الفصل السادس والاربعون

"بسم الله الرحمن الرحيم"

________________

ريان بص للسما وقال بهدوء: "حياتي مقربه لحيات سيف احنا الاتنين ابونا اتخلي عننا بس انا اتخلي عني وشيلني مسؤاليه موت امي اللي ماتت بعد مولدتني وبعد وفاتها بسنه راح واتجوز مامت تيا كانت كويسه بس بابا اللي كان وحش طنط مستحملتش المعامله وكانت بتحاول تعيش عشان تيا بس مقدرتش علي الوضع ده فاخدت تيا وسافرت كانت هتخدني بس بابا قالها اني مش ابنها عملني اسواء معامله وفي الآخر رماني عند تاتا نزلت واشتغلت وطلع عيني وتاتا ماتت في الوقت ده طنط مامت تيا كانت رجعت مصر لانها لما مشت سفرت انجلترا لقرايبها كنت رافض اقعد عندها بس هي صممت قعدت معاهم وكنت بصرف عليهم لاني كنت رافض انها تصرف وانا موجود في الوقت ده كنت بحب بنت كان اسمها تالا حبيتها وكنت رايح عشان اطلبها من ابوها بس ابويا وقتها كلمني وقالي اني اروحلو عشان تعبان فروحتلو اول مادخلت كانت تالا موجودة اتفاجات وقولتلها انتي بتعملي اي بصتلي بصه اتفاجات واتصدمت ان دي البنت اللي حبيتها ضحكت وقالتلي باركلي اصل بقيت مرات ابوك"

سكت ريان وهو بيحاول يهدي ميتعصبش لان مجرد انو بيتخيل اللي حصل بيتعصب اخد نفس وكمل: "كنت مصدوم اللي هو ازاي يعني اي حبيبتي تكون مرات ابويا يمها ابويا قالي انت مفكر نفسك اي انت عبيط انا خليتها تلعب عليك لحد محبتها وبعدين انت مفكر ان في حد هيحبك لقيت الدنيا بتقفل في وشي مشيت وانا حاسس اني مكسور ميت حته روحت وقبل ما ادخل البيت لقيت الشرطه جايه بتاخدني وبتقولي اني متهم في موت تالا اللي هو ازاي قعدت كام شهر في السجن بسبب تهمه انا مكنتش السبب فيها طنط مامت تيا مسكتتش واثبتت براتي وطلعتني ولما خرجت عرفت انو مات كنت حاسس اني عاوز اموت بس تيا كانت جنبي وطنط ماتت بعدها وبعديها تيا قررت تروح لاهل مامتها في انجلترا وتكمل تعلمها وانا وقتها رفضت اني اروح وقعدت هنا انا مش عارف انا بحكيلك لي"

سكت ريان وحاول يبعد نظرو عن رغد اللي كانت ملامحها مليانه حزن علي اللي حكاه بعد عينو عنها وقال بصوت حاول يخلي هادي وهو من جواه في صراع كبير:" بس حاسس اني بدات انجذب ليكي وده مش لصالحك يارغد انسيني لاني مش الشخص الصح انا اسف لو هزعلك بس هتزعلي فتره وهتتاقلمي بعدين انا هسافر مع تيا لان طول ما انا هنا هتفضلي متعلقه بيا وده مش صح "

قام ريان وقف وبصلها بهدوء وحزن وهو بيحفظ ملامحها اللي كانت كلها صدمه من كلامو

رغدكانت بتسمع وهي مصدومه من كلامو حست بدموعها بتنزل بهدوء ورعشه في جسمها

لف ريان ومشي بهدوء وهو مش مهتم بصوت تكسير قلب رغد اللي كانت حاسه كلامو سكينه بتضرب في قلبها نزلت دموعها غصب عنها وهي شايفه بيمشي حست ان كل حاجة بتتسحب منها وان استحاله يتقابلو تاني وان حبها لي كان من طرف واحد واستحاله تعرف تحب بعدو

________________________

في فيلا مراد

__________

رغد اول ما روحو طلعت اوضتها بهدوء مريب

مراد باستغراب لعمار هي رغد مالها ساكته وطول الطريق سرحانه

عمار بهدوء ممكن تكون مضغوطه هشوفها انا يابابا متشلش هم

مراد بإبتسامة ماشي

________________________

في اوضه رغد

__________

دخلت وقفلت باب الاوضه واترمت علي السرير وفضلت تعيط وهي حاطه مخبيه وشها في المخده

رغد بعياط غبيه فكرتي هيحبك طول عمرك غبيه يارغد مفكره ان ممكن حد يحبك محدش مهتم ليكي اصلا حبيتي ودلوقتي هتدفعي تمن الحب ده مش كل اللي بنحبهم بيحبونا ساعات بنحب ناس متعرفش بوجودنا اصلا ويكونو عايشين حياتهم عادي

بتسمع رغد صوت خبط على الباب بطفي النور وبتعمل نفسها نايمه

بيدخل عمار بهدوء وبيقرب يفتح النور وبيقول بهدوء رغود مالك يا حبيبتي

رغد بتمثل وبتقول بنعاس عمار بطل رخامه واطفي النور واطلعي عاوزه انام عندي محاضره بكرة

عمار بهدوء حاضر لو احتجتي حاجة قوليلي

مردتش رغد عليه وهو طفي النور وطلع بس كان قلقان

دخل اوضته وفتح تليفون وكلم لينا

لينا بهدوء اي يا عمار

عمار بإبتسامة عامله ايه

لينا بهدوء الحمدلله انت عامل اي

عمار بهدوء كويس بقولك يا لينا كنت طالب منك خدمه

لينا بأستغراب قول

عمار بهدوء رغد من ساعت مكنا عند عمتو وهي في حاجة ولما رجعنا متكلمتش وطلعت على اوضتها متعرفيش مالها

لينا بأستغراب لا والله بس متشغلش بالك بكرة هخليها تجيلي وهعرف متشغلش بالك ممكن تكون مضغوطه انت عارف الامتحانات قربت

عمار بإبتسامة تسلميلي يا حبيبتي ربنا يخليكي ليا وميحرمنيش منك يارب

لينا بهدوء ولا منك يلا طير من هنا يا عمار عشان عاوزه انام

عمار بضحك لازم تفصلي اللحظه يلا سلام يختي

ضحكت لينا علي طريقه عمار وقفلت

________________________

تاني يوم

________

لينا كلمت رغد وقررو يتقابلو في كافيه

وصلت لينا للكافيه وكانت رغد قاعده مستنياها

لينا بهدوء سوري يارغود اتاخرت عليكي

رغد بهدوء لا انا لسه جايه من شويه

لينا بصتلها بقلق لان وشها كان شاحب وباين انها كانت معيطه

لينا بأستغراب رغد مالك في حاجة حصلت

رغد مقدرتش تمسك دموعها وعيطت

لينا قامت من كرسيها وقربت علي رغد واخدتها في حضنها

لينا بقلق اهدي ياروحي حصل اي فهميني حد عملك حاجة ردي يارغد متقلقينيش عليكي

رفعت رغد وشها وحاولت تهدي وحكتلها اللي حصل بنها وبين ريان

لينا بصدمه يعني اي هو طلب منك تنسي

رغد بحزن اه انا مش عارفة انا حبيتو امتا مش عارفة بجد كل اللي عارفه اني مش طايقه

لينا بحزن ميستهلكيش والله واكيد هتلاقي الاحسن منو ميت مره هتلاقي اللي يقدرك ويحس بقيمتك حاولي تنسي يارغد عارفه انو صعب بس حاولي

هزت رغد راسها وقالت بهدوء حاضر

قعدو يتكلمو وبعديها روحو

_________________________

في فيلا ريان

__________

ريان لتيا تيا انا هاجي معاكي انجلترا

تيا باستغراب اخيرا وافقت بس اشمعنا دلوقتي

ريان بهدوء عادي بس مش حابب اقعد

تيا طب وشغلك

ريان بهدوء عادي هقولهم واروح اشتغل هناك

تيا بهدوء ريان انت بتحب رغد

ريان بص لتيا وفضل ساكت

تيا بهدوء انت عاوز تيجي عشان خايف تكون حبتها صح

ريان بعصبيه لا انا محبتهاش انا قررت هروح هعيش هناك وهتجوز وهشوف حياتي بعيد عن هنا

تيا بصدمه اي تتجوز ريان رغد باين عليها انها بتحبك

ريان بزعيق متخفيش قولتلها تنساني واني هسافر

تيا بعصبيه انت غبي قولتلها ليه ليه تكسر قلبها لي انت بتهرب من اي وعلى فين انت مش هتعرف تعيش في انجلترا

ريان بحزن ولا هعرف اعيش هنا مش هعرف انا مش هظلمها انا مش هعرف احب حد تاني ولا هثق تيا افهمني

تيا بعصبيه مش عاوزه اسمع حاجة وعلى فكرة طيارتي بعد بكرة لو هتيجي ظبط امورك

سابتو تيا ومشت

فضل ريان قاعد بهدوء مسك تليفونو وفتح الانستا وفتح شات رغد وكتب............

__________________________

بقلمي "silvera"

«هل سنعود لبعضنا»

الفصل السادس والاربعون