الفصل السابع عشر

"بسم الله الرحمن الرحيم"

________________

بصلها سيف بعد مفتكر الخطه وقال بصوت كان هادي بس ممزوج بالم: "روميساء انتي مش غلطانه بالعكس خطتك كانت ماشيه مظبوط......."

سكت واخد نفس وهو بيقول بالم:" انا مضايق من اللي حصل اني معرفتش احمي اختي انتو اعتمدتو عليا بس انا معرفتش احميها..... "

بص في عنيها وقال بهدوء وصوت في حنين:" عمري ما هحملك اي حاجه حصلت، كلنا غلطنا محدش فينا كان يعرف ان النهاية هتكون بالشكل ده"

ابتسمت روميساء من وسط دموعها وقالتلو: "بلعكس انت انقذتني لما كان هيضرب الرصاص عليا وحاولت تسحب لينا بس انت مكنش ينفع تخاطر اكتر من كده انت عملت الي عليك وبالعكس انت قد الاعتماد كفايه انك قدرت تنحكم في مشاعرك وخوفك علي اختك ووديتها المستشفى كفايا انك وقفت قدام طنط واستحملت انهيارها طنط مكنش قصدها تعمل كده بس هي اتصدمت احنا كلنا اتصدمنا واحنا اكتر محدش هيقدر يتخطي الي حصل ده"

بصلها سيف وفضل ساكت بس عينه كانت في عينها، روميساء حست ان سيف هيقول حاجه بس قبل ما ينطق قطع الهدوء صوت عمار

عمار باستغراب: "في حاجه يا روميساء"

روميساء بتوتر: "لا كنت جايه اسال علي لينا"

عمار بخبث:" بقالك نص ساعه بتسالي علي لينا "

سيف بهدوء:" عمار فين النسكافيه دماغي مصدعه "

عمار بضحك:" اهو اتفضل "

روميساء بهدوء:" تصبحو علي خير "

طلعت روميساء

عمار بصلهم وضحك

سيف باستغراب:" في اي بتضحك علي اي"

عمار بابتسامة: "متخدش في بالك بس ابقا خلي بالك لما تيجي تسالك علي لينا تانى يكون الياس هو الي مكاني عشان ساعتها هيخليها تيجي اسالك وانت متجبس"

سيف بغيظ: "حد قالك ان دمك شربات"

الياس من ورا سيف:" احب اقولك ان ابو دم شربات عطي حبت شربات لاختك "

سيف بصدمه:" اي "

عمار بضحك: "قصدو اني اتبرعتلها بدمي"

واكمل بدراما:" يعني دمي بيجري في دمها وهيكون دمها شربات ومسكر زي كده "

سيف بهدوء:" هو انت نفس زمرده دمها "

الياس بهدوء: "شوفت الصدف"

سيف بغيظ وصوت واطي مسموع: "حسبي الله من الف بشري ملقوش غيرك تتبرع"

عمار بابتسامة:" بتقول حاجه ياسيف "

سيف بابتسامة:" بقول ربنا يخليك يارب ومكنتش تعبت نفسك واتبرعت "

الياس بابتسامة خبيثه :" ازاي يعني ، ده عمار كان هيموت ده فرح جدا لما العمليه نجحت وحضن الدكتور والدكتور فكرة جوزها "

سيف بصدمه: "نعمممم جوز مين ده جوز اختي"

عمار بضحك وبجاحه: "وانت تطول شاب طويل وسيم عندو كارزمه كل البنات بتحبو"

سيف بابتسامة:" لا شكرا مش عاوزين "

عمار بخبث:" طيب بقولك صح ياالياس وانا جاي كده شوفت حاجه "

سيف بتوتر: "عمار انا مش هلاقي احسن منك لاختي"

الياس بهدوء:" في اي "

عمار بابتسامة:" لا كنت هقولك وانا جي شوفت قطه واقفه مع كلب قدام فيلتكم "

الياس بعدم فهم: "عاوز اي يعني"

عمار بضحك: "متحطش في دماغك يلا عشان ننام"

الياس بهدوء: "يلا"

طلعو نامو في جناح الياس

______________________

تاني يوم في فيلا الياس

__________________

نزل الياس وسيف وعمار

الياس لمحمد: "بابا هنروح المستشفى عشان لينا هتطلع انهارده وهنشوف ايلا"

محمد بهدوء:" ماشي في حاجه انتو السته هتروحو القسم عشان عاوزين افادتكم "

الياس بهدوء:"حاضر لما ايلا ولينا يطلعو "

زينب لالياس:" هاجي معاك "

الياس بهدوء: "خليكي يا ماما لو مخرجتش هاجي اخدك"

طلعو هما التلاته وراحو المستشفى

_________________________

في المستشفى

____________

ليلي كانت نايمه علي كنبه الاوضه الي لينا فيها قامت لينا ونزلت من علي السرير بهدوء وبرغم وجع الجرح الي انها مصممه تروح تشوف ايلا خرجت من الاوضه بهدوء

في طرقه المستشفى كان الياس وعمار وسيف جم

الياس بهدوء: "هروح اشوف ايلا"

عمار بهدوء:" هاجي معاك "

سيف:" وانا كمان "

راحو باتجه العنايه كان عمار الكتش بتاعو اتفك فوقف

يربطو وهو واقف شاف بنت جايه من اول الممر سانده

علي الحيطه بايد ولايد التانيه علي بطنها وشعرها واقع

علي وشها فضل عمار واقف حس بنبضات قلبو بتعلي

وكانو عارفها رفعت البنت راسها وكان باين علي وشها الارهاق

عمار اتسحر بجمالها بالرغم من انها مكنتش حطه ميكب او اي حاجه

اتجه عمار ليها وقف في وشها وقال بهدوء:" اي الي طلعك من الاوضه وانتي لسه تعبانه "

لينا اتفجعت منو قالت بخضه:" بسم الله الرحمن الرحيم انت بتلطع منين "

عمار بضحك: "من كل حته انتي فيها"

لينا بعصبيه:" متحترم نفسك لوله اني تعبانه كنت وريتك "

عمار بابتسامة وهو مسحور بعيونها:" حته وانتي تعبانه زي العسل قطه شرسه فعلا "

سيف بحده:" في حاجه يا عمار "

عمار اتفجع لف وابتسم لسيف وغمزلو بوقاحه:" كده واحد واحد تعادل يعني "

سيف برفعت حاجب:" تعادل اي انت واقف بتعاكس اختي قدامي انت عبيط يا عمار "

عمار بهدوء وهو بيبصلها: "ياعم واحد وبيعاكس خطبتو انت مالك"

لينا بعصبيه: "خطيبت مين اللهي يخبطك قطر يا بعيد امشي يابني من هنا روح اعمل الهبل ده لوحده غيري الكلام ده مبياكلش عيش معايا"

لينا رغم انها كانت متعصبه كان جواها حاجه غريبه بتتهز كل ما عمار بيبصلها

طلع الياس علي صوتهم

الياس بحده:" في اي"

لينا بعصبيه: "شوف ابن خالك خلي يكشف على دماغو احسن شكلو مريض عقلاني"

سيف بحده: "لينا طلامه كويسه كده تعالي ادخلك تشوفي ايلا"

الياس بهدوء: "ايلا فاقت بس هي لسه مصدومه حاولي تتكلمي معاها بهدوء"

هزت لينا راسها ودخلت معاها وسيف دخل

الياس بغيظ لعمار:" متتلم يابني انت عاوزها تكسر دماغك يعني ده البت كان فاضل تطلبلك الامن اتلم بقا "

عمار بضحك: "حاضر هتلم عشان عيونك الحلوين بس"

الياس بقرف: "جاتك القرف والله كنت سبتها فتحتلك دماغك احسن كنت ارتحت"

عمار ضحك علي كلامو

الياس بهدوء: "هنزل عشان لينا هتلطع وايلا هشوف الدكتور لو كده هطلعها"

عمار بهدوء:" تمام وانا هستنا هنا عشان لو حصل حاجه "

الياس بهدوء: "ماشي"

ونزل الياس

______________________

في العنايه عند ايلا

_______________

دخلت لينا وسيف ساندها وقربت علي ايلا الي مكانتش بتتكلم باصه لفراغ في الاوضه وساكته قعدت لينا علي كرسي كان موجود جنب سريرها ومسكت ايدها

لينا بحزن:" ايلا حمدالله على سلامتك يا حبيبتي..... "

اكملت بغصه: "ايلا احنا من غيرك اتبهدلنا بابا ضربني بالرصاص كنت بمنعو انو يرن علي حسن ويقولو انها خطه عشان ننقذك"

ايلا انتبهت لكلامها وبصتلها بصدمه اتكلمت بصوت ضعيف: "انتي كويسه"

لينا بابتسامة: "انا هكون كويسه لما تقومي وتتكلمي وترجعي ايلا القويه عاوزكي جنبي وناخد حقنا منهم "

اكملت بابتسامة وغمزه:" الياس عمل كل حاجه عشان ينقذك انا معرفش اي الي حصل هنا بس لما كنا في المطعم واتخطفتي وروحنا الفيلا عندهم كان تايه وحزين كان هيسلم كل حاجه لعمو ووعدني ان لو حصلك حاجه هيموت نفسو "

ايلا بابتسامة وهدوء:" بجد "

بصلهم سيف وقال لايلا: "الياس بهدل الدنيا هنا في المستشفى كان قلقان عليكي وعارفه اول مره اشوف حد بيحب حد كده ده عيط انا لما شوفتو اخدت عمو وروميساء عشان محدش يعرف بس قولتلك انتي والاوضه بتاعتو لما نمت هناك استغربت انها معظمها حاجات انتي بتحبيها وصورت هو لمهم بس كان في كام صوره وقعه وعمار قالي الياس فعلا بيحبك و اكتر من الكلام اللي انا بقولو"

ايلا بصتلهم وفضلت ساكته

____________________

خارج اوضه ايلا

____________

كان عمار قاعد مستني الياس سمع صوت دوشه وصوت واحده حس انو عارف الصوت قام وراح مكان مصدر الصوت

ليلي بعياط:" لينا بنتي كانت هنا حد يرد عليا راحت فين حصلها اي "

شفها عمار من بعيد جري عليها وكانت هي دايخه وكانت هتقع مسكها عمار من ايديها

عمار بخوف:" طنط حضرتك كويسه "

ليلي بعياط:" لينا لينا اختفت يا عمار اختفت "

عمار وهو بيقعدها على الكرسي وبيقعد على ركبو قدامها:" طنط ممكن تهدي لينا عند ايلا هي مقالتش لحضرتك "

ليلي بانتباه: "يعني لينا كويسه ولا انت بتقول كده "

عمار:" والله كويسه ممكن حضرتك تهدي "

ليلي بدموع: "طب وديني ليها هي وايلا"

عمار بهدوء:" حاضر تعالي "

مسكها عمار من ايديها وسندها لانها كانت تعبانه

__________________

في اوضه ايلا

___________

كانت ايلا بصالهم وساكته قالت بهدوء:" انا سامحتو هو ملهوش ذنب حسن كان السبب مش فاهمه لي كارهنا مع اننا كنا كويسين معاه انا فعلا رفضت لما قالي عاوز الشركه لان ده تعب بابا وشغلو بس معرفش ان الغل هيخلي يخطفني وكمان ثواني هو اي دخل احمد "

لينا بحزن:" عشان الاتنين هدفهم واحد وهو انهم ينتقمو منك مش انتي دايما بتحمينا من بابا هو اتفق مع حسن عشان ينتقم منك "

قطع كلمهم دخول ليلي وعمار

ليلي بعياط:" ايلا انتي كويسه "

وبصت للينا بعتاب:" كده برضو تقومي من غير متقوليلي انتي عارفه انا قلقت قد اي لولا عمار كان حصلي حاجه "

لينا بصت لعمار لقتو باصصلها بس شال عينو اول ما بصت

لينا حست بلخبطه قلبها بيدق بسرعه مش فاهمه ده خوف

ولا وجع ولا حاجه تانيه ملهاش اسم، هي مش عارفه هو

بيلعب ولا هو فعلا قاصد انو يخليها تلتفت لي

عمار باحراج وابتسامه قرب علي ايلا وقال:" ليو حمدالله على سلامتك كده برضو تقلقينا عليكي انتي بتختبري حبنا ليكي صح "

ايلا بدموع: "عمار انا فكرت اني خلاص كده هموت لما شوفتك انت والياس حسيت بالامان كنت عارفه انكم هطلعوني بس مقدرتش استحمل حسيت بعجزكم بس كنت واثقه فيكم انا كنت خايفه اموت من غير مشوفكم

عمار دموعو اتجمعت في عيني وحضنها وهو بيقول بعد الشر عليكي انتي اختي واكتر كمان انا بحبك اكتر من رغد فعلا حسيت بالعجز وانا عمال احاول اكسر الازاز عشان انقذك بس الحمدلله الظباط كان معاهم سلاح اخدنا وكسرنا الازاز باعجوبه كنا خايفين تروحي مننا الياس مكنش هيسامح نفسو"

ليلي قربت منهم وقالت بهدوء:" ممكن تهدو خلاص كل ده عدا احنا دلوقتي في امان ومحدش فينا حصلو حاجه وكل حاجه هترجع زي الاول واحسن كمان "

لينا كانت واقفه بعيد عنيها دمعت بس مش من تاثرها بالكلام لا لما عمار حضن ايلا حست انو مينفعش يحضن حد اه حست ان مشاعرها بتتحرك نحيتو ويمكن كلامو وهزارو كانو بيهزوها لاكن هي كانت سبته قدامو بس حست بتوهان مش عارفه هل هو بيحبها ولا هي دي طريقتو مع كلو

قطع كلامهم وتفكير لينا دخول الياس

الياس بصلهم وقال بهدوء: "......

___________________

بقلمي "silvera"

«هل سنعود لبعضنا»

الفصل السابع عشر