الفصل الخامس والثلاثون

بسم الله الرحمن الرحيم"

________________

مراد باستغراب:" اتفضل "

ريان بهدوء وابتسامه: "بعد اذن حضرتك طبعا كنت حابب ان رغد تيجي معايا بكرة وتيا هتكون معانا ولو حد عاوز يجي مع رغد تمام، كنت عاوزها تيجي تروح معايا هنعمل محضر وتحكي اللي حصل انا عارف انو ممكن يكون صعب عليها شويه بس انا شايف انها تواجه احسن الهروب مش لصالحها"

مراد سكت شويه وبعدين قال:" معنديش مشكلة لما نروح هرد عليك عشان تكون رغد فكرت "

ريان بهدوء: "وانا هستني رد حضرتك"

كملو بقيت القعده بين ضحك وهزار وجو عائلي حلو

_______________________

بليل في شاليه الياس

_________________

في اوضه رغد خبط مراد

رغد بهدوء: "اتفضل"

دخل مراد

مراد بإبتسامة: "صحيه يا رغود"

رغد بهدوء: "ايوه يابابا اتفضل"

مراد بهدوء:" مش هطول عليكي فكرتي في اللي ريان قالو"

رغد بهدوء: "ايوه وهروح ريان عندو حق مينفعش اهرب لازم اواجه"

حضنها مراد وقال بإبتسامة: "ايوه كده هي دي رغود القويه اللي اعرفها"

ابتسمت رغد بهدوء ومراد سابها وطلع

_______________________

في الجنينه

_________

كان عمار قاعد لقي ايد بتدمت لي بمج

عمار بإبتسامة: "بقا مشربي المفضل علي فكرة واتعود علي القعده في الجنينه وتجبيلي مج في نسكافيه"

لينا بإبتسامة: "شوفتك من فوق قاعد فقولت اعملي واعملك وبالمره اتكلم معاك "

عمار بإبتسامة:" سمعك احكي "

لينا بهدوء: "عمار انا عارفه انك مستني ردي بس انا مش عارفة اقرر انت جدع وراجل بمعني الكلمه ولما بقع في مشكله بتكون اول من ينقذني بتخاف عليا وبتهتم بس انا خايفه خايفه يكون كل ده وقت خايفه اختار غلط انا كل يوم في حرب انا حبيتك بجد بس خايفه "

عمار كان بيسمع بانتباه لحد مقالت حبيتك حس ان الدنيا كلها وقفت ومش سامع غير الكلمه دي

عمار قام فجاه فكوبايه النسكافيه اتكبت علي ايد لينا

لينا بوجع: "اه في اي انت غبي"

عمار بخوف:" انتي كويسه ايدك حصلها حاجة "

لينا بهدوء: "لا"

شدها عمار وراح نحيه حنفيه الجنينه

عمار بخوف:" انا بجد اسف انا مركزتش كنت مصدوم لما قولتي انك بتحبيني واتكبت غصب عني والله اسف بجد"

لينا بهدوء:" مفيش حاجة وجع وهيروح وهو مكنش سخن اوي "

وسحبت ايدها من ايدو

عمار ساب ايدها وقال باحراج:" اسف بس كنت هحطها تحت المايه "

لينا بإبتسامة:" مفيش حاجة حصل خير "

عمار بهدوء: "لينا انا عارف اللي انتي بتفكري في ومش عاوزك تستعجلي بس عاوز اقولك اني حبيتك بجد واستحاله ائذيكي وانا مبعرفش اكون بعامل حد واغير معملتي معاه يعني اضمنلك اني هعاملك كده لاخر العمر وبقولهالك لاول مره لو وفقتي هكون ليكي اخ واب وزوج ولو لا هكون ليكي اخ وهفضل جنبك لحد مجوزك بايدي "

لينا بهزار: "انت بتتخلي عني اهو عاوز تجوزني"

عمار بهدوء:" لو موافقتيش اكيد مش هجبرك بس هفضل احبك ولو حبيتي هتمنالك السعاده ولو انتي هتكوني سعيده وانتي بعيده عني هبعد "

لينا ابتسمت علي كلامو وسكتت

عمار بهدوء: "فكري وخدي وقتك يلا عشان ننام"

لينا بإبتسامة:" تصبح على خير "

عمار بهدوء:" وانتي من اهل الخير واهلي ان شاءلله "

ضحكت لينا وطلعت

عمار بإبتسامة:" قمر بيضحك ياناس "

وبعديها خبط دماغو وقال:" انت اتجننت يا عمار بتكلم نفسك "

ضحك وطلع

_______________________

تاني يوم

________

اتجمعو كلهم على الفطار

مراد لرغد: "جاهزه يا رغود ريان بره هو وتيا"

رغد بهدوء:" جاهزه "

عمار بهدوء: "هاجى معاكي"

رغد لعمار: "خليك"

عمار قرب منها وباس راسها وقال:" لا هاجي انا عندي كام رغود يعني يلا "

طلع عمار ورغد وكان ريان بره

عمار لريان:" انا هسوق خليك انت لسه الجرح ملمش "

ريان بإبتسامة:" ماشي "

انطلق عمار باتجاه القسم

بعد ربع ساعة وصلو

الظابط بترحاب:" استاذ ريان اتفضل "

دخل ريان ورغد ولف قال لعمار: "عمار خليك مع تيا عشان متفضلش لوحدها وانا مع رغد متخفش مش هخلي حاجه تحصلها"

عمار مسك ايد رغد وقال: "انا عارف انك قويه عاوزك تفضلي قويه ماشي يا حبيبتي"

رغد بهدوء:" حاضر "

دخلت رغد وريان وكانو ماشين في ممر طويل وقف ريان قدام مكتب

ريان لرغد بهدوء:" جاهزه "

رغد اخدت نفس وقالت:" اه "

دخل ريان ورغد واخدو اقوالهم رغد حاولت تتمالك اعصابها واول ماخلصو وطلعو من المكتب جسمها اتنفض علي صوت الولد

الولد بغيظ:" كده انتي حلوه صح مش عارف اقول اي ما انتي مقضياها اهو "

ريان اتعصب وقرب من الولد وضربو

ريان بغيره واضحه وغضب:" وانت كده راجل ده انا هوديك في ستين داهيه ومش هخليك تشوف الشمس تاني "

وهجم عليه العساكر قربو وفصلو ريان عن الولد

الظابط بقلق:" في اي يا ريان "

ريان بغضب:" في ان حتت العيل ده هجم عليا "

الظابط بصدمه:" اي "

ريان بصرامه: "عاوزك تعملي محضر تعرض مش عاوزو يشوف الشارع تاني"

الظابط بهدوء:" اعتبرو حصل خدو يا عساكر من هنا "

قرب ريان علي رغد اللي كانت خايفه

ريان بقلق: "رغد انتي كويسه"

رغد بصتلو وحاولت تتكلم بس حست ان عنيها بتزغلل والرؤيه بقت سودا قدامها

ريان بقلق:" رغد انتي كويسه "

رغد...................

_________________________

بقلمي "silvera"

«هل سنعود لبعضنا»

الفصل الخامس والثلاثون