الفصل الثالث والاربعون

"بسم الله الرحمن الرحيم"

________________

قرب سيف وقال بحزن ووجع: "كنت فاكر ان ممكن انساك وانسا اللي عملتو فينا قولت النسيان هيبعدك عني بس طلع ان الموت هو اللي بعدك،سيبتني انا اشيل امي واختي كالعاده وهربت وسبتلي كلام كتير معرفتش أقولهولك، سامحتك يا بابا، بس الوجع لسه عايش جوايا ومش هيروح زي ما انت روحت، كنت محتاجك مره واحده بس تبقي اب كويس اجي اجري عليه واشتكيلو تحميني لما حد يضايقني بس حتي اللحظه دي حرمتني منها عارف كنت عاوز ادخل واشوفك لاخر مره بس حسيت ان هتفرق في اي حته اللحظه اللي كان ممكن احضنك فيها انت مش هتبادلني الحضن،سامحتك بس مش هنسي اللي حصل."

سكت سيف ودموعو كانت نزله زي الشلال

لقي ايد بتتحط علي كتفو وصوت هادي بيقول:" انت مش مجبر تمثل القوه عيط وانهار خرج كل اللي جواك بس متفضلش ساكت سكوتك اوحش من اي انهيار هيحصلك"

رفع سيف راسو ولقي روميساء

سيف مسح دموعو وقال بغصه:" انا حاسس اني مش كويس يا روميساء الدنيا كل مبحاول اخد خطوه بترجعني للصفر طول عمرو سايبني انا شايل المسؤاليه لوحدي مفكرش اني كنت عيل عاوز يعيش سنو وحياتو نزلت واشتغلت برغم ان ماما كانت رفضه بس صممت وعتمدت على نفسي ولما في مره احتجت مساعده منو قالي انو ملوش علاقه بينا وان هو مش ملزوم بينا بعديها بفتره عرفت انو كان مدمن في الوقت ده خالتو مامت ايلا ماتت وايلا جت عندنا ساعتها كان بيجي ويهددنا انو عاوز فلوس والشقه وده السبب اللي خلانا نيجي القاهره ونسيب كل حاجة هناك "

روميساء بهدوء:" طب فين عمتك او عمك"

سيف بحزن: "كلهم رفعو ايديهم وقالو ملهمش دعوه بينا"

روميساء بحزن:" معلش انا عارفه ان كلمه معلش مش هتعمل حاجة "

سيف بهدوء: "شكرا انك جيتي"

روميساء بهدوء:" انا اسفه علي اي حاجة وحشه انت مريت بيها بس من انهارده احنا كلنا جنبك وجنب لينا وطنط هتنسي كل اللي حصل وهتبداء صفحه جديده ومتبقاش كئيب كده انا عاوزه سيف الهادي الكيوت "

ضحك سيف برغم الموقف وقال: "كيوت طب يلا بينا نمشي الدنيا هتليل"

روميساء بإبتسامة: "عمار مستنينا بره هو ولينا كان هيدخل بس قولتلو هدخل اجيبو انا"

سيف بإبتسامة: "شكرا يا روسي"

روميساء بابتسامه:" متشكرنيش ده اقل حاجة قصاد اللي عملتو عشاني "

بصلها سيف وقال بهدوء: "طب يلا عشان عمار ممكن يجي يدفنا هنا"

ضحكت روميساء وطلعو

___________________________

في عربيه عمار

___________

عمار بهدوء: "ليو انا عارف انك زعلانه وده طبيعي بس بعد متفضلي تعيطي العياط مش هيرجعو ولا هيفيدك بحاجه الموضوع صعب بس هنعدي سوا وانا مش هسيبك مهما حصل"

لينا بصتلو وقالت وهي بتمسح دموعها: "شكرا يا عمار بجد انا دلوقتي بقيت كويسه"

عمار ابتسم وقال: "انا موجود لو عايزة اي حاجة هجيلك في اي وقت"

لينا بهدوء: "شكرا"

عمار بهدوء: "متشكرنيش قولتلك احنا الاتنين بقينا واحد"

جه سيف وروميساء

عمار بهدوء: "انت كويس يا سيف"

سيف بهدوء: "الحمدلله"

بص سيف للينا وقال: "لينا انتي كويسه يا حبيبتي"

لينا بهدوء:" اه بابا هيوحشني بس مش فارقه هو كدة كدة كان هيكون في السجن هعتبرو في السجن "

سكتو كلهم وملقوش كلمه يردو عليها على لينا

عمار حرك العربيه بهدوء واتجهو اتجاه الفيلا

__________________________

عدي سنه

_______

ايلا والياس جهزو الفيلا اللي هيعيشو فيها

ليلي زعلت شويه على فراق احمد بس زينب ومرام وداده رحمه كانو جنبها

عمار حاول يطلع لينا من حزنها وفعلا نجح وكان دايما جمبها ويجبلها هدايه من غير مناسبات وورد وكان بيجهز في الفيلا

سيف اشتغل مع ايلا واتخرج ودخل شريك في شركه ايلا الجديده الفرع التاني للشركه اللي في القاهرة روميساء كانت دايما بتدعمو وكانو بيشوفو بعض كتير بسبب تجهيزات ايلا للفيلا بتاعتها والعزومات ولان روميساء ورغد كانو بيروحو يقعدو مع لينا

رغد مقابلتش ريان غير كام مره والحوار بينهم كان عادي ريان بعتلها فولو علي الانستا ورغد قبلتو وتيا كانت بتكلمها دايما وبقت صحبتهم كلهم

ريان حاسس انو بقا منجذب لرغد وبقا بيحب الوقت اللي بيقابلها في ويتكلمو

_________________________

في فيلا ايلا

__________

سيف لعمار:" البنات دول حاجة غريبه يقعدو ساعه يلبسو "

عمار بضحك: "عندك حق انا جاهز من بدري وجبت ماما وبابا وهما لسه بيجهزو"

ريان بإبتسامة:" انتو مستعجلين لي "

سيف بهدوء: "مفرود انا وايلا نكون موجودين هناك عشان الافتتاح وعشان لو في حاجة قبل ما الضيوف ميجو بس علي الوضع ده هنروح بعد الافتتاح"

الياس بضحك:" متتكلمش كتير اهم نزلو خلينا نمشي"

نزلو البنات

وسيف عينو كانت على روميساء اللي كان شكلها يخطف العين فضل باصصلها بحب وابتسامه روميساء اخدت بالها فبدلتو الابتسامه بهدوء

الياس بإبتسامة:" اخد ايد ايلا وقال بإبتسامة اميره ماشيه جنبي "

ايلا بإبتسامة:" شكلك حلو علي فكرة "

الياس بإبتسامة:" شكلي حلو عشان انتي ماشيه جنبي "

عمار مسك ايدي لينا وقال:" وبعدين في جمالك ده هخبيكي فين انتي اصلا مكانك مش هنا مكانك في المتحف "

لينا ضحكت بكسوف وقالت:" مرسي عيونك هي اللي حلوه "

روميساء من وراهم بضحك:" وبعدين في شغل المرتبطين ده راعو اننا سناجل "

رغد بهزار: "متسبيهم انتي مالك هتقطعي ارزقهم لي وبعدين بكرة يتقلك زيهم"

ضحكو كلهم على كلام رغد

سيف بهدوء:" طب يلا خلونا نروح هطلع اجيب مفاتيح العربيه وجي "

ريان كان باصص لرغد وكان مبهور بجمالها

تيا بابتسامة:" رغود تعالي اركبي معانا لان لينا وعمو وطنط هيركبو مع عمار والياس هياخد ايلا و طنط زينب وعمو محمد وسيف روميساء وطنط ليلي وداده رحمه "

بصت رغد بتوتر وقالت بهدوء:" ماشي "

طلع سيف اوضه والباقي طلعو ركبو

______________________

في اوضه سيف فتح درج جنب سريرو وطلع منو علبه قطيفه لونها ازرق صغيره وشكلها حلو مسكها وحطها في جيبو واخد مفاتيح العربيه ونزل

_________________________

بعد ساعه وصلو لمكان الافتتاح دخلو كلهم وكانت كل حاجة جاهزه

ايلا لسيف:" جاهز "

سيف بإبتسامة:" اكيد "

ايلا بإبتسامة:" طب يلا بينا عشان هيبداء الافتتاح"

طلع سيف علي المسرح وكان ماسك ايلا في ايدو عشان متقعش

بص سيف الايلا وقال بهدوء: "القي كلماتك الاول مولاتي"

ضحكت ايلا بخفه ومسكت الميك وقالت بهدوء:" مساء الخير اول حاجة احب اشكركم انكم جيتو وانكم كنتو جزء من نجاحي واني اقف انهارده وافتتح لاول مره شركه خاصه بيا ممكن تتفاجا ان دي اول مره افتتح وكده بس دي فعلا الحقيقه الشريكات التانيه كانت بتاعت بابا بس كانت باسمي احب اشكر اهلي وزوجي قريبا ان شاءلله وطبعا شريكي في الشركه الجديده سيف احمد "

الكل سقف بحراره

ابتسمت ايلا وعطتو الميك وقالت بهدوء:" جه الوقت كل حاجة جاهزه انت بس افضل قوي "

ابتسم سيف ومسك الميك وهو حاسس بمشاعر كتيره اخد نفس وقال: "مساء الخير احب اشكر ايلا طبعا من غيرها مكنتش وصلت لهنا وطبعا اهلي( بص للينا وليلي بابتسامه وكمل) وطبعا صحابي والي هما اهلي اساسا( بص لعمار والياس وريان وكمل وقال) واحب اشكر حد مهم جدا حد من غير دعمو ليا مكنتش قدرت اني انسا اللي فات وابداء حياه جديده"

سكت شويه وطلع العلبه القطيفه من جيبو ومسك الميك ونزل من علي المسرح وكلهم مستغربينو

وقف سيف وابتسم وقال: "تقبلي تكوني انتي حياتي الجديده اللي حابب ابنيها"

________________________

بقلمي "silvera"

«هل سنعود لبعضنا»

الفصل الثالث والاربعون