الفصل السادس والثلاثون

"بسم الله الرحمن الرحيم"

________________

رغد بصتلو وحاولت تتكلم بس حست ان عنيها بتزغلل والرؤيه بقت سودا قدامها

ريان بقلق:" رغد انتي كويسه "

رغد سمعت صوتو وحست بالامان بصتلو وعينها كانت بتفتح وتقفل وقالت بصوت واطي وحروف متقطعه: "ر ي ا ن "

وقعت رغد بس دراع ريان كان الاسرع

ريان شالها رغم وجع جرحو وطلع بيها

في عربيه ريان عمار وتيا كانو قاعدين في العربيه

تيا لعمار: "انت في كليه"

عمار بهدوء:" لا مخلص وفاتح شركه انا والياس "

تيا بابتسامة: "حلو انك معتمد علي نفسك "

عمار بإبتسامة: "يعني الزمن علمنا نعتمد علي نفسنا وانا مبحبش اشتغل عند حد وكده وانتي بتشتغل فين "

تيا بابتسامة:" في انجلترا بعد مخلصت دراسه هنا اشتغلت هناك والحمدالله عندي مستشفي خاصه بيا وحاليا مخطوبه لشريكي في المستشفى التانيه "

عمار بضحك: "ما شاءلله مخطوبه لشريكك يلا يبقا شريك شغل وحياه"

تيا بابتسامة: "ايوه وانت مش خاطب"

عمار بإبتسامة: "يعني نعتبر نقول مستني الرد من شريكه حياتي "

تيا بابتسامة: "لينا صح "

عمار بأستغراب: "هي اه بس عرفتي ازاي"

تيا بابتسامة: "خوفك عليها يوم ما كان جرحها مفتوح كنت مفكراك خطيبها او جوزها بس لما سالت ريان قالي لا وانكم قرايب "

عمار بإبتسامة: "ما شاءلله مفضوح وانا اقول ابويا كان قصدو علي مين كده عرفت العيله كلها شكلها هتكون عارفه معاده الحوله اللي عاوزها "

تيا بضحك: "علي فكرة لينا بنت كيوت اوي وبجد انتو الاتنين رايقين علي بعض اوي خليك وراها البنت بتكون عاوزه الولد اللي يفضل جمبها حته لو قالت امشي بتكون مستنيه منو انو يفضل و.... "

وقفت تيا كلام وقالت بخضه: "عمار الحق ريان شايل رغد"

نزل عمار وتيا جري

عمار بقلق: "في اي حصلها حاجة"

ريان بخوف: "مش عارف"

تيا هاتها في العربيه بسرعه

قرب ريان من الكنبه اللي وراه وحط رغد وتيا بدات تفوقها

عمار بخوف:" تيا رغد فيها حاجة"

تيا بهدوء:" اولا حصلها اغماء ممكن من الخوف واعاده المشهد متنسوش هي مش هتنسي في يوم وليله نبضها كويس "

بدات تيا تفوقها

بعد خمس دقايق

فتحت رغد عنيها بهدوء

ريان بهدوء: "رغد انتي كويسه"

بصتلو رغد بتوهان وهزت راسها

عمار بخوف: "تروحي المستشفى طيب"

هزت رغد راسها بلا

ريان بهدوء: "طب يلا خلينا نروح وتروح ترتاح"

ركبو كلهم ومشو

________________________

عدي اسبوعين علي ابطالنا

_____________________

رجعو القاهره

رغد بقت احسن من الاول وكل اللي ريان عملو معاها بيجي في بالها وتعلقها بريان زاد

لينا لسه مردتش علي عمار ومتلخبطه ومش عارفه تقرر

عمار مستني رد لينا

الياس وايلا كويسين وعلاقتهم بقت اقوي بكل اللي عدو بيه

روميساء وسيف شد وجزم محدش فيهم معترف وكل واحد ملتزم الصمت

_______________________

في فيلا ايلا

_________

كانت لينا قاعده بتفكر في عمار قطع تفكرها صوت خبط على الباب

لينا بهدوء: "اتفضل"

دخلت ايلا بإبتسامة:" مسا مسا"

لينا بضحك: "مروقه صح وجايه تطلعي الرواق ده عليا"

ايلا بإبتسامة: "وانتي تطولي يابت"

نطت ايلا علي السرير وقعدت في وش لينا وقالت بصوت مرح: "اظن سيباكي بقالي فتره"

لينا بأستغراب: "سيباني ازاي يعني"

ايلا بخبث:" سيباكي تقلبيها في دماغك كده انتي يابت مفكرانا عبط ده انتو اكتر اتنين مفضوحين الواد كان مهتم بيكي اوي وخوفو عليكي وكبايه النسكافيه لما كنا في اسكندرية واختفائكم "

لينا بصدمه:" ده انتي بترقبينا بقا "

ايلا بضحك: "والله محصل بس روميساء حكتلي على اللي حصل يوم الخطوبه وكمان يوم النسكافيه كنت نازله اقعد في الجنينة شوفتكم فرجعت تاني استنيتك تحكيلي محكتيش فجيتلك بنفسي اهو"

لينا بتوتر:" طب تعالي نعمل نسكافيه واحكيلك وانا بعملو"

ايلا بضحك: "ماشي لما نشوف النسكافيه دي هتبقا قصه حب من اول كوبايه نسكافيه"

لينا بأستغراب:" قصدك اي"

ايلا بإبتسامة:" هبقا اقولك في وقتها يلا "

نزلو المطبخ عشان يعملو النسكافيه

لينا اخدت نفس وقالت وهي بتحضر: "ايلا انا بجد مش عارفه عاوزه اي عمار يوم خطوبتك جه وقالي انو بيحبني وعطاني خاتم وقالي لما اكون موافقه البس الخاتم وهو هيفهم وهيجي يتقدم ولو لا هيكون احسن اخ ليا وهيجوزني بنفسو"

ايلا بصدمه: "اي"

لينا بهدوء:" كنت عاملة زيك كنت قاعدة مصدومه ومن ساعتها مش عارفه خايفه يطلع زي بابا خايفه اندم "

ايلا طبطبت عليها وقالت بهدوء:" بصي يا لولو انا اعرف عمار من زمان وزي ما انتي عارفه عمار اخويا في الرضاعه عمار فعلاً راجل وباين انو بيحبك وبيخاف عليكي انتي مشوفتيش كان هيتجنن ازاي لما اغم عليكي في العربيه وطول ما كنا في اسكندرية كان دايما خايف عليكي "

لينا بقلق: "مهو ده اللي مخوفني خايفه يكون انبهار تكون علاقتنا دلوقتي انبهار"

ايلا بهدوء: "انا شايفه انك تدي فرصه وتدي لنفسك فرصه"

لينا بحزن: "بس انا مش قادره اتخدع تاني كفاية اني مخدوعه في اكتر حد مفروض يكون سندي وضهري"

ايلا بصتلها بحزن وطبطبت عليها

لينا بإبتسامة:" يلا نشرب النسكافيه وتحكيلي عنك انتي والياس وهتعملي اي يا خاريجه "

ايلا بضحك:" ايوه قري قري يابت ده فضلك سنتين بس "

لينا بغيظ:" انتي محسساني لي انهم اسبوعين "

ايلا ضحكت وطلعو هما الاتنين

______________________

عدي اسبوعين مفيش حاجة حصلت فيهم غير ان الجامعه

بدات وكل واحد اتلهي في جامعتو

رغد هتموت وتعرف اي خبر عن ريان بس مش عارفة

عمار لسه مستني رد لينا

الياس وايلا مبسوطين وبداء تجهيزات في الفيلا بتاعتهم

روميساء وسيف متقبلوش من ساعت مرجعو من اسكندرية

_________________________

في كليه الهندسه

____________

لينا وروميساء خلصو السيكشن وكانو قاعدين في الكفاتريه

وسيف كان قاعد على طربيزه جمبهم

قرب ولد منهم وشد روميساء من ايدها وقال بعصبيه انتي بتروحي تشتكي عليا

روميساء اتفجات وحاولت تفك ايد الولد

سيف شاف كده وقام قرب منهم ومسك ايد الولد وقال بعصبيه: "سيب ايدها واتكلم معايا"

الولد بصلو من فوق لتحت وقال:" وانت مالك متخليك في حالك "

سيف اتعصب وراح شادد ايد الولد جامد وراح موقعو علي الارض وقال بعصبيه:" اوعك تفكر تمد ايدك تاني عليها واتكلم معايا راجل لراجل مش جي تستقوي على بنت "

الولد صحابو قربو من سيف وجم يضربو سيف ضربهم والكافيه اتقلب لساحه ملكمه روميساء كانت منهاره هي ولينا وجه عميد الجامعه واخد سيف والولد وروميساء

لينا رنت علي عمار

عمار بهدوء:" اي يا لينا "

لينا بدموع: "عمار الحقني سيف اتخانق مع ولد والعميد اخدو هو وروميساء كلم الياس وتعالو"

عمار بصدمه: "اي لي"

لينا حكتلو اللي حصل

عمار بقلق:" تمام متخفيش ومتتحركيش من مكانك وانا جي انا والياس"

____________________

في مكتب العميد

______________

العميد بعصبيه:" اي قلت الادب اللي بتحصل دي ازاي تضربو بعض وكمان تضربو بعض في الكفاتريه "

سيف بهدوء:" انا كلمتو بالادب الاول وقولتلو ينزل ايدو "

الولد باستفزاز:" وانت مالك انا بتكلم معاها وبعدين انت اي دخلك كنت من عيلتها انا وهي وكنا بنتكلم وبنتناقش انت اللي حشرت نفسك "

سيف سمع كده ودمو غلي مسك الولد من هدومو وزقو علي الحيطه وقال بعصبيه وصوت بينهج من العصبيه:" اقسم بالله لو ما اتكلمت عليها عدل لكون مكسرك ومهخلي الدكاتره يعرفو يعلجو حاجة فيك "

العميد بعصبيه: "انت بتضربو وانا قاعد انت اي قله الربايه دي انت مفصول وهتعيد السنه عشان تعرف تتعدي على زميلك"

وكمل العميد وهو بيقول للولد: "وانت يا زياد خلاص مفيش حاجة"

زياد بص للعميد وقال وهو بيبص لسيف من فوق لتحت:" بس قليل انو يتفصل وبعدين انا لو بابا عرف حضرتك عارف هيعمل اي "

العميد بلع ريقو وكان هيرد بس قطع كلامو خبط على الباب

زياد بإبتسامة:" اكيد بابا "

راح زياد وفتح الباب

العميد اول ما شاف مين اللي داخل قام وقف بسرعه

دخل................

________________________

بقلمي "silvera"

«هل سنعود لبعضنا»

الفصل السادس والثلاثون