الفصل التاسع والثلاثون

"بسم الله الرحمن الرحيم"

________________

مراد بجدية: "لا يا عمار والف لا هي مش من البنات اللي تعرفهم انساها "

عمار بعصبيه: "بابا انا مش هتجوز غير لينا انا فعلاً بحبها وانت قولت بنفسك اني اتغيرت انا من ساعت مشوفتها وانا مبعملش اي حاجة تزعل ربنا او تزعلها اه كنت بتسلي الاول بس من يوم مشفتها وانا بطلت لو سمحت يابابا"

مراد بزعيق:" عمار كلمه ومش هعدها انسي لينا البنت اتاذت في حياتها ومرت بحاجات صعبه بلاش تاذيها"

عمار دموعو اتجمعت وقال بعصبيه ودمعه نزلت غصب عنو:" بابا عشان خاطري سبني اختار المرادي الحاجه اللي بحبها انا عمري محبيت حد في حياتي قد ما حبيت لينا ومحدش هيخاف عليها اكتر مني هشيلها علي راسي ووعد لو جت واشتكت شكوه صغيره هبعد عنها بس والله العظيم ما هزعلها هحطها في عيني وقلبي"

رغد بصت لمراد وقالت: "بابا عمار فعلاً اتغير وفعلا بيحب لينا حضرتك مشوفتش كان خايف عليها ازاي لما جرحها اتفتح ولما كنا في اسكندرية كان باين بابا عشان خاطري انا وافق ولو حصل حاجة انا بنفسي هاجى اقولك"

فضل مراد ساكت

مرام بدموع:" مراد عشان خاطري وافق مش هنلاقي بنت احسن منها لعمار والبنت كويسه وعمار انا متاكده انو هيخلي بالو منها"

مراد بصلهم واخد نفس طويل وقال لعمار بجدية:" موافق بس قسما بالله لو زعلتها لكون مطلعك بره البيت "

عمار ابتسم وحضن مراد وقال:" والله مهزعلها ربنا يخليك ليا يارب هنروح اخر الاسبوع "

مراد ضحك وقال: "مالك مستعجل لي"

عمار بهدوء:" مش حابب اكلمها غير لما يكون بينا حاجة رسمي وبعدين هنستني علي اي مش كفاية هستنا لحد متخلص كليه "

مراد ابتسام وقال: "لا غيرتك فعلاً والله وقعت يا عمار باشا"

عمار ضحك وقال: "احلي وقعه والله"

مراد بهدوء: "اخر الاسبوع بكرة كلم سيف قولو وانا هكلم محمد يكون معاهم برضو"

عمار ضحك بفرحه وحضنو وطلع اوضه

مرام بإبتسامة: "ربنا يتمملهم علي خير مشوفتش عمار مبسوط كده"

رغد بإبتسامة: "شكراً يا بابا انك مكسرتش خطرو وخطري"

مراد حضنها وقال: "مش كسر خاطر بس أنا عارف اخوكي طايش وكنت خايف يطلع بيتسلي بس طلع واقع"

ضحكت رغد ومرام علي كلامو

مراد لرغد بإبتسامة:" يلا عقبالك متلاقي حد واقع زي وقعه اخوكي كده "

ضحكت رغد وقالت:" لا شكراً مش عاوزه "

ضحكو كلهم وبعديها كل واحد طلع على اوضه

__________________________

دخلت رغد ومسكت تليفونها وفتحت موقع الانستا وبدات تدور علي ريان لقت صفحتو فتحتها وقبل متشوف حاجة

خبط باب اوضتها

قفلت رغد التليفون وقالت بهدوء:" اتفضل "

دخل عمار بإبتسامة:" رغود فاضيه يا حبيبتي "

رغد بإبتسامة:" تعالي يا مارو "

دخل عمار وقعد علي طرف السرير وقال بإبتسامة:" تعرفي انك احسن اختك في العالم بجد شكرا انك اقنعتي بابا انا كنت خايف انو يرفض بجد "

رغد بهدوء: "بابا خايف علي لينا منك عندو حق يا عمار انت فعلاً لعبي وبابا اتفاجا انك فجاه قررت تخطب الطبيعي هيفكر انك بتلعب بيها انا عارفه انك مش بتلعب بيها بس خلي بالك يا عمار لينا تبان قويه ويمكن معظم مشاعرها متخبيه بس محتاجه حنان ودعم في حياتها متنساش اللي بباها عملو هيفضل ماثر في حياتها ويمكن تخاف انك تعايرها فكر يا عمار عشان فعلاً لينا مش حمل انها تنخدع في حد تاني "

عمار كان مركز مع كل كلمه رغد قالتها

عمار بهدوء:" والله العظيم انتي الكبيره انا مش اخوكي الكبير لا انتي الكبيره وعموما اوعدك مش هعمل كده وهكون اخ ليها واب قبل مهكون زوج "

رغد بإبتسامة:" ربنا يخليكم لبعض يارب "

عمار بإبتسامة:" هقولك علي اللي حصل انهارده عشان تعرفي اني بخاطر بس عشانها "

حكي عمار لرغد علي اللي حصل

رغد بصدمه: "ينهار ابيض انتو كان ممكن يحصلكم حاجة كويس ان الياس وريان جم"

عمار بهدوء: "حصل ريان الصراحه اتصرف معاه"

رغد بهدوء: "صح انتو تعرفو منين"

عمار:" كان صاحبنا من أيام بيت جدك كانو ساكنين هناك كان عايش هو وتيا بس تيا مكنتش بتبقا عايشه دايما هناك معرفش الصراحة بتكون فين لان ريان كان عايش مع جدتو ولما جدتو ماتت مشي ومعرفناش حاجة عن بعض بس في مره كان الياس بيخلص ورق وشافو واتقابلنا بس برضو منعرفش عنو حاجات كتير لي السوال"

رغد بهدوء: "اصل استغربت انو عارفكم وكده وان بابا وعمو محمد عرفينو عشان كدة سالت"

عمار بإبتسامة:" عشان كان جارنا وصاحبنا يلا هسيبك تنامي وشكرا يا رغود"

خرج عمار ورغد حاولت تنام

__________________________

عدي كام يوم وجه اخر الاسبوع

_________________________

في فيلا عمار

___________

عمار بعصبيه:" متخلصو يا جماعه هنتاخر ولسه هروح اجيب الورد والشكولاته "

مراد بملل: "اسكت بقا صدعتنا وبعدين انت مش عارف امك واختك"

عمار بعصبيه:" مهو ده مش فرح يعتبرو نفسهم ريحين زياره لايلا"

رغد بإبتسامة:" خلصنا يا عم ريان وبعدين اهدي يا حبيبي لينا لسه بتجهز "

عمار بهدوء:" يابنتي لسه هنروح نجيب حاجات وهنقابل ريان وتيا "

رغد بصدمه:" اي هما هيجو معانا "

عمار بإبتسامة: "ايوة لان الياس وعمتو زينب والباقي هيكونو من اهل لينا"

مراد بإبتسامة: "بطلو رغي ويلا عشان منتاخرش وبعدين مش كنت مستعجل واقف تتكلم لي دلوقتي "

ضحكو وطلعو من الفيلا وركبو العربيه واتجهو لمحل الورد والشكولاته

________________________

في فيلا ايلا

__________

في غرفه لينا

___________

روميساء بفرحه: "تحفه يا ليو"

لينا بإبتسامة: "انتي اللي تحفه والله"

ايلا بإبتسامة: "بس عمار كان واقع فعلاً"

روميساء بضحك: "يابنتي العيله كلها كانت شايفه معاده لينا تقريبا اقعدو انتو اتخطبو وانا هفضل سنجل "

لينا بهزار: "اقعدي قري فيها"

ايلا روميساء ضحكو

دخلت ليلي وزينب

ليلي بفرحه: "مبروك يا حبيبتي الف مبروك يا روحي"

لينا بإبتسامة:" الله يبارك فيكي يا ماما "

زينب زغرطت وقربت من لينا واخدتها بالحضن وقالت:" الف مبروك يا ليو "

لينا بإبتسامة:" الله يبارك فيكي يا طنط "

زينب بضحك: "بلاش طنط قوليلي خالتو زي ايلا "

لينا ضحكت وقالت: "احلي خالتو والله "

زينب لليلي: "يلا بينا عشان عمار علي وصول نستناهم"

ليلي بإبتسامة: "يلا"

نزلو والبنات فضلو قعدين

__________________________

في الريسبشن

____________

كان محمد وسيف والياس قاعدين بيتكلمو

محمد بهدوء: "سيف انت راجل ويعتمد عليه هتتكلم معاهم وانا لو في حاجة هدخل وانت لو في حاجة حيرتك وكده قولي وانا هتكلم"

سيف بإبتسامة: "ربنا يخليك يا عمي بجد مش عارف اقول لحضرتك اي"

محمد بإبتسامة: "احنا اهل ربنا يعلم اني بحبكم زي مبحب ايلا والياس وروميساء "

سيف حضن محمد ومحمد طبطب عليه

الياس بهدوء: "سيف اطلب وقول اللي انت عاوزو لعمار وانا وبابا معاك ومتنساش انت لو شايف عمار مش مناسب تقدر تقول بعديها وهنفضل اهل برضو "

سيف بهدوء: "حاضر وانا عارف انكو معايا هطلع اشوف لينا قبل ما عمار يجي"

طلع سيف

_________________________

في اوضه لينا خبط باب الاوضه قامت روميساء فتحت

سيف بإبتسامة:" لينا جوه "

روميساء بهدوء: "اه اتفضل"

دخل سيف وابتسم اول ما شاف لينا

سيف بإبتسامة فرح:" ما شاءلله اي القمر ده لي حق عمار يحبك "

لينا اتكسفت ومعرفتش ترد

روميساء بضحك:" بالله عليك متكسفها مصدقنا خلناها تتكلم من شويه "

سرح سيف في ضحكتها وقال بهدوء: "من عيوني"

بصتلو روميساء وايلا ولينا بأستغراب

سيف حمحم وقال:" انا شايف اني ارفض عمار مش مرتاحلو "

لينا بصدمه: "اي لي يا سيف حصل اي"

سيف بهدوء: "مش عارف بس شايفو مش مناسب انتي رائيك اي"

لينا فضلت ساكته والدموع اتجمعت حولين عنيها

ايلا بأستغراب:" اي اللي بتقولو يا سيف ده "

سيف بهدوء:" بقول شايفو مش مناسب"

روميساء بهدوء:" سيف اهدي كده انت متوتر وكده صح"

سيف ابتسم وقال: ".............

_______________________

بقلمي "silvera"

«هل سنعود لبعضنا»

الفصل التاسع والثلاثون