36⛓️‍💥

بسم الله الرحمن الرحيم سبحان الله الحمـــــدلله لا اله الا الله الله اكــــــبر ♡اللهم اخرجني من حولي وقوتي الى حولك وقوتك♡ ⛓️‍💥قيود المذهب ⛓️‍💥 بقلمي\.\. روز الحيدري التكملة\.\.\.\.\.\.\.\. طلعنا من المكان وكل جسمي يرجف بعد ما بطلت كل شي مسويته صار عندي غثيان واني اذكر المنظر والريحة ريم  : عمر صف حستفرغ\.\. بسرعة صف نزلت بسرعة هو هم نزل أجت امي رادت تلزمني دفعتها\.\. ريم  : عوفيني \.\.\. ولج يمه حراام حتى الحيوان ماخلص من شرج؟ ام عمر  : افهمواااا اني لو اريد أذيها مااكول لكم لو اريدها تموت\.\.سكتت وماحجيت شي ، يسويت اللي سويت، بس حتى تبعد… حتى تكرهه عمر، مو حتى تموت… بس… ما فاد\. سكتت أتنفس بصعوبة… عيوني تدمع من الغثيان والخذلان\. عمر واكف بعده، إيده متوسخة من الحفر، تيشيرته ملطخ، وجهه مصدوم، وتعب روحه بان بعينه… نظر إلها… نظره مو عتاب، مو غضب، ولا حتى كره\.\.\. كانه نظرة غريب مايعرفها، كأنه شاف وجهها لأول مرة: أجه نكاني مي غسلت عمر  : شبيج؟ ريم  : الريحة خنكتني عمر  : هسه تصيرين احسن رجعت غسلت وجهي شربت مي صعدت وصلنا للبيت اول شي سوا اخذ القرآن وكف مقابيلها عمر  : أحلفي متسوين اي شي يضر روح الزهراء احلفي بكلام الله\.\. ماراح تأذيها بعد\. ساكته بس مو سكوت ندم تحاول تتلافى الحلف او المواجه ابوي نظرلها ضحك بستهزاء عماد  : يعني اللي تسوي كل هذا…تتوقع تخاف من كلام الله؟\.\. هي من الله ماخافت\! عمر  : صح كلامك…بس هذا اتفاقنا اتزوج مقابل تخلصها من السحر\. مدت ايدها ترجف بصوت خافت ام عمر  : أحلف\.\.\. ما أأذيها بعد، ولا أرجع أسوي شي\. يهز راسه بخيبة، عمر:بس الحلف مو كافي… الله يعرف النية، وإذا كذبتي او لا، راح ياخذ بحقها\. سحب القرآن من إيدها، باوعلها آخر نظرة، نبرة صوته كانت آخر رمق صبر عنده: عمر: إذا متخلفين… ماأخلف\. بس الله لا يخلّيني اذا وكعت دمعة من عينها بسببي\. بعدها صعد الغرفته، أني ظليت حيلي مهدود ماكدر احجي حرف مددت ؏ قنفة كل طاقة ماعندي\.\.\. مومستوعبه الشفته ماطول شوية ونزل سابح، مغير ملابسه وكف يناظر نفسه بالمراية ام عمر  : يمته\.\.\. تنفذ وطلكها؟ قربلها عمر  : "اممم شنو رأيج اطلكها وهي بلمستشفى؟ مو خوش خاتمة، ها؟ حتى الدكتور يكتب بورقة الخروج: انفصال رسمي مع تدهور صحي بسبب السحر؟" سكت لحظة، بس عيونه ما فاركت وجه أمي، وكمل: عمر  : كلشي سوّيتيه\.\.\. بس بعدج ماگتلتيها، خليها تعيش، خليها تعرف تتنفس\.\.\. ام عمر: لاتخلف بوعدك\. قربلها اكثر نحنى لها عمر  : مااخلف بس\.\.\.\. گتلج ترجعلها عافيتها وترجع احسن من قبل يله\.\.\.وقتها افكر احجي ام عمر  : وعروستك\. بعد وهو بتسم بسخرية عمر  : عروستي؟\. قصدج الورقة اللي وقعتها وأني مقيد؟ ما شفت وجه عروسة، شفت تابوت روحي" سكت شوية، ناظرها بعين تعبت من كلشي: عمر  : إذا تعتبرين هاي عروستي، فـ مبروك\.\.\. زفّيتي إبنج للجحيم بإيدچ\.\. طلع حلقة من جيبه شمرها بوجه امي طلحت بحضنها عمر  : أكص اصبعي ولا البسها\. لف وجهه وطلع بخطوات ثكيلة كأن،\.\. يجر همومه أني ؏ نومتي منسدحه مااكدر اتحرك امي نهضت الغرفتها بس جيهان وعلي اشرت ريم  : جيهان تعااي قربت جيهان  : شبيج منسدحه؟ ريم   : عوفج مني أحجيلي صار بالحفلة؟ جلست\.\.\. بصوت مرتبك، جيهان  : شحچي؟ ولچ ريم… عمر تكولين ميتله ميت، مارفع عينه عليها، ولا شافها، أول مرة بحياتي أشوف رجال واكف بنص حفلة عقد قرانه، وعيونه تصيح وجع\.\. ريم: يعني شنو؟ ما كعد يمها؟ ما حچا وياها؟" هزت راسها بأسى جيهان  : ولا كلمة… سلم على ابوها ووقع الورقة، حتى وهو يلبس المحبس، كأنه يدفن عمره بإيده\. وهي؟ كانت تبتسم، تتصنع، بس بعينها خوف… وكأن تعرف إن هالفرحة مو إلها\." ريم  : محد حس بـ عمر… شلون گلبه يكدر يتحمل؟" جيهان:مايكدر…هو مايتحمل، بس دايمشي، لأن وعدها… بس ريم، أقسم، كل من حضر حسه مغصوب، وكل من شاف عيونه… فهم إن هالعقد، هو قيد، مو زواج\." شفت ابوي يريد يطلع نهضت ريم  : بابا\.\.\. وين تروح؟ عماد: مااريد اسمع صوت أمج اكثر من هيج أذا اظل أختنك\. ريم  : أخذني وياك وين تروح\.\. قرب مبتسم قبل راسي عماد  : يجي يوم واخذج وعد\.\. بعد وطلع ماحجيت شي \. \. \. \. \. \. "روح الزهراء" بين النايمة وصاحية أحس، أسمع،\.\.\. بس جفني ثكيل مااكدر اتحرك سمعت صوت سحبني كأن حبل سحبني من قاع صوت أعرفه\.\.\. صوت يبرد الگلب\. وهو يقرأه أخر شي محمد : "فقال الله عز وجل: يا ملائكتي ويا سكان سماواتي، إني ما خلقت سماءً مبنية، ولا أرضاً مدحية، ولا قمراً منيراً، ولا شمساً مضيئة، ولا فلكاً يدور، ولا بحراً يجري، ولا فلكاً يسري، إلا في محبة هؤلاء الخمسة الذين هم تحت الكساء\." السكوت ساد لحظة، بعدها بصوت خاشع تابع\.: فقال الأمين جبرائيل: يا رب، ومن تحت الكساء؟ فقال عز وجل: هم أهل بيت النبوة، ومعدن الرسالة، هم فاطمة، وأبوها، وبعلها، وبنوها\. فتحت عيوني ماشوف غير ضباب ماكو شي واضح رفعت ايدي أريد ابعد الماسك محمد  : روحي\.\.\. بسكوتي لا تتعبين نفسچ… أني يمچ، وكل نفس تاخذينه هو نعمة… نعمة من رب العالمين\." قرب مني، شفت ظله يتحدد بهالضباب، وجهه ما بي ملامح واضحة، بس أحسه محمد… بس هو\. محمد :فتحي عيونچ زين… لتخوفيني وإذا بعدج تعبانة… لا تحجين، بس خليني أظل أقرأ، إلين يرجع لون خدچ، ويرجع نورج\." بالكوة نطقت روح الزهراء  : مـ\.\.ـحـ\.\.مـ\.\.\.د صوته رجف اول ماسمع اسمه من عندي محمد  : أي\.\.\. محمد\.\.\.\. محمدچ يمج بسكوته باقي وياج\.\.\.\. مافاركتج ولا افاركج\.\.\.\. يمج بجيت   دموعي نزلت روح الزهراء  : عبالي  \.\.\.\.\. عبالي ستشهدت خفت عليك محمد نزه الكمامه، مبتسم تكلم بنبره حنينة محمد  : حتى لو أموت روحي تبقى معلكه برمش عينج\.\. بجيت توقعت نفسي اتخيل\! روح الزهراء  : كول والله ماستشهدت؟ بتسم ضم خصله من شعري محمد  : والله بعدني عايش\.\.\. بس ليش شفتيني أستشهدت؟ هزيت راسي بأيجابية ضحك محمد  : رتاحي بعدين تسولفيلي \.\.\. بس مو تنسين؟ روح الزهراء  : أي\.\.\.\. أمي وين؟ محمد  : شوفيهم\.\.\.هاي عمتي وفدك، علي الاكبر ، وبعد امي وابوي، مصطفى كلهم هنا\.\. درت عيني ببطء شفت أمي عيونها غركانه بالدموع هي وفدك رفعت ايدها لوحت تكلم بهمس محمد  : شوفي شلون الكل منتظر رمشة عين من عندج\. ردت اسأل عن عُمر اجو الممرضين طلعو بقيت وحدي\.\. رفعت عيني ؏ جهاز شفت نبضي ضعيف بس بعدو عني التنفس غمضت عيني بس مو نايمة  \.\.\.رجعت فتحت بس الممرضة جنبي روح الزهراء  : أريد أمي\.\.\. الممرضة: هي ماعافتج وهسه هم اخليها تشوفج\. روح الزهراء  : يمته\.\.\. أطلع تعبت؟ الممرضة  بس ضغطج يستقر وتتحسنين نخرجج\. طلعت وبس صوت الاجهزة همست النفسي : ياريت ماصحيت من الحلم شوية وأجت أمي اخذت ايدها قبلتها فاطمة: عرفتيني؟ ضحك روح الزهراء :اكو واحد ميعرف اللي ولدته الحياة؟ \.\.\. شلون انسى فطوم محبوبة علي\. نزلت دمعتها ضحكت قربت قبلت راسي ظلينا نسولف اني وياها بعدها انام واصحى طلعوني سوو تحاليل جديده لزمت ايد فدك الزهراء روح الزهراء  : نور ليش مااجت؟ قربت فدك الزهراء  :أجت أصلاً مافاركتج بس هستوها راحت\. روح الزهراء  : عُـمر\.\. وين؟ فدك الزهراء  : هنا موجود\.\.\. بس منتظرج كملت التحاليل ورجعت ؏ عناية \. رجعت نمت صحيت ؏ لمست كف ؏ اقدامي ماهتميت عبالي الممرضة لان المغذي مخلي برجلي\.\.\. اوردت ايدي كلها تظررت بس هل لمسه تختلف فتحت عيني شفت تكلمت بصوت تعبان روح الزهراء  : عــــ\.\.\.مـر قرب لزم أيدي يقبلها ويبچي بحركه ضم وجه باطن كفي يرد بصوت مبحوح عمر  : سامحيني\.\.\. سامحيني\.\. روح الزهراء  : لتوجعلي گلبي بعدني مامتت عمر  : من عمري على عمرج\.\. مسح وجهي بكفه يرجف عمر  : افديج بعمري\.\.\. بسعادتي\.\. أفديج بكل شي\.\. بس ترجع عافيتج\.\.\. يعافيتي شلون صرتي روح الزهراء  : تعبانةةةة حيـــــل عمر  : لتخافين كل تحاليلج سليمة \.\.الدكتور كال\.\.\. بس يظل وضعها هيج للصبح تطلع من العناية\. سكت وأيده بعدها تمسح وجهي كأن يريد يحفظ ملامحي عمر  : ماراح أعوفج\.\.\.أنتِ حبيبتي، زوجتي، روحي، والنفس اليصعد وينزل\.\.\. بتسمت روح الزهراء  : تحبني؟ قرب قبل جبيني ظل لازم وجهي بكفوفه، وجبينه ؏جبيني عمر  : أحبج؟\.\.\. لا والله اعشگج\.\. إتنفسج\.\. أموت بس حتى تعيشين\.\. اتخلى عن الدنيا ولبيها الخاطر عيونج\. أجت الممرضة طلبت يطلع حتى ماتعب من الكلام رجعت أنام من اصحى هو ماتحرك واكف ؏ شباك صار الصبح ماطلعت ظليت ليلة ثانية لليل يلا طلعت من العناية كطعو عن المغذي وشالو كل شي من جسمي\.\.\.\.\. بديت اشرب بس مي وعصير بنسب قليلة\.\.\. بعدها بيوم صرت أمشي تدريجياً بديت اتحسن عمامي واولادهم أجو حتى أبو عمر واخو علي اجو شافوني\.\.\. كلهم اجو له هي نور الزهراء ماأجت ولا حتى اتصلت\.\.\.\.\.\.\.\.\. وعمتي ريم كالت مريضة محمد وعلي الاكبر ماعرف يحجون كلام او ناصبين عليه ويضحكون \.\. واني مثل الهبله مافهم حتى\.\. فدو متعرف الظاهر كنت اهلوس هواي\.\.\. خلصت أسبوع كامل وفدك الزهراء ماتركتني ولا لحظة طلعت للبيت علي الاكبر نزل فتح الباب نزلني عمامي واولادهم واكفين بالباب علي الاكبر  : أشيلج؟ روح الزهراء  : لا شدعو\! صف عمر بسيارته نزل بسرعة أجه يلزمني بعدت ايدي بعصبيه روح الزهراء  : عوفوني شبيكم\.\.\.؟ عمر  : موغلط اذا اسندج روح الزهراء  : عوفوووني وبس\. فدك الزهراء  : عوفوها عافوني مشيت وحدي سلمت ؏ عمامي بعد اريد اتخطى وادخل للبيت ستوقفني عمو أبو محمد  وابو ضياء طلعو خرفان ثنين الگصاب ذبح واحد بعدها دخلت للبيت هوسه عماتي وبناتهم وخالاتي بس سلمت وصعدت حور العين وياي مانزلت صار وقت العشا ندك باب الغرفه حور العين  : منوو؟ أجه صوته محمد  : محمد أني لابسه دشداشه قصيرة وبدون ردن اخذت ازار الصلاة لبسته، جلست فتحت الباب دخل بيده صحن چبير ريحة مشاوي تشهي محمد  : شلونها بسكوته روح الزهراء  : كدامك شتشوف؟ سحب الطاولة خله الصحن ورجع سحب كُرسي اللي اكعد ادرس صار مقابيلي ناظرلي نزلت عيني محمد  : لا احسن\.\.\. احسن\.\.\.\.بدأ الورد يفتح بخدج\. ضحكت رفع الخبز عن الصحن المنظر والريحة تجبر الواحد ياآكُل محمد  : يله شويته بأيدي يعني أأمرج تكملين الصحن  وماانزل له تخلصي\. روح الزهراء  : بس هذا هواي\.\. اكُل بس انتَ وحور تاكلون وياي\. محمد  : صار تعاي حوري\.\.\. بسكوته أكلي بدون خبز حتى متشبعين بسرعة اجت حور  جلست جنبي سمينا واكلنا صار يسويلها لفات ويوكل حور، قدم اللي ضلع مشوي محمد  : أعرفج تحبي حور العين  : ليش اكو شي متعرفه عنها\.\.؟ رفع نظره اللي محمد  : طبعاً غير بنت عمي\. حور العين  : هي تعرف انتَ شنو تحب وشنو تكره؟ روح الزهراء  : أي اعرف حور العين: شنو أكثر شي يحبه؟ بتسمت غمزت لمحمد ضحك روح الزهراء  : لا هاي سر ماكدر احجيها\. حور العين  : هااا بينكم اسرار؟\! ضحك محمد  : ولو هاي بسكوته\. ظلينا نضحك ونسولف غيرو مودي شوية بعدما كملنا طلعت اغسل هو وياي روح الزهراء  : يمته\.\. ترجع تلتحق؟ محمد  : هل أسبو؏ ان شاءلله\.\. ليش؟ سگتت نزلت راسي محمد  : خايفة؟ مارديت ومايحتاح ارد يعرفني\.\. تابع وهو يبتسم محمد  : لتخافين الكاتبه الله هله بي\.\.\.\. خوفج بسبب الحلم؟ هزيت راسي بأيجابية محمد  : شنو شفتي؟ روح الزهراء  : أني وانتَ\.\.\.\.\. قبل مااكمل أجت بنت عمي صاحت : رورو ختيبج يريدج روح الزهراء  : يله جيت محمد  : خليها بعدين سولفي بس كتبي حتى متنسي\.\. روح الزهراء  : صار نزلنا محمد جلس بالمطبخ يشرب چاي طلعت شفت عمر منتظرني طمأن عني وراح رجعت صار بهاء بوجهي بهاء  : حمدالله على سلامه روح الزهراء  : الله يسلمك بهاء  : أخونا بالله شلونه روح الزهراء  : مثل ماشفته دخلنا للمطبخ سوه سحب الكُرسي جلس جنب محمد عمتي صبت ألهم چاي بهاء  : شلون تمرضتي؟ صفنت اريد اذكر شلون\.\. او شنو صار وياي ماعرف: محمد  : روح\! روح الزهراء  : ها شنو؟ محمد  : شلون وكعتي ودهورت صحتج فجأه؟ رفعت عيني ألهم روح الزهراء  :محمد تعرف اللي صار بس اخر شي طلعت من المستشفى بالباب صارت الدنيا سوده ماشوف شي\.\. بهاء  : اخونا بالله اكو وحده مخيله عليه منا منا\.\.؟ لان ما شاءلله استاذ وبنص البنات ولتكولين ماعنده علاقات\.\. والله العظيم هسه يطلع يعرف البنية من مشيتها روح الزهراء  : شلون يعني يعرف البنية من مشيتها؟ ناظر محمد بهاء  : هسه هاي شلون افهمها؟ ضحك محمد  :يعني يعرفها مؤدبة او لا\. رفعت حواحبي روح الزهراء  : هااا؟ ضرب ؏ كتف محمد بهاء  :صح السانك وله ﺟان حجيتها بالقلم العريض\. محمد  :اي ترا البعض تبين من نبرة صوتها نظرتها، مشيتها\. روح الزهراء  : لا والله فقير بس شكلكم انتم تخوفون يلا منا صرت اخاف امشي كدامكم\.\. ضحك محمد  : لا لتخافين\.\.\.\.ممشمولة بلتحليل بس انتِ ينطبق عليج واثق الخطوة يمشي ملكاً بهاء  : هسه كولي عنده لو لا\.\.\.\. ولو شمعرفج\. \.\. هسه تطلع وحده عرفت بي خطب وطكتج بسحر سودت الدنيا بعينج\. صفنت معقوله ممكن يكون كلام بهاء صح؟\!\! رديت بثقة روح الزهراء  : لااااا\.\.\. أثق بي بهاء  :ان شاءلله  \.\. بس اذا طلع من جماعة" يعرف البنية من مشيتها\.\. راح اغير رأي\. محمد  : كافي ولك دعوفها\.\. فدك الزهراء  : لا كلام بهاء صح بس مو عشيقة ناظرت الفدك بمعنى تسكوت بسرعة غيرت كلامها فدك الزهراء  : أي ليش لا يعني استاذ وحلو أكيد وحدة تحبه بعدين واحد بعمره أكيد عنده ماضي\! روح الزهراء  : أعرف كل شي عنه سوالفلي من فتح عينه ؏ دنيا لحد لان\.\.\. أنا ما أخاف من ماضيه\.\.\. أخاف من الناس اللي تحاول ترجع الماضي، بوجهه حتى تدفن حاضرنا\. محمد  : المهم تعرفين هو الشخص الصح مو مهم اذا كان عنده ماضي بس مهم اذا الماضي يأثر ؏ مستقبلكم\.\.\. هنا المشكلة روح الزهراء  : لا ماكو شي سكتو بعدها ستأذنت صعدت فدك الزهراء نطتني العلاج \.\.\. \. \. \. بعد ايام الكُل مهتم بيه وبأكلي محمد يومية يجي كان كلامي ويا مثل دكتور نفسي يسحب كل الطاقة السلبية\.\.\. ويشرحلي يطمني حتى مااتخيل أشياء تأثر ؏ نفسيتي بعدها التحق أني من صحيت بالمستشفى وگلبي خايف عليَّ بس كان يتصل ويطمأن عني\.\.\. اجه عمر يشوفني ويحجي ويا علي الاكبر بخصوص العقد كاعدين بالاستقبال علي الاكبر  : شوفو الوقت اللي يناسبكم روح الزهراء  : اني حاليًا اي وقت ميناسبني\. عمر رفع راسه بسرعة، نظرة صدمة خفيفة، ما عرف يفسر ردها عمر: شنو قصدچ؟ علي الأكبر :ليش؟ صار شي؟ روح الزهراء :ماصار بس أريد أأجل كل شي… مو لأن مترددة…بس لأن بعدني تعبانة\. طلعت من المستشفى قبل أيام، وجسمي… روحي… بعدهم مو متهيئين\. عمر  : ماراح تعبين كلها كم ساعة بس نعقد ونرجع\.\. روح الزهراء  : شنو يضرك اذا تأخرت أصلاً أني مو بس العقد أأجله حتى الزواج بعدين شلون تحكم ماراح أتعب؟ لحظة صمت قصيرة… رد بصوت واطي عمر : مو قصدي أقرر عنج… بنبرة هادئة روح الزهراء: عمر…ما رفضت\.\.\. طلبت وقت\. وأنت تعرف شصار بيه… ما كنت نايمة عالسرير، كنت أتألم بين الحياة والموت\. يهز راسه بتفهم عمر :حقچ … ما لازم نستعجل\. المهم صحتچ، والباقي يجي بوقته\. علي الأكبر :تمام… نأجل، ونسولف من ترجعين بكامل قوتج\. روح الزهراء :ممنونة منكم…ما أريد أبدأ خطوة كبيرة وأني تعبانة جسديًا ونفسيًا\. اخذ أيدي بين كفوفه عمر  : وله يهمج أهم شي تكونين بخير والوقت اللي يعجبج أني جاهز\. بتسمت ضغطت ع كفه بخفة روح الزهراء  : تمام\.\.\. بعدها شوية طلع\.\.\. طلعت ويا للباب بسرعة خطفني الحضنه ملهوف لفني لف ضحكت روح الزهراء: عُمــــرر نزلني بس أيده مقيدتنه له وايد رفعها لمس وجهي بلطف\. عمر  : ياروحه\.\.\. ماصدگت ترجعيلي روح الزهراء  : رجعت، بس رجعت تعبانة… ايده ؏ خدي يناظر عيوني عمر :كافي رجعتي…التعب أتحمله، بس لا تغيبي عني\. ضليت ساكتة،نزلت راسي تكلمت روح الزهراء  : عُـمر\.\. أعذرني أذا ازعجتك لان أجلت العقد بس والله تعبانة\.\.\.\. تعبانة نفسيًا ماعرف من صحيت كل شي تغير كل مشاعري ملخبطة\.\.\. لزم وجهي بكفوفه رفع راسي عمر  : روحي\.\.\. زهرتي الحلوة أني مو هنا حتى توقعين\.\.\. أني هنا حتى أحمل تعبج كتلج مو مهم الوقت اللي يعجبج\.\.\. وقرارج ما أزعجني، بس أوجعني إنچ دا تعتذرين على تعبچ… وكأنه ذنب\. قرب جبيني بكل هدوء، وحنية همس عمر :ما أطلب منچ تكونين قوية… بس أطلب منچ تخليني أكون وياچ، حتى لو كل مشاعرچ ملخبطة\. حتى لو ما بقى صوت جواچ غير التعب راح اظل أسمعج، وأحبج، هزيت راسي بأيجابية رجعت حضنته، ضمني بقوه روح الزهراء  : أحبـــــــك بعدت عمر  : كأن من طلعتي من المستشفى لسه مو سامعها؟\! ضحك،\.\. نزلت بخجل عمر  : لا تسكتين خليني اسمعها عيديها\. ضحكت روح الزهراء  : احمم\.\.\. كافي مو زين الكثرة تسوي حساسية ضحك ورفع حاجبه بطريقة مشاكسة: عمر: إيه صدگ؟ يعني آني لازم آخذهّا بوصفة طبية؟كل 24 ساعة مرّة مثلاً؟ ضحكت واني أبعد بخفة، بس هو شد إيدي بلطافة وضمني لحضنه مرة ثانية همس باذني\. عمر :بس قبل لا تنامين الليلة… أريد أسمعها، حتى لو همس\.\. ضحكت ودعني وطلع رجعت للبيت اهلي ماعترضو ابد\. ؏ قرار تأجيل بالعكس كلهم وافقوني وأمي ساندتني بالفعل، جانت مشاعري ملخبطة، ما أعرف شصارلي، كأن عقلي تجمّد فجأة… يمكن بسبب المرض، يمكن بسبب هالفجعة المفاجئة، يمكن لأنِّي حسّيت راح انسحب من نص الحياة\. كلشي أثر بيه… المستشفى، الوجع، الهلاوس، الإبر، عيون أهلي اللي تحچي من ورا الزجاج… بس شوية شوية، رجع روحي تتنفس\. رجعت علاقتي بيه تهدأ، تتحسن… وأنـي؟ رجعت أحس بطعم الحياة، نقطة نقطة، مو مرّة وحدة\.\.\. علاقتنا اني وعُمر  رجعت مثل قبل واحلى\.\.\. صحيت ؏ رن المبايل الشاشة تضوي باسم "عمري" يتصل رديت : حبيبي عمر  : هلا بالهل صوت شلونها زهرتي؟ : بدت تفتح شوية شوية\. عمر:أريد أجي أشمها… وأكولها شي… يمكن أهم شي ببالي من عرفتها\." سكتت، قلبي نغز\. نبرته مو نبرة مزاح\. صوته صافي، مثل واحد صارله سنين يشيل حمل ويريد ينزله\. بهمس مرتبك روح الزهراء : عُمر… شبيك؟ صار شي؟" سحب نفس عمر :لا… بس أكو شي لازم يطلع\. مو وعد… مو منّة… بس قرار من قلب، من عقل، من كلشي صار بيه الفترة الأخيرة\." روح الزهراء:"عُمر، دا تخوفني…" بحنية عمر :لا حبيبي لاتخافين… أريد آجي وأحچي يم وجهچ\. لأن هذا مو بس حچي، هذا تحوّل\. والتحوّل ما ينحچا بالتلفون\." روح الزهراء  : تمام حبيبي منتظرتك\. حجينا شوية ونهيت الاتصال وكنت متخوفة، من كلامه ابد مارتاحيت ضليت خايفة وقلقه ومثل ما طلب نكون وحدنا، علي الاكبر ماكان موجود بس امي وروان كلتلهم عُمر يجي\.\. طلعت للحديقة الجو هادئ عكس داخلي خوف، توتر الف سؤال براسي شنو هل قرار  انتظر لحد ما وصل فتحت الباب سلمنا ظل لازم كفي اخذته للحديقة\.\.\. وگلبي خايف روح الزهراء  : عُـــــــمر خوفتني أحجي صاير شي؟ حضني\.\.\. تكلم عمر  : أشم زهورتي\. بعدت روح الزهراء  : ترا گلبي حيوكف أحجي\.؟ جلسنا؏ كراسي بالحديقة بس جسمه متوجه اللي اخذ ايدي لزمها عمر  :من عرفتج وأني أسأل نفسي سؤال واحد وما لكيت له جواب له قبل فترة\.\. بلعت ريكي بتوتر روح الزهراء  : و\.\.\. وشنو\.\. هذا السؤال؟ وشنو جوابة؟ عمر  : أني ليش حبيتج؟ شمعنى من بين الكل گلبي مارف بس عليج؟ "سألت روحي ألف مرة، شنو اللي بيج خلاني أذوب، مو بس جمالج، مو بس طيبتج، أكو شي أعمق… شي كل ما أغوص بيه، أتعلق أكثر\." أحس گلبي بعد هل كلام والمقدمات صار بيدي بتوتر: روح الزهراء  : عُمر مسويلك مكسورة؟ ضحك ، ضحكة حنونة بس بيها رجفة، رجفة واحد ماخذ خطوة كبيرة، وواقف ع حافة مصير جديد\. قرب، بصوت ناعم: عمر  : لا… بس أحس إيدچ تسندني، وما أريدها تترك إيدي… حتى لو صارت كل الدنيا ضدي\." سكت لحظة… بس نظرته بيها قرار، مو بس اعتراف\. عمر:"روحي… إذا سألتيني شنو أعظم شي ممكن أسويه حتى أكون جدير بحبچ؟ راح أگولج: أصير من أهل بيتچ… من مذهبج… من حبچ للحسين\. وأني جاهز لهالخطوة، حتى لو العالم كله يعارضني\." تركت أيده نهضت احس نفسي ختنكت روح الزهراء  :عُمر\.\. أحجي بدون مقدمات فدوة گلبي ميتحمل\. حس بتوتري نهض وكف مقابيلي اخذ ايدي بيده تكلم بقثة عمر  :أني… قررت أكون شيعي\." "مو لان أحبچ بس، أنتِ سبب أنتِ دليتيني عليهم\.\.\. علمتيني شلون أحبهم\.\. علمتيني الفرق بين الحب والاتباع علمتيني هواي اشياء كان المفروض اتعلمها من أمي فتحت عيوني مو مستوعبة اللي اسمعه أعرف عمر شنو كان وشلون كان فكرة بس هيج تغير قوي صدمني\! عمر  : قراري ما بيه مزاح، ولا عاطفة لحظية، هذا إيمان كبر بداخلي\.\. حررتيني وهدمتي كل الاصنام الموروثة  اللي تربيت عليها\.\. أني احب اهل البيت بس ماكنت اعرف تسلسلهم و شنو أسم الامام  التاسع ماعرف غير الحسن والحسين والسجاد بعد ماعرف شي\.\.\. عرفت الولاء هو المحبة والاتباع روح الزهراء  : بس\.\. أني\.\. عمر  : أعرف ماطلبتي من عندي أغير مذهبي وحبيتيني مثل ما أني\.\. تقبلتيني بگلبي المبغض\.\. رغم الله رحمني بوجودج وجهج الحلوة بس شال إيدي بلطف، حطها ع صدره: عمر  : گلبـي هذا… ما ظل ناصبي، ولا ظل ضايع… اليوم، وبكل قناعة… يريد يصير شيعي، يعيش ويصلي ويموت على ولاية علي\." ويمشي بطريق الحُسين\. بعدت أيدي روح الزهراء: عُـمر\.\.\.هل شي مو لعب كل شخص ملزم بمذهبه\.\! عمر  : أعرف\.\. بس النبي عنده قول: إستفتي قلبك ولو افتوك الناس" وگلبي من عرفج صار يسأل ويبحث ويتأكد من كل كلمة تحجيها\. سكت لحظة وهو يمرر كفه ؏ شعري عمر:"مو أنتِ گلتي: الإيمان مو وراثة، الإيمان اختيار؟وأني اليوم… اختاريت\." روح الزهراء  :بس\.\.\. شلون؟ ما فكّرت بأهلك؟ أمك، خواتك، جماعتك شراح يگولون؟ راح يسموك مرتد، يمكن حتى يكرهوك… عُمر، القرار هذا مو بسيط، مو بس تغيير مذهب، هذا يعني تواجه كل الناس بفسك\.\. وتتحمّل نظراتهم وكلامهم…\.\. أكو ناس تحبك اليوم، بس إذا عرفوا، يتركونك… تتحمّل الخذلان من أقرب الناس؟ تتحمّل تشوف اللي كنت تحسبهم سند، يبتعدون وكأنك غريب؟" عمر:أتحمل، وأتحمل أكثر من هذا إذا يرضي ربي ويرتاح ضميري\. خلي يروحون، خلي يخذلون، ما أريد أحد يبقه بحياتي وهو يحبني حُب مشروط… إذا حبهم مربوط بمذهبي، فهذولا ما حبوني من البداية\. أنا ما كنت أدور رضا الناس، كنت أدور نور،الله وگلبج دلّاني عليه\. وأمي؟ تكلم بحسرة تكسرت بصدره عمر  :"ربّتني أخاف من حب أهل البيت، مو أفهمه… كانت تكول حبكم بدعة، بس من عرفتج… عرفت إن البدعة الحقيقية هي الجهل\. عرفت النبي شگد يحب علي، يناديه بمواقفه، يسنده بكل خطوة، عرفت إن الله يحب علي، والدليل؟ بيوم الغدير، جبريل نزل بثلاث مرات… والآية نزلت واضحة،: ﴿يا أيها الرسول بلّغ ما أنزل إليك من ربك وإن لم تفعل فما بلّغت رسالته﴾… يعني محبة علي مو شي عابر، محبته ختم الرسالة، مو شي نختلف عليه\." ضغط ؏ كفي تابع عمر  : مرة گلتي كلام أثرت بيه\.\.\.\.\. للان يرن براسي\. بتسمت، بفضول روح الزهراء  : شنو؟ عمر  :"گُلتي: ليش الله سبحانه يخاطب النبي بهالصيغة؟ ليش ما گال بلغ وانتهى؟ ليش گال: ﴿فإن لم تفعل فما بلّغت رسالته﴾ يعني لو ما بلغ بولاية علي… كأنه ما بلغ أي شي من كل الدين\! يعني العذاب اللي تحملة النبي، والضرب كلها تروح هباء لو مابلغ ورفع كف علي يوم الغدير؟ كلتيلي ركز بالحروف وشوف نبرت الكلام شكد قوية \(فإن لم تفعل فما بلغت رسالته\) هاي مو جملة بسيطة، هاي آية تهز گلوب\." عيوني غرغرت بالدمع كمزت حضنته ضميت راسي برگبته هو ماصدك ضمني بقوة تگطع النفس، بصوت مخنوك نابع من القلب روح الزهراء  : أحبك بغض النظر عن الدين ، الون، المذهب\.\. أحبك\.\. لانك حبيبي\.\.\.عُــــــمر بعدها جلسنا سولفنا هواي\.\.\. فتحت عيوني بصدمه روح الزهراء  : عُـــــــمر\.\.\. عمتي اذا عرفت\! لو تشنقني\.\.\. والله وتشرب من دمي هم مايكفيها\. ضحك وهو يلعب بطراف شعري تابعت : هسه تكول ولج سويتي شيعي؟ \.\.\.\. بعدين ريم كالت مريضة فد مرة\.\. اذا سمعت عُمر صار شيعي\! تروح تنجلط\. عمر  : مومهم المهم ارضي ربي : بس عمه يعني تعرف بالكوه تقبلتني هسه بس تعرف حتكرهني أكثر\.\. عمر  : شنو أسوي حبيبي؟ : لتكولها، بالله لا تكول\.\.\. هي متشددة بهالشي، عقلها مغلق على فكرة وحدة،تصدگ كل شي تسمعه، وتفتهم بعض التفسيرات غلط\.\.\. تعتقد إن مذهبنا يطعن بشرف النبي ﷺ، وحاشا لله أن نعتقد هيچ شي\. بس هي ما تسمع\.\.\. ما تفرق بين رأي شخص وبين مذهب كامل، تحكم علينا كلنا من كم صوت متطرف\. وهذا الشي\.\.\. هذا اللي يوجع\. يحرك راسه بتفهم، صوته هادئ: عمر  : أعرف\.\.\. وأني هم چنت هيچ\. چنت أسمع، وأحكم، بدون ما أبحث\. بس لما بدينا نحچي، لما صار بينا هذا الرابط\.\.\. دورت، وسألت، وسمعت منچ ومن غيرج\.\.\.وفهمت فرق كبير\." يسكت لحظة، وبعدين يكمل: عمر  : مثلاً، أمي\.\.\. سوت غلط كبير، أذت إنسان أنا أحبه، بس الغلط يبقى غلط الشخص، مو المذهب\. وإذا أمي غلطت، هذا ما يعني إنه كل أهل مذهبي غلط، ولا حتى إنها مسّت شرف أحد\. كلنا نغلط\.\.\. بس مو الكل يسعى للفهم\." : بالضبط\.\.\. وراح يجي يوم تنظر الـ أمك بعيوني، وتسأل\.\. ليش؟ ليش سويت هيج هل انسان ماغلط بشي هل يستحق هيج معاملة من عندج؟ فتح عيونه مركز بوجعي عمر  :أيي\.\.صح ممكن تأذيج : لا مو تاذيني بس ممكن تضوج من عندي وتزعل عليك\.\.\. فخليها لحد ما الله يحنن كلبها\. عمر  : يحنن كلبها؟\! : اي ليش لا؟\.\. هاي انت منو يصدك أصلاً تحبني او نخطب لا وتصير شيعي؟ ضحك عمر  : لو أشوف نفسي حاليًا\.\. قبل سنة؟ مستحيل اصدك\.\.\. بس الله راد اتغير ؏ أيدج : "لا حبيبي\.\.\. مو آني السبب بتغيّرك\. إنت كنت تفكر بشي، بس هسه صرت تفكر بقلب يسمع، بعقل يتقبل الكل\.\.\. ويمكن آني بس گدرت ألمس هالجزء الحلو منك\. سكتت ناظرت بحب تابعت "ما سويت شي كبير\.\.\. بس يمكن نفظت الغبار عن روحك، وخليتك تشوفها مثل ما هي\.\.\. طاهرة، وتستاهل تعيش\." تنهد وهو يبادلني النظرات عمر  : هنيالي بيج\. سكت بس نزل عيونه تابع عمر  : تعرفين ردت اخلج تتسننين؟ : اممم أعرف ومن البداية رفع راسه مصدوم عمر  : شلون يعني؟ قصدي …شلون عرفتي؟ سبحت نفس تابعت :من أول مرة حاولت تبرر لي، مو بس موقفك… حتى موقفي، وحتى فكرة مذهبي ما چنت تناقش حتى تقنعني، چنت تناقش حتى تقنع روحك… وهاي الروح، چنت أشوفها كل يوم تتغير… مو الخاطر شخص، بس حقيقة بدت تتضحلك\." عمر  : لعد ليش ماكلتي يعني ليش ماحاولتي تمنعيني\.\.\.؟ تبتسم بهدوء، صوتها ناعم وإيمانها ظاهر: : لأن عتبرتك اختبار إلي\.\.\. الله، سبحانه، يختبرنا بطرق ما نفهمها بالبداية\. خلاني أحبك رغم الخلاف، مو حتى أتراجع… بس حتى أثبت لنفسي إني أگدر أحب وأتقبلك بكل حب … وأبقى ؏ ولائي ومحبتي وعهدي المولاي" عمر  : زين لو طلبت من عندج تتسنني؟ ضحك بخفة، ميلت برأسي له : : تريدني أتيتم مرتين؟ إحنا علي مو بس إمام… علي أب، أب روحي، النبي ﷺ قال: علي وفاطمة أبو هذه الأمة\. شلون أترك أبوي…؟" أنا حبيتگ، بس ما تركت نفسي، ولا قطعت جذري… لأن اللي يحب بحق، ما يطلب من الثاني يتغرّب عن روحه\." \. ضحكنا ورجعنا نسولف بس نظراته تخوفني كان يناظر بعيون كأنها النظرة الاخيرة كأنها نظرة الوداع\.\.\. كأنّه يريد يحفظ ملامحي بكل تفصيلة، كأنّه يطبع صورتـي بگلبه، مو بعينه\. ساد كفّه، ساند راسه عليه، وظل يباوعلي\.\.\. ساكت، بهمس روح الزهراء :عُـمر\.\.\. شبيك؟ ليش تناظرني هيچ؟" ماتكلم بس سحبني الصدره يمسد ؏ شعري ماحجيت شي عمر  : ام السان لا تسكتين أحجي،\.\.\. قبل لا يضيع صوتج من حضني… بعدت بسرعة مستغربة روح الزهراء  : شنو\.\.\. شنو قصدك؟ عُـــــــمر\.\. من طلعت من المستشفى لحد لان نظرتك\.\.\. نبرت صوتك، تصرفاتك ، كلامك كوله متغير؟ بهمس عمر :يمكن لأن أول مرة بحياتي أشوف الجنة وأخاف أصحى من الحلم\.\.\. كلشي بي حقيقي\. ضربته بخفة ؏ صدره روح الزهراء: ترا دتخوفني\.\. گلبي لاعب منك ومن تصرفاتك\.\.\. ليكون عندك وحدة منا\.\. منا\.\. ضحك بخفة ورجع سحبني الحضنه عمر  : وحدة؟ منا\.\. منا؟ قبل راسي بحنية عمر  : لا منا ولا مناك\.\.\.ماعندي غيرج ولوحورية ماتسد فراغج\.\.\. شعندي غيرج\.\.شيعيتي\.\.\. ام السان بهمس خجول: : بس نظراتك تخوفني… كأن تريد تودعني\. تنهد وكأنه ما يريد يحچي: عمر  : مو وداع… بس دا أفكر، شلون واحد مثلي ربح ملاك مثلج؟ كلشي بيج نعمة\.\. ومااريد أكفر بهل النعمة خاف الله سبحانه يعاقبني ويسحبها مني\.\. بعدت وهل مرة گلبي تأكد أكو شي، بس تكلمت: : الله سبحانه ما يسلب شي بدون سبب ولو كتبلنا نكون سوه، محد يكدر يفرقنا غيرة\. عمر  : واذا كدروا يفرقونا\.\.؟ بسرعة نزلت دمعتي خليت ويدي ؏ گلبي نحشر صوتي بغصت حزن : : وروح أبوي صاير شي\.\.\. عُـــــــمر\.\.\.\.\.گلبي\.\.والله گلبي عنده حساس ومامرتاح أحجي منو يفرقنا؟ گلبي يعلمني اكو شي والله\.\. مسح دموعي ببهامه بحنية عمر  : الله ياخذني\.\.\.بچيت عيونج الحلوة بس تعرفين من تبچين عيونج تصير احلى مثل الطفل بتسم يحاول يبعد الموضوع عمر  : شايفة الطفل من يقوس شفافه ويتهضم\.\.\.وعيونه تنملي دموع بعدت أيده : عُـــــــمر\.\.\. لتشلع گلبي أحجي عمر  : ماكو شي بس نهايتنا نموت وراح ارجع اطلبج ونكمل حياتنا بالاخرة توافقين؟ : أسم الله عليك حبيبي\.\.\. والله من طلعت لحد الان انت متغير\.\. عمر  : لا متغير ولا شي\.\.\.بس ردت افقد روحي شفت نبضج يصفر شفت روحج تطلع واني ما بيدي شي رجعت راسي ؏ صدره : خلاص انسى هذيج الايام خلصت وهياني بحضنك\.\. ضمني بقوه الحضنه بثنين ادي قبل راسي تكلم بتنهيد عمر  : الحمدلله\.\. مرت أيام وعلاقتي بعمر كل يوم يعدي عليها تكون اقوى نحب بعض أكثر\.\.\. تعلقنا بعض\.\.\. عشنا أيام خطوبة مثل كل ثنين يحبون بعض هو بين يوم ويوم يچي نسولف ونضحك صار بينا كل شي حلو قررنا نحدد مو عد العقد يكون الاسبوع القادم حتى بعدها نبلش نجهز بيتنا\.\.\.\. وحياتنا سوه \. \. \. ريــــم " طول هل الشهر اللي مر أمي كانت تموت بس تريد عمر يتصل بڤيان\.\.\. وكل ما تحجي ويا يكلها بعدين وروح الزهراء بعدها تعبانة طبعاً  \.\.\. امي ابد ماتصلت بروح الزهراء ولا سألت عنها أني كنت اتحجج\.\.\. رغم البنية متحجي شي بس حست أخر شي أمي ملت من تصرف عمر ونطت رقمه الڤيان حتى تحجي ويا\.\.\. ماعرف اذا تصلت او لا\.\.\. لان عمر مأجه بعد ومن اسأله اتصلت بيك؟ ميحجي شي\.\.\. بس يحجي بروح الزهراء اما ابوي لو يحترك البيت بكل برود يكول اتصلو بالاسعاف طفي\.\.\.\. يجي بس يراوي وجهه ويروح باليل كاعدين وعقلنا وكلبنا يم الموبايل لان مرام بالعمليات طبعاً من طلعت ذاك اليوم ماعتبت البيت وزين امي ماهتمتلها\.\.\. شوية ورن علي رديت بهلفه فتحت مايك حتى لكل يسمع ريم  : هاا علي بشر؟ رد بنبرت فرح علي  : شرفت للدنيا "ولاية علي" ضحكت ريم  : الحمدالله  \.\.\. جيهان  : مرام شلونها؟ علي  : الحمدلله بخير\. بعد هل خبر الحلو\.\. امي ماحجت شي ماعلقت ولا بحرف\.\.\. لان همها الوحيد عمر شوية وأجه عمر بعد غياب شهر كامل سلم برود كأنه غريب وجلس أمي مارفعت عينها عنه ام عمر  : يمته\.\. توفي بوعدك؟ لو لك نية تغلس \.\. كول حتى اذا ماتكدر\.\. اني ادزلها صور خطبتك انت وڤيان\. البيت صار هدوء بس العيون تسولف ضحك بستهزاء عمر  : هم حاسبة نفسج أم مثل الامهات؟ ام عمر  : لا\.\. لان ماعرفت اربيك\.\.\. بو عرفت ماتروح تتمعشك وتجبيلي\.\.\.\. المهم اذا متكول كلي حتى اخفف عنك\. عمر  : لا ديري بالج\.\. أني احجي بالوقت المناسب\. ام عمر  : هم تحجي وياك خطيبتك ؟ عمر  : شنو تردين بالضبط؟ ام عمر  : توفي بوعدك\.\. حتى أوفي بوعدي\. هز راسه عمر  : أوفي\.\.\. أوفي\.\.\. بس هي راح اخذلها\. نهض وطلع بهدوء\.\. طلعت ورا وكف بالحديقة حاير  قربت ريم  : عمر\.\.\. عرفت علي صار بابا ضحك عمر  : أي دزلي صورتها\.\.\. بسرعة گلت الروح سماها مثل ما سميتيها ولاية\.\. فرحت ريم  : أي وشنو حتسوي ويه هاي ؟ عمر  : ماعرف بس لازم احجيلها كل شي\. سكت ثواني لزم جبينه عمر  : لاااا\.\.\. لااا مو لازم تعرف\.\. بلكي طلعت حقيرة وسوت سحر\.\. ريم  : شمعرفها؟ ناظرلي عمر  : إلي متعرف تتعلم\.\.\. الف وحدة تعلمها مااريد أذب روح الزهراء بمصيبة ثانية\.\. ريم  : زين أحجيلها بس لتكول اسم روح كلها احب وحدة ونجبرت اتزوجج بستهزاء عمر  : اي واكلها سولها سحر\.\. حتى اذا مو ببالها تسوي\.\.\. تسأل وتتعلم وتسويلها\. قرب بعيونة غضب عمر  : انتم النسوان تخوفون\.\. كيدكن كيدٌ عظيم\.\. ريم  : يااا أني شعلية\!\.\.\. عمر  :جنس حواء بس الله يكدرلجن\. بتسمت بخبث ريم  : لا تشمل الكل\.\. اذا تشمل روح ويانا\. ضحك وسحب نفس عمر  : هي كيدها أعظم\.\.\. بذكاء\.\. بحب\.\. بعيونها ،\.\.\. بسلوبها\.\. بلسانها\.\.\. بأيمانها\.\.\. كلشي بيها يسحرني\.\.\. حتى حركاتها العفوية\.\.\. تصرفاتها مرات تشوفيها مثل الطفلة\.\.\. تابع بتنهيده عمر  : ومرات تشوفيها ناضجة تحسب كل كلمة تحجيها\.\. ضربته بخفه ؏ كتفه ريم  : اصحى حبيبي\.\. اصحى\.\. عوفك من احلام العصر\.\.\. وتعال للواقع\.\. ڤيان تتصلت بيك؟ عقد حواجبه عمر  : هي اسمها ڤيان؟ ريم  :اي  ڤيان\.\. ليش من تصلت ماكالت اسمها؟ عمر  : والله مانتبهت ولا اذكر فتحت عيوني بصدمة ريم  : اتصلت شنو حجيتو؟ هز راسه بأيجابية غمضت عيوني نطقت بهمس ريم  : الله يكون بعونج ياروح\.\.\. الله يصبرج ؏ مابلاج\.\. مانطق بس نزل راسه ريم  : عمر\.\. عوفهاا عوف روح راح تأذيها هواي حرام عليكم والله العظيم حراام أنت خنت ثقتها،\.\. أمي نهشت عافيتها بالسحر ولكم البنية كل اللي سوته حبت بصدق  \.\.\.\.\. شلون لك عين تحجي ويا غيرها وتباوع بعينها؟ تكلم بغصة عمر  : مااحجي يعني هي تتصل أني أكلها مشغول\.\. وانهي الاتصال\.\. ريم  : اي وشنو يعني هذا تبرير الخيانتك؟ صاح بعيونه غضب عمر  : مجبور\.\.\. افهموني مجبوور\.\. ضحيت بسعادتي\.\.\.\.\. ضحيت بروحي\.\.\.\.\. وراح أتقيد بزواج\.\.\.بسبب المذهب والافكار اللي نزرعت براسي\. ريم  : لازم تحجي ڤيان لازم تعرف عمر  : بلكي عرفت وافقت شنو أسوي؟ عرفت ومشت بطريق أمي شنو أسوي؟ ريم  : لتحجي التفاصيل بس كلها اني أحب بنت وأمي رفضتها\. عمر  : هسه تكول وهيج بسرعة تخليت عنها؟ ريم  : كلها\.\.\. سكتت افكر ريم  : هاا كلها لا ماتخليت وهياني أكلج حتى ترفضيني\.\. عمر  : وبلكي طلعت حقيرة وعاندت؟ قبل ما احجي وصل مسج فتحه بس ملامح وجهه تغيرت ريم  : من منو؟ ماتكلم بس شوفني المسج\.\. روح الزهراء دازه صورت بدلات عرس وكاتبه تحتهم 💬حبيبي شوفهم حتاريت بينهم ثنينهم عجبوني شنو تكول أي واحد احلى؟ شوف فدو تكول ختاري هذت حلو ومديله بس اني عجبني هذا اريد ويا تكون طرحه طويله رجعت المحادثه كلها صور تحجي بحماس شلون تريد ألوان البيت والاثاث ماحسيت ؏ نفسي وأني امسح دموعي تخيلت نفسي بمكانها هيج أجهز ومتحمسه حتى أطل بالفستان الابيض للشخص اللي احبه واكمل حياتي ويا\.\.\. ويطلع مثل عمر؟\! كل عقلي نشغل بسؤال روح الزهراء اذا عرفت بفعل عمر وأمي شنو تحس؟ هي تحب عمر ومستحيل تتوقعه يخونها او يأذيها بس راح تجيها الضربة من اكثر شخص ثقت بي\.\.\.\.من اكثر انسان حبته مسحت دموعي رجعت المبايل ريم  : رد عليها بسرعة\.\. اخذ وبعد دزلها فويز ماسمعته شنو كال التهيت افكر بالساعة اللي راح تعرف بيها شنو رد فعلها؟ شوية ورجع جلس جنبي ثنينه ساكتين كسرت الصمت ريم  : انتَ متستاهلها\.\.\. روح الزهراء بعدها روحها طفلة نقية راح تشوها وتكسر كل شي حلو\.\.\. راح تهز ثقتها بالحب\.\.\.دمرها وتحملها حمل هي مالها ذنب بي\.\.\. تخرب حياتها \.\. لفيت له ريم  : شلون راح تنسى فعلك؟ شلون تعيش وتكمل حياتك بعد اللي تسوي؟ هم تفرح؟ وانت هدمت احلامها\.\.\! تضحك؟ وانتَ وبچيت عيونها\! شلون تعيش وانتَ كسرت اكثر انسانه حبتك وثقت بيك\. مارد ريم  : قبل شوية تحجي بكيد النساء بس فعلك هذا يفوق\.\. رفع راسه للسما عمر  : الله وحده يعلم شكد احبها وشلون\.\.\. هو يعلم بحجم الوجع اللي أعيشه كل لحظة ريم  : ياريت مانقلت ولا حبيتها\.\. لان حبك اذها\.\.\. وراح يأذيها اكثر\.\. شنو فائدة الحب اذا كان مؤذي؟ ارحمها للبنية ترا حوبتها ماتخطيكم لو الف سنه\.\.تكسرون خاطرها بطريقة بشعة\.\. عمر  : قبل ماامي تخطي وتحجيلها كل شي روح الزهراء لازم تسمع كل اللي صار من عندي\. ريم  : يكون أفضل\.\.\.\. وڤيان شنو حتسوي وياها؟ عمر  : بس احجي لروحي\.\.\. وتوافق بعدها كل شي ميهمني\. ريم  : ؏ شنو توافق؟ عمر  : كل شي بوقته حلو\.\. سكتنا شوسة ورجعنا دخلنا للبيت هو شوية وراح \. \. \. \. \. "روح الزهراء" ظل يومين للعقد أجه عمر\.\.\. مثل كل مرة اجهز نفسي وانزل بحماس سلمت جلست جنبة رغم كان شارد بس اني\. متحمسة طلعت فوني شوفته بدلة رجاليه : عموراتي\.\.\. شوف هل لون يعجبك أني أحب الابيض\.\. حتى بعد العقد نروح أني وياك حتى تفصلها\.\. ونبدي نجهر بيتنا هو ساكت تابعت بنفس الحماس : كل شي نسوي ونختاره سوه قربتله همست بأذنه : حلمك راح يتحقق\.\.\. البس الروب وانت تجهز العشا سحبني الحضنه بدون كلام راسه صار بركبتي اني خربت ضحك\.\.\.اريد ابعده عنه خاف اهلي يسمعون \.\.بس قلص أديه يشمشم بركبتي واني ؏ ضحكتي بلكوة بعد سكتت : عووومر شبيك\! عمر  : غير أحبج وشبيج فتحتي حلكج؟ : دغدغني ضحك من ضحك فرحت عمر  : شنو سويلج؟ نزلت راسي بخجل : دغدغني\. سحب نفس عمر  : تكدرين دغدغيني؟ رفعت راسي فتحت عيوني : شنوووو؟ عمر  : قصدي اشوف نفسي هم اضحك مثلج؟ بخجل : لا\.\.\.استحي\. عمر  : بس قربي شوية الخاطري\.\. هو قرب نفسه إلي خفت خوفت حُب بس ماقربت نزلت راسي وعيني بخجل رن مبايله بسرعة بعد بس شافه رفص الاتصال وجهه تغير واضح ملامح الغضب\.\. رجع رن مرة لخ رفضه وخله وضع الطيران بستغراب : منو؟ عمر  : من الشغل مو مهم\. : ليكون يحتاجون شي رد عليهم\. عمر  : كتلج مو مهم\. هزيت راسي بأيجابية سكتت قرب يلعب بخصلات شعري ويشمها عمر  : عطرج عطر خوخ\. : بشعري؟ سحب تنهيدة قوية عمر  : لا والله بركبتج\.\.\. لدرجة اريد اكلها ماينشبع منها\. : اممم\.\. رجع قرب لمس شفافي،\.\.\. بعدت مستغربة : شبيك؟ عمر  : أمنيتي اضوك طعمهن ضربته بخفه : اشو صاير فد مرة؟ عمر  : يشهد الله ولهان \.\. ضحك رجعنا نسولف بتجهيزات البيت متحمسه أتفقنا بعد عقد المحكمة نطلع نجهز بيتنا\.\.\. بالفترة الفاتت مصطفى كمل كل تجهيزات زواجه من ترف وحددو التاريخ بس منتظر محمد ينزل مجاز حتى يتم العرس\.\.\. اني وعُمر  \.\.\. هم مبقى شي اختارينا كل شي بس نفذ\.\.\.\.\. نمت واني أحلم بيت يجمعني بي بيت حلو كل شي بي ختاريناه بحُب\.\. ومشاعر صادقة بس صوت الضحك والفرح يعلى بي وعدت نفسي أبني اسرة ويا ؏ حُب  بدون قــــــيود بدون أفكار متطرفة\.\.\.\.\. ؏ حُب الله ولاء اهل البيت لكن فجأه صحيت ؏ صوت يكسر الروح صوت علي الاكبر  وهو يصحيني بنبرة حرص وخوف علي الاكبر  : روحي\.\.\. زوزو\.\. زوزاتي فتحت عيوني النعاس بعده تارسني : هلا لولي صباح الخير علي الاكبر  : صباح النور فركت وجهي اطرد النعاس رفعت عيني للساعة هستوها ب9\.\. بس علي الاكبر وجهه مغيم حزن جلست : شكو صاير شي؟ علي الاكبر  : بسكوته\.\.\.اعرف بيج قوية بس عتبري هذا قدر رجعت فركت وجهي خاف نايمة او حلم لان لا شكل علي الاكبر منطقي ولا كلامه : لتخوفني صاير؟ علي الاكبر  : روحي انتِ مريتي بهواي أمور وعتبري هذا قدر الله بلعت ريكي بصعوبة كل جسمي بدأ يرجف ماعرف اجمع الكلام : شكو\.\.\.\. منـ\.\.\. منو\.\.\. مااات؟ دمعت عيني طاحت واني انطقها : مــ\.\.\. مــ\.\. مــ\.\.\.حـــ\.\.مـد أسـتشـ\.\.هد؟\! لزم وجهي هز راسه بنفي علي الاكبر  : لا والله لا\.\.\. لزمت اكفوفه بس اريد أعرف اكوم ماكدر : أحـجي\.\.\. شكو؟ نهض جهز الاوكسجين ونطاني بخاخ علي الاكبر  : اخذي تنفست البخاخ بسرعة بعدت : أحجي فدوة شكو؟ علي الاكبر  : عمر قبل ميكمل ضربت ؏ صدري بصدمة علي الاكبر  : لا مابي شي والله هو هنا يريدج\.\. يريد يحجي وياج\.\. نهضت بسرعة علي الاكبر  : ألبسي جبتج وحجاب ابو ويا\. هزيت راسي بأيجابية صدُك لبست وغسلت علي الاكبر منتظرني نزلنا سوه أمي واكفه بس وجهه اثر صدمة عيونها تكول اكو مصيبة محد تكلم\. دخلت للاستقبال ابو عمر، وعمر حتى مصطفى ابن عمي موجود وكلهم ملامحهم كأن يشاهدون فلم رعب\.\.\. بتسمت وسلمت ؏ ابو عمر قبل راسي بس ملامحهم خوفتني رجعت جالس عمر ماتكلم ابد علي الاكبر  : مصطفى خابرت عمي؟ هز راسه بأيجابية مصطفى  :ثواني ويوصل\. اناظر بالوجوه أريد اعرف شكو بالعت ريكي تكلمت : شكو\.\. صاير؟ عمر ناظر لعلي الاكبر يالكوة نطق عمر  : ممكن تخلوني وحدنا\.\.\.؟ علي الاكبر  ناظرلي كان بعيونه خوف عليَّ ميريد يتركني\.\. بس ستجاب الرغبة عُمر وطلعوا نسد الباب\.\. عم الهدوء ماتكلم بشي رديت بخوف : حبيبي\.\.\.\. عُـمر\.\.\.\. صاير شي؟ شبيكم؟ وجوهكم شاحبةة خوفوني\! يحب نفس قوي عمر  : ماكدر چذب عليج وأكلج لا\.\.\. لاتخافين ماكو شي\.\.\. گلبي تقلص من الالم تابع بتنهيدة عمر  : لان هل مرة اني خايفه\.\.\.\. خايف هواي بلعت ريكي بصعوبة رديت : ليش؟\.\.\. من شنو؟ لزم أيدي بقوة عمر  : تعرفين شكد أحبج\.\.\.؟ يشهد الله أحبج أضعاف مضاعفة أكثر من نفسي، أكثر من كلشي مر بحياتي\. بصوت مرتجف: : عُمر\.\.\. ده تخوفني\.\.\. شنو صاير؟ نزل عيونه، رجع رفع نظرة إلي منهار من الداخل: عمر  : أكو شي لازم تسمعينه، بس أترجاچ لا تحكمين عليه قبل ما تسمعينه للآخر\.\.\. زين؟ ارتجف صوتي، بس هزيت راسي بنعم: : أحچي عمر\.\.\. گلبـي خلص\. بتنهيدة ثقيلة: – روح\.\.\. أمي، أمي سوت شي… شي بشع، مؤذي، جارح\. سوت شي كل ما أفكر بيه أحس روحي تنكسر\.\.\. بخوف اريد استوعبت جزء من الصورة: : شنو يعني\.\.\.؟ شمسوية؟ حنى راسه، صوته خافت لكنه واضح: عمر: الوضع اللي عشتي\.\. مرضج\.\.\. نوبات الربو\.\.\. فقدانج الوعي\.\.\. سكت وأني سكتت اريده يكمل لان كل كلمة نطقها طعنت گلبي تابع بتنهيدة تكسرت بصدره عمر: أمي السبب\.\.\.\. أمي سحرتج\.\. فتحت عيوني\.\.\.رجفت بخوف مرعب\.\. كأن صاعقة نزلت ؏ راسي\.\.أريد استوعب،أجمع الكلام بعقلي\.\. سحبت إيدي من إيده، بصوت ينهار: : سـحرتـنـي؟\.\.\. أُمك؟؟؟ ليــــش؟؟؟ مارد نزل راسه بخيبة جاوبت عنه: : بسبب أختلاف المذهب؟ عمر ما رفع راسه\.\.\.ظل ساكت، كأن السكوت هو الجواب\. الهوى ثقيل، واللحظة أطول من عمرنا\.\.\. بصوت مكسور، تتراجف حروفه : : لأن أحب أهل البيت؟ لهذا السبب\.\.\. استكثرتني عليك؟ وگالت\.\.\. مو جديره بحُبك؟ دموعي نزلت بلا استئذان، أحاول أصدق إنو هذا كابوس راح اصحه منه\.\. بغصة: : ليش ما اكتفت تكرهني بگلبها؟ ليش وصلت تأذيني بجسمي\.\.\. بروحي؟ رفع راسه أخيرًا، صوته يرجف أكثر من صوتي: عمر  : لأنها خايفة\.\.\. خايفة من شي ما تفهمه، ما تريد تفهمه\. لأن عقلها نسد، وگلبها\.\.\. تملّكه الخوف من كلشي يختلف\. رفع كفه ميح دموعي عمر: روح\.\.\. اني وياج، مو وياها\.\.\. اني اختاريتج، مااختارتها\.\. وحتى لو هي ظنت انو بهالسحر راح تفرقنا\.\.\. ما تعرف، إنو اني لو أتركج، أموت\. :تعرف أني چنت أموت كل اليلة؟ وصلت المرحلة اخاف من أهلي\.\. كل ليلة، أختنگ وأنهار ودموعي تنزل وأنا ما أعرف ليش\. چنت أكول يمكن الله يختبرني\.\.\. بس ما چنت أدري إنو أمك هي الابتلاء\! همس وهو يختنك: عمر: ما سامحتها\.\.\. وأعرف إنو انت يمكن بعد ما تسامحيني، بس أقسم بجلال الله، أني راح أكفّر عن كل لحظة ألم سببتها إلج\. سكتت هو طلع مبايلة شوفني صور بشع توجع الگلب جسمي قشعر من منظر الحيوان المربوط وحگه مشدود بسيم وهو مجرح بعدت ماتحملت أشوفه\.\.\.سولفلي كل شي سوته اردد بصدمة : يارب يكون حلم يارب نزل راسه عمر  : قبلج كلتها\.\.\. گلت يارب كون حلم وأصحى منه\.\. لزمت أيده بيدي تلترجف بلعت ريگي صار حجر: :كول هي حست بذنبها\.\.\. كول ندمت\.\.\. يعني هي ندمت وخربت السحر؟ عمر  : لا خربت السحر\.\.\.\. مـ\.\. مقابل سكت لزمت وجهه : كمل شنووو المقابل؟ عمر  : مقابل أتزوج عليج\.\. صار هدوء براسي مخيف،بس كلامه يتردد بعقلي مثل الصدى\.\.\.سحبت أيدي من عنده بلا وعي ضحكت\.\.\. ضحكت بصوت لاهي ضحكت فرح\.\.\. لاهي ضحكت حزن\.\.\.\.\. ماعرف بس أضحك حسيت دموعي وگعت من كد ما ضحكت\.\.\. نصدم من رد فعلي عمر  : روحي\.\.\. سكتت عيني بعينه : لا\.\.\. مستحيل تساوم هيج مساومة قذرة مستحيل تسويها\.\.\.\. أعرفك تخليني اموت بسحرها ومتكسرني هيج كسرة\! مارد كتفى بالسكوت وعينه نازله لمست وجهه : عُـــــــمر\.\.\. أحلفك بكل شي غالي عليك تحجي\.\.\. وتكول ماسويتها كول امي ندمت\.\. ومن حالها فكت السحر\.\.\. رفع عينه بعيني قرب يمسح دموعي بثنين اديه بعدت\.\.\. عمر:والله وغلات عيونج\.\. نجبرت\.\.\. شفتج تموتين كدام عيني ولج روحي\.\. كل شي اكدر اتحمله له فكرت فقدانج\.\.\. بلعت ريكي بخوف خليت أيدي ؏ گلبي : شنو يعني نجبرت؟ يعني وافقتها؟ عُمر\.\.\. يعني تزوجت؟ صرت أخذ النفس بصعوبة تابعت واني اهز راسي بنفي : عليك الله كول لا\.\. حباب كول لا حبيتك ثقيت بيك\.\.\. سلمتك گلبي وروحي لا تكسرني\.\.\.\.\. واني الزامطت بيك كدامهم\.\. لا تخذلني هيج نزل راسه بصوت مكسور تكلم لا غرس خنجر بنص گلبي\.\. عمر  : سويتها\.\.\. وعقدت غمضت عيوني\.\.\. بقوة مو بس جسمي يرجف شاففي ماسيطر عليهم صرت اطك سن بسن  \.\.\. تابع عمر  : عقدت بس حتى اخلصج من سحرها حتى نرجعلج عافيتج\.\. برجفه دمعتي نزلت : يـاريت\.\.\. ياريت مخليني أموت بسحرها ولا أموت بخذلانك\. لزم كفوفي بكل قوته عمر  : كل شي سويته حتى أشوفج واكفه ؏ حيلج بقوتج وعافيتج\.\.\. لا تعتبريها خيانة\.\. لان نجبرت والله سحبت ايدي مسحت دموعي بتسمت والوجع بنگط من روحي : نقذتني منها حتى تكسرني بخذلانك؟ يعني\.\.\.\. ترهم نداوي الحب بخيانة؟" بصوت مبحوح عمر: لا تكولين هيج… ما خذلتج، روحي\.\.\. أني اختاريت أموت ألف مرة ولا أشوفچ تختنگين وأنا ساكت\. أنتِ غاليه\.\.\. وكلشي سويت، سويته لأجلك\. : كلشي؟ أني چنت أصيح: "أثق بيك"\.\.\.واتفاخر بحبك عمر: روحي\.\.\.زهرتي فهميني\.\.\. چنت بين نار تحرگچ ونار تحرگني\. سكت، تنهد وهو يحاول يثبت صوته: عمر: بعد يومين\.\.\. راح أفسخ\. ما راح تبقى زوجة إلي، لأن ما صارت\. هي ورقة، وأني أعيش كل دقيقة بيها كأنها سجن\. بس إذا فقدتچ\.\.\. راح يصير موت حقيقي\. نظرت له، تنفست بوجع، صوتها واطي بس حاد: : واذا فسخت؟ شنو يعني؟ ترجع تسوي ألي يخون ويغدر مرة\.\. الثانية يسويها ويسويها للمرة الالف\. نهضت\.\. نهض لزمني عمر  : روحي\.\.\.شنوو\.\. شنو يعني؟ أني مخطط بعد ما نعقد اني وياج نسوي عرس وبعد العرس نسافر أعوف كل شي واخذج\.\. رجعت ايدي ؏ گلبي اريد الالم يخف تكلمت بغصة : أي نشرد\.\.\. نشرد من شنو؟ السحر ماينشرد منه\.\.\. هذا مو شي ملموس السحر شي روحي يتبعك ويوصلك بالهوا يخرب حياتنا حتى لو هاجرنا للمريخ\! بعدت ردت اطلع منعني عمر  : روح\.\.\. وين؟ : ثواني\.\.\. ثواني بس وأرجع\. طلعت أضرب بخفه ؏ گلبي أجت أمي رادت تحجي تواسيني منعتها صعدت الغرفتي اول شي سويته أخذت الموبايل أيدي ترجف بالکوة سيطرت واتصلت ؏ ام عمر اول رنه\.\. الثانية ردت أم عمر  : الووو تكلمت بغصة خنكتني : عمه\.\.\.كولي كلمة وحدة گولي الي گاله عُـمر  چذب  \.\.\. والله\.\. والله أسامحج ؏ سحر اسامحج ؏ اذيتج، كرهج بس كولي ماتزوج\.\. ضحكت كأن كلامي أثلج فؤادها ام عمر  : هااا گالج؟\.\. هسه أدزلج صور\.\. وفيديو وانتِ أحكمي كلامه صح لو غلط ظليت ؏ خط ثواني دزت صور نتظرتها تفتح واني أدعي\.\.أدعي تكون غلط تصلت بيها لان عندي أمل\.\. صوت بگلبي يكول لا\.\.\. عُمر يكذب\.\. ميسويها بس هي جبرته يكول هيج\.\.\. حتى تفرقنا\. سرعان مانفتحو الصور نزلت ؏ رگبتي منهار وأني اشوف حُب عمري جالس جنبها وهي بكامل اطلالتها بس هي، هي تضحك مكحلة، متزينة، لابسة لبسها الأبيض تنتظر تهنئة\! شفت الفيديو\.\.\. ما كدرت أكمله كل ثانية تمر، چانت تضرب على گلبي سهم ام عمر بعدها ؏ خط بالكوة رديت : ليش؟\.\. اني بشنو اذيتج؟ حتى تأذيني بأكثر شخص حبيته؟ بكل برود ونبرت أبتسامة بصوتها ردت ام عمر  : شنو يسوي بوحدة عايشة وتشم الهوا بوسيلة؟ مافكرتي أولاده يكونون حاملين مرضج؟ غمضت عيوني منهارة بس مارديت خليتها تكمل\.\. كنت لازم اسمعها\.\.\. ليش ماعرف بس اريد اسمعها وبس\.\. ام عمر  : شنو ناقصه هاا؟ عمر يشفق عليج بس هو ميعرف مفكر هل شفقه\.\.\. لان يتيمة ومريضة\. : أني يتيمة بسبب امثالج تيتمت ونحرمت من ابوي حالي حال كل البنات اللي فقدو اهلهم بسبب الكره والطائفية اللي يشيلوها مثلج ومثل غيرج غلطت عليَّ : حرام انتِ مسلمة حرام تنحسبين ؏ امة محمد بريء السنة منج شيطانه بوجهه انسان ام عمر  : طلع صوتج\*\*\*\*\* : انتِ شلووون تحجين هيج متعرفين اكو شي اسمه عيب؟ ضحكت بينتلها قوية : بس اكو مثل يكول ان لم تخف من الله افعل ما شأت\.\.\. ام عمر  : المهم خليته يضحك عليج و\*\*\*\*\*\* كلامها يشوهه المسمع سم\.\. يسمم الروح ماعرفت أرد عليها من الصدمة والغلط الساني ثگل نهاريت تكلمت بحركت گلب والغصة تترس روحي : اللهي يحرگ گلـبـج حَرگ\.\.\. مو مثل حرگچ لجسمي، لا\.\.\. حرگ يخلّيچ تباتين وتصحين وتضلج تصيحين وتغثچ روحچ\.\.\. تتمنين الموت يرحمج من اللي بداخلچ وما يرحمج\! اللهي ياخذ من عافيتچ مثل ما خذتي من روحي، اللهي يسلّب نوم من عينج\.\. تتهنين؟ لا والله، ما تتهنين، لأن دعوة مظلومة ويتيمة تطب للسما بدون ما يصدهه شي\. كملت بصوت مبحوح، خافت : : اللهي يجعل هاي الحركة والنار البصدري وگلبي اضعاف مضاعفة بگلبج الله يشربج السم مثل ماسويتي بية وحركتي روحي مثل ما اخذتي حبيبي وسحبتي من گلبي الله يسحب عافيتج كون تعيشين لوجع متضاعف بسرعة سدت الخط عف المبايل من أيدي وصرت اضرب نفسي إضرب گلبي كل قوتي أرجع اضرب وجهي وأدعي عليها الله ياخذ حقي منها امي واضح كانت ورا الباب تتسمع بسرعة حضنتني تهديني : ولج ماما اخذت حبيبي\.\.\. ولج اخذت روحي\.\.\. سلبت سعادتي\.\.\.\. ماما عُمر تزوج\.\.\. شلون\.؟ شلون يتزوج واحنا بعدنا مخطوبين؟ احنا نجهز الزواجنا\.\.\.\. وهو\.\.\. هو متزوج\! حضنتني تبجي فاطمة  :ولج ماما اهدي راح تموتين نفسج\.\. هي تريد تشوفج هيج مكسورة خليج قوية\.\.\. بنيتي فدوة رحتلج لاتسوين هيج الخاطري\.\. أبجي بحركة وصوت عالي امي سدت حلگي بكفها لزمتني ناظرت بعيوني فاطمة  : مو روح الزهراء التنهار مو بنتي اللي تموت نفسها\.\.\. تردين ترديلها الكسرة؟ كومي اوگفي ؏ طولج وماشوف دمعه من عينج واللي تردي وتسوي أني وياج بكل خطوة وعد مأسأل ليش ولا أعترض\.\.\. مسحت وجهي من الدموع فاطمة  : لا تفشلين ابوج بگبرة لا تبچين خلي يشوفج قوية وأي قرار تاخذي أني وياج\.\. هزيت راسي بأيجابية نهضت اخذتني غسلت وجهي شفت بياض عيوني صاير قطة دم امي غسلت وجهي بمي بارد ثلج شهكت مسحت ركبتي و؏ گلبي مررت ايدها ردت فاطمة  : الله يبرد گلبج ويصبرج\. رجعت اخذت كل الهدايا الثمينة الجابها اللي\.\. كل فلس نطانيا مصرف الي اني جامعته وماصرفته أبد كنت اضمهم ويا النيشان اخذته عدلت حجابي ونزلت أمي وياي دخلت وحدي بنصهم عمو ابو محمد، مصطفى، عُمر، ابوعمر علي الاكبر  كلهم جالسين شمرت الذهب والفلوس بوجهه وهو جالس كلهم نصدمو من فعلي\.\.\.\.\.\. عُمر فتح عيونه بسرعة نهض كملت ؏ صدمتهم\.\.\. بكلمة بكل ثقة : طـلـكنــي\.\.\. يتبع\.\.\.\.\.\. تابعو قناة التلي سكرنو وخلو الصورة بكامرة التلي يطلع اسمها بلا نقطة نهاية