الفصل الثامن والاربعون

"بسم الله الرحمن الرحيم"

________________

وقف عمار وقال بمرح فتحي

فتحت لينا وقالت بفرحه:"واو يا عمار كل ده عشاني

عمار بحب ولو طلبتي نجمه هجبهالك

لينا حضنت عمار وقالت شكرا يا مارو

عمار ضحك ومسك شنطه الهدايه وطلع منها علبه قطيفه بالطول وفتحها كان بداخلها سلسلة مكتوب عليها اسم لينا وعمار بطريقة احترافيه

لينا بفرحه تحفه يا عمار بجد دي احلي حاجة

لمت لينا شعرها وقالت بمرح لبسهالي انا مش هقلعها ابدا

ضحك عمار وقال انتي تؤمري

لبسها عمار السلسله وفتحو بقيت الهدايه مع ضحك عمار وفرح لينا

______________________

في فيلا محمد

___________

سيف وصلهم

محمد بإبتسامة تسلم يابني يلا عقبال فرحك انت وروميساء

سيف بابتسامه يارب يا عمي معلش عاوز روميساء خمس دقايق بس

محمد بهزار خمسه الدقيقه السته انت حر

سيف ضحك وقالو خمسه دقايق بس

دخل محمد وزينب الفيلا

سيف فتح درج العربيه وطلع منو علبه قطيفه

وقال بهدوء بصي يا روسي انا كنت بفكر اجبلك هدية وكده وكنت بتكلم مع عمار وعطاني الفكره دي اتمنا تعجبك

فتح العلبه وكانت سلسله مكتوب عليها اسم روميساء واسمو بطريقه احترافيه بالانجليزي

روميساء بفرحه الله حلوه اوي يا سيف بجد شكرا علي كل حاجة

سيف بإبتسامة رينا يديني واقدر اسعدك دايما يارب

روميساء بفرحه انا هفضل مبسوطه طول ما انت جنبي

سيف ابتشم وقال بهزار طب يلا اطلعي عشان عم محمد ممكن ينزل يمشيني

روميساء ضحكت وقالت باي

مشي سيف وروميساء طلعت

_______________________

في فيلا مراد

___________

رجعت رغد ومراد ومرام الفيلا

مراد بإبتسامة يلا تصبحي على خير يارغود

رغد بإبتسامة مزيفه وانت من اهلو يابابا

طلع مراد ومرام عشان ينامو

ورغد فضلت وقفه وهي حاسه ان الضحكه اللي كانت رسماها علي وشها طول اليوم كانت تقيله اوي عليها كانت مجبره تمثل انها كويسه طلعت اوضتها بهدوء قفلت الباب وسندت ضهرها عليه كانها كانت مستنيه اللحظه دي من بدري

قعدت على الارض ضمه رجليها لصدرها ودفنه وشها بين رجليها نزلت دموعها وهي بتفتكر ان كل اللي حصل هزار كانت مستنيه تشوفو وتفهم منو هو حتي مستناش يشوف ردها قال اللي قالو وهرب

رفعت راسها وقامت غيرت هدومها لبجامه وطلعت تقف في البلكونه كان القمر طالع والجو هو جامد كان شعرها بيطير ودموعها نزله بسخونيه علي وشها همست بصوت مبحوح من العياط: "مكنتش مستنياك تيجي كنت مستنياك تكون موجود "

مدت ايدها لجيب البجامه وطلعت التليفون

نزلت صورتها بالفستان وكتبت:" مش كل اللي نمشي عنهم ضعف ساعات بيكون احترام لنفسنا "

نزلت الاستوري ودخلت الشات بتاع ريان تقراء الرساله للمره اللي متعرفش عددها وفي كل مره كانت بتتوجع اكتر

قفلت التليفون بسرعه وكانها بتحاول تهرب من احساس مش راضي يروح

دخلت غسلت وشها وبصت لنفسها في المرايه لقت وشها شاحت وعنيها دبلانه من العياط ومليانه حزن مش شبه سنها

قالت لنفسها بحزم: "خلاص يارغد اللي مش قادر يواجه او يقعد منستناهوش نكمل حياتنا مش نوقفها"

نامت علي السرير وطفت النور وحاولت تنام

_________________________

في انجلترا

__________

كان ريان واقف في البلكونه الجو كان سقعه بس كان حاسس ان البرود بتاع الجو هيطفي حريقه قلبو

خبط باب الاوضه

دخل ريان وقال بهدوء ادخل

دخلت تيا بهدوء وقالت:" برضو مصمم علي الخطوبه "

ريان بهدوء اه هو ده الصح

لينا بعصبيه الصح انت تعرف اي عن الصح انت اتغيرت اوي يا ريان وبقيت شبه ابوك

ريان بصلها وابتسم ببرود وقال لو خلصتي كلامك خدي الباب واطلعي

طلعت تيا بعصبيه وهبدت الباب

ريان غمض عينو بحزن وقرب من سور البلكونه وسند عليه فتح تليفونو ودخل الانستا لقي رغد منزلي صوره فتحها ولقاها كاتبه: "مش كل اللي نمشي عنهم ضعف ساعات بيكون احترام لنفسنا "

بص لصوره رغد واتنهد وقال بصوت واطي وكلو حزن:" انا مش هينفع احبك بس عمري مهعرف انساكي اسف اني زعلتك بس متاكد انك هتكوني كويسه "

قفل التليفون ودخل وقفل البلكونه

نام على السرير وهو حاسس ان الهروب اسهل من المواجهه حتي لو الوجع فضل معاه احسن من انو يتخذل مره كمان

___________________________

عدي شهرين

__________

رغد بدات تخرج اكتر وتضحك مع لينا وتركز علي مستقبلها بس في كل مره تسمع اسمو صدفه قلبها كان بيدق غصب عنها وكانو بيقولها انو لسه بيحبو

كانت رغد بتحاول تبان قويه بس جواها سوال واحد مش لقيالو اجابه:، هو مشي لانه ماحبهاش؟ ولا لانه حبها وخاف يتخذل؟ "

اما ريان فهو كان بيحاول يتاقلم كان مفكر انو لما يبعد حبو ليها هيقل بس اكتشف انو بيزيد

_______________________

في انجلترا

_________

كان واقف في البلكونه سرحان كالعاده في ولاشي وفي نفس اللحظه

رغد كانت واقفه في البلكونه بصه للسما

اتنين في مكانين مختلفين بس نفس الوجع ونفس السوال:" هل البعد نهايه ؟ ولا مجرد بدايه متاخره؟ هل سنعود لبعضنا حقا؟ "

________________________

بقلمي "silvera"

«هل سنعود لبعضنا»

الفصل الثامن والاربعون