الفصل السادس والعشرون

"بسم الله الرحمن الرحيم"

________________

ايلا بابتسامة: "انت معجبه بعمار"

رغد وروميساء احتلتهم الصدمه

لينا بصتلها بصدمه وقالت بتوتر : "اي لا طبعا عمار مين اللي اعجب بي لا"

كانت بتتكلم وهي متوتره وعنيها مكانتش ثابته

قربت ايلا منها ومسكت ايدها وقالت بهدوء:" لينا متحوليش تنكري دي مشاعر وطبيعي لو اتحركت ويمكن نساعدك "

اكملت بمكر وقالت:" لو مش معجبه بي بصي في عيني وقولي اللي قولتي تاني "

لينا كانت متوتره جامد رفعت عينها وبصت في عين ايلا وهي حاسه ان هما سمعين صوت دقات قلبها العاليه قالت:" انا انا... "

اتنهدت وقالت: "انا مش عارفه ده اعجاب ولا اي بس

شخصيتو كانت عجباني بس بعد كده بقا بيعصبني

وحاسه اني عاوزه اعيط كل مشوفو قلبي بيقف لما

بيسمع صوتو مش فاهمه اي اللي بيحصل بس فاجاه

لقيتو حوليا ولما كنت في المستشفي هو اتبرعلي بالدم

وكان دايما حوليا حسيت بالاهتمام مش عارفه اي اللي بيحصل بس كل المشاعر دي اكيد مجرد وقت لان هو في حياتو واحده"

رغد وروميساء كانو بصلها بتفاجا وصدمه

رغد بعدم استيعاب: "انتي بتتكلمي علي عمار اخويا"

روميساء لرغد: "رغد وحيات خالو بلاش غباء خليها تكمل"

رغد بضحك للينا:" انت بتقولي عمار في حياتو وحده ده عمار مفيش في حياتو كلب حته "

لينا باستغراب: "ازاي هو قال انها مش بتحبو يتكلم مع بنات وبيقول عليها قطتو"

روميساء بتحليل: "يمكن بيلعب معاكي يعني بيشوف ردت فعلك"

رغد للينا: "روميساء كلمها صح وانا هتاكدلك"

لينا بسرعه: "انت هتروحي تقوليلو اني معجبه بي"

بصولها التلاته والضحكه ملت وشهم

لينا ادركت اللي قالتو واتكسفت

ايلا بابتسامة:" احنا معاكي ومحدش هيقولو اكيد يعني بس هنسيبو يجيب اخرو لو فعلا بيلعب "

رغد بابتسامة: "وانا اه اختو بس انا معاكم هكون الجسوسه خلي ماما تطلع المفتش كرنبو اللي جواها وتبحث عن الموضوع"

كلهم قعدو يضحكو علي كلام رغد

ايلا بابتسامة: "طب يلا عشان البنات اللي مستنينا جوه ودخلو"

_____________________

عدي يومين كانو البنات مبسوطين في اليوم التالت بليل كانو البنات سهرانين قطع كلمهم رنين تليفون ايلا

ايلا بابتسامة: "بعد اذنكم يا بنات"

روميساء بابتسامة:" ايوه بقا ابتدناها من دلوقتي هتنسينا وتروحي لالياس "

ايلا ضحكت وسابتهم وقعدت بعيد ردت علي الياس

الياس:" ليو عامله ايه "

ايلا بهدوء: "الحمدلله انت عامل اي وخالتو وعمو محمد"

الياس بابتسامة:" كويسين الحمدلله بيسلمو عليكي "

ايلا بابتسامة: "سلملي عليهم"

الياس بهدوء:" ايلا بقولك بكره هنيجي عشان نتفق وكده في حاجه عاوز اخد رائيك فيها "

ايلا بهدوء: "هي اي"

الياس بابتسامة:" بصي موافقه ماشي مش موافقه عادي برضو "

ايلا بضحك: "ماشي هي اي بقا"

الياس بهدوء: "طبعا صحابك مشين اخر الاسبوع فكن بقول نعمل الخطوبه في اسكندريه كتوع من تغير الجو وان صحابك ممكن ميعرفوش يجو القاهره وكده"

ايلا بابتسامة:" معنديش مشكله "

الياس بابتسامة: "يعني الفكره عجبتك"

ايلا بهدوء:" ايوه حلوه وحبيت انها هتكون في اسكندريه "

الياس بهدوء: "خلاص حضرو نفسكم بقا وشوفو هتعملو اي وانا هبعتلك الاماكن وكده وهبقا اوريكي بكره الحاجه"

ايلا بابتسامة: "ماشي"

الياس بابتسامة:" خلاص اسيبك تروحي للبنات وتقوللهم خلي بالك من نفسك "

ايلا بهدوء: "وانت كمان"

قفلت مع الياس وراحت للبنات

ايلا بابتسامة: "عندي خبر ليكم"

البنات بصولها بتركيز

ايلا بصوات: "هنعمل الخطوبه في اسكندريه"

البنات صوتو بفرحه

روميساء بفرحه: "انا من زمان هموت واروح اسكندريه"

رغد لروميساء: "وانا والله"

لينا بابتسامة: "اسكندريه دي انا حافظه كل حاجه فيها مدنتي هخدكم والففكم لف فيها"

بيلا بابتسامة: "ايلا بجد ده احسن خبر انا كنت لسه بقول لسيلين اني ممكن معرفش اجي القاهره تاني"

كارما بفرحه: "بجد انا فرحت اوي"

ايلا بابتسامة: "الياس لسه قايلي وقالي اقولكم"

لينا بابتسامة:" احنا كده نحضر شنطنا ونشتري الفساتين من اسكندريه "

ايلا بهدوء: "ايوه"

قعدو البنات يهزرو وكملو سهرتهم

________________________

عدي كام يوم وجه يوم السفر لسكندريه

______________________________

في الايام اللي فاتت الياس راح عشان يتفقو علي كل

حاجه وكان محمد هو ولي امر ايلا وقف جنبها مكان بباها

اتفقو ان الفرح هيكون بعد كام شهر لان الياس فيلاتو

جاهزه هيعدل فيها ويكون كل حاجه جهزه

_______________________

اتفقو انهم هيتجمعو في بيت ايلا

جه الياس بعربيتو ومحمد وزينب وروميساء في عربيتهم وعمار جاب مراد ومرام ورغد

وصلو ونزلو من العربيات كانت ايلا والباقي مستنينهم

ايلا بابتسامة: "يلا"

الياس بهدوء:" بصي احنا العربيات كتيره اوي لو كده نوزع نفسينا علي التلت عربيات الي معانا وكده كده صحابك معاهم عربيتهم "

داده رحمه بابتسامة:" انا هركب مع بيلا والبنات "

بيلا بابتسامة وهي بتسحب داده رحمه:" يلا بينا ونسبهم هما "

لينا بضحك: "ايوه ايوه دلوقتي نسيتينا يا داده مكنش العشم والله"

قعدو يضحكو

زينب بهدوء: "خلاص ليلي تعالي اركبي معانا"

ليلي بهدوء: "ماشي"

محمد لمراد:" تعالي اركب انت ومرام معانا العربيه هتاخدنا انت جنبي ومرام وزينب وليلي واره "

مراد بهدوء:" ماشي "

الياس الايلا:" تعالي انت ولينا وسيف معايا "

عمار بهدوء: "طب ما انا عربيتي فاضيه خلي البنات معايا وانت خد ايلا وسيف"

الياس بهدوء: "ماشي"

ركبت لينا ورغد وروميساء مع عمار وايلا وسيف مع الياس

"طلعو الاربع عربيات في اتجاهم لاسكندريه مدينة البحر المتوسط، مدينه تسحر كل من يدخلها بامكنها الخياليه وشواطئها الخلابه والساحره، مدينه الاحلام ولاسطير. "

في عربيه عمار كان الصمت يعم المكان

لينا حست بوجع مهتمتش وحاولت تداري الوجع من تعابير وشها عمار كان متابعها في مرايه العربيه

عدي كام دقيقه ولينا حست ان الوجع بيزيد وبدات عنيها تدغوش عمار حس انها مش كويسه

قال بقلق: "لينا انت كويسه"

لينا بصتلو بضعف وكانت عنيها بتبصلو بضعف وكانها بتحفظ ملامحو

روميساء ورغد قلقو بيمسكوها من دراعها لقو ايديها كلها دم

بيبصو علي جسمها لقو التيشيرت كلو دم

رغد اتفجعت من المنظر وقالت بصوات: "عمار الحق لينا يا عمار"

عمار ركن العربيه ونزل فتح الباب الخلفي واول ما فتحو لينا وقعت في حضنو لانها كانت جنب الباب

عمار بخوف وهو بيخبط على وشها" لينا لينا فوقي انت سمعاني "

لينا كانت بتحاول تجاوبو بس مقدرتش مسكت ايدو الي علي وشها وابتسمت لي و..................

____________________________

بقلمي "silvera"

«هل سنعود لبعضنا»

الفصل السادس والعشرون