الفصل الثالث والثلاثون

"بسم الله الرحمن الرحيم"

________________

محمد باستغراب:" هو في حاجة حصله صح "

عمار بلع ريقو وقال:"خالو بابا ريان انقذ حيات رغد "

مراد باستغراب:" ازاي "

عمار بصلهم وهو محتار

سيف طبطب علي ضهرو وقال:" عمو رغد كانت بتتمشي على البحر وفي ولد كان بيعاكسها وهي زعقت فالولد كان بيحاول بيمسكها لانها طلعت تجري منو بس ريان ظهر وضربو ووهو بيحاول يجري هو ورغد عشان يهربو الولد ضرب عمار بالمطوه في بطنو وودنا المستشفى "

مرام بصدمه ودموع:" اي كل ده حصل وانا كنت فين بنتي فين "

مراد قرب علي عمار وقال بعصبيه: "وانت كنت فين واختك بيحصل فيها كده كنت فين الغريب انقذها واخوها بيسترمح هنا وهناك"

عمار نزل راسو وقال باسف حقيقي:" انا اسف يا بابا "

مراد زقو وقال بعصبيه:" اعمل بيها اي"

محمد قرب من مراد ووقف في وشو وقال: "مراد عمار عمل اللي عليه وهو اكيد لو يعرف ان هيحصل كده مكنش خلاها تطلع و الحمدلله ريان انقذها ملوش لازمه الكلام اللي بتقولو ده "

مرام كانت بتعيط وكانت هتطلع لرغد بس منعها صوت سيف

سيف بهدوء: "طنط لو ممكن متطلعيش لرغد انهارده البنات معاها فوق وكمان عشان اللي شافتو مكنش سهل وممكن متتقبلش انك تعيطي قدامها بكرة اتكلمي معاها تكون اتحسنت "

الياس لمرام: "طنط مرام سيف عندو حق"

محمد بهدوء: "يلا اطلعو ريحو والصبح نروح لريان"

سيف والياس اخدو عمار وطلعو

ليلي قربت علي مرام وقالت: "اهدي مينفعش تعيطي قدامها عشان نفسيتها وهي الحمدلله انها كويسه وان ريان انقذها"

زينب لمرام:" ليلي عندها حق "

قربت ليلي من مراد وقالت:" هقول حاجة ليك عمار راجل ما شاءلله وشخص يعتمد عليه وجدع بلاش تعملو كده عشان ميتعبش نفسيا ويشيل ذنب مش ذنبو ده قدر ومكتوب مش هنغير في حاجة ياريت تحاول تتكلم معاه بهدوء"

سابتهم وطلعت

محمد بهدوء لمراد:" ليلي معاها حق انت ذوتها مع عمار المرادي "

طلعو كلهم عشان ينامو

______________________________

في أوضة رغد

___________

دخلت تيا وايلا

كانو البنات نايمين علي السرير جنب رغد

ايلا قربت منهم وصحت

قامت رغد مخضوضه وقالت:" ريان كويس "

تيا وايلا استغربو سوال رغد

ايلا باستغراب: "انتي تعرفي منين ان ريان تعبان"

رغد قربت من ايلا واترمت في حضنها وقالت وسط دموعها: "اضرب بسببي كان بينقذني وضربو "

تيا بصت لرغد وقربت وقالت:" هو ريان انقذك "

رغد بصتلها وقالت بدموع: "اه وقالي اقولك انك احسن اخت وانو حاول يحبك و انواعتبرك اختو بجد وقالي خليها تخلي بالها من نفسها ومتقابلش بابا"

تيا قالت لرغد: "هو اي اللي حصل"

حكت رغد لتيا كل حاجة

تيا دموعها نزلت وقالت: "يارب يبقا كويس انا مليش غيرو"

رغد قالت بحزن انا اسفه انا السبب

تيا قالت بهدوء:" لا ريان جدع وانا مش زعلانة انو انقذك وانا متاكده انو هيفوق وهيبقا كويس "

رغد حضنت تيا وهي بتحاول تهدي بدلتها تيا الحضن بحب

_________________________

تاني يوم في الشاليه

________________

في اوضه رغد

___________

ايلا قربت من رغد وقالت بهدوء: "هنفضلي حابسه نفسك هنا"

رغد بصوت هادي بس بهتان: "انا السبب كل حاجة حصلت بسببي خطوبتك باظت وريان في المستشفى واكيد العيله عرفت مش قادره اواجه حد ويقولي اني السبب مش قادره حاسه بذنب كبير انو اتصاب بسببي"

ايلا قعدت جنبها وقالت بهدوء: "رغد اولا الخطوبه مباظتش ولا حاجة اصلا معرفناش غير بعديها وريان متصبش بسببك هو انقذك وانا متاكده ان لو حصل كده اكيد مكنش هيتردد يعمل كده ده ظابط ومهمتو حمايه المواطنين وبالنسبه للعيله محدش هيكلمك بالعكس هيراعو انك حالتك النفسيه مش كويسه ولو حد كلمك انا مش هسمح بكده شكلك نسيتيني انا اقدر اقف في وشهم كلهم "

رغد عنيها دمعت وقالت: "ربنا يخليكي لينا يارب"

قطع كلمهم دخول لينا

لينا بمشاغبه: "بتخنوني ومالو ورغد الحقيره دي دلوقتي بتتكلم ده امبارح كان فاضل ابوس رجليها دلوقتي اتكلمتي مهو فعلاً من لقي احبابو نسا اصحابو"

ايلا ورغد ضحكو علي كلمها

وعمار كان وراها قال بهدوء وبصوت كان واطي نسبيا:" طب اي وانا احبابي مش عاوزين يحنو "

لينا اتخضت وقالت بصوت عالي:"بسم الله الرحمن الرحيم انت بطلع منين "

عمار والباقي ضحكو عليها

عمار بضحك: "هكون بطلع منين اكيد من السلم وبدخل الباب من بابو علي فكره"

وغمزلها في اخر كلامو

لينا اتكسفت ومردتش دخل عمار وقرب علي رغد

عمار بابتسامة:" رغود عامله ايه انهارده "

رغد بهدوء:" الحمدلله "

عمار بمرح: "طب يلا قومي اجهزي ويلا هنروح لريان عشان هيطلع هو ماجر الشاليه اللي جنبنا بس تعالي شوفي واشكري بنفسك ونرجع سواء وعشان تيا هتكون معانا"

رغد بهدوء:" حاضر "

قامت رغد

ايلا لعمار: "هو حد عرف بالي حصل"

عمار بهدوء: "اه كلهم قولتلهم بابا زعقلي اني سبتها لوحدها وشيلني الشيله واني السبب ومهمل عادي يعني كالعاده"

ايلا بحزن: "معلش انت عارف هو اكيد كان متعصب عشان رغد وان محدش منكم كان معاها"

عمار بهدوء:" عادي يلا هستناها تحت "

نزل عمار

________________________

تحت كانو كلهم قعدين بيتكلمو مع تيا

ليلي لتيا: "يعني انتي اللي انقذتي لينا"

تيا بهدوء: "ايوة يا طنط يومها اصلا كنت لسه راجعه من انجلترا عشان انا عايشه هناك باجي هنا كل فتره"

زينب باستغراب:" بس ما شاءلله بتتكلمي مصري احسن مننا "

تيا بابتسامة:" مش لغتي الاساسيه اه عايشه في انجلترا بس منساش لغت بلدي انا اتولدت هنا وريان اللي رباني "

مرام بتسائل: "هي مامتك وباباكي عايشين"

تيا بهدوء:" ماما مش عايشه بس بابا موجود "

ليلي: "امال انتي بتقولي ريان رباكي ازاي"

تيا فضلت بصالهم وسكتت شوية وبعدين قالت:" بابا منعرفش عنو حاجة وانا وريان مش اخوات من ام واحده "

زينب بهدوء: "اه فهمت خلاص"

قطع كلمهم صوت عمار

عمار بهدوء: "تيا يلا"

قامت تيا بهدوء وقالت: "شكرا بجد انا حبيتكم حضرتكم طيبين بجد شكرا انكم خفيفتو عني واستضفتوني عندكم"

مرام بهدوء: "انتي زي بناتنا متقوليش كده واحنا هنبقا نيجي نبص علي ريان ان شاءلله"

تيا بابتسامة: "تنوري يا طنط"

طلع عمار وتيا وكان الياس مستنيهم ورغد نزلت بعديهم

_________________________

في المستشفى

____________

في اوضه ريان

____________

دخلت تيا وعمار والياس ورغد

ريان كان فايق مفتح عينو اول ما دخلو حاول يتعدل

تيا بدموع قربت منو وراحت حضناه وقالت بصوت يختلط بدموع: "اخيرا فوقت قلقتني عليك يا ريو"

ريان بإبتسامة:" والله انا كويس قدامك اهو وقاعدلك يا حبيبتي"

عمار بإبتسامة:" حمد الله علي سلامتك يا معلم تسلم مش عارف اقولك اي والله "

ريان بهدوء:" انت بتقول اي يا عمار دي اختي زي تيا وانا عملت واجبي انا حاولت والله اتحمل لحد متيجي بس مش عارف حصل اي "

وبص لرغد وقال:" رغد انتي كويسه حد عملك حاجة "

قربت رغد وعطتو ورد وقالت:" الحمدلله كويسه شكرا بجد مش عارفة لو مكنتش موجود كان حصل اي "

ريان بإبتسامة:" محدش يقدر يعمل حاجة والحمدالله اني كنت موجود وزي مقولت انتي زي تيا "

رغد حست بنغزه كبيره في قلبها وحست بضيق حاولت تداري ده بس ريان قراء ملامحها فضل ريان باصصلها بهدوء بس عنيه كانت بتقول كلام كتير رغد معرفتش تحدتو

الياس بإبتسامة:" انت كويس دلوقتي "

ريان بهدوء:" اه الحمدلله بس عاوز اطلع من هنا"

الياس بهدوء:" ماشي هنزل اخلص الورق واروحك"

قعدو والياس نزل

رغد طول القاعده مضايقه وحاسه بخانقه

جه الياس ونزلو كلهم

________________________

في شاليه الياس دخل الياس وعمار ورغد

مراد بجدية:" عمار تعالي عاوزك"

بصو كلهم باستغراب لمراد

رد عمار بهدوء:" حاضر "

طلعو في الجنينة

مراد مسك ايد عمار جامد وقال:".............."

_______________________

بقلمي "silvera"

«هل سنعود لبعضنا»

الفصل الثالث والثلاثون