الفصل السادس عشر

"بسم الله الرحمن الرحيم"

________________

الدكتور أخد نفس طويل، وبص لهم بنظرة جدية وقال:

"قدرنا نطلع الرصاصة… بس حالتها مش مستقرة. محتاجين دم فورا، وإلا مش هنقدر نكمل."

سكت الدكتور لحظة، كان الكلام تقيل عليه، قبل ما يكمل:

"فصيلة دمها نادرة O-، ولازم متبرع حالا بس الفصيله دي صعب نلقيها."

عمار حس الدنيا بتسود قدامه، إيده مسكت الكرسي اللي جنبه عشان يثبت نفسه:

"انا انا نفس الفصيلة. خدوا مني."

إلياس بصله بسرعة، صوته كان مهزوز:

"متاكد يا عمار انك عاوز تتبرع"

عمار بص له بنظرة فيها خوف وغضب في نفس الوقت:

"هعمل أي حاجة… بس طلعوها عايشة من هنا"

الدكتور بصلو وقالو بسرعة:

"تمام، اتفضل معايا… مفيش وقت"

اخد عمار عقمو ودخلو اوضه العمليات كانت لينا نايمه

ومتعلقلها اجهزا كتير بصلها عمار بحزن وقرب بس

الممرضه قالتلوا: "استاذ عمار لو سمحت اتفضل نام على السرير ده لازم نسحب من حضرتك دلوقتي لان الدكتور هيكمل ومفيش وقت اننا ناخد منك في اوضه تانيه "

هز عمار راسو وفرد جسمو علي السرير وهو بيتامل ملامحها الهاديه وبيفتكر اول مره شافها وازاي خطفت قلبو يومها بجنانها وشرستها

بره غرفه العمليات كانو نقلو ايلا للعنايه دخل الياس شافها

الياس بدموع:" ليو ممكن تقومي انا عايش من غير روح مش قادر على بعدك قومي يا حبيبتي "

قعد شويه وقام راح قعد قدام اوضه العمليات طلع عمار وكان دايخ جدا قام الياس يجري عليه سندو وقعدو وطلب من الممرضه تجبلو عصير

الياس بص لعمار وقالو بهدوء: "انت كويس"

عمار بدوخه:" انا كويس بس هي شكلها مش كويسه "

الياس باستغراب:" انت اي علاقتك بلينا "

عمار بص لالياس وقالو بهدوء:" ولا حاجه بس سيف سابها امانه عندي "

الياس برغم الحزن الي في انو ضحك وقالو:" هنشوف الامانه دي "

بصلو عمار وهو عارف انو حاسس بمشاعر غير انها امانه سكت عمار لان مشاعرو كانت بتتكلم عنو الياس فهم سكوتو لان عمار عمرو مابيسكت في نقاش بيدخلو هو والياس

طلع الدكتور بعد ربع ساعه

الدكتور بابتسامة:" العمليه نجحت والمريضه اتعدت مرحله الخطر دلوقتي نقدر ننقلها غرفه عديه لحد متفوق "

عمار حضن الياس ومن الفرحه حضن الدكتور

الدكتور ضحك وقالو:" انت جوزها صح "

عمار برق للدكتور وادرك الي عملو

الياس فصل ضحك من منظر عمار ومن سوال الدكتور

رد الياس بخبث:" لا دي امانه عند عمار "

الدكتور ضحك وقالو: "حمدالله على سلامتها"

مشي الدكتور والياس قال لعمار بضحك:" الي يشوفك يقول ان مراتك ولدت "

عمار بغيظ: "والله لحرض ايلا عليك"

الياس بحزن:" هي تقوم وتعمل الي عاوزه "

عمار بحزن وغصه: "هتقوم ان شاءلله وهترجع احسن من الاول"

_____________________

في فيلا الياس

____________

ليلي هدت شويه وصممت انها تروح تشوف ايلا ولينا محمد وسيف اخدوها وراحو المستشفى ومراد راح معاهم اتبقي زينب ومرام ورغد وروميساء وداده رحمه

خبط باب الفيلا قامت رغد فتحت

كان شاب طويل القامه بلحيه وجسد رياضي

الشاب نظر لرغد فكانت هي اقصر منه قال باحترام: ده بيت استاذ محمد

رغد بهدوء:" ايوه مين حضرتك "

الشاب بابتسامة: "الظابط ريان وحضرتك"

رغد باستغراب: "هو حضرتك جي تتعرف ممكن اعرف حضرتك جي لي"

ريان بصلها وضحك: "حظك انك تبع استاذ محمد غير كده كان هيبقا ليا تصرف تاني معاكي"

رغد اتغاظت لفت وقالت بصوت عالي: "عمتوووو تعالي كلمي الشخص ده "

جت زينب ودخلت رغد

ريان بجدية: "كنت عاوز استاذ محمد بخصوص المتهم حسن وخالد"

زينب بهدوء: "هو مش هنا دلوقتي هكلمو واقولو ممكن اعرف مين حضرتك"

ريان بهدوء:" ريان قوليلو ريان وهو هيعرفني "

وسابها ومشي

________________________

في المستشفى

____________

دخلت ليلي وجرت علي الياس

ليلي بدموع:" حصلهم اي "

الياس بهدوء:" الحمدلله ايلا ولينا اتعدو مرحله الخطر هما طلبو دم منها وزمرت دمها كان صعب نلقيها بس عمار طلع نفس زمره الدم فتبرح "

ليلي بدموع قربت من عمار وقالت:" ربنا يخليك يبني ويفرحك زي مفرحتني وميرميك في ضيقه ووعد مني هردلك جميلك ده "

عمار حب يلطف الجو:" متقوليش كده يا طنط وبعدين خافي من لينا عشان دلوقتي هتكون وخده من خفت دمي "

الياس بصوت واطي لكن عمار سمعو: "ربنا يستر ودمك مينتشرش احسن دمك يخلي الحي يموت "

مسك عمار ضحكتو بس ليلي سمعتو ضحكت علي الياس

ليلي لالياس:" ايلا عامله ايه "

الياس بهدوء: "الحمدلله ودوها العنايه هتفضل تحت الملحظه"

مراد بهدوء:" ربنا يطمنا عليهم يارب "

دخلت ليلي شافت ايلا

ليلي بدموع:" قومي يا ليو احنا ملناش غيرك قومي يا حبيبتي "

باست راسها وطلعت

راحت للينا كانت فاقت وكان سيف عندها

ليلي بعياط: "حمدالله على سلامتك يا حبيبتي "

لينا بدموع: "ماما ماما بابا هو الي ضربني بابا الي مفروض بيحميني هو الي ازاني هو الي ضرب النار عليا عشان كنت بحاول امنعو "

ليلي دموعها نزلت وسكتت

لينا بحزن: "ماما مش عاوزه اقعد هنا خرجوني"

خبط الباب ودخل محمد ومراد والياس وعمار

بص عمار عليها عشان يطمن

ليلي بهدوء لمحمد: "هو ينفع تخرج من المستشفى"

محمد بهدوء: "هنزل اسال الاستقبال"

بص للينا وقالها:" حمدالله على سلامتك "

لينا بهدوء: "الله يسلم حضرتك"

مراد بهدوء:" هاجي معاك حمدالله على السلامة يا لينا "

لينا بهدوء: "الله يسلمك يعمو"

نزل محمد ومراد

لينا لالياس وعمار:" فين ايلا انتو انقذتوها صح "

الياس بص في الارض وسكت

عمار بهدوء: "ملحقناش ننقذها هي في المستشفى هنا في العنايه"

لينا بصدمه:" اي "

فكت لينا المحليل وكانت هتقوم بس منعتها ايد عمار الي لحقها قبل متقوم

عمار بخوف:" خلي بالك انتي لسه عامله عمليه "

لينا بدموع:" ابعد عاوزه اروح اشوف ايلا "

ليلي وهي بتحاول تمسك اعصبها عشان متعيطش:" لينا اهدي انتي لسه عامله عمليه زي ما عمار قال ايلا دلوقتي كويسه وحته لو روحتلها مش هتشوفك او هتسمعك "

لينا بعناد:" انا عاوزه اشوفها هي هتفوق معايا "

عمار بهدوء: "اوعدك بكره هخليكي تشوفيها دلوقتي ارتاحي"

بعد محايله كتيره من عمار وليلي في لينا وفقت

دخل محمد ومراد

محمد لليلي:" لاسف مينفعش تخرج انهارده بكره ان شاءلله هيخرجوها انهارده لازم تفضل وبيفضل مرافق واحد "

ليلي بهدوء:" تمام انا هفضل هنا معاها "

محمد لسيف: "خلاص يلا بينا ياسيف هتيجي تبات مع الياس وعمار "

سيف بهدوء: "لا مش عاوز اتعب حضرتك لحد هنا انا هروح علي فيلا ايلا "

عمار شدو من ايدو وقال لمحمد:" عمو محمد سيف هيجي ولا كان حضرتك سمعت حاجه "

ميل علي سيف وقالو:" لو عاوز تطلع سليم اسمع الكلام لانك مش عارف عمو محمد ممكن يعمل اي فينا "

خرجو هما الخمسه ورجعو الفيلا

_______________________

في فيلا الياس

____________

روحو كلهم وسيف استاذن انو يفضل في الجنينه وفضل عمار معاه والياس طلع يغيرج

عمار بهدوء: "هروح اعمل حاجه نشربها"

سيف بهدوء: "اجي معاك"

عمار بابتسامة:" لا خليك انت اصلا قاعد بالعافيه "

ابتسم سيف ومشي عمار وهو سيف قاعد سمع صوت رقيق لاكن مالوف صوت في خليط من الحزن والرقه

لف سيف لقها روميساء

روميساء بهدوء وحزن: "سيف انت فاضي"

سيف بهدوء:" في حاجه "

روميساء بدموع: "كنت جايه عشان اعتذرلك انا اسفه الخطه كانت خطتي بس والله مكنتش اعرف ان هيحصل كل ده والله لو كنت اعرف مكنت فكرت اصلا"

بصلها سيف بسكوت وهو بيفتكر كلامها والخطه الي خطتوها عشان ينقذو ايلا

___________________

flash back

روميساء بتفكير: "بابا في فكره في دماغي هي ممكن يكون فيها مخاطره شويه بس تمام"

بصولها كلهم بتركيز وبدات هي تشرحلهم

روميساء بهدوء: "دلوقتي عمو حسن ممكن يبعت بابا لينا ولو بعتو هيكون مصلحه لينا كلنا احنا عددنا كبير الياس وعمار هيمسكو ونهددو وطبعا عشان نمشي الدنيا هطلع انا مكان طنط ليلي معتقدش ان عمو حسن هيكون يعرف شكل طنط ليلي فاناهلبس نقاب وطرحه والحمدالله انا عندي نقاب كنت جيباه ساعت مكان عندنا حفله تنكريه في الثانوي هلبسو وهطلع كاني طنط ليلي وطبعا عمو حسن هيكون بيراقبنا فلما هنخرج هيكون كده شرط من الاربع شروط اتنفذ"

ابتساملها كلهم علي فكرتها

محمد بتوتر: "بس فيها خطر عليكم"

سيف بهدوء بص لمحمد وقال:" بنت حضرتك هتكون برقبتي دي امانه عندي مش هخلي يحصلها حاجه هي او لينا "

ابتسم محمد وحاول يطمن نفسو

مراد بهدوء:" وحكايه الورق دي امضي عليه بس هيكون الورق مزور ولما انتو تروحو ليا واحد صحبي شغال في الشرطه هيسباكم علي العنوان وبكده ابو لينا وحسن هيتمسكو في نفس الوقت "

back

______________________

بصلها سيف بعد مفتكر الخطه وقال:..............

__________________

بقلمي "silvera"

«هل سنعود لبعضنا»

الفصل السادس عشر