الفصل الثامن والعشرون

"بسم الله الرحمن الرحيم"

________________

عمار كان هيتكلم بس قطع كلمهم فتحان باب الاوضه

وقفو كلهم بتفاجا

ايلا بتوتر: "خالتو بصي اقعدي وهشرحلك"

ليلي بخوف: "هي لينا مالها ولي كلكم فعدين حوليها وهي نايمه لي"

بصولها كلهم بحزن

ليلي بزعيق: "متردو حصل اي"

قربت علي عمار ومسكتو من هدومو

ليلي بعصبيه: "حصلها اي يا عمار هي مش كانت معاك في العربيه حصلها اي"

قرب سيف من ليلي وبعدها عن عمار

سيف بحده: "ماما ممكن تهدي اكيد يعني مش عمار هو اللي هياذيها انت مفكره عمار زي جوزك مثلا هيضربها بالنار عمار اللي جايه تمسكي في كان هو اول واحد مستعد يضحي بحياتو عشان ينقذها برضو عمار نفسو اللي اتبرعلها بالدم لما كانت في المستشفى وتعب لانهم سحبو من كتير عمار مكنش مجبور يعمل كل ده بس كل ده كانت ذوقيه منو "

كمل بنبره حزينه بعض الشئ:" عمار عمل اللي انا معرفتش اعملو "

ايلا بهدوء: "خالتو لينا جرحها اتفتح وده سببلها اغماء وكان في دكتوره جراحه عطتها بنج وخيطتلها ومفرود شويه وهتفوق"

ليلي سكتت وراحت قعدت جنب لينا

كانت لينا بتفوق

لينا بضعف وعدم تركيز قالت بصوت خافت لاكن كان مسموع لانهم كانو ساكتين:" عمار "

قالت اسمو وكانت عنيها بدور عليه

عمار كان واقف مكانو حاسس بحزن بس قراء اسمو وهي بتنطقو من شفايفها بصلها وابتسم ابتسامه صغيره

ايلا قربت من لينا وقالت بابتسامة:" حمدالله على سلامتك يا لينا"

الياس بهدوء قرب منها وقال:" حمدالله على سلامتك يلا شدي حيلك كده مش من اولها هتفضلي على السرير"

ابتسمتلو لينا بهدوء وقربو البنات عليها

انسحب عمار بهدوء لحظت لينا خروجو بس متكلمتش استغربتو

وانسحب وراه سيف والياس

_________________________

خارج الشاليه وبالتحديد في الجنينه

_____________________________

خرج عمار وقعد في الجنينه وهو بيتامل النجوم

قرب منو سيف وقعد جنبو

اتنهد سيف وقال لعمار:" انا اسف علي تصرف ماما هي انفعلت عليك جامد بس هي عملت كده بسبب خوفها علي لينا عشان كده لمتك علي حاجه انت معملتهاش "

عمار بصلو وقاله بابتسامة صغيره:" انا مش زعلان منها هي زي ماما وماما لو مكنها كانت هتعمل كده بس عاوز اقولك انت مقصرتش اتجاه لينا في حاجه انت عملت كل اللي تقدر عليه انت فعلا اخ يعتمد عليه وراجل بمعنا الكلمه "

قرب الياس منهم وقال بضحك:" ما شاءلله عمار بيقول حكم ده انت ياهناك يا سيف انك بتسمع كلام زي ده من عمار بس الصراحه عمار عندو حق يابخت اللي هتكون من عيلتهم هيشترو راجل فعلا انا فخور فيك انك قدرت تتخطي اللي بيحصل"

ابتسملهم سيف وسكت

بعد مرور القليل من الوقت الياس وعمار دخلو عشان ينامو وسيف قالهم هيقعد شويه

وهو قاعد لقي صوت دافي بيقول:" سيف ممكن اقعد معاك"

رف سيف راسو لقها روميساء بصلها وسرح في شكلها مع ان الدنيا ضلمه بس نور القمر نازل عليها ومخلي شكلها جذاب اكتر

سيف لاحظ انو بصلها كتير حمحم وقال:" اكيد اتفضلي"

قعدت روميساء وقالت بابتسامة: "انا كنت هاجي اول ما طلعت بس لقيتك قاعد مع الياس وعمار"

سيف بهدوء:" ايوه كنا قعدين في حاجه ولا اي"

روميساء بصتلو ورجعت خصله من شعرها وره ودنها وقالت بهدوء:" بص ياسيف انت غلط لما قولت لطنط ان عمار مش زي عمو مهما كان عمو هيفضل بباك "

سيف اتعصب وقال بعصبيه اول مره روميساء تشوفها:" متقوليليش ببايا مفيش اب بيسيب عيالو ويمشي مفيش اب يحاول يقتل بنتو مفيش اب يهدد عيالو انو هيقعدهم في الشارع احنا لولا ايلا كان زمنا في الشارع من زمان انتي متعرفيش حاجه يبقا متتكلميش "

روميساء زعلت من طريقتو قالت بهدوء بصوت واضح الحزن فيه: "انا اسفه"

وقامت عشان تمشي مسكها سيف من ايديها وقال بهدوء عكس العصبيه اللي كان فيها: "روميساء انا بجد اسف مكنش قصدي اني ازعلك بس انتي فعلا متعرفيش انا عانيت قد اي"

روميساء بهدوء: "مش زعلانه بس كنت هقولك ان طنط مهما كان مش هتستحمل تتكلم عن عمو بطريقه وحشه قدمها لانو في الاول والاخر بباكم وكان جوزها فهتلقيها بتزعل عليه"

سابتو ومشت بهدوء

سيف اضايق من نفسو انو زعلها اخد نفس عميق ودخل ينام

_____________________

تانى يوم

_______

اتجمعو كلهم علي الفطار وكانت لينا حالتها اتحسنت

الياس بهدوء: "بصو يا جماعه انا عارف ان مش هينفع تطلعو كتير وكده عشان كده اتفقت مع مصممه هتيجي بكره توريكم تصميم وكده وتشوفو والبروفه ابقو روحلها تكون لينا اتحسنت"

زينب بابتسامة:" طب كويس اصلا احنا مش هنقدر نطلع يادوبك نظبط الحاجات اللي نقسانا"

مرام بصت للينا وقالت بهدوء:" الف سلامه عليكي يا لينو لسه عارفه الصبح من رغد والله "

لينا بهدوء:" الله يسلمك يا طنط"

وبصت لعمار اللي كان بيبص للاكل

ايلا كانت ساكته بتراقبهم و سيف باين عليه التوتر وروميساء الحزن عمار كان شكلو مضايق ولينا باين عليها الحيره

بصتلهم وقالت:" هو في اي مالكم "

بصولها كلهم باستغراب

لينا بهدوء:" في اي فجعتينا "

ايلا وهي بتبصلهم:" ملكم عملين كان حد مات هو في حاجه حصلت انا معرفهاش "

عمار حب يهدي الموضوع ابتسم وقال:" يا ليو انتي مش عارفه الصبح بنصحا بنبقا طيقين نفسنا بالعافيه "

الياس بهدوء:" ملكيش دعوه بيهم "

سكتت ايلا

خلصو اكل وعمار وسيف راحو مع الياس عشان يشوفو تجهيزات الخطوبه

زينب وليلي ومرام وداده رحمه دخلو يحضرو الغدا

محمد ومراد طلعو يقعدو في الجنينه

البنات دخلو اوضه لينا

_______________________

في اوضه لينا

___________

لينا قالت باستغراب:" جماعه عاوزه اعرف حاجه هو بعد ما اغم عليا حصل اي "

روميساء بهدوء:" انتي اخر حاجه فكراها اي"

لينا: "انا فاكره ان عمار قال انتي كويسه بعد كده مش فاكره"

رغد بابتسامة:" ده حصل حاجات كتيره اوي "

لينا باستغراب: "حصل اي"

روميساء بهدوء: "لما عمار سالك فانا مسكت ايدك وبهزك لقيت هدومك مليانه دم رغد اتفجعت وصوتت نزل عمار يجري واول ما فتح الباب وقعتي في حضنو كان بيخبط في وشك مسكتي ايدو واغم عليكي"

لينا كانت بتسمع ومصدومه ومكسوفه قالت بصدمه:" بالله قولي انك بتهزري "

رغد بهدوء:" والله ده اللي حصل وكمان عمار كان خايف عليكي وكنا هنوديكي المستشفى بس ريان جه وكان معاه وحده "

ايلا بابتسامة:" وحده دي دكتوره جراحه مش مصريه اصلا "

لينا باستغراب: "وهو جبها منين"

رغد بضيق قالت:" قال اي انو هي كلمتو وراح جابها من المطار "

روميساء باستغراب: "ومالك مضايقه"

رغد بتوتر: بس اخفتو:" وهضايق لي انا البت معجبتنيش وبس"

لينا بهدوء:" كملو وبعد كده حصل اي "

روميساء:" طبعا معرفناش طنط ليلي بحاجه لما جبناكي هنا كانت طنط فوق غيرنا وجينا قعدنا معاكي طنط ليلي دخلت و...... "

سكتت روميساء

لينا باستغراب:" متكملي "

ايلا بهدوء:" خالتو زعقت في عمار وسيف شد معاها وقالها ان عمار مالوش ذنب وكده "

لينا بحزن:" هي ماما تزعق لعمار لي هو معملش حاجه الجرح واتفتح لوحدو عمار ملوش دخل في كل ده "

روميساء بهدوء:" هو ده اللي حصل"

لينا بفهم:" عشان كده عمار كان قاعد مضايق"

هزت ايلا راسها

سكتو البنات

______________________

في المساء

________

كان عمار في اوضه باب الاوضه خبط

عمار بهدوء ادخل

اتفتح الباب واتفاجا عمار بالي دخل قام اتعدل من علي السرير

وقال بهدوء وابتسامه صغيره: "................"

_________________________

بقلمي"silvera"

«هل سنعود لبعضنا»

الفصل الثامن والعشرون