ اذا الموضوع عن سيدنا علي أدون وراج\. بصوت هادي، : معركة الجمل كانت اصعب معـــــركة يواجها الامام   \.\.\.\.\.\. لان هل مرة الخصـم مسـلميـن ام المؤمنين  واولاها المؤمنيـن طلعــــو بوجه سيدهم وخليفتهم\. ضحك بصوت عالي ناظرته صفح بعده يضحك بلكوه سكت عمر  : اعتذر والله  بس احسج تحجين من كل گلبج خاصه جملة " ام المؤمنين واولاها المؤمنين " : لعد شنو؟مو صح؟ هز راسه بأيجابية كاتم ضحكته بس مبتسم عمر  : والله صح  \.\.\. كملي : تدري شنو أكثر مشهد اثر بيه\.\.\. مو بس تأثير عادي، تأثير العظمة؟ مو معركة، مو سيف، لا\.\.\. موقف\. موقف أمامي بعد معركة الجمل\. بفضول عمر : شصار؟ تكلمت وكأن فلم صار امام عيني :بعد ما خلصت الحرب، والنصر كان دائماً مع الحق،طبعاً راح من جيش عائشه حوالي ، 20 الف مقاتل ومعظمهم من البصرة عمر : ليش معظمهم من البصرة؟ : البصرة بيها كثافة سكانية عالية فلما وصلو عائشه، طلحه، الزبير،\.\.\. للبصرة صارو يخطبون بالناس ويحشدوهم\.\.\. ضد الامام بفضول عمر : والامام علي، شنو رد على فعلهم؟ : طبعاً شعر بألم شديد لأنهم خرجوا عليه بالسيف وهو الخليفة الشرعي، رغم أنه ما جبرهم على بيعة ولم يُسيء إليهم \.\.\. بس لحظة خليني اذكر مقولته\.\. كنت اذكر القول بس بجمل مبعثرة غمضت عيوني بقوة رديت : ياأهل البصرة لقد كنتم، أنصار الحق وأعوان الدين، وسهم الله في ارضه، فما عدا بكم الى ما ارى\! رغم هذا امر بعد ما انتهت المعركة، أوصى لا يقتل جريح، ولا يُتبع هارب، ولا تُمس امرأة بكلمة \.\.\. منو يسويها بهالزمن؟ عمر : رغم الي صار ظل يحبهم\! : لان يعرف بعضهم نجر خلف الفتنة سند ايده على مسطبة يناظرلي عمر : اي كمليي؟ ناظرته بطرف عيني تكلمت بحسرة : قام الحسن ابن علي عليه السلام بعقر الجمل فقال بني حسن عليك بعقر الجمل والله ان رسول الله قد اوصاني فقال اذا وقعت الفتنة فعقر الجمل فأن في عقره انهاء الفتنة\. بفضول عمر  : ليش يعني شمعنى الجمل؟ : لان الإمام علي عليه السلام وصف الجمل بالشيطان، لأنه كان مركز تجمّع الفتنة، وكان الناس يلتفون حوله وكأنّه رمز مقدّس، فكان لابد من عقره حتى تتفرق الناس وتنتهي الفتنة\. عمر  : شلون مقدس هو حيوان؟ : مو بالقدسية النعرفها عائشة راكبتنه، وهي أم المؤمنين، فصارت الناس تشوفه كأنّه عرش للشرعية\.\.\. كل الرايات انربطن عليه، وكل الهوسات نادت من حواليه، فصار مركز الحرب، ومركز العناد\. كل ما واحد يموت وهو يذب روحه دفاع عنه، يجي غيره ويكمل\.\.\. ما يدافعون عن حق، ولا عن قرآن، يدافعون عن وهم\.\.\. عن وهم بيه كرامة مزيفة، وقدسية مو بمحلها\. هو جمل، بس صار مثل صنم\.\.\. وكل ما ظل واقف، ظلّت الفتنة تحترك وتحرك وياه أرواح الناس\. ولهذا الإمام علي عليه السلام قال: ما كان هذا الجمل إلا شيطانًا، ولو قد عُقر لانفضّوا\. يعني لو طاح، تنتهي الفتنة\.\.\. وتطيح قدسية الكذب، وينكشف وجه الفتنة كدام الكل\." طبعاً هذا سبب انها رمت نعشه الحسن بسهام عائشة\.\.\. تضرب نعش ولد الزهراء وحفيــد النبي، سيد شباب اهل الجنة بسهم؟ هذا جزاته وهو يعقر الجمل حتى لا تُسفك بعد دماء؟" ـــ فتح عيونه مصدوم بس كتم كلامه كملت : بعدها امر الامام بيقاف القتال والعفو عن اللي رمى سلاحة ونزلت ام المؤمنين عن جمل بتسمت تابعت : الناس كلهم يتوقعون الامام يذلّ عائشة أو يحاكمها،كونه الخليفة الشرعي ولأنها طلعت عليه، وجابت ناس، وصار القتال وسفك دم \.\.\. بس هو\.\.\. لا جهّزلها زاد، متاع، حتى دابّة تركب عليها، وكال لهم ودّوها للمدينة\. عمر : رجّعها بأمان؟ هزيت راسي بثقة : مو بس بأمان\.\.\. بعزها\. جاب أربعين امرأة من نساء البصـــرة، لبسهنّ عمائم، وخلّى كل وحدة متلثمة، ونطاهن سيوف، كأنهم رجال، حتى محد يگدر يحچي، لا عنها ولا عليه \.\.\.\.\. خلاهنّ يرافقنها لحد ما توصل المدينة\. عمر : وهي كانت تظنهم رجال؟ :إي، ولما وصلت المدينة ياحزرك شنو سوت؟ بفضول عمر :شنو سوت؟ : تجمعت الناس حولها \.\.\. وكانت تقول: انظرو لقد"بعثني علي مع جيش من الرجال" ولما وصلوا، وكشفن وجوههن \.\.\.\.\.طلعوا كلهن نساء\.ومعها اخوها محمد ابن ابو بكر يعني حتى بخصمه، ما يسمح لكلمة تسيء تطلع عليه\. علي، يجرّح بسيفه، ويضمد بيده\. عمر  : ليش هيج سوت؟ ضحكت بصوت : لانها تحبه بس بعد عيني ابو الحسن صدمها\. عمر :بصراحة اول مرة اسمع هل تفاصيل \. ضحكت بستهزاء : وقبل شوية تسألني الشيعة تطعن بعرض النبي\!\! شوف والينا شلون يعاملها رغم طلعت ضده\! سكتت ثواني، وبنبرة هادئة : الكل نبي فـتنة تحدث تفرق قومه، مثل نبي الله صالح، ناقتـه كانت الفتنة الي شقت الصف، ونوح، فتنتهم كانت الإصرار على الكفر حتى من أهل بيته، وموسى، الفتنة كانت السامري والعجل، وعيسى، فتنتهم كانت الشك بولادته ونبوته، ومحمد، فتنته مو بس الكفار، حتى بعد وفاته، الناس اختلفت بوصيته وأهل بيته\.وانما الفتنة الاكبر اللي شقت صف المسلمين وسفك الدماء هي معركة الجمل\. سكت هو، وأنا سكت\.\.\. بس الهوى بيناتنا كان مليان بصوت علي عليه السلام، وبصدى عدله\. رجعت كملت : هي ليش خرجت ضد إمام زمانها؟ شنو هاي الجرأة؟ وإذا هي فعلاً "أم المؤمنين"\.\.\. ليش باقي زوجات النبي ما طلعن وياها؟ كل وحدة منهن بقت ببيتها، مثل ما القرآن أمر: "وقرن في بيوتكن" بس هي اختارت غير الطريق\.\.\. يمكن اجتهدت، يمكن انخدعت، بس النتيجة كانت دم وفتنة وكسر صف الإسلام\. سكتت لحظة، نزلت نظراتها، وبصوت واطي : أكثر الفتن تبدأ بنيّة طيبة\.\.\. بس تطيح بيها أمة كاملة\. عمر : روحي، انتي ذكية، وانا أحب بيج هالحدة، \.\. النبي نفسه قالها، لما مرّوا بمكان وسمعوا نباح الكلاب، قال: "أيُّكنَّ تنبحها كلاب الحوأب؟" وهي ردّت: "أرجعوني، أرجعوني\!" يعني هي شعرت بالخوف، بالذنب، بس للأسف، إللي وياها أقنعوها تمشي\. مو كل شي أبيض وأسود، أكو لحظات بهاي الحياة، الواحد يضيع بين الصح والخطأ، حتى لو كان من الصحابة\. : يعني رغم النبي حذرها\.\.\. والقرآن حذرها بس طلعت؟ سمعت نباح الحوأب، وعرفت إنّه هي المقصودة، ومع هذا كملت؟ عُمر، هي مو أي وحدة\.\.\. هاي زوجة نبي، أمّة تتبع خطواتها\. شنو تبقى من هيبة النبوة إذا أقرب الناس إلها تمشي بعكس وصيته؟ تدري شنو الرواية؟ النبي، يوم من الأيام، كان جالس مع نسائه، وقال: "كأني بإحداكن تنبحها كلاب الحوأب\.\.\." والتفت لعائشة، وقال: "إياك أن تكوني أنتِ يا حميراء\." رفعت عيونها عليه، نظرتها ثابتة : يعني نبهها، سماها، وحذرها باسمها… بس بعده، طلعت، وقادت جيش، وانسفكت دماء مسلمين،وصحابة عمر : گتلج البعض يشوف خروجها اجتهاد وحاولت تصلح والبعض يكول أخطأت بس احنا باقين نتبعها\. تكلمت برود : يعني مثلاً، \.\. خوالك يمكن يشوفوها اجتهاد، وعمامك يشوفوها خطأ \.\.\. بس الاثنين يتبعوها بنفس الشكل، كأنّه الموضوع مو مهم \.\.\.\.\. عادي اذا قاتلت علي الخليفة الشرعي مفترض الطاعة شنو يعني\! احنا ناس متفرجين هي ويا ينجازون ضحك بصوت عمر :دخيل الله، ربط المواضيع عندج محد يناقش بيه\.\.\. إذا ما تفكرين تصيرين دكتورة عقيدة، راح أزعل\! ضحكت اخذت الجنطة هو أخذ البخاخ يناظره بتفحص عمر : ليش رشيتي على ايدج قبل شوية؟ : لان حسيت بحرارة اكثر من الالم، وهو بارد بتعجب عمر : بارد؟ : اي، هو غاز، والغاز من ينضغط يصير بارد حتى يساعد على فتح الشعب الهوائية\. عمر : عادي اخذه؟ عقدت حواجبي : ليش؟ تكلم وهو يناظر له عمر : لان شفافج لمسته\. بتسمت، البست الجنطة نهضت هو كذلك اشو اخذ البخاخ رجه بخفة، \.\. ضربة بخه وحدة غمض عيونه بقوة ونحنى مسكت ايده : شنو سويت مجنون\.\! ضحك صار يگح بخفه وايده ؏ صدره عمر : اني زين؟ لو راح اوكع؟ خفت حسيت نبضي زاد قبل نبضه اخذت معصم ايده اقيس نبض\. : عُمررر لتخوفني بشنو تحس؟ عمر : بخه وحدة بس حسيتها دخلت لروحي اسرع منج\! : عُمررر خوفتني ميصير تستخدمه\. عمر : ليش؟ : هذا البخاخ موسّع شعب، ينطي دقات قلب سريعة، مرات يسبب رجفة أو دوخة\.\.\. إذا ما محتاجه، جسمك يتفاجأ بيه\. سكت، ينتظرني أكمل، صوته خافت عمر : وشنو أسوي هسه؟" رفعت راسي أنظرله، : ولا شي، گعد بمكانك، لا تتحرك هواي، وركّز ع نفسك\.\.\. عمر : "يعني يمچ؟" سكت لحظة، وگبل لا أجاوبه، همس عمر : أثر شفافج هيچ سوه\.\.\. لعد من اخذهن بالحقيقة شيسوون بيّه؟" نزلت نظرتي بخجل، وضغطت على طرف الجنطة بأصابعي، : يمّا عُمر\.\.\. البخه صعدت الراسك\. عمر : هههههه، شلتني\. بقيت واكفة أراقب نبضه، : إذا حسيت بخفقان أو دوخة كول، ماشي؟ عمر : وإذا حسيت بحب؟" رمقته بنظرة، وضحكت غصب، : هذا ما إلنا بيه علاج\.\.\. بس هم راح أراقبه\. نهض : خو مبيك شي؟ عمر : لا راحت زين بس ليش هيج ثلج؟ وليش انتِ دائماً تستخدمي يعني هم هيج تحسين اني توقعته مثل الاوكسجين العادي؟ مشينا بس عيوني عليّ : اني تعودت، بس لان هذه مفعوله سريع، بس اثر بيك لان اول مرة وستخدمته وانتَ مو محتاجة\. كملنا مشي بدت الطلاب تطلع خلص الدوام طلعنا الباب الجامعة هو تحسن عمر : مو ناسية شي؟ : مثل؟ عمر : ماعرف شوفي\. ناظرت الجنطة، ملازمي، مبايلي موجودات : لا مو ناسية شي\. بنبرة قوية عمر : متأكدة؟ : ايي صاح بعصبية : عمر : روووووح لفيت بهدوء نزلت راسي عمر : ايدج\. : ما عمر : هاا؟ : تكول تصرفاتي طفولية، فأي اني طفلة واعاند حاول تقنع هل الطفلة اذا عاندت\. عمر  : والله العظيم مو قصدي بس بعدج متعرفين يعني كنت مركز واريد اعرف لهذا افصل عن كلشي من ابدي ابحث\. طنشته، ضحك قرب كملنا مشي عمر : حبيبتي\! باباتي شنو تردين اجبلج الدنيا، بس عوفي الطنكورة وسامحيني : ما يعني ماااا\. عمر : لك فدوات اروح لبنياتي شنو جمال الطنكورة الحلوة\. مارديت بس بلكوه لازمة ضحكتي تروح تخرب عليّ عمر : ؏ أقل ألبيسها وعاقبيني عالراحتج قابل والله\. كان لابس الحلقة بصبعه نزعها قبلها بحنية واخذ كفي لبسنياها ماعترضت\.\.\. : بس خليك حذر وياي اُستاذ \.\.\. ولاتصحي الشيطانة\. بتسم وكأن نبضه ستقر قرب همس بصوت واطي عمر : اصحيها؟ لا والله اغازلها لحد ماتنام بحضني وتنسى كل شي \.\.\.\.\. وعد احب كل تغيراتج، النفسية وحـدة وحــدة،وقبــل لا تغفينن \.\.\.\. اهمس لج أحبج،\.\. وماكـو شي بهالدنيا يهمني غيرج\. : احمم\.\.\. ممكن تكون مؤدب\.؟ ضحك عمر : مؤدب؟ هو گأنـي سويت شي؟ بعدني ما بلّشت أحبّج "بوقاحة"\. :عُـــمـر\! عمر :هاي بس البداية، بعدچ ما سمعتي شي\. : لا مااريد اسمع\. ضحك، شفت السايق منتظرني : مع سلامه أُستاذ\. طال النظر بعيوني رد عمر : أحبج\. : أستحق حبني أكثر وأكثر\. ضحك نزل راسه رجع نظره عمر : وعد احبج العمر گله واني ابعد عنه رددت : الايام راح تثبت\. هز راسه بأيجابية مبتسم، صعدت وصلت البيت مثل كل مرة غيرت البسي نزلت شفت فطومة تاكل بس شافتني ضحكت وصارت دفر برجليها اخذتها اضحك لزمت وجهي تريد تعضني لعبت وياها غيرت مودي اذكر  \.\.\.محمد مرة گال العب مع الاطفال ينطي طاقة أيجابية وفعلاً  \.\.\. غيرتني بعد العشا جالسه ويا اهلي وصل مسج 💬حبيبي شلونها؟ 💬مثل لونك\. 💬هههههه لاوين غير لونج يخبل شفاف 💬هسه المطلوب؟ 💬خطيبتي وروحي احجي وياها\. 💬مشغولة  شوية واريد اكمل دراستي اذا اكو شي مهم كول؟ 💬هاااااا؟ 💬والله\. 💬يعني بعدها الطنگورة؟ 💬انت گتلي بس البسي الحلقة وعاقبيني 💬تمام فتحي الباب 💬هاا؟ مارد بس سمعت الباب ندك فتحت عيوني نهضت بسرعة، علي الاكبر طلع يفتخ الباب سمعت صوته بلعت ريگي وافكر : هذا مجنون ويريد يجنني ويا\. كعدو هو علي الاكبر ، بعدها امي هم سلمت عليّ صاح علي الاكبر  : بسكوته تعاي ابو الاقتصاد يريدج\. رديت من خلف الباب : شوية وجاية\. رجعت صعدت البست شي طويل خليت الشال عالراسي نزلت اخذت الچاي،سلمت رد \.\. قدمت جلست ،\.\.\.\. يحجون بمواضيـع عادية عن الشغل شوية نهض مستأذن اخذ كارتون صغيرة جنبه عمر  : زهورة شوفيلي \.\.\. هل هدية اتمنى تعجبج\. قربت بخجل : أللي؟ عمر  : طبعاً اخذتها من ايده فتحتها علبة بيها سوار ذهب ضحكت نحنى همس عمر  : اعتذر  \.\.\. عن الوجع السببته ألج\. علي الاكبر  : احممم\.\.\.\. شنو المناسبة؟ عمر  : مرتي وحبيبتي وجبتلها هدية يعني له اكو مناسبة؟ علي الاكبر  : لا يابا حقك\. عمر  : هي امانة يمكم بين مايصير الوقت وأخذ أمانتي \. رجع بصوت واطي عمر  : عجبج؟ هزيت راسي بأيجابية مبتسمة : كُلش  \.\.\.\. اُستاذ شلون عرفت ذوقي؟ عمر  : دائماً اشوف تالبسين بأيدج هيج\. بتسمت : شكراً حبيبي\. ناظرت لعلي الاكبر رافع حاجبه يناظر لنا صفح : لان انتَ صاحب الهدية لازم تكمل فضلك وتلبسه بيدي\. ضحك اخذه البسني، قبل ايدي علي الاكبر بس يسوي احم احم احنا مطنشين نسولف بعيونا طلع ودع علي الاكبر،\.\. بس ماسك ايدي وصل للباب وكف رفع كفه لمس خدي بلطف اني ميلت راسي مبتسمة عمر  : طنكورتي الحلوة  \.\.\. بعدها زعلانة؟ هزيت راسي بأيجابية ضحك ضم راسي لصدره وقبل راسي\. عمر  : احلى طنگورة \.\.\. احبج\. : حبني هواي \. ضمني بقوة عصرني الصدره  يردد عمر  : والله احبج\. : موهيج خنگتني\. بعدت اضحك : كتلك حبني مو تخنكني\. عمر  : هو اني هيج أحبج\. ودعني طلع  \.\. رجعت اضحك بعدها مثل روتني درست، سولفنا شوية نمت \.\.\.\. بعد صلاة الفجـر كملت قرآن  رن  عمري " ستغربت بسرعة رديت : الووو اجاني صوته تعبان مبحوح عمر  : زهرتي\. : شبيك ليش هيج صوتك؟ عمر  : لسه مو نايم : ليش ؟ شصار؟ سحب نفس بتعب عمر  : ماكو شي بس \.\.\. كنت أقرأ وماحسيت له على صوت الاذان صليت\.\. وهسه اريد انام فد ساعة اني ثبتت المنبة بس \.\. حبيبج گسول يعني مرات اطفي  المنبة وارجع اكمل نومتي\.\. ضحكت : صار حبيبي اني أظل اتصل لحد ما تصحى\. عمر  : عفية عليج حفظتي طبعي\! : طبعاً  ولو\. سديت الاتصال بين ما جهزت نفسي نتظرته ساعة رجعت تصلت ولا رد ضليت لح لحد ما فتح خط : عُــمــر ترا تأخرت يلاا رد بصوت ناعس بلكوه يحجي عمر  : يومية اصحى ؏ هل صوت تعاي بحضني ماريد شي\. عطت : تأدب لو أجي أدبك؟ عمر  : اي والله ناقص تربية تعاي أدبيني أني واحد أدب سز\. :أصحى وفضها يله\.\.\. عمر  : هههههه صار عيني صار\. سديت الخط نزلت تريكت مثل كل يوم طلعت للدوام وقت الاستراحة جلسنا اني وعُمر شكله تعبان : شنو كمت تقرأ؟ عمر  : صراحة ماعرف منين ابدي صرت ابحث واقرأ لا ؏ التعين\. سكت ثواني\. عمر  : مو كلتي اساعدك تبحث؟ :اي صح\. عمر  : لعد شنو منتظرة؟ : ماعرف شلون \.\.\.\.يعني منوين ابلش وياك؟ عمر  : انتِ منوين بلشتي؟ : متخاف؟ عمر  : من شنو؟ : تبحث\. عمر  : لا ليش اخاف بالعكس حلو واحد يعرف حتى يرد على كل سؤال\.\.\.حلوة الثقافة الدينية :تعرف \.\.\.اني من بلشت اقرأه كتشفت اني مو شيعية و رجعت تشيعت مرة لخ ضحكنا : اني اهلي هواي ساعدوني وكنت كل سؤال اسأله يجاوبون عليّ واذا ماعرفو يبحثون وياي عمر  : نعم الاهل، نعم التربية نظرتله : وعدني نربي اولادنا هيج؟ عمر  : وعد نربيهم مثل ما انتِ تربيتي\. بتسمت : شوف لتخلينا نرسم بداية خلي اي سؤال يجي بفكرك نروح نبحث عنه سوه شتكول؟ لان الروايات مثل السبحه المطشرة ماكو كتاب واحد يجمعهم\. عمر  : هاي هي ضحكنا ونهضنا لان صار وقت محاضرتي انتهى الاسبوع وكنا بوقت الاستراحة نكعد نقرأ سوه واول شي بحث عن معركة الجمل بالتفضيل لممل وهل ايام لاحظت فعلاً  \.\.\. عُمر من يبحث يصير واحد ثاني حتى صـوته يرتفـع لا ارادين ما زعلت لان فهمته تصيبة حالة توتر لذلك اني قربت منه أكثر، لما كان يسأل سؤال ونكعد نبحث دائماً امسك كف ايده هل شي يخفف توتره الاحد كملت محاضرتين وصلني مسج 💬حبيبي وين؟ رديت 💬بالمكتبة 💬جاي مرت دقايق اجه بس شافني بتسم نزع المناظر سلمنا ؏ بعض سحب الكرسي جلس عمر  : اذا اضيعج الگاج بالمكتبة\. نتبهت على الكتاب اللي بيده رجعت ناظرته مستغربة : تم اهتديت؟ رجع نظره للكتاب رد عمر  : البارحة سهرتي ويا  \.\. فتحت صفحة لا عالتعين \.\.\.\.\. طلع \.\.\. سحب نفس قوي رد عمر  : تعرفين شنو گال التيجاني عن الحسين؟ : شنو گال؟ عمر   : كنت استهزء بالشعــائر، اللطـم، البكاء بس الما قرأت عن الحسين عليه السلام شفت ان الشيعة مقصرةمو من حيث الحب أو الولاء، لكن من حيث الالتــــزام الحقيقي بمبادئه، مثـل العدالة، والصدق، ومواجهة الظلم\. كنت ابتسم واني اسمعه سكت ثواني كمل عمر  : گال،\.\.\. ان البكاء وحدة  لا يكفي لوكان الحسين بيننا هل يرضى ان نبكي عليه فقط ام يريد ان نكون حسينيون حقاً؟ كملت : بكيتُ على الحُسين ولكنني شعرتُ بالخجل لاني نضرتُ في نفسي، وجدت اني لا احمل من الحسين الا، الحـزن عليه ، لا الصـبر ، لا الموقف،  لا الاستقامة عمر  : رغم هو سُني سلفي متشدد بس سبحان الله كتب كلام وماخاف رغم بعض علماء السُنة يشوفو مرتد \. : اهم شي وصل  \.\.\.\.\. وصل للحُسين او يمكن  الحُسين هو اللي راده  \.\.\. المهم نرجع حتى لو متأخرين\. رفع نظره اللي مسك كفي رد عمر  :وإذا رجعنا ويانا شخص يذكرنا بالحُسين، مو هذا الربح الحقيقي؟ ضحكت صار وقت المحاضرة طلعنا من المكتبة عمر  : باجر دوامج بالمستشفى؟ : اي حبيبي  وكتلك اليوم اروح البيت عمو\. عمر  : ضروري تروحين؟ : مو ضروري بس عيب عمو اتصل بيه ماكدر ارد\.\. هز راسه بس شكله ابد مو رواضي : عموري عمر  : هاا يروحه : ليش متحب اروح البيت عمي؟ عمر  : مااريد تفهميني غلط بس\.\. : بس شنو؟ عمر  :ماحبيت ولده\. : مصطفى ومحمد؟ عمر  : اي خاصه محمد مااطيقه من كان يوصلج : لا لطيفين والله مارد بس كان مقهور ضحكت مسگ طرف اصبعي  ، شبكت اصابعي بيده كملت الدوام بعدها رجعت للبيت عرفت محمد رجع فرحت، بعد صلاة المغرب البست عباتي نزلت طايرة، منتظريني طلعنا البيت عمو دخلنا سلمت عمو حضني قبل راسي اجه مصطفى  رد مصطفى : شلونها رويحتنا؟ : بوجودكم بخير\. مصطفى  : دوج ان شاءلله نزل على الدرج شفت محمد بس متغير، التعب واضح على وجه بس شافني ضحك محمد  : بسكوته\! : حمدالله على سلامتك نزل محمد  : الله يسلمج شلونج؟ : الحمدلله بخير عبرني راح صافح علي الاكبر سلمو على بعض سلامهم القديم بي لهفت محنه، احترام، عفتهم يسولفون رحت للمطبخ، عمتي طبخت كلشي يحبه بعد العشا كلنا جالسين علي الاكبر سأله عن الاحداث محمد  : وحق العباس لولا الحشد والجيش صار غزو شامل للعراق رديت : رضي الله عنكم وارضاكم محمد ناظرلي ضحك علي الاكبر  : اي والله لولا فتوى السيد الله يحفظه  \.\.\.\.\.زين  شنو اكثر شي يعيق التقدم؟ محمد  : القناص يوكف رتل كامل انعل بليسهم  نطلعهم يكرم السامع من المنهولات يبقون اسابيع على مغذي لا اكل لا شرب مصطفى  : ابو الجيفة يريد حور العين ويتغدا ويا الرسول ضحكنا ظلو يسولفون شوية نتبهنا محمد نام غفه وهو جالس مصطفى راد يجفله روح الزهراء  : لا عليك الله خطيه مصطفى ضحك على صوته محمد جفل صاح محمد  : سلاحي وين\.\.\.؟ مصطفى  : تكبيــــــر ضحكو بصوت عالي فرك وجه يصحصح ام محمد  : حمودي يمه كوم نام تعبان\. محمد  : لا يمه منتظر اتصال مهم حور العين حضنته تبوس بي حور العين   : يمه \.\.\. جاسم عاشك حبيبته كالت له اتعشا واخاربك\. محمد  : حوووورر ام محمد  : يوم عيد هيج وصدگ يسويها الله ويهديك\. عمو ناظرله وضحك ابو محمد  : هاا محمد صدك كلام حور؟ محمد  :لا بوية ماكو هيج بس هاي خبلة اني بيا حال هو غير القائد من نريد نهجم على مكان وبي خطورة والخلاص واحــد بالمية\.\. يكول المتزوج وعنده اطفال يظل\. حور العين  : لعد ويه منو تحجي تكول يلا بعد العشا\. محمد  : عجيب يعني لازم تكون بنية؟ بعدين انتِ شعندج حاشرة اذنج وتسمعين\.؟ بضحك حور العين  : جاسم صدفة سمعتك والله\. مصطفى  : ليكون على دراجات؟ محمد  : اي بهاء گال يردون 15 دراجة حور العين  : شتسوون بيهم؟ ضحك محمد  : نلعب سباق ويه دعوشي\. رن موبايله ضحك ونهض محمد  : ابن حلال\. طلع اني وحور دخلنا المطبخ مجهزة مواد الحلو البسكوت اللي يحبه محمد  \.\.\. بدينا نجهزة اخفق الكريمة، وهي تسوي الشوكولا اجه محمد ومصطفى يسولفون ويضحكون هي راحت كمزت على كتف محمد حور العين  : جاسم مشتاقتلك حبيبي\.\.\.\. شالها مثل الطفل وهي تضحك محمد   : ولج حور والعباس لزمج الطشج بالگاع مالي خلك\. حور العين  : جاسم ماتسويها اني أختك\. نزلها يضحك لزمها لزمه خلاها ترفس محمد  : اسويها واسوي ابوها\. حور العين  : مصطفى،  باباااا ولگ جاسمممم مصطفى  :هههههههههه، تستاهلين جنج قرد كل شوية وكمزتي على ظهره حور العين  : والعباس ماكمز بعد ماكمز ولج روووح لحگينييي ضحكت رحتلها روح الزهراء  :عوفهااا محمد خطية دتسويلك الحلو اللي تحبه\. تركها حور العين  : ولك جويسم طبق قوانينك عليّ\. ضحگ خرب شعرها طلعو بقينا اني وياها بعد ماكملنا، رجعنا البيتنا\. ثاني يوم بالمستشفى طلعنا من العمليات كنت لابسه سكراب والمعطف الابيض نسولف اني وبنت هم متدربة روح الزهراء  : بس المرحلة الاولى سهلة يسولنا واهس للدراسة\. : اي والله بنت خالتي هم راحت تخدير تكول المرحلة الثانية كلش صعبة\. روح الزهراء  : هههههههه اي اني من هسه دا احضرلها\. طلعنا من المصعد شفت محمد واكف بشعبة المفراز،ستغربت رجعت ركزت والله صدُگ هذا ابو عيون الخضر ستأذنت منها ركضتله \.\.\.\.\.\.\.\. يتبع \.\.\.\.\.\.\.\.\.\. لاتنسون التصويت والتعليق رأيكم بالبارت، والاحداث؟