قارئة الفنجان

سكريبت كوميدي

---

جلست والخوف بعينيها .. تتأمل فنجان مقلوب! .. قالت:

- يا ولدي

= نعم؟

- البؤس عليك هو المكتوب يا ولدي

= أعوذ بالله! ليه كده يا شيخة كُبيبة!؟

- لأنني أرى الآن؛ ما يمثل رمز البؤس في الفنجان!

= أختك هبلة وأسمها روان!

- ما خلاص يا أبو قردان!!

= طب خلاص كملِ!

- أمامي رمز البقر .. وهذا يعني أن أمامك سكة سفر!

= فين فين؟!، أوروبا ولا الخليج؟

- الفيوم!

= نعم؟! .. هنيل ايه هناك؟!

- لا أعرف ماذا ستنيل هناك!، شوف أنت!

= لا حول ولا قوة إلا بالله!

- ستتزوج من أميرة!

= أميرة؟!

- تحبك وبداخلها نار لهيب الغيرة!

= لأ أنا مش بحب الست اللي بتغير!

- جرب نار الغيرة!

= شكراً!

- جرب نار الغيرة!

= شكراً ياستي!

- وقولي!

= ايه؟!

- قولي!

= طب مينفعش أغير المكتوب في الفنجان؟، ولو عايزاني أدفع حق التغيير معنديش مشكلة!

- لماذا؟ هي تذكرة مترو يا روح أمك؟!

= ايه التغيير ده؟!

- احم احم!، ستمتلك مزرعة فخمة!

= لأ أنا عايز بيت فخم!، هنام في مزرعة؟!

- تأخذ المزرعة ولا أديها لغيرك؟!

= لأ خلاص!، مزرعة مزرعة!

- ستكبر وتكبر!

= الله أكبر!

- طلاما تحافظ على تجديد إشتراك الإنترنت شهرياً ستظل المزرعة ملكك!

= ايه علاقة اشتراك النت بالموضوع؟!

- إنها المزرعة السعيدة!، الم تسمع عنها من قبل؟

= الله يسترك يا شيخة كُبيبة، شوفيلي حاجة تانية تفرحني، لأحسن حالتي هتنتكس على أيدك!

- حسناً ياخويا!، الطريق أمامك طويل جداً

= حلاوة!

- وصوت رنين سرينة الشـ ـرطة يرن في أذنك!

= أنا تقريباً سامعه!

- وستجد من يقف في ظهرك ويقول بأعلى صوتٍ يملكه!

_والله و وقعتِ يا كُبيبة!

- وستجدني أقول أحـ ـيه!

= ايه ده؟!

_تعرفي أنا بدور عليكِ بقالي قد ايه؟!

- نعم أعلم

_ولماذا لم تستجيبي لنا؟!

- هل أنت عبيط؟!، أنا مجـ ـرمة، هل هناك مجـ ـرم يسلم نفسه للحـ ـكو مة؟!

_نعم أنتِ صحيحة وأنا مخطيء!، إذن هيا بنا إلى القسم!

- حسناً!

= مين دي يا باشا؟!

_دي الشيخة كُبيبة!، دجـ ـالة معروفة بقراءة الفنجان!، وهنروح كمان شوية نقبض على الشيخة كُبيبة الشامي!

= ربنا معاكم!، عقبال ما تقبضوا على الشيخة سمبوسك يارب!

_يارب!، قدامي يا مذ نبة!

#سكريبتيكوا

#روان_أبو_زيد

ملحوظة: دي مش تريقة خالص ع الأغنية، دي فكرة جاتلي وقولت أشاركها معاكم🥸