الفصل الحادي عشر

بسم الله الرحمن الرحيم"

________________

كسر كل حاجه في المكتب وقع بارهاق وايدو بتنزف ودموعو مغرقه وشه طلع تليفونو ورن على محمد

محمد بهدوء:" اي يا الياس "

الياس بعياط: "بابا حسن خطف ايلا يا بابا خطفها وانا زي الغبي معرفتش احميها"

محمد بصدمه:" اي الي بتقولو ده ايلا ازاي وانت فين وحصل امتا وفين متفهمني يابني "

حكالو الياس تحت انهيارو

محمد بصدمه: "انت فين دلوقتي"

الياس بحزن: "في الشركه هجهز ورق الشركه اكيد هو هيكون عاوزه"

محمد بزعيق: "متتصرفش من دماغك ارجع على البيت دلوقتي حالنا وكلم عمار يروح يجيب خالت ايلا مينفعش يكونو لوحدهم وانا هبعت السواق علي الفيلا عندهم "

الياس بارهاق: "حاضر"

قفل محمد مع الياس

______________________

في عربيه عمار

____________

كان بيسوق بعقل شارد وكل شويه يبص يطمن علي لينا

قطع الصمت هاتف عمار

بص عمار في التليفون لقا الياس رد بسرعه وقلق: "الياس حصل حاجه"

الياس بصوت حاول يخلي سابت: "عمار خد لينا وروميساء علي الفيلا بتاعتنا وحود خد اهل لينا عشان في خطر على حياتهم بابا هيبعتلكم السواق خلصو وهستناكم في البيت"

عمار بهدوء: "حاضر"

لينا بخوف: "حصل حاجه عرفتو حاجه عن ايلا"

عمار بحزن:" لا الياس بيقولي اروح الفيلا عندكم اجيب مامتك وهنروح علي فيلا عمو محمد عشان هيكون في خطر عليكم طول ما انتو لوحدكم "

لينا بضعف بصتلو وسكتت وهي مش عارفه تعمل اي او تقول اي

وصل عمار لبيت ايلا

عمار بهدوء بص للينا وقال: "بصي انتي مش هينفع تنزلي بالحاله دي اول حاجه هتفجعيهم وكده فانا هنزل وانتي وروميساء خليكم هنا هحاول افهمهم بهدوء وهخلي مامتك تجبلك هدوم عشان معتقدش انكم هينفع تروحو دلوقتي"

لينا ردت بهدوء: "تمام....... شكرا"

ابتسملها عمار ونزل كان السواق تبع عيله الياس مستنيه

عمار بهدوء: "هدخل انديهم وهاجي"

هز السواق راسو واتجه عمار نحيه جرس الفيلا

فتحلو سيف

سيف باستغراب:" مين حضرتك "

عمار بهدوء: "انت سيف صح"

سيف باستغراب:" انت تعرفني "

عمار بابتسامة: "ايوه المهم دلوقتي فين مامت لينا"

سيف بخوف:" لينا حصلها حاجه "

عمار بسرعه: "لا لينا كويسه انا بس عاوز اقولكم حاجه مهمه فلوسمحت نديها عشان مفيش وقت"

سيف بخوف: "حاضر اتفضل"

دخل سيف نادي ليلي نزلت ليلي

ليلي باستغراب:" عمار "

عمار بهدوء: "طنط بصي هو موضوع يطول شرحو بس انا بطلب من حضرتك تتفهميني ممكن حضرتك تلمي هدوم لحضرتك وللينا وايلا......."

وبص لسيف وقال: "عاوزكم تلمو حاجاتكم المهمه عشان هتيجو تقعدو عند عمو محمد فتره صغيره"

ليلي بخوف: "هي ايلا ولينا كويسين"

بصلها عمار بحزن حاول يدري وقال: "ايوه دلوقتي ممكن حضرتك تنفذي الي قولتو واول ما هتوصلو هتفهمو كل حاجه"

ليلي باستغراب: "طب هنروح لي ولي ايلا مكلمتنيش"

عمار بهدوء: "طنط حضرتك هتفهمي كل حاجه لو سمحتي حضرتك تطلعي تجهزي الحاجه عشان مفيش وقت"

ليلي بهدوء: "حاضر"

دخلت قالت لداده رحمه تجهز وطلعت اخدت هدوم لايلا وللينا

بعد مرور نص ساعه طلعو كلهم من الفيلا ولان عرييه عمار الازاز بتاعو عازل من بره فليلي مشافتش لينا

عمار بهدوء لليلي:" هتركبو مع عمو وانا هكون ماشي وراكم.... "

وبص لسيف: "وانت ياسيف خليك معاهم"

ركبو كلهم وخرجو وراح عمار نحيه عربيتو واول ما ركب بص للينا الي كانت نامت من العياط وروميساء كمان دور العربيه ومشي ورا العربيه الي فيها عيله ايلا

___________________

في فيلا عيله الياس

________________

دخل الياس وهو مش قادر يمشي حاسس ان روحو اتسحبت وكنها اخدت روحو معاها لما اتخطفت حاسس بالذنب تجاه انو مقدرش يحميها وللمره التانيه بتتعرض للاذه بسببو

زينب كانت منهاره واول ما شافت حالت الياس عياطها زاد محمد كان واخد اوضه الريسبشن ذهاب وعاودا

رن جرس الفيلا راح محمد فتح وكانت ليلي وداده رحمه وسيف

دخلت ليلي وشافت منظر الياس وزينب

ليلي جرت علي زينب قالت بخوف: "زينب في اي انتي بتعيطي لي ولي عمار قالنا نيجي"

لسه زينب هترد دخل عمار وروميساء ولينا الي كانت حالتها لا تقل عن حالت الياس

ليلي بخوف جرت علي لينا قالت بتوتر: "لينا انتي كويسه يا حبيبتي بتعيطي لي....."

لسه هتكمل كلام ركزت ان ايلا مظهرتش

ليلي مسكت لينا جامد قالت بعياط: "ايلا ايلا فين يا لينا ايلا فين"

قرب عمار علي ليلي وفك ايدها من علي لينا الي خافت وكانت منهاره من العياط

عمار بحزن: "طنط ممكن تهدي"

ليلي بعياط: "ايلا كويسه صح ايلا كويسه صح"

رد محمد بحزن: "مدام ليلي ايلا حسن خطفها ودلوقتي احنا عاوزين حل لو سمحتم ممكن كلكم تهدو"

ليلي الدنيا وقفت بيها ، وفاجاه الروئيه بقت سودا حوليها مستمعتش لاي صوت وفاجاه.......

________________________

بقلمي "silvera"

«هل سنعود لبعضنا»

الفصل الحادي عشر

"Happy new year" 🎉