الفصل الثاني والثلاثون

"بسم الله الرحمن الرحيم"

________________

رغد كانت بتتنفض ودموعها بتنزل وبتتمسك في الجكت

اكنها بتاخد منو القوه قالت: "انا انا كنت مخنوقه وخرجت

اتمشي علي البحر وانا ماشيه وقفني الولد اللي كان مرمي

حاول يقرب مني بعدتو وطلعت اجري منو بس كان اسرع

مني ووانا بجري اتكعبلت ووقعت وهو استغل ده وكان

هيقرب بس ريان ظهر فجاه وضربو وبعديها عطاني

الجكت وكنا هنمشي بس الولد عور ريان فريان عشان ينقذني فضل يضربو لحد ما اغم عليه وريان مقدرش يستحمل بعد كدة"

كانت رغد بتحكي ودموعها سبقا الكلمات

قربت لينا وروميساء وحضنوها

عمار بعد بهدوء بس كانت عينو بطق شرار

قرب سيف منو وقال:" هتعمل اي، واكيد دلوقتي ماما والباقي هيلحظو غيابنا"

عمار لسيف: "خد البنات روحهم علي الشاليه وانا هكلم الياس هجيلي لازم يعرف وبعدين اكيد خلص وكمان تيا اخت ريان هناك واكيد هتسال فروحهم وانا هخلي الياس يجيب تيا ويجي"

رغد بدموع وصوت في رجفه: "عمار انا مش همشي غير لما اطمن عليه"

عمار بهدوء: "رغد مش وقت عناد لازم تروحي وقبل ما ماما وبابا يروحو عشان ميقلقوش واللي هيسال هتقولو ان بلطجي اتهجم علي ريان محدش يجيب سيره ان ريان اتصاب بسبب رغد لحد منشوف هنعمل اي"

رغد بخوف قالت:" بس أنا السبب انو اتصاب خليني قاعدة لحد ميفوق "

لينا بهدوء:'رغد عمار عندو حق دلوقتي روحي وهو هيكون كويس وانتي مش السبب ده قدرو ولو مكنش هو موجود محدش يعرف كان حصل اي تعالي نروح والصبح وعد هاجى انا وانتي "

عمار لسيف: "خدهم وروحو"

سيف بهدوء:" ماشي يلا بينا "

روميساء سندت رغد هي ولينا وطلعو من المستشفى ركبو تاكسي

________________________

في القاعه

________

الخطوبه خلصت

تيا قربت من ايلا وباركتلها وقالت:" ايلا معلش ممكن تسالي الياس علي ريان برن عليه مبيردش ومفرود هروح معاه هو اختفي فجاه قالي هعمل مكلمه وجي بس مرجعش "

ايلا باستغراب: "حاجة غريبه وعمار ولينا وسيف ورغد وروميساء مختفين برضو"

لفت ايلا وقالت لالياس:" هو عمار وروميساء ولينا والباقي فين "

الياس:" والله معارف أنا كنت لسه هسال ماما عليهم"

ايلا بهدوء: "تيا بتقول ان ريان اختفي في نص الفرح بترن عليه مبيردش"

الياس باستغراب:" طب استني هكلم عمار "

رن الياس علي عمار

رد عمار بارهاق وقال:" كنت لسه هكلمك الخطوبه خلصت"

الياس باستغراب: "اه مالك وصوتك عامل كده لي، انتو فين اختفيتو"

عمار بصوت هادي:" الياس اسمعني كويس عاوزك تجيب تيا اخت ريان علي مستشغي هبعتلك الموقع وتخلي بقيت العيله تروح ومتعرفهمش قول انك هتروح تيا لان ريان قالك وهات ايلا عشان ميشكوش وهفهمك بعدين وقول ان روميساء ولينا ورغد وسيف روحو عشان تعبو وروحو"

الياس باستغراب:" هو في حاجة "

عمار:" ريان حد ضربو بمطوه في بطنو وحاليا في المستشفى "

الياس: "خلاص اقفل انا جاي"

قفل الياس وفي نفس الوقت كانت العيله بتسال عمار ولينا ورغد وروميساء وسيف فين

الياس بهدوء: "متقلقوش يا جماعه هما روحو طلعو اتعشو من غيرنا وروحو لان كنا خلصنا عمار كلمني بس انا نسيت خالص وريان قالي ان عندو شغل فقالي لو كدة اوصل تيا"

ليلي بهدوء: "طب يعني مش يقوللنا"

زينب بعصبيه: "بيستهبلو احنا قلقنين وهما ولا همهم"

مرام بعصبيه: "والله لما اروح هبهدلهم"

محمد بهدوء: "خلاص اهدو هما لسه عيال وانتو عارفين طيشهم"

مراد لمحمد: "عندك حق واكيد مش قصدهم يقلقوكم انتو عارفين اول مره يجو وعاوزين ياخدو راحتهم"

الياس لمحمد:" بابا هاخد ايلا معايا هنوصل تيا ونرجع مش هنغيب"

محمد بهدوء: "ماشي بس هي ساعه والقيك في البيت"

الياس:'حاضر "

وبص لايلا وتيا وقال:"يلا "

______________________

في عربيه الياس

_____________

وقف الياس قدام مستشفي

ايلا باستغراب:" انت جيت هنا لي"

الياس بهدوء:" عمار قالي اجي هنا "

تيا بقلق:" هو في حاجة وبعدين انت مش قولت هتروحني جبتنا هنا لي هو ريان حصلو حاجة "

الياس بهدوء: "تيا اهدي هو بس اتعور تعويره صغيره وموجود هنا"

تيا بصدمه:" اي اتعور "

نزلت من العربيه ودخلت جري

نزل الياس وايلا وراها

تيا لاستقبال: "في مريض هنا اسمو ريان فين"

البنت بتاعت الاستقبال:" ريان اللي جه متصاب في بطنو موجود في الدور التاني في اوضه العمليات "

تيا بخضه: "اي عمليات"

طلعت تجري علي فوق وصلت وكان عمار قاعد في الطرقه

تيا لعمار: "ريان فين هو كويس صح"

عمار بصلها وقال: "تيا اهدي ريان كويس الدكتور قال انو كويس هما هيخيطولو وهيطلعو"

تيا بدموع: "هو اي اللي حصل"

عمار بصلها وفضل ساكت

الياس باستغراب:"عمار في اي "

ايلا باستغراب:" انا مش فاهمه حاجه "

عمار بلع ريقو وقال:" جماعه لما ريان يفوق كلنا هنفهم "

طلع الدكتور وقال بهدوء:' الحمدلله المريض كويس هننقلو اوضه عاديه ولو عاوزين تخرجو ممكن يخرج بس علي بكرة "

تيا بدموع: "طب ممكن اشوفو"

الدكتور بهدوء: "اه بس خمس دقايق وتطلعي"

تيا وهي بتمسح دموعها: "ماشي"

_____________________________

في الشاليه

__________

كانت رغد غيرت هدومها وقاعده ضمه رجليها لصدرها وحاطه راسه علي رجلها وقاعده تعيط وتترعش

جالها فلاش باك بكل اللي حصل رعشت جسمها ذادت وايدها كانت بتترعش وسننها كانت بتخبط في بعض

خبط الباب فجاه خلاها تتنفض من مكانها

قالت بصوت ضعيف مليان خوف وضعف: "مين"

دخلت لينا وروميساء وقفلو الباب

لينا بهدوء قربت علي رغد وحضنتها قالت بصوت حنين:" انتي دلوقتي في امان محدش هيقدر يقربلك احنا معاكي وجنبك هنا "

روميساء بهدوء: "متخفيش يا رغود احنا حوليكي ومحدش هيسمح ان حد يعملك حاجة وعمار هيجبلك حقق و الحمدلله ان ريان انقذك"

رغد دموعها ذادت وقالت:" لوحصلو حاجة هيكون بسببي انقذني بس ضيع حياتو عشاني هما لي بيعملو كده لي هيستفادو اي انا هفضل خايفه طول حياتي ممكن يكون موقف بسيط بس مرعب أنا كنت حاسه اني هموت أنا لحد دلوقتي خايفه "

لينا عنيها كانت بدمع

روميساء قربت منها وحضنتها هي ولينا وقالت: "احنا جنبك وهنفضل جنبك"

قطع كلمهم تخبيط الباب

قامت روميساء فتحت

سيف بهدوء: "روميساء العيله جايه حاولو تخلو رغد تهدي وانا هقول انكم نمتو عشان كنتو مرهقين وخليكم مع رغد متسبوهاش لوحدها وانا هتصرف"

روميساء بهدوء: "تمام"

نزل سيف وروميساء دخلت وقالتلهم

حاولو يخلو رغد تنام وفعلا نامت بصعوبه بس فضلو جمبها

______________________

في المستشفى في اوضه ريان

_______________________

دخلت تيا وقربت من ريان مع كل خطوه كانت بتنزل

دموعها قربت منو وقعدت علي طرف السرير ومسكت

ايدو وقالت: "ريان قوم انا مليش غيرك في الدنيا دي انت اللي ربتني وانت اللي بقيلي انت ابويا واخويا وكل حاجة ريان انت اكتر حد عارف انا محتجالك قد اي عشان خطري فوق انت عارف اني استحاله اروحلو بعد اللي عملو وبرضو مش هروح وانت مش موجود، عشان كده لازم تقوم لاني بقوي بيك "

مسحت تيا دموعها وقامت خرجت بره

كان الياس وايلا وعمار مستنينها

الياس بهدوء:" تيا هتروحي معانا والصبح هجيبك واروحكم "

تيا بهدوء: "لا أنا هفضل ممكن يصحي فهفضل"

ايلا بهدوء:" تيا ملوش لازمه تقعدي تعالي وهنيجي الصبح يلا حتي ترتاحي "

بعد فتره اقنعو تيا وروحو

________________________

في الشاليه وروحو وكانو كلهم صاحين

دخل عمار والياس وتيا وايلا

استغرب الباقي ان تيا معاهم

الياس لايلا:" ايلا خدي تيا واطلعو "

سيف لايلا:" ايلا روحو علي اوضه رغد البنات هناك"

طلعت ايلا وتيا

محمد باستغراب:" هو في حاجة حصله صح "

عمار بلع ريقو وقال:"................. "

__________________________

بقلمي "silvera"

«هل سنعود لبعضنا»

الفصل الثاني والثلاثون