الفصل الثاني

بسم الله الرحمن الرحيم"

________________

الشخص بزعيق: اده قعدين بتاكلو كمان لا ومن غيري ده حتي عيب في حققم

ايلا بجدية :خير يا استاذ احمد

احمد بص لليلي وقال: اده البت دي بتعمل اي في بيتي

ليلي بهدوء: اي الي فكرك بينا يا احمد

احمد: جيت اشوف عيالي وبعدين متنسيش انك قاعده في شقتي يعني ممكن في اي لحظه ارميكم في الشارع

سيف بزعيق: عيال مين وبعدين مين قالك ان احنا عوزين نشوفك امشي من هنا

ديانا بهدوء: انا ابويا ميت ومعرفش مين انت

ليلي بعصبيه: اطلع بره يا احمد

احمد رفع ايدو وكان هيضرب ليلي بس وقفتو ايد ايلا

ايلا بغضب وزعيق: مش معنا اني سكتالك يبقا تتمادي فيها وتمد ايدك علي خالتو ولو فكرت مجرد تفكير بس هكون قطعالك ايدك فاهم

احمد بعصبيه : انتي فعلا بنت متربتيش وانا هخليكم كلكم تندمو وتيجو تبوسو رجلي عشان اسبكم في الشقه

سيف بعصبيه: اعلي ما في خيالك اعملو

بصلو احمد وسبهم ومشي

قفلت ايلا الباب

ليلي بعياط: يارب يارب

ايلا: خالتو انا قررت قرار وده في صالحنا كلنا

ليلي: اي هو

ايلا: هرجع القاهره وانتو هترجعو معايا بس لما نخلص امتحانات كده كده الامتحانات هتبداء اول الاسبوع وانا هظبط الشركه وهروح اشتغل في الفرع الي في القاهرة كده كده انا كنت هروح عشان اشوف الدنيا وكمان احنا حياتنا كانت هناك ولازم نرجعلها

ليلي بتفكير: ماشي بس الكليه بتاعت سيف وديانا

ايلا: بعد الامتحانات هاخد ورقهم وهودي في كليه في القاهرة

ديانا بفرحه: انتي بتتكلمي بجد يعني احنا هنمشي من هنا وهنرتاح من الراجل ده

ايلا: ايوه يا دودو

سيف بفرحه : احلي ليو واحلي اخت والله

ايلا: يلا كل واحد علي النوم عشان الامتحانات بدايه الاسبوع

دخل سيف وديانا كل واحد اوضه

ليلي : مش عارفه اقولك اي يا ايلا

ايلا : خالتو انتي تعتبري ماما وانا اكيد كنت هعمل معاها اكتر من كده

ليلي: ربنا يخليكي ليا وميحرمنيش منك ابدا يارب ويريحك بالك يا بنتي

ايلا: يارب يا خالتو يلا تصبحي على خير

ليلي: وانتي من اهلو

___________________

بعد مرور اسبوعين ديانا ولينا وسيف خلصو امتحاناتهم وايلا حولت ورق كليتهم للقاهرة

في منزل ليلي

__________

ليلي: حد فيكم ناسي حاجه

كلهم: لا

ايلا: طيب يلا بينا

ونزلو حطو الشنط في العربيه و ركبو العربيه وطلعو في اتجاههم للقاهره

بعد ساعتين كانو وصلو القاهرة

وصلو لفيلا شريف ابو ايلا

دخلو الفيلا وكانت نضيفه جدا وده لان ايلا خلت حد ينضفها قبل ما يجو

ليلي بدموع: ياه يا ايلا انا مدخلتش هنا من ايام ما كانت امك عايشه

ايلا: وانا والله يا خالتو ما انتي عارفه من ساعت ما ماتو وانا سبت القاهره كلها

ليلي: ربنا يرحمه يا ايلا كان كويس

ايلا: يارب

دخلت رحمه

رحمه: ايلا حمدالله على السلامة انتي والهانم ليلي

ايلا بابتسامه: الله يسلمك يا داده

ليلي: الله يسلمك يا طنط وبلاش هانم قوليلي ليلي بس انا زي بنتك

رحمه: ربنا يعلم انا معنديش بنات بس مامت ايلا كانت بنتي وانتي شبها اوي

ايلا: شكرا جدا يا داده الفيلا فعلا زي ما كانت

رحمه : احنا من ساعت مامشيتي واحنا مشينا بس لما قولتي انك راجعه جبت ناس نضفوها

ايلا: شكرا بجد يا داده

رحمه: عيب عليكي يا ايلا ده انا الي مربياكي ايام ما كنتو عيشين في بيت جدك وربنا يعلم اني فرحت جدا لما كلمتيني وقولتيلي انك رجعتي

ايلا: ما انتي عارفه يا داده مكنتش قادره اقعد هنا بعد ما ماتو ومكنش ليا مكان اروحو

رحمه: كان ليكي يا بنتي بس انتي الي مكنتيش عاوزه

ايلا بحزن: متفتحيش الموضوع ده تاني يا داده لو سمحتي

رحمه: حاضر يابنتي هروح انا احضركم الغدا انا بعت عمك عبدو يجيب الحاجات الي هحتجها

ايلا: شكرا يا داده ولو سمحتي عاوزه حد يبقا يزرع الجنينه عاوزه الفيلا ترجع زي ما كانت

رحمه: حاضر

ايلا : لسيف وديانا

ايلا: اطلعو كل واحد علي جناحو غيرو وارتاحو لحد ما داده فتحيه تخلص وانا هروح الشركه

ديانا: فين اوضتي

ايلا: اطلعو مع داده فتحيه وهي هتوريهالكم

سيف: ماشي

وطلعو

ايلا لليلي: هطلع انا كمان يا خالتو

ليلي: ماشي وانا كمان هطلع

وطلع كل واحد كل اوضه

__________________

في شركه محمد مهران

_________________

في مكتب محمد كان قاعد هو والياس

دخل عمار من غير مايخبط

الياس بعصبيه: مش تخبط يا بني

عمار بفرحه: لقينا عمك

محمد قام وقف وقال: فينو قول بسرعه يا عمار

عمار قالهم علي العنوان وطلعو يجرو وطلع عمار معاهم

____________________

في فيلا ايلا

__________

اتجمعو كلهم علي السفره

ليلي: التخرج امتا يا ايلا

ايلا: الشهر الجاي يا خالتو والحفله هتكون هنا في القاهرة

ليلي: طب كويس

سيف بغيظ: ايوه بقا ناس هتتخرج وناس لسه

ايلا بضحك : دي هي سنه الي هتقعدها

ديانا: ما انتو خينين انا لسه فضلي سنتين

ايلا بمواساه: هيعدو بسرعه متخفيش وبعدين هتتعرفي علي صحاب وناس جديده

ديانا: بس انا صحابي كلهم في اسكندريه

ايلا: طب ما انا صحابي في اسكندريه بس هنفضل صحاب مهما كان بينا مسافات

ديانا: ماشي وبعدين انا كده كده متحمسه عشان اشوف شكل الكليه الجديده

ايلا: هتعجبك متخفيش

وفاجاه الجرس رن ورحمه فتحت الباب

ايلا قامت وقفت من الصدمه وقالت: عمي

__________________

بقلمي "silvera"

«هل سنعود لبعضنا»

الفصل الثاني