الفصل الواحد والثلاثون

"بسم الله الرحمن الرحيم"

________________

ولسه هيقرب منها لقي حد بيضربو من ضهرو

الشخص: "انا هوريك يا روح امك هعرفك ازاي تستقوي علي بت"

الواد قام من الارض وابتسم وقال بصوت مرح:" ابا اللعبه احلوت "

وبص لرغد وقال:" مش كنتي تقوليلي برضو ان في حد غيري "

ريان مستناش يسمع باقي الكلام وانقض علي الولد ضربو

الولد مكنش قادر يقوم

رغد كانت منهاره وعماله تقول بخوف: "كفايه يا ريان كفايه هيموت كفايه"

ريان سابو وراح لرغد قلع الجكت ولبسهولها شدها من ايدها ولسه هيمشي لقا رغد بتصوت

رغد بصوات :"خلي بالك "

ريان بيلف لقي الولد غرز مطوه في بطنو

رغد شهقت بخوف

ريان حاول يتمالك نفسو وراح ماسك الولد ضربو بالروسيه وقع اغم عليه وطلع تليفونو وطلب النجده

حط ايدو علي بطنو وشد رغد

رغد بدموع وخوف: "الجرح انت بتنزف"

ريان وهو بيحاول يستحمل: "مش مهم لازم اطلعك"

رغد لسه هتتكلم لقتو بيترنح

ريان بصوت خافض: "رغد كلمي عمار"

عطاها تليفونو

مسكتو بايد مرتعشه ورنت علي عمار

_______________________

في القاعه

________

لقي عمار ريان بيرن

رد عمار وقال:" فينك يابني اختفيت فجاه"

رغد بعياط:" عمار الحقني يا عمار ريان بيموت تعالي بسرعه عند البحر اللي بعد القاعه "

عمار بخضه: "رغد انتي ازاي بتتكلمي من تليفون عمار"

رغد بعياط وزعيق: "عمار مش وقتو تعالي بسرعه ريان بيموت"

عمار بخضه: "اي انا جي"

سيف باستغراب:" في اي "

عمار وهو بيقوم: "معرفش رغد بتقول ريان بيموت"

روميساء ولينا اتخضو

سيف وهو بيقوم:" هاجى معاك "

لينا وهي بتقوم: "وانا هاجي"

عمار بتوتر: "جماعه مش عاوزهم يحسو"

روميساء وهي بتقوم:" يلا يا عمار نبقا نقول طلعنا نتمشي يلا "

___________________

عند رغد كان ريان واقع

ريان بضعف مسك ايد رغد وقال: "رغد قولي لتيا انها احسن اخت وحاولت احبها قوللها اني انا اعتبرتها اختي بجد خليها تخلي بالها من نفسها ومتقابلش بابا"

رغد دموعها كانت بتنزل وكانت مرعوبه

قالت بروعب: "هتقوم والله خليك ماسك نفسك عمار جي وهنوديك المستشفى امسك نفسك عشان لينا بالله عليك"

ريان حاول يفضل متحمل نفسو عشان رغد متخفش بس مقدرش يقاوم الغيامه اللي هجمت عليه

رغد لقتو بيسترخي بين ايديها

رغد بخوف شديد:" ريان ريان قومو يا ريان "

فضلت تهز في جامد بس هو متحركش

رغد بدموع وصوات: "حد يلحقنييي بيموت مني حد يلحقتني ريان فوق بالله عليك فوق انا خايفه "

جه عمار يجري علي صوتها وسيف ولينا وروميساء

روميساء لما شافت منظر ريان افتكرت منظر لينا رجعت بخوف وجسمها كان بيترعش

سيف لاحظ خوف روميساء قرب منها وقال بهدوء: "

روميساء ممكن تهدي هو كويس هننقذو مش عاوزك تخافي اهدي "

روميساء دموعها نزلت بهدوء

عمار كان بيحاول يفوق ريان بس مفقش

لينا قربت من رغد وحضنتها

لينا بصوت حاولت تطلعو ثابت: "رغد اهدي كل حاجة هتكون كويسه اهدي"

رغد بصوت مرتعش:" مات مات بسببي بسببي انا مات

عمار بصلهم وبص لسيف وقال سيف تعالي شيلو معايا لازم نودي مستشفي "

عمار قرب من ريان وشالو هو وسيف والبنات مشي وراهم وهما طالعين الظباط كانو جم

عمار للظابط هناخد: "ريان للمستشفي"

الظابط:" تمام هبقا اتواصل معاك من تليفون ريان "

عمار قال:وهو بيوقف تاكسي: "تمام"

ركب عمار ولينا مع ريان وسيف وروميساء ورغد في التكسي الي وراهم

بعد ربع ساعة وصلو للمستشفي اخدو الممرضين ريان

عمار والباقي كانو وقفين قدام الاوضه

قرب عمار علي رغد وقال:" هو اي اللي حصل وانتي كنتي مع ريان ليه وازاي ريان متصاب كده ومين الشخص اللي كان مرمي واي اللي ملبسك جكت ريان "

رغد كانت بتتنفض ودموعها بتنزل وبتتمسك في الجكت اكنها بتاخد منو القوه قالت: "انا انا كنت..............."

______________________

بقلمي"silvera"

«هل سنعود لبعضنا»

الفصل الواحد والثلاثون