وصية داد!

فاكرين مشهد الوصية من فيلم حب البنات؟؟ .. طيب🥸 .. هذا الإسكريبت كوميدي..

ـــــــــــ

مجدي المحامي: هقرألكم دلوقتي وصية باباكم الله يرحمه

غادة: أو يحرقه أيهما أقرب

مجدي المحامي: بسم الله الرحمن الرحيم دي وصيتي أنا: مصطفى أبو حجر .. أولاً .. هاي يا بنات أخباركم ايه؟

غادة: الحمدلله أحسن بكتير من بعد ما مـ ـوتّ

مصطفى أبو حجر: ثانياً إوعوا تفكروا إنكوا خلصتوا مني عشان مـ ـوتّ لأ! .. تؤ تؤ .. ده أنا على قلبكم!

غادة: حتى وهو ميـ ـت!؟

مصطفى أبو حجر: أنا عمري ما كنت وحش يا بنات! .. أنتوا اللي فكرتوني وحش! .. أنتِ اللي فكرتيني وحش يا ندى عشان كنت بضربك وأنتِ صغيرة

ندى: لا يا شيخ؟

مصطفى أبو حجر: اه والله، عشان أنتِ بت قليلة الأدب فـ كنت بربيكِ! .. ولا نسيتِ ذكي أبن عم أبو فرخة؟

ندى: لأ خلاص!

مصطفى أبو حجر: ولا محمد بتاع الدرس؟!

ندى: خلاص يا بابا أنت مش بتستر أبداً كده؟!

مصطفى أبو حجر: أيوة كده أتعدلي!، وبعدين ايه الذوق النتن ده؟، حد يحب حد أبوه أسمه أبو فرخة؟!، وأبنه هو الفرخة بقى؟!

ندى: بابا أنا مش بحب حد يتريق على ذوقي التوكـ ـسيك لو سمحت!

مصطفى أبو حجر: أوكي! .. أنا مش وحش يا غادة! .. أينعم كنت بجيب دماغك وأحلقلك شعرك غـ ـصب عنك، بس أنا كان قصدي أفهمك الحياة!

غادة: ولما كنت بتحلقلي دقني اللي مش بتطلع كان قصدك تفهمني النهار؟!

مصطفى أبو حجر: بلاش قلة أدب وقلش ميتقالش!!

غادة: عليا الطـ ـلاق أنت اللي كلامك ميتقالش يا حاج!

مصطفى أبو حجر: لما سافرتي على لندن يا روقية أنتِ ومامتك، أتصدمت!

روقية: أوو ام ڤيري سوري داد، أنت زعلت عشان بقالك كتير ماشوفتنيش؟! ولا عشان غيران عليا من عادات وتقاليد بره؟

مصطفى أبو حجر: عشان سافرتوا من غير ما تاخدوني معاكوا يا كـ ـلاب!

روقية: أوو ماي جاد .. داد طلع لارچ!

مصطفى أبو حجر: المهم دلوقتي أنا سايبلكم شيك بـ خمناشر مليون جنيه، هتصرفوا الشيك بس بشرط!

غادة: شرط علينا وهو حي وهو مـ ـيت!

مصطفى أبو حجر: بس يا بت وأسمعي لحد الآخر!

غادة: أتنيلت!

مصطفى أبو حجر: هتطلعوا كل شهر 5,000 جنية على روحي

روقية: الف رحمة ونور عليك، ماي داد

مصطفى أبو حجر: thank you، المهم هتاخدوا منهم أنتوا حقكوا طبعاً!

ندى: طبعاً!

مصطفى أبو حجر: اللي هو أصلاً 10,000 من المبلغ كله، قسموه عليكم بقى

غادة: ده أنت طلعت بابا لارچ فعلاً!!

مصطفى أبو حجر: أنتِ قليلة الأدب!

غادة: أمك أسمها رجب!، يا متر! أنا هاخد أم الشيك ده وهصرفه وآخد حقي

مجدي المحامي: مش هينفع يا آنسة غادة

غادة: ليه؟

مجدي المحامي: لازم تنفذي الوصية!

غادة: بس يا عم أنت!، بصوا بقى، أنا خمسة مليون وأنتِ خمسة و روقية خمسة، وأي حد هيتكلم هديله بالبوكس أخليه شبشب كروكس!، حد عنده إعتراض؟!

مجدي المحامي: أأ..أ

غادة: ايه يا متر عندك إعتراض ولا حاجة؟!

مجدي المحامي: لأ أبداً أنا أصلاً نص متر!، سلام عليكم!

غادة: وعليكم السلام!