عن حرقة الدم أتحدث!

سكريبت إجتماعي كوميدي

---

فاكرين المشهد ده من آسف على الإزعاج؟؟ .. طيب🥸

----

- عايز حاجة تعيطك؟

= ياريت ياريت!

- بص يا سيدي .. كان يا مكان! .. ما يحلى الكلام إلا بذكر النبي عليه أفضل الصلاة والسلام

= عليه أفضل الصلاة والسلام

- العالم ده كله بالصلاة ع النبي عايش بـ حر. قة الد م

= حر. قة الد م ازاي يعني؟!

- أتقل بقى! أتقل وأسمع!

= تقلت!

- أول ما بتتولد

= ثواني! أول ما أتولدت؟!، هي حر. قة الد م بدأت معايا من زمان كده؟!، بس ايه اللي هيحـ. رقلي د مي يعني وأنا لسه مولود؟!، إنهم مغيروش ليا البامبرز مثلاً؟!

- بيتحـ. ـرق د مك وتفضل تعيط عشان محدش فاهمك!

= اه أوكي!

- وييجي واحد غـ. بي عدم اللاموآخذه يمسكك وأنت بتعيط ويقولك بكل بكـ. اسه "يوغتي اسم الله يوغتي"

= عارف الناس دي

- تكبر يبتدوا يقارنوا بينك وبين أبن خالتك ولا أبن عمتك

= اه بالذات أبن العمه

- أي عقـ. ربه جايبه أبنها في نفس توقيتك أعرف إن مصيرك مرتبط بمصيره خلاص!، هتتقارن بيه في كل حاجه .. في تصرفاتك! .. في أدبك! .. في شطارتك في المدرسة .. وتيجي تتصاحب عليه تلاقيه عيل تلـ. م ود م أمه بارد! .. ويفضل يكيد فيك عشان هو أحسن منك، وأنت يتحـ. ـرق د مك بقى

= كلام يُحترم!

- تخش أبتدائي يتحـ. ـرق د مك من العيال اللي بتتـ. نمر عليك، مرة تتـ. نمر على مناخيرك مرة تتـ. نمر على ودانك .. مرة تتـ. نمر على عينك، مع إنهم لسه كانوا فوق بيتعلموا إن "خُلق الإنسان في أحسن تقويم"! بس ازاي، هيقولوا الكلام ده ع الإنسان، هو أنت أنسان؟!

= لأ حيـ. ـوان!

- هههه بالظبط كده!، تكبر وتدخل إعدادي يتحـ. رق د مك بقى بمرحله جديده ، عايز تشرب سجاير، والجديد أصحاب السوء بقوا أصحاب سوء وأصحاب سوق!، هيشربوك اللي عمرك ما كنت تتخيل يعدي عليك أسمه أصلاً! .. ويتحـ. رق دمك لو مفيش جرعة نيكوتين دخلت جسمك النهاردة! .. وكأنها أهم من المياه والأكل!

= خلي بالك أنا مش بدخن!

- وأنا مالي بيك يا عم؟! هو أنا أمك!؟

= لأ عشان حسيتك بترمي كلام عليا يعني، ف أنا لا بشرب سجاير ولا حاجه تانيه غير السجاير

- المهم!، تدخل ثانوي، يتحـ. رق د مك بطريقه أجدد بقى، المذاكره، تيجي تفتح الكتاب يكبس عليك النوم، تنام شويه وتصحى تيجي تفتح الكتاب تقوم تنام تاني، تصحى تاكل وتشرب ولاموآخذه تعمل زي الناس، وتيجي عند الكتاب عشان تذاكر، تقوم تترمي، زي ما تكون أتضـ. ربت في خناقه لما قولت يا بس!

= اممم

- وتيجي في الإمتحان، عشان تحل، من الصدمه والأسئله اللي متعرفهاش ولا كأنها عدت عليك تسلم حتى، تقوم نايم، وتضيع عليك السنه

= اه والله حصلت فعلاً!

- تخلص السنه وتكبر شويه كمان، يتحرق د مك بقى ع النت، ونظام الردود على السوشيال ميديا مش ردود عاديه كده، لازم تبقى ردود في الجون وقصـ. ف جبهات، ردود السوشيال ميديا يا تحـ. رق د مك يا تحـ. رق د مهم، و واحده واحده السوشيال هتسحبك ويتغير مزاجك لمجرد إنك قرأت "كومنت" ضايقك أو فرحك!

= فعلاً!

- تتخرج ويتحـ. رق د مك من جديد في حاجه تانيه بقى

= ايه هي؟

- الشغل، تقعد تشتغل وتيجي على نفسك عشان تعمل لنفسك مستقبل عشان خاطر بنت الحلال، وتقوم هي ماسحه بكرامة أمك الأرض في ستوري بترمي فيه كلام عليك، وإن الحياه مش هتقف بعدك وهي خلاص لقت اللي يعوضها، ف تحاول ترجعلها وتقنعها إنك لسه بتحبها، ف هي تصدق وحالات واتس كتير بقى زي "حبه جنه أنا عشت فيها"، تطلع أنت بتحاول ترجعلها أصلاً عشان خاطر أنت اللي تسيبها، ويبقى كده حر. قت د مها هي!

= يا سلام عليك، فعلاً والله

- تتجوز، يتحـ. رق د مك من مراتك بقى، ما أنت لو مهتم كنت عرفت لوحدك!، وهي يتحـ. رق د مها من أهلك وأخواتك العقـ. ارب

= من فضلك متجيبش سيرة أخواتي ومتقولش عقـ. ارب!

- الله؟!، مالك قفوش كده!؟، بلاش يا سيدي! ... أخواتك الحرا بيق

= ايه حرا بيق دي؟!

- جمع حر بوقة!

= اه أوكي!

- وبعدين تخلفوا هي يتحـ. رق د مها من عيالك وأنت يتحـ. رق د مك من طلباتها .. العيال تكبر تجرب كل القـ. رف اللي عملتوا مع أهلك زمان ويتردلك بحر. قة د م أقوى شويه كمان! .. تكبر يتحـ. رق د مك عشان عيالك سابوك و راحوا أتجوزوا .. تروح تتبرع بد مك تلاقي د مك طالع لونه بين الأزرق والأسود من كتر ما أتحـ. رق

= طب هو أنا لو طلعته لونه أصفر يبقى كده ايه يا نسيم؟

- تبقى كده شارب مانجه يا حسن!.. أنا هرجع البيت لأحسن قعدتي معاك مؤخراً بقت تحر. قلي د مي، سلام!

= سلام يا صاحبي .. استنى أنا معيطتش!!

#سكريبتيكوا

#آسف_على_الإزعاج

#روان_أبو_زيد