الفصل الثاني والاربعون

"بسم الله الرحمن الرحيم"

________________

ريان بحزن: "البقاء لله عم احمد مات"

عمار قام وقف بصدمه وقال بهدوء:" ريان انت بتهزر صح "

ريان بحزن:" عمار خلي لينا وسيف يجو يشوفو اخر مره انا قولت اكلمك انت هتعرف تتكلم مع لينا وتفهمها مستنيكم في مستشفى **** سلام "

قفل ريان وعمار كان مصدوم

الياس بقلق: "في اي يا عمار"

عمار بحزن:"ابو لينا مات "

الياس بصدمه: "اي"

عمار بخوف: "هقولها ازاي ده هي كانت عندو امبارح هقولها ازاي يا الياس هقولها ازاي"

الياس طبطب علي عمار وقالو: "اهدي هكلم ماما وطنط مرام ويروحو لطنط ليلي ورغد وروميساء وهكلم ايلا تروح لان لينا ممكن متستحملش بس انت لازم تقف عشان تكون جنبها وهخلي بابا وخالو يروحو المستشفى ويخلصو الورق عشان الدفنه يلا ياصحبي"

قام عمار وهو بيفكر هيقول للينا: "ازاي"

________________________

في فيلا ايلا

_________

كانت ليلي ولينا قاعدين في الريسبشن

لينا بهدوء: "ماما عاوزه اقولك علي حاجة"

ليلي بهدوء: "قولي يا حبيبتي"

لينا بتوتر: "روحت امبارح شوفت بابا كنت محتاجه اشوفو واتكلم معاه طلب مني اني اقولك تسمحي ممكن تسمحي انا عارفه انو اذانا كتير بس برضو افتكريلو الحاجات الحلوه اكيد كان بينكم حاجات حلوه"

ليلي بصدمه: "روحتيلو بعد ده كلو انتي مخوفتيش يعملك حاجة"

لينا بهدوء:" لا كان معايا عمار روحت وعرفتو ان انا وعمار هنتخطب "

ليلي بعصبيه: "انا مش عارفة اقولك اي والله هو اول مايقول سمحوني نسمحو ده دمر حياتنا كلها"

لينا بصت لليلي بحزن وكانت هترد بس قطع صوتها رنين جرس الفيلا

لينا بهدوء:" خليكي يا ماما هفتح انا "

فتحت لينا وكانت ايلا وسيف

لينا بأستغراب: "انتي مش قولتي هطولي في الشغل انتي وسيف"

سيف بإبتسامة: "معرفش الياس كلمها وقالتلي هنروح عمال اسالها مش راضيه تقولي"

ايلا بصتلهم وقالت بهدوء:" هقولكم كل حاجة بس خالتو زينب وخالتو مرام جين وهتفهمو كل حاجة "

دخلو وقعدو مع ليلي

ليلي لسيف: " كويس انك جيت شوف اختك راحت لابوك السجن امبارح"

ايلا بصتلها وحاولت متعيطش

سيف بزعيق: "روحتيلو لي بعد كل ده افرضي كان عملك حاجة احنا خلاص نسينا من يوم مسبنا واعتبرتو مات من يوم مدخل السجن"

لينا بصت لسيف وقالت بعصبيه:" سيف كنت محتاجه اتكلم معاه مهمه عمل هيفضل بابا عارف امبارح حضني حسيت إني كنت محتاجة الحضن ده من زمان بس مقدرتش ابادلو الحضن "

سيف اتعصب وقالها:" انتي عاوزه اي دلوقتي "

لينا بهدوء: "عاوزاك تسامحو هنسامحو بس ولما تحس انك مسامحو روحلو انا عارفه انك مش هتنسي ومحدش هيقدر ينسي اللي حصل بس ده ميمنعش اننا نسامح يا سيف"

بصلها سيف وفضل ساكت رن جرس الفيلا وفتحت داده رحمه

دخلت زينب ومرام ورغد وروميساء

ليلي بإبتسامة:" تعالو اتفضلو نورتو والله ايلا لو كانت قيلالي من بدري كنت حضرت الغداء بس ملحوقه "

زينب بدلتها الابتسامه بهدوء وفهمت انها لسه متعرفش

مرام بهدوء: "احنا جينا فجاه معلش"

سيف بخنقه بص لايلا وقال:" اهو طنط زينب جت والباقي في اي

ايلا بصتلو وكانت هتتكلم بس قطعها صوت الياس

الياس بهدوء: "سيف ممكن تقعد هتفهم كل حاجة اهم حاجة تهدي"

دخل عمار وكانت عينو حمره

قامت لينا وقربت منو

لينا بخوف: "عمار مالك في اي عينك عامله كده ليه"

عمار بصلها واخد نفس وقالها:" انا عارف ان اللي هقولو صعب وصعب انك تستوعبي بس دي حاجة بايد ربنا مش هينفع نغيرها "

لينا بخوف حقيقي:" في اي يا عمار قول قلبي هيقف من الخوف "

عمار مسح وشو بايدو ورجع شعرو لوره وبصلها ومسك ايدها وقال بهدوء:" البقاء لله عمو احمد مات "

لينا ملامحها ارتخت واتجمدت

سيف قام وقف بصدمه وهو بيبصلهم

ليلي بصت لعمار وقالت بصدمه:" احمد مات لا اكيد بتهزر انا ملحقتش اسمحو مكلمتهوش مشوفتهوش"

قربت زينب منها وحضنتها وقالت بحزن:" وحدي الله يا ليلي وحدي الله "

عمار كان ماسك ايد لينا كانها هتهرب قال بهدوء:" لينا ممكن تتكلمي قولي اي حاجة "

لينا بصتلو ودموعها نزلت وقالت بصوت مليان ضعف:" عمار قول انك بتهزر بابا عايش صح بابا عايش وهروح وهقولو اني مسامحه وهحضنو انا مسمحاه بس قولي انو عايش "

ايلا قربت منها واخدتها في حضنها

ايلا بحزن:" لينا اهدي يا حبيبتي اهدي انا عارفه قد اي صعب اهدي عشان خاطري"

الياس قرب علي سيف اللي متكلمش من ساعت مسمع الخبر

الياس لسيف: "انت كويس

سيف هز راسو وقال بهدوء:" هينفع نشوفو "

الياس بهدوء:" اه ريان مستنينا في المستشفى "

سيف هز راسو وقال:" تمام خلينا نروح"

قرب سيف من ليلي وقالها:" ماما ممكن تهدي دلوقتي هنروح نشوفو اخر مره "

اخد سيف ليلي والياس وايلا طلعو معاهم وعمار اخد لينا وروميساء راحت معاهم والباقين طلعو علي الترب

_________________________

في المستشفى

___________

كانت لينا ماشيه في ممر المستشفى وهي حاسه ان روحها بتتسحب منها خسرت بباها مره وهو عايش ودلوقتي بتخسره خساره نهائيه

قربت من الاوضه

سابت لينا ايد عمار ودخلت

قربت من احمد وباست راسو وقالت بعياط: "لو كنت اعرف ان امبارح كان اخر مره هشوفك فيها كنت فضلت حضناك انا سامحتك وهحاول انسي اللي عملتو فيا بس مكنتش مشيت دلوقتي كنت استنين لما اجي اقولك اني سامحتك اول مره مشيت فيها وسبتنا قعدت اعيط كتير ودلوقتي برضو بعيط هتوحشني يا بابا عمري معرفت اكرهك برغم كل اللي عملتو بس معرفتش اكرهك"

حضنتو لينا وباست راسو وطلعت

عمار قرب منها وقالها:" انا جنبك مش هسيبك "

بصتلو لينا وراحت حضناه فضل عمار يطبطب عليها بحنان

دخلت ليلي

قربت منو وقالت: "كان نفسي تفضل احمد اللي اتجوزتو انت اتغيرت وبقيت شخص معرفهوش بس حبي ليك منتهاش فضلت احبك برغم كل حاجة قلبي فضل يدق لما عرفت من لينا انك قولتلها اني اسامحك مردتش اقولها اني مسامحاك من زمان لان ببساطه معرفتش اكرهك وبرضو معرفتش مسامحكش ربنا يرحمك يا احمد ومسمحاك يا حبيبي مسمحاك"

باست راسو وطلعت

الياس قرب من سيف وقالو:" ادخل يا سيف"

سيف بهدوء: "لا مش عاوز"

الياس طبطب عليه وقالو:" طب شوفو من بعيد "

بصلو سيف واخد نفس ودخل وقف علي باب الاوضه ومقدرش يدخل طلع تاني

بعد ساعتين خلصو كل حاجة ودفنو احمد

لينا فضلت قعده وليلي كانت منهاره فزينب ومرام اخدوها وروحو

سيف كان واقف بعيد قرب وقال لعمار:" عمار خد لينا وروحو هقعد شويه وهرجع "

عمار بهدوء:" هنستناك بره "

هز سيف راسو وفضل باصص لقبر احمد

قرب سيف وقال بحزن ووجع: "............

___________________

بقلمي "silvera"

«هل سنعود لبعضنا»

الفصل الثاني والاربعون