الفصل الثامن عشر

بسم الله الرحمن الرحيم"

________________

الياس بصلهم وقال بهدوء: "الدكتور قال ان ايلا ينفع تخرج انهارده ولينا قال مفرود هتغير علي الجرح كل يوم وفي علاج هتمشي عليه هنزل عشان بابا هيبعت السواق ونروح تكونو جهزتو"

بص لعمار بغضب وقالو: "عمار تعالي معايا لحد ما يجهزو"

طلع عمار واول ما طلع لقي الياس بيمسكو من هدومو

عمار بخضه: "في اي انا عملت اي "

الياس بغيظ:" انت هتستعبط ادخل القيك حاضنها اقسم بالله لو شفتك حاضنها لكون كاسر ايدك الي حضنتها "

ساب الياس هدوم عمار وعمار بعد شويه وقال باستفزاز:" اختي والله اختي"

الياس بعصبيه:" اختك من ابوك وانا معرفش اتلم وعدي يومك عشان مروحكش علي نقاله ، حرقت دمي اللهي يتحرق دمك "

ضحك عمار فطلعت لينا الي سرحت في ضحكتو بصلها عمار وسكت

الياس بهدوء:" يلا يا عمار "

ومشي ولينا راحت تغير وليلي كانت معاها

____________________

بعد مرور ساعه

___________

وصلو لفيلا محمد

فتح الياس الباب ودخلو كان محمد وزينب وداده رحمه في الصالون

زينب بفرحه اول ما شافت ايلا جرت حضنتها

زينب بدموع: "حمدالله على سلامتك يا حبيبتي ربنا ميحرمنا منك وميجبلك حاجه وحشه انتي متعرفيش خوفنا قد اي عليكي"

ايلا بدلتها الحضن وهي بتعيط

جه محمد وشدها لحضو وهو بيقول: "كل حاجه خلصت مش عاوزك تخافي او تقلقي طول ما احنا معاكي احنا اهلك يا ايلا انتي بنتي انا كنت مستعد اضحي بائي حاجه عشان ترجعي"

الياس حمحم وقال بهدوء وبعض الغيره:" بابا احنا هنطلع علي اوضه المكتب عشان ريان هيجي وهيجيب عسكري معاه عشان ياخد افادتنا عشان لينا وايلا مش هيقدرو يروحو "

محمد بهدوء: "ماشي هستنا لما يجي هجيلكم"

الياس بهدوء:" تمام وخلي روميساء تنزل "

زينب بهدوء: "هطلع انديها تعالي يا ليلي نقعد فوق"

الياس بهدوء: "ماشي"

وبص لداده رحمه وقال داده معلش اعمللنا قهوه

داده رحمه بابتسامة: "من عنيا يا حبيبي"

ايلا طلعت براحه ورغد كانت موجوده سندتها

لينا مكنتش قادره تطلع عشان السلم والجرح

عمار بهدوء:" من وراها تسمحيلي اشيلك لحد اخر الدرج "

لينا برقت بصدمه وقلبها دق بسرعه لدرجه ان عمار كان سامع صوت دقاتو قالت بصدمه وكسوف :" انت بتقول اي لا شكرا "

عمار بابتسامة:" هشيلك والله بدل ما انتي مش قادره تطلعي"

لينا بهدوء: "لا شكرا انا هعرف اطلع "

عمار بهدوء وصوت عالي:" سيف "

لف سيف لعمار: "وقالو يانعم "

عمار بضحك: "وبعدين في العيله الي مش طيقاني دي المهم تعالي شيل اختك عشان مش عاوزاني اشيلها "

كلهم ضحكو ولينا اتكسفت

الياس بغيظ من عمار قال لسيف:" اقتلو يابني نخلص المجتمع من الاشكال دي يعني بجح ووقح "

عمار بابتسامة:" انا برضو وبعدين انا غلطان اني بعمل خير "

سيف بغيظ:" اعمل خير وقص لسانك العسل ده "

عمار بغمزه:" انا مبلاش انت يا سيفو"

سيف بقرف:" سيفو اللهي السيفون يبلعك "

ضحك عمار وسيف شال لينا وطلعو علي اوضه المكتب

_____________________

في المكتب

_________

نزلت روميساء

كانت اوضه المكتب متقسمه المكتب واربع كراسي قدامو وبعيد شويه في كنبه كبيره وفي وشها واحده زيها ومن الجنب اتنين صغيرين وطربيزه

لينا وايلا وروميساء ورغد كانو قعدين علي الكنبه الكبيره وعمار والياس وسيف في وشهم

(بعد ربع ساعه)

____________

باب المكتب خبط ودخل محمد وريان وعسكري

ريان اول ما دخل عينو وقعت علي رغد

رغد بصت وقربت عشان تطلع

ريان بدون وعي:" خليكي قاعده "

رغد باسغراب: "نعم"

ريان ادرك:الي قالو قال باحراج:" اقصد حضرتك مش كنتي معاهم "

عمار سلم على ريان واتك علي ايدو وقال بهدوء: "رغد اختي ولا مكنتش معانا"

ريان باحراج: "اتشرفت بمعرفتها وطلامه مكنتش موجوده خلاص ماشي"

بص عمار لرغد وقال بهدوء: "انزلي يا رغد هاتي قهوه استاذ ريان"

هزت رغد رسها ونزلت

بعد ساعه خلص ريان التحقيق واخد اقوالهم كلهم

ريان بابتسامة: "الجلسه ان شاءلله هتكون بعد اسبوع لازم تيجو كلكم واحب اطمنكم مكسبكم مضمون"

ايلا ابتسمت من وسط دموعها وحضنت لينا وروميساء الي كانو منهارين من العياط

طلع محمد يوصل ريان

____________________

بعد مامشي ريان نزلو كلهم وكان مراد ومرام جم

مراد بهدوء: "ريان قالكم اي"

عمار بهدوء:" قال ان الجلسه الاسبوع الجاي بابا صح انت تعرفو منين "

مراد بابتسامة: "ابو صاحبي انا ومحمد"

عمار بابتسامة: "خلي بالك يا بابا عشان شكلنا هيكون عندنا منسبات كتيره الفتره الجايه"

مراد باستغراب: "اي دخل ريان بمناسبتنا "

محمد بضحك: "والله انت غلبان يا مراد ومخلف بلوه سودا"

عمار راح لايلا وقالها بهزار:" يرضيكي يا ليو الي بيعملو ده قعدين يحفلو عليا "

ايلا بضحك: "خف هزارك وهما مش هيجو جنبك"

عمار بغمزه:" طب بذمتك اخف هزار ازاي وانا شايف الضحكه العسل دي "

الياس كان وشة محمر من الغيظ والغيره كان عاوز يضرب عمار بس ماسك نفسو

اما لينا كانت حاسه باحساس غريب في قلبها احساس انها عاوزه تضرب عمار اضايقت لما لقتو بيهزر مع ايلا

بصت ايلا لمحمد وقالت بهدوء: "عمو محمد انا عاوزه اروح دلوقتي بقينا في امان عمو حسن في السجن وعمو احمد كمان محدش هياذينا"

محمد بهدوء: "بصي انا مش هخليكي تروحي انتي دلوقتي هتطلعي ترتاحيانتي ولينا في اوضه روميساء وسيف هيطلع مع الياس والصبح يبقا يحلها ربنا بس دلوقتي تطلعو ترتاحو"

ايلا باصرار:" عمو معلش انا عاوزه اروح وحضرتك تبقا تيجي بس معلش اروح "

محمد مرضاش يضغط عليها قال بهدوء:" الي يريحك الياس وعمار هيروحوكم "

بص الياس:لايلا بحزن ومتكلمش اخد بعضو وطلع بره الفيلا

طلعت ليلي وداده رحمه يجيبو الشنط وسيف طلع لينا قربت علي ايلا

لينا بهدوء: "ايلا كنتي اتكلمتي مع الياس انتي مش شايفه قلقان ازاي عليكي"

بصت ايلا للينا وقالت بهدوء:" قولي لخالتو اني هستناها بره "

سلمت ايلا علي زينب

زينب بحنان:، هبقا اجي اطمن عليكي "

ايلا بابتسامه: "البيت ينور والله "

وسلمت علي محمد

محمد بهدوء: "انا سبتك المرادي بس المره الجايه لا"

ايلا بضحك: "ماشي"

وسلمت علي مراد ومرام

مرام بابتسامة:" ابقي تعالي هبعت عمار يجيبك تقعدي معانا "

ايلا بابتسامة:" حاضر انا ليا حد غيركم "

رغد بهدوء: "هستناكي"

ايلا بابتسامة:" حاضر ابقي كلميني او انا هاخد الرقم من عمار "

رغد بابتسامة: "ماشي"

طلعت ايلا لقت الياس واقف ساند ضهرو علي العربيه

وراسو للسما كانت الدنيا مغيمه والنجوم في السما

اخدت ايلا نفس طويل وقالت بهدوء: "فاكر لما كنا نطلع على السطح ونعد النجوم كنا بنتسابق مين شاف نجوم اكتر ولما كانت النجوم بتعمل اشكال حيوانات وكنا نخمن"

اكمل الياس بهدوء:" ولما الدنيا كانت تشتي ونطلع نلعب تحت الشتي ونرجع وماما تفضل تزعق علي هدومنا اللي اتبلت "

ضحكت ايلا وقالت:" وكنا ناخد برد وانا كنت اعمل نفسي كويسه عشان ماما تسبني اطلع اللعب معاك انت وعمار "

الياس بص في عنيها وقال بهدوء:" انت سامحتيني "

ايلا بابتسامة: "سامحتك من ساعت ما جيت القاهره وسامحتك اكتر لما جيت وانقذتني كنت متاكده انك هتيجي كنت خايفه احسن متجيش"

الياس بصدق: "انا كان عندي اخسر حياتي ولا اني اسيبك"

ايلا بهدوء:" الياس انا مش عاوزه اخسر اي حد انا خسرت اكتر حاجه بحبها وخسرت اول حب حبيتك من صغري ولما جيت تخطبني حسيت اني اسعد وحده بس كل حاجه اتغيرت في يوم وليله "

الياس بهدوء:" اوعدك المراضي كل حاجه هتتصلح "

كانت ايلا هترد بس قطع كلامهم عمار

عمار بهدوء:" يلا بينا كفايه كلام عشان لينا شكلها تعبت "

ايلا باستغراب:' لينا من امتا الحنيه دي وبعدين انت محرمتش "

عمار بابتسامة: "ده فاتك حاجات كتيره هبقا احكيلك عليها"

ايلا بضحك:'لا ده انا اقعد جنبك وتحكيلي "

الياس بحده: "عمار خد سيف ولينا وانا هاخد ايلا وطنط ليلي وداده رحمه"

عمار بابتسامة: "حبيبي تسلم ياغالي"

الياس بصلو بقرف وركبو العربيات

_______________________

وصلو لفيلا ايلا وكان في عربيتين مصفحين الياس شاور لعمار انو يقف ونزل وبص لايلا وقال:"..........

____________________

بقلمي "silvera"

«هل سنعود لبعضنا»

الفصل الثامن عشر