الفصل السابع والاربعون

"بسم الله الرحمن الرحيم"

________________

فضل ريان قاعد بهدوء مسك تليفونو وفتح الانستا وفتح شات رغد وكتب: "انا اسف اني قولتلك كلام جارح اسف علي كل حاجة، الغلط غلطي بس انا خايف اظلمك معايا يارغد انا اتخدعت واستحاله اثق تاني بتمنالك حياه سعيده وتلاقي الشخص اللي يستحقك فعلا ويقدرك واسف اني زعلتك "

قفل التليفون وقام حضر شنطت هدومو وقرر انو هيسافر ومش هيرجع تاني

_______________________

عند رغد كانت قاعدة صاحيه بتحاول تذاكر

لقت اشعار جالها من الانستا كانت هطنش بس حاجه جواها قالتلها شوفي فتحت الانستا ولقتها من ريان اترددت تفتحا ولا لا بس فضولها غلبها وفتحتها كانت بتقراء الكلام وهي مصدومه انو فعلاً مصمم علي كلامو وانو هيسافر وانو معرفش يحبها

ايدها كانت بتترعش وهي بتقراء اللي مكتوب وقلبها بيدق بسرعه وحست بوجع ونغزه في قلبها دموعها نزلت غصب عنها كان اول حب ليها وكان برضو اكبر درس ليها قفلت التليفون وهي متحطمه وقلبها مكسور ميت كسره قررت تنساه وتعيش حياتها وتركز علي مستقبلها

______________________

عدي شهر على ابطالنا

_________________

رغد حاولت تنسي ريان بس معرفتش

لينا كانت دايما مع رغد وفضلت جنبها

الياس وايلا حددو معاد فرحهم

سيف وروميساء كانو مبسوطين مع بعض

ريان اختفي من يوم قرايه فتحه سيف وروميساء

_____________________

وجه فرح الياس وايلا اخيرا

________________________

كانت القاعه في قمه الجمال كانت حولينها شجر وكان مكان طبيعي وراقي يشبه شخصيه ايلا والياس العيلة كلها كانت حوليهم والماذون كان بيقول جملته الشهيره:" بارك الله لكم وبارك عليكم وجمعا بينكم في خير "

تعالت الزغاريط في القاعه والمباركات لالياس وايلا

الياس ابتسم وحضن ايلا وشالها وقال بصوت كلو فرحه:" واخيراااا بعد كل التعب واللي عدينا لي بقيتي ليا "

ايلا كانت مبسوطه اكتر منو وقالت:" اوعدك المرادي هصدقكك مهما حصل "

الياس بإبتسامة:" انا مش هبعد عنك مهما يحصل ومفيش حاجة هتبعدني عنك غير الموت "

ايلا حضنتو وقالت:" بعد الشر انت اللي بقيلي بعد ماما وبابا "

عمار بص للينا وقال بإبتسامة مجنونه:" لينا معاكي بطاقتك "

لينا بأستغراب:" اه ليه"

عمار بصلها وابتسم وطلع يجري وراه الماذون وقال:" استني يا مولانه استني ارجع "

الماذون باستغراب:" في اي اوعك يكون العرسان رجعو في كلامهم "

كل الموجودين ضحكو

عمار بغيظ:"ياعم تف من بقك ده احنا مصدقنا عموما عاوزك تجوزني "

الماذون باستغراب: "اجوزك معلش والله معنديش بنات"

عمار مسك الماذون من دراعو وقالو:" ياعم انا معايا العروسه هتكتب كتابنا بس"

كلهم ضحكو على جنان عمار

عمار قرب على لينا وقالها: "بصي هنكتب الكتاب مهو انا مش هفضل مستني لحد متخلصي كليه انا حابب نكتب الكتاب عشان نرجع ونطلع براحتنا ميقعدش سيف يقولي اخرك الساعه سبعه كده كل ميكلمني هقولو مراتي"

لينا بضحك:" بس يا عمار لا "

عمار بإبتسامة:" انتي مش واثقه فيا "

لينا بإبتسامة: "واثقه فيك"

عمار بإبتسامة: "خلاص يلا"

لينا بضحك: "مجنون والله"

عمار بضحك:" والمصحف كنت عاقل انتي اللي جننتيني"

قعد الماذون وخلص علي جملته الشهيره:" بارك الله لكم وبارك عليكم وجمعا بينكم في خير "

قام الماذون وقف وقال:" ها يا جماعه حد عاوز يتجوز تاني ولا امشي "

سيف غمز لروميساء وقال:"ها نكتب كتبنا احنا كمان "

روميساء ضحكت وقالت:" لا كده حلوين "

ضحك سيف وقال: "اللي يريحك"

عمار شال لينا وقال:" ايوة كده يا شيخه برضو الحلال حلو "

وبص لسيف وقالو: "عارف لو جيت كلمتني وقولتلي اخرك سبعه هزعلك"

سيف باستفزاز: "وهو حد قالك اني هخليها تخرج اصلا"

عمار وقف مصدوم والكل كان بيضحك علي جنان عمار

اما رغد كانت بتحاول تبان مبسوطه معاهم دورت عليه كتير يمكن يكون موجود بس ملاقتهوش فقدت الامل انها تشوفو وحست ان عمرو مكان بيحبها كانت بتضحك بس جواها بتتحرق

______________________

خلص الفرح ايلا والياس روحو

وعمار راح يوصل لينا وليلي وداده رحمه

ومراد اخد رغد ومرام وروحو

وسيف اخد زينب ومحمد وروميساء يروحهم

______________________

في فيلا ايلا

__________

عمار وصلهم

نزلت ليلي وداده رحمه

عمار للينا لينا ممكن نتكلم

لينا بإبتسامة اكيد

عمار بإبتسامة اوعك تكوني زعلتي ان كتبنا الكتاب انهارده

لينا بهدوء لا مش زعلانة بس حسيت ان كنت محتاجة بابا في يوم زي ده بس انت جنبي وسيف وعمو مراد وعمو محمد مقصرتوش بجد شكرا ليكم

عمار بإبتسامة مش عاوزك تخافي طول ما انا جنبك وجيبلك حاجة صغيره

لينا بإبتسامة اي

عمار بإبتسامة غمضي عينك

لينا غمضت عينها

عمار نزل فتح صندوق العربيه وجاب بوكيه ورد وعلبه هدايه وشنطه هدايه صغيره

رجع وفتح باب العربيه من نحيه لينا وقال بإبتسامة فتحي بس تنزلي

لينا فتحت عينها

عمار بإبتسامة مد ايدو وقال تسمحيلي مولاتي

لينا ضحكت وقالت اكيد مولاي

ضحك عمار وقالها طب غمضي تاني بقا

غمضت لينا ومشت مع عمار براحه

وقف عمار وقال بمرح فتحي

فتحت لينا وقالت بفرحه:".........

________________________

بقلمي "silvera"

«هل سنعود لبعضنا»

الفصل السابع والاربعون