الفصل الثلاثون

"بسم الله الرحمن الرحيم"

________________

لينا كانت مصدومه من اللي بتسمعو قلبها كان عامل زي الطبله لدرجه ان عمار كان سمعو مشاعرها كانت متلغبطه مش عارفة تقول اي

بصت لعمار وقالت بصوت واطي وفي بعض الهدوء: "عمار الصراحة انت فاجاتني منكرش اني ممكن اكون منجذبه لشخصيتك بس عمار انا مش عايزة ادخل علاقه اندم فيها هكلمك بصراحة ومن غير خوف انا مش عايزة اعيش اللي ماما عاشتو خايفه انك"

قطع كلمها عمار وقال بهدوء: "هسالك سوال انتي شيفاني زيو"

هزت لينا راسها بالرفض

عمار بابتسامة: "خلاص مش عاوزك تخافي وانا معاكي وانا مش هضغط عليكي بس لما تكوني جاهزه"

وقف كلام وطلع علبه من جيبو فتحها وكان فيها خاتم في قمه الروعه

قال بهدوء: "البسي وانا ساعتها هعرف انك موافقه"

عطهولها وقال بهدوء:" يلا بينا عشان ميدوروش علينا ويفكروني خطفتك"

ضحكت لينا علي كلام عمار

عمار بهزار:" ضحكت يبقا قلبها مال"

لينا بكسوف:" امشي يا عمار بدل مصوت والم عليك الناس وتاخد علقه مخدهاش حرامي في السجن "

عمار بابتسامة:" لو هضرب وتكوني مبسوطه معنديش مانع "

لينا اتكسفت ومردتش عمار ضحك على كسوفها ومشو

___________________

في القاعه

________

كانو كلهم مبسوطين روميساء قعدت بتعب بسبب الهلز

قرب سيف وقعد في وشها وقال بإبتسامة:" انتي كويسه"

روميساء بهدوء:" ايوه رجلي وجعتني من الهلز والجو سقعه "

سيف قلع الجكت بتاعو وعطاهولها

روميساء بتردد:" لا شكرا مش عاوزة وبعدين انت هتبرد هاخد جكت عمار "

سيف بهدوء:" خدي لحد ما عمار يجي هو اختفي فين صح"

روميساء بإبتسامة: "اهو جه، اده لينا معاه"

لف سيف وشافهم قربو منهم وقعدو

سيف باستغراب:" كنتو فين "

عمار بابتسامة: "اولا انا اسف اني مقولتلكش اني هاخد لينا بس كنت عاوز اعترفلها بحاجه وهي لو وفقت اوعدك هاجي واحكيلك ولحد ميجي الوقت ده مش هكلمها"

سيف ابتسم وقالو:" كان ممكن ابهدل الدنيا بس انت اعترفت ومستنيك عموما "

وغمزلو

عمار بابتسامة:" مبلاش انت"

سيف بضحك: "ولا اعيرك ولا تعايرني"

روميساء بفضول: "محدش عاوز يشرحلي"

سيف بابتسامة:" خلي لينا تشرحلك "

لينا اتكسفت وقالت لروميساء:" هبقا اقولك لما نروح "

______________________

بره القاعه

________

رغد زهقت فطلعت تتمشي علي البحر بعدت شوية عن

القاعه وهي ماشيه سمعت صوت تصفير لفت تبص لقت

شب بيبصلها وقرب منها وكان هيحط ايدو علي كتفها

رغد رجعت بخوف ضحك الولد بطريقة مرعبه

قال بصوت خبيث:" مالك يا حلوه خوفتي لي كنت هعزمك على اي حاجه تشربيها ونتعرف "

رغد مردتش وجت تمشي راح الولد مسكها

رغد كانت مرعوبه قلبها كان بيدق بخوف قالت بصوت حاولت تخلي ثابت: "سيب ايدي"

الولد بصلها بتسليه وقال: "لي بس اسمعيني مش هتخسري حاجه"

زقت رغد الولد وطلعت تجري ولكن بسبب الفستان

معرفتش تجري اتكعبلت ووقعت كان الولد بيجري وراها

المكان كان هادي مفيش غير صوت البحر وضوء بسيط

الولد وطي وقعد علي ركبو قدامها رغد كانت بتحاول تقوم بس هو كان مثبت رجلو علي الفستان

قالت رغد في سرها:" يارب انقذني يارب"

رغد بزعيق: "ابعد يا حيوان حد يلحقنيي"

الولد ضحك باستفزاز وقال: "صوتي يا حلوه محدش هيسمعك حته لو قعدتي تصوتي من هنا للسنه الجايه"

ولسه هيقرب منها لقي حد بيضربو من ضهرو

الشخص:" انا هوريك يا روح امك........ "

_______________________

بقلمي "silvera"

«هل سنعود لبعضنا»

الفصل الثلاثون