الفصل التاسع والعشرون

"بسم الله الرحمن الرحيم"

________________

اتفتح الباب واتفاجا عمار بالي دخل قام اتعدل من علي السرير

وقال بهدوء وابتسامه صغيره: "طنط ليلي تعالي اتفضلي"

دخلت ليلي وبصتلو قالت بهدوء:" عمار مش عاوزك تزعل منى انا انفعلت عليك امبارح بجد مكنش قصدي اقولك كده انا عارفه انك اكيد مش هتعرض حياتها للخطر بس من خوفي عليها معرفتش اركز انا اسفه يابني "

قرب عمار منها وقال بابتسامة:" متعتذريش يا طنط حضرتك زي ماما ومفيش ابن بيزعل من مامتو وانا عارف ان حضرتك عملتي كده من خوفك علي لينا "

ليلي عنيها دمعت وقالت:" انا اعصابي باظت لما شوفتكم ملمومين بجد متزعلش مني يا عمار انا غلط في حقق بس اعصابي الفتره دي مش عارفه اتحكم فيها "

عمار ابتسم وقال:" والله يا طنط مزعلان من حضرتك وبعدين ده كفايه ان حضرتك جيبتي قطه مقطقطه جميله شبه حضرتك "

ضحكت ليلي

عمار بهزار:" ايوه كده اضحكي خلي الشمس تضحك وبعدين لو مش عوزاني ازعل جوزيني بنتك "

ليلي ضحكت وقالتلو بهزار:" من عنيا انت تأمر"

ضحك عمار وسكتو

ليلي بابتسامة: "انا هنزل وهسيبك تنام عشان يومنا طويل بكره"

عمار بابتسامة:" ماشي"

نزلت ليلي وعمار نزل يقعد شويه في الجنينه

_________________________

في الجنينه

_________

نزل عمار قعد بهدوء بعد مرور نص ساعه

لقي عمار حد بيقعد وبيمد ايدو بمج في نسكافيه

لينا بهدوء:" نسكافيه لقيتك قاعد هنا فعملتلك معايا "

عمار بهزار: "نسكافيه تاني ها هتكبي عليا المرادي ولا اي"

ضحكت لينا وقالت:" انا غلطانه اصدق "

عماربهدوء:"لا ياستي تسلمي مكنش لازم تتعبي نفسك"

لينا بابتسامة:" ولا تعب ولا حاجه "

اكملت بتوتر:" عمار "

عمار بصلها وركز في عنيها اللي كانت باينه مع ضوء القمر

قال:" نعم "

لينا باحراج: "انا عرفت اللي ماما عملتو انا اسفه كل ده حصل بسببي"

عمار بهدوء:" متتاسفيش وانا مش زعلان من طنط وانت مش غلطانه "

لينا بدموع: "بس ماما مسكت فيك بسببي"

عمار كان مسحور بعنيها قال:" لو امسكني العالم باكملو لن اهتز، اللي لجمال عينايكي "

بصتلو لينا وكانت مصدومه من كلامو

عمار فضل باصصلها

لينا اتكسفت وقالت بهدوء:" بعد ازنك هروح انام تصبح على خير"

ابتسم عمار على كسوفها

______________________

عند روميساء لقت باب الاوضه بيخبط

قامت فتحت لقت سيف

سيف باحراج: "انا اسف اني بخبط في وقت زي ده بس كنت عاوز اعتذرلك عن عصبيتي امبارح مكنش قصدي"

ومد ايدو بشنطه هدايه

روميساء بهدوء:" مكنش لي لزوم وانا مش زعلانة "

سيف بإبتسامة:" خدي دي وهعتبرك مش زعلانة"

اخدت روميساء الشنطه منو

قالت روميساء بإبتسامة: "شكرا"

سيف ابتسم ونزل

قفلت روميساء الباب واخدت الشنطه وفتحتها لقت فيها شيكولاته كتير وبلوره جواها تلج وعروسه وولد بيديها ورده ولقت جواب فتحتو

مكتوب فيه:" انا اسف اني اتعصبت عليكي امبارح بس مكنش قصدي والله انا اتعصبت لان انا مش معتبرو اب ومش متقبل اني ابنو انا اسف يا روسي "

ابتسمت روميساء علي دلعو ليها وشالت الحاجه

______________________

عدي اسبوعين

____________

وجه يوم الخطوبه

في الاسبوعين دول

الياس وايلا لقو مكان حلو للخطوبه والفساتين جهزت وكل حاجة كانت كويسه

عمار ولينا عمار طول الاسبوعين مهتم بيها

سيف وروميساء علاقتهم هاديه مفيهاش تطور

اما رغد فريان مرحش من بالها

______________________

في قاعه علي البحر

_______________

كانو كلهم موجودين وصحاب ايلا جم والياس وكان من ضمن صحاب الياس ريان وكانت تيا معاه

كانت الاجواء في قمه الروعه صوت البحر مع الموسيقي مع دقات قلبهم عاطي جو حلو

الياس كان واقف قدام ايلا مسك الميك قبل ما يلبسها الشبكه وقال بسعاده وعين بتلمع من الفرحه: "لتاني مره هقولها قدام العالم كله تقبلي تتجوزيني يا اميره الياس"

مدت ايلا ايدها وابتسمت

الكل كان مبسوط لبسها الياس الشبكه تحت فرحتها وفرحت الباقي

في نص الخطوبه قرب عمار من لينا وقال بهدوء: "لينا ممكن نتكلم بره"

لينا استغربت بس قالت بهدوء:" تمام "

طلعت لينا وكان في كافيه جمب القاعه

دخلو وقعدو

عمار اخد نفس وقال بهدوء:" لينا بصي من غير مقدمات كتير وكده انا عاوز اقولك حاجة "

بصتلو لينا بانتباه وقلبها كان بيدق بسرعه

عمار قال: "انا بحبك معرفش حبيتك امتا بس لقيت نفسي بحبك بحبك جنانك وهدوءك ومشغبتك ليا حبيتك ولما اغم عليكي لما كنا جين خفت اخسرك ولما كنتي في المستشفى استغربت نفسي بس قولت عادي يمكن عشان حسيت انك امانه عندي وكده بس لا حبيتك من غير معاد قلبي اختارك من غير ما ياخد اذني كنت عاوز اخدك في حضني في كل مره كنتي بتعيطي فيها حبيت كسوفك لينا انا بجد حبيتك"

بصلها وقال بابتسامة:" تقبلي تديني فرصه ونبداء حياه جديدة مع بعض"

لينا كانت مصدومه من اللي بتسمعو قلبها كان عامل زي الطبله لدرجه ان عمار كان سمعو مشاعرها كانت متلغبطه مش عارفة تقول اي

بصت لعمار وقالت بصوت واطي وفي بعض الهدوء: "......

_______________________

بقلمي "silvera"

«هل سنعود لبعضنا»

الفصل التاسع والعشرون