ليلى عايشة

مرت سنتان...

سنتان وجيهان ما قدر ينسى ليلى.

كل يوم يدخل غرفتها، يشوف صورتها، ويحچي وياها كأنها بعده موجودة.

كان يحتفظ بكل أغراضها مثل ما هي.

حتى دفترها الصغير ظل على الطاولة.

منال تغيرت خلال هالسنتين.

صارت كل ما تدخل غرفة ليلى تبچي وتكول:

– سامحيني...

أما جيهان، فكان ما زال يدور ورا الحقيقة.

وفي يوم من الأيام، كان جالس بمكتبه، يراجع الأوراق القديمة الخاصة بليلى.

رن تلفونه.

جيهان:

– ألو؟

جاءه صوت رجل:

– أستاذ جيهان... لازم تجي للمكان اللي راح أرسله إلك.

جيهان:

– منو أنت؟

الرجل:

– شخص يعرف الحقيقة عن ليلى.

جيهان وقف من مكانه.

– شنو تعرف عن بنتي؟

الرجل:

– ليلى ما ماتت.

تجمد جيهان.

– شنو گلت؟

– گلت لك... ليلى عايشة.

جيهان ما قدر يتكلم.

إيده بدأت ترتجف.

– لا... لا تلعب وياي.

الرجل:

– إذا تريد تتأكد، تعال وحدك.

وانقطع الاتصال.

جيهان ظل واقف بمكانه، والدموع بعينه.

بعد سنتين من الحزن...

بعد سنتين وهو يعتقد أن ابنته ماتت...

سمع جملة ما كان يتخيل يسمعها مرة ثانية:

"ليلى عايشة."

ركض للسيارة.

وبعد وقت وصل للمكان.

نزل من السيارة، وظل يطالع المكان وهو مو مصدق.

وفجأة...

شاف بنت واقفة بعيد.

كانت أكبر من آخر مرة شاف بيها ليلى.

لكن ملامحها...

كانت مألوفة جداً.

قرب منها بخطوات بطيئة.

البنت التفتت.

جيهان تجمد.

العيون نفسها.

نفس النظرة.

نفس الابتسامة الصغيرة.

همس:

– ليلى؟

البنت ظلت تطالعه.

وبصوت هادئ قالت:

– بابا؟

جيهان ما تحمل.

ركض باتجاهها، ووقف أمامها وهو يبچي.

– ليلى...؟

هزت راسها.

– إي بابا...

جيهان حط إيده على وجهه، ودموعه نزلت.

– بنتي...

– بنتي عايشة!

ليلى قربت منه.

– اشتقتلك بابا.

جيهان حضنها بقوة وهو يبچي:

– آني حسبتج رحتي مني...

– سنتين يا ليلى... سنتين وأنا كل يوم أعيش على ذكراج.

ليلى همست:

– آني هم اشتقتلك.

جيهان ابتعد عنها شوي، وطالع وجهها.

– وين كنتِ؟ شلون بقيتي عايشة؟ وليش ما خليوج ترجعين إلي؟

ليلى نزلت عيونها.

– ما أگدر أحچي هسه.

جيهان:

– ليش؟

ليلى رفعت عيونها إله.

– لأن الشخص اللي خباني... بعده موجود.

جيهان انصدم.

– منو؟

ليلى ما جاوبت.

بس قالت كلمة وحدة:

– سعاد.

جيهان تغير وجهه.

عرف أن كل الأسرار اللي كان يدور عليها من سنتين...

راح تنكشف أخيراً.

**يتبع...**

فصول الرواية

بين الدم والقلب

مرحباً بك

ليلى عايشة

اختر خط القراءة

فصول الرواية

بين الدم والقلب

تبليغ عن مشكلة في الفصل

المتفاعلون

انضم إلى عالم نوفلار

مرحباً بك