بابي عايزة فلوس

سكريبت كوميدي

---

فاكرين المشهد ده؟؟، ده مشهد من فيلم أحلى الأوقات، عبارة عن إن سلمى «حنان ترك» بتروح لـ باباها الفنان «حسن حسني» رحمة الله عليه، وبتحاول تفكره بنفسها لأنها بنته .. تخيلوا لو كان المشهد مختلف حاجة صغننة أوي 🤏🏻 عن المشهد الحقيقي:

---

- انا بنتك!

= أنتِ! .. بنتي أنا؟!

- اه

= أحلفي!

- عليا الطلاق منك لأمي أنا بنتك!

= يا نهاري!، أنا عندي بنت حلوة كده؟!

- شكراً

= لأ شكر ايه بقى!، بصي أنا هعزمك النهاردة على اكله محصلتش قبل كده!

- ايه بقى؟!

= فول وطعمية!

- هو الفول والطعمية أكلة محصلتش؟!

= عمرك كلتي فول وطعمية الساعة ٦ المغرب؟!، عشان كده بقولك محصلتش!، وبعدين أنا راجل على قد شغلانتي!

- بابا!

= يا عيون بابا!

- هو مش أنا بنتك؟!

= طبعاً!

- وبقيت مسؤولة منك؟!

= طبعاً!

- طيب أنا..

= أنتِ ايه؟

- أنا..

= ايه يابنتي؟!

- بصراحة .. أنا كان عليا شوية ديون .. وماعيش فلوس أسددها

= وماله يا حبيبتي، تتحل، عليكِ قد ايه؟

- عليا الف جنية للسوبر ماركت

= تتحل يا حبيبتي وماله الألف جنية هدفعها بكرة!

- و ٥٠٠ جنية مياه

= .. وماله يا حبيبتي؟ .. حاضر هدفعهم

- و ١٠٠٠ جنية كهربا

= حاضر يا سلمى!

- و ٥٠٠ جنية غاز!

= ليه؟! .. ٥٠٠ جنية ليه إن شاء الله؟! .. ده الشيف شربيني معملهاش!!

- طب اعمل ايه يا بابا! .. هتدفع ولا لأ؟!

= أمري لله حاضر!

- وعليا ٣٠٠٠ جنية إيجار

= امشي يا بت أنتِ اطلعي بره! .. أنتِ لا بنتي ولا أعرفك!!

#سكريبتيكوا

#روان_أبو_زيد

#أحلى_الأوقات