الفصل السابع

"بسم الله الرحمن الرحيم"

________________

ايلا بسرعه: لينا اهدي هفهمك مين ده

بصت ايلا لعمار وقالت للينا: ده عمار ابن خال روميساء

وبصت لعمار وقالتلو ودي لينا بنت خالتي

عمار باحراج: "انا اسف بس فكرتها انتي عشان قولتي انك هتستنيني"

واكمل بضحك" وبعدين مكنتش اعرف ان عندك بنت خاله حلوه"

لينا ببعض الكسوف والاحراج: "وانا اسفه اني شتمتك بس الصراحه تستاهل"

ايلا بابتسامة: "خلاص اهدو مش هتتخنقو من اولها تعالي اقعد يا عمار"

لينا بابتسامة: "هروح اعملك كوبايه نسكافيه"

عمار بابتسامة:" تسلمي يارب "

سابتهم لينا عشان يتكلمو وراحت تعمل النسكافيه

عمار بابتسامة: "وحشتيني يا ليو كل دي غيبه موحشتكيش ده حتي انا اخوكي يا شيخه اسالي"

ايلا بحزن:" غصب عني انا بعد ماما وبابا روحت لخالتو وسبت القاهره "

عمار بعتاب: "طب كنتي جيتي قعدتي معانا انتي عارفه بابا كان هيفرح اوي وماما ورغد"

ايلا بهدوء: "الي حصل بقا وبعدين مكنتش عاوزه اقعد في القاهره حسيت اني مخنوقه منها فمشيت"

عمار باسف: "انتي مش متخيله احنا فرحنا قد اي لما عرفنا انك عايشه الياس كان حاسس انك عايشه بس انا قولتلو ان الجران قالو انك مش عايشه"

ايلا بابتسامة: "عمار هو فعلا بريئ وعمو حسن هو الي عمل كل ده"

عمار بهدوء: "انتي اختي وهو صحبي واخويا الياس عمرو ميعمل كده كلنا شوفنا كان بيحبك ازاي عمك حسن هددو انو هيقتلك لو مقلش الكلام ده في الفيديو فقالو عشان كان خايف ، بعد الي حصل باسبوعين لقيت الياس بيرن بيقولي الحقني هبعتلك موقع تيجي تاخدني روحت كانت حالتو صعبه جدا وديتو بيت عمتو عمو محمد وقتها عملو معمله مش حلوه وكنا عاوزين نطلعو لانو كان فاقد الوعي موافقش وكان هيرمي بره لولي ان الياس كان عامل تسجيل صوت لطول الفتره دي ولما جينالكم تاني يوم وملقيناكمش دورنا عليكم كان الياس عاوز يروح لعمك حسن بس عمو محمد قالو لما نلاقي عمك شريف الاول."

ايلا بحزن: "طب وهو بيعمل كل ده لي "

عمار بهدوء: "والله محد يعرف بس اعتقد بينتقم يعني زي ما انتي عارفه ان جدك كان بيحب عمو شريف وعمو محمد ومسكهم هما كل حاجه لان كان شايف ان عمك حسن طماع وده الي حاصل فعلا الطمع ملا قلبو وعمي عنيه"

ايلا بدموع: "عمار انا مش عارفه اعمل اي الحقيقه بتبان بس الكلام بيتردد في وداني تاني مش عارفه اصدقو وخايفه اكلمو يكون طلعني من حياتو"

عمار بحزن: "الياس عمرو منساكي انتي في عقلو وفي قلبو الاوضه بتاعتو كلها حاجات ليكي حتي راح واخد كراسات في الرسم وحاول كذا مره يرسمك بس كان بيقول انك في الحقيقه احلي حبو ليكي منتهاش لانو هو حبك بكل ما يملك اديلو فرصه يا ايلا"

ايلا بهدوء: "هحاول"

عمار بهدوء قام وقف:" يلا تصبحي على خير لازم اروح عشان عمك مراد ميعملش مني صنيه بطاطس بالفراخ "

ايلا بضحك:" انت لسه انت وعمو زي ما انتو "

عمار بابتسامة:" ايوه شوفتي بقا المهم دلوقتي اخر الاسبوع هتيجي تتغدي عندنا انا مقولتلهمش اننا لقيناكي هنعملهالهم مفاجاه "

ايلا بابتسامة:" حاضر "

خرجت لينا وكان عمار لسه قاعد

لينا بابتسامة:" انت ماشي "

عمار بهزار:" اتاخرتي دي حته كوبايه نسكافيه مش اكل "

لينا بغيظ: "سبتكم تتكلمو براحتكم"

عمار بابتسامة لايلا:" انتي جبتي البنت الحلوه دي منين"

ايلا بابتسامة: "طب اهدي عشان هي مش كيوت خالص وممكن تزعلك دلوقتي"

عمار بابتسامة: "وانا احب اعرف الجميل هيزعلني ازاي"

لينا وهي خلاص جابت اخرها منو قالت بزعيق جميل في عينك يا قليل الربايه يا حيوان

وراحت ماسكه كوبايه النسكافيه وراحت كباها عليه ولحسن حظو كان دافي وسبتو ومشت

عمار بصدمه: "ينهار مش فايت اروح ازاي دلوقتي"

ايلا بضحك: قولتلك عملتلي فيها باتمان وفكرتها من البنات اللي تعرفهم

عمار بابتسامة: بس حلوه ومختلفه عنهم انا همشي

ايلا بهدوء: استني اجبلك هدوم من عند سيف

عمار بابتسامة: لا وبعدين مين سيف ده

ايلا بهدوء: اخو لينا هبقا اعرفك عليه مره تانيه استني اجبلك حاجه من عندو

عمار بابتسامة: لا كده كده مش متبهدل اوي وبعدين هروح يلا باي

ايلا بهدوء: براحتك باي

ومشي عمار وايلا طلعت جناحها

___________________

في فيلا مراد والد عمار

__________________

دخل عمار الفيلا وكان مراد مستني

مراد بعصبيه: كل ده يا استاذ كنت فين....

سكت مراد وبص علي هدوم عمار

مراد بصدمه: ينهار مش فايت اي الي عمل فيك كده ده مرام لو شافت الهدوم هطين عشتك

عمار بابتسامة:............

____________________

بقلمي "silvera"

«هل سنعود لبعضنا»

االفصل السابع