عفريت مؤمن!

سكريبت كوميدي

---

- لنفترض إنك عفـRـيت .. ايه اللي يثبتلي؟!

_حضن

- ايه؟!

_بهزر معاك يا هندسة!، ده حتة من فيلم هيبتا!

- وأنت تعرفه منين؟!

_بتفرج على الأفلام بتاعتكوا كلها ومن أشد المعجبين بيها والله

- طيب عدي النقطة التافهة اللي فيك دي، وقولي أنت ازاي عفـRـيت!

_بحقق الأمنيات حضرتك، أقدر أجيبلك اللي أنت عاوزه من الإبـ. ـرة للصا روخ

- أنت عفـRـيت شغال في معرض رنين؟!

_بتاع عشرة سنين ده؟!

- اه

_لأ مش شغال فيه

- اومال ايه من الإبـ. ـرة للصا روخ ده؟!

_يا باشا بقولك إني أقدر أحققلك أي حاجة، أطلب وأتمنى

- طيب قول الجملة بتاعة شوبيك لوبيك، عشان أصدقك

_يا سلااام؟ دي اللي هتخليك تقتنع، طيب يا سيدي .. شوبيك لوبيك!، اطلب اي حاجة حتى ولو كانت بوفتيك

- ماشي، أنا عايزك تسفرني على أي بلد حلوة

_أهو شوفت بقى لما نستغبى!، أبتدينا نهبل في الطلبات أهو!، عايز تسافر ازاي ياسطا وأنت محيلتكش حاجة؟!

- ما أنت هتسفرني بقى

_ماشي، هات الباسبور و ورق الفيسه وأنا هسفرك

- أنت هتسفرني بقوة الدفع بالفيسه؟!

_هسفرك بالطيارة ياسطا!

- لأ أنا عايز زي ما بتعملوا في الأفلام، طرقعة الصوابع دي، وأقوم أنا مختفي من مكاني، الاقي نفسي في مكان تاني

_هو أنا لو أعترفتلك بحاجة هتصدقني؟

- اعتراف ايه؟! .. أنت معجب بيا؟!

_ياسطى الله يباركلك هتشكك فينا الناس! .. عموماً .. أنا مش جـ. ـن

- اومال أنت ايه؟!

_أنا عفـRـيت!

- لأ يا شيخ! .. بتهزر! .. أنا كنت مفكرك طبق خيار مخلل!

_لأ يا باشا أنا عفـRـيت، بس حاكم إني لوني مخضر، ف ممكن تحسني خياره مخللة فعلاً!

- أطلع بره!

_الله ليه يا باشا القلبة دي؟!

- بره ياض!

_طب هحققلك أمنية طاه!

- طاه؟! في عفـRـيت يقول طاه؟!، أنت عفـRـيت ولا عربـ. جي؟!

_بقنعك يا باشا!

- بقولك ايه، أخفى من وشي الساعة دي!، أنا أصلاً مليش في الجو ده؟!

_ليه؟!

- عشان مش بصدق، بدليل لسه بقولك سفرني، وأنت كسلت باين ولا ايه؟!

_لأ يا باشا، أصل أنت طالب أمنية صعبة أوي!

- وايه بقى الأمنية السهلة؟!، لما أطلب منك كيس بوزو؟!

_يا باشا أنا بحقق أمنيات زي جلب الحبيب، أروشلك صاحبك، أكرشلك جارك، أطفـ. ـشلك مراتك، أرد المطلقة

- اه الشيخة خديجة المغربية بس لونها اخضر يعني؟

_بالظبط كده

- طب أطلع بره بدل ما أبـ. لغ عنك!

_ليه كده يا باشا؟!

- غور يا عم أنت أنا مش بطلب أمنيات غير من ربنا سبحانه وتعالى!

_طب ما أنت طلبت مني أسفرك يا هندسة!

- كنت بجرب حظي!، وغلطان أنا عارف، بس نقول ايه؟!، الشيـ. ـطان شاطر!، يللا بره يا كلـ. ـب!

_طب خلاص قعدني عندك اليومين دول بس لحد ما الشيخ عصفور يمشي من هنا!

- مين الشيخ عصفور ده؟!

_اللي أنا شغال عنده بلبس الناس، هربان منه عشان العيشة مبقتش أتحملها معاه، ده بيضـ. ربني والله يا باشا!

- ليه هو أنت مراته؟!

_بتقول حاجة يا باشا؟!

- لأ!، ماشي! .. هخليك تبات عندي يومين بس

_ده هيبقى كونبليمون كبير أوي من معاليك يا باشا!

- طب نقرأ الفاتحة عشان يبقى تعاون باديء بخير؟

_اقرأ أنت يا باشا

- ليه؟!

_أنا عفـRـيت، لو قريت الفاتحة أتحـ. ـرق!

- بس تتضرب من شيخ اسمه عصفور عادي؟!

_تصدق صح!، أقنعتني!، بسم الله الرحمن الرحيم..

#سكريبتيكوا

#روان_أبو_زيد